2020 October 22 Archive - People's Balita

November 9, 2024
Search in People's Balita
Ang Diyaryong Pinagkakatiwalaan

Archive for October 22nd, 2020

Lahat ng rail lines dinagdagan ang kapasidad ng mga pasahero

Posted on: October 22nd, 2020 by @peoplesbalita No Comments

PINAGUTOS ni Department of Transportation (DOTr) Secretary Arthur Tugade sa rail sector na dagdagan ng paunti-unti ang maximum na kapasidad ng mga trains upang makapagsakay pa ng mas madaming pasahero.

Sinimulan noong Lunes ang pagdagdag ng kapasidad ng Metro Rail Transit Line 3 (MRT3), Light Rail Transit Line 1 (LRT1), at Light Rail Transit Line 2 (LRT2) kasama rin ang Philippine Na- tional Railways (PNR).

Magiging 30 percent ang maximum passenger capacities ng mga rail systems mula sa dating maximum capacity na may range na mula 13 percent hanggang 18 percent. Unti-unti ito ay magiging 50 percent.

Nagkaron ng adjustment sa marks sa loob ng trains upang bigyan daan ng social distancing ng mga pasahero dahil sa pagdadagdag ng kapasidad.

Ayon kay DOTr undersecretary for railways TJ Batan nagbilin si Tugade na dapat ay dahan-dahan ang pagdadagdag sa kapasidad ng mga train at siguraduhing ipatutupad ang 7 commandments upang maprotektahan ang kalusugan ng mga pasehero.

Ang MRT 3 ay magdagdag muna ng kapasidad mula 30 percent kung saan magsasakay ito ng 372 na pasahero kada passengers per train set mula sa dating 13 percent o may 153 na pasahero per train set.

Kung maipatupad naman ang 50 percent na karagdagan pasahero, ito ay magsasakay ng 591 na pasahero per train set. A n g train speed ng MRT 3 ay tumaas din at naging 40 kph mula noong October 1 mula ng matapos ang installation ng new long-welded rails sa lahat ng MRT 3 stations. Dahan-dahan din na itataas ang train speed ng 50 kph sa November at 60 kph sa December.

Sa LRT Line 1, nagdagdag din sila ng passenger capacity ng 30 percent na makapagsasakay ng 370 na pasahero per train set. At kung itataas pa ng 40 percent, 495 na pasahero ang puwedeng maisakay per train set at 620 naman kung 50 percent.

Ang LRT Line 2 naman ay makapagsasakay ng 486 na pasahero per train capacity sa 30 percent na kapasidad, 652 na pasahero sa 40 percent, at 814 sa 50 percent. Sinabi ni Light Rail Transit Authority (LRTA) Administrator Reynaldo Berroya na ang ginawang pagdadagdag ng kapasidad ay makakasiguro na mas madaming mga mangagawa ang makakapasok sa kanilang mga opisina sa Metro Manila at mga karatig na lugar na unti-unting nagbubukas ng ekonomiya sa ilalim ng general commu- nity quarantine (GCQ).

“We welcome this new development from the DOTr and we assure compliance. This eased physical distancing rule and increase in train capacity will benefit greater number of our valued commut- ers while also supporting the country’s journey towards economic growth and recovery,” sabi ni Berroya.

Habang ang PNR naman ay nagpatupad ng 30 percent na kapasidad kada rail line’s train models. Sa 30 percent na kapasidad, ang PNR ay makapagsasakay ng 179 na pasahero per train set para sa DMU ROTEM model; 167 pasahero sa DMU 800; 228 sa DMU 8100; at 302 sa EMU model.

Ayon sa DOTr mahigpit nilang ipatutupad ang 7 Command- ments sa loob ng mga trains. May mga train marshals ang ipakakalat sa loob ng trains upang masiguro ang mahigpit na pagsunod ng mga pasahero.

Ang 7 Commandments ay ang mga sumusunod: wear face masks at face shields; walang paguusap at tatawag sa mga cp; walang kakain; dapat ay well ventilated ang mga PUVs; parating magkaron ng disinfection; walang pasahero na may COVID-19 symptoms ang papayagan sa loob ng public transportation; at tumupad sa tamang physical distancing. (LASACMAR)

Ads October 22, 2020

Posted on: October 22nd, 2020 by @peoplesbalita No Comments

CLIPPERS OPISYAL NANG KINUMPIRMA ANG PAGKUHA KAY LUE BILANG HEAD COACH

Posted on: October 22nd, 2020 by @peoplesbalita No Comments

OPISYAL na ring inanunsiyo ng Los Angeles Clippers ang pagkuha nila kay Tyronn Lue bilang bagong head coach ng koponan.

Una nang lumutang ang naturang isyu noon pang nakaraang linggo.

Pero ang team ay nagtakda ng schedule sa Huwebes para ihara.

Pero ang team ay nagtakda ng schedule sa Huwebes para iharap si Lue sa mga mamamahayag.

“We found that the best choice for our team was already in our building,” bahagi pa ng statement ng Clippers. “As head coach, Ty will put a unique imprint on the organization, and drive us to new heights.”

Kung maaalala si Lue ang assistant coach ni Doc Rivers.

Pero sinibak si Rivers matapos madiskarel ang kanilang 3-1 lead sa Nuggets.

Agad din namang kinuha si Rivers ng Sixers bilang kanilang bagong coach.

Ang 43-anyos na si Lue ay dati nang head coach ng Cleve- land Cavaliers nang magkampeon sila kasama si LeBron James noong taong 2016.

Nagposte si Lue ng 128-83 record sa loob ng apat na seasons sa Cleveland.

“We have work to do to become champions, but we have the motivation, the tools, and the support to get there,” ani Lue sa kanyang pahayag. “I’m excited to get started.”

Spence, interesado pa ring makaharap si Pacquiao

Posted on: October 22nd, 2020 by @peoplesbalita No Comments

HINDI pa ring natatangal sa listahan ni Errol Spence na makaharap sa boxing ring si Filipino boxing champion Manny Pacquiao.

Sinabi ng World Boxing Council at Intercontinental Boxing Federation (IBF) champion, na nanatili pa rin si Pacquiao sa listahan na nais niyang makaharap.

Isa aniyang karangalan na makaharap aniya ang boxing legend ng Pilipinas.

Labis ang ginagawa ngayoni ni Spence ng paghahanda para sa laban niya kay Danny Garcia sa Disyembre 5 sa Texas.

Magugunitang naayos na ang laban ng fighting senator kay UFC star Conor McGregor sa 2021.

Halos P1.5M shabu nasamsam sa 6 na miyembro ng “Onie Drug Group”

Posted on: October 22nd, 2020 by @peoplesbalita No Comments

NASAMSAM sa anim na miyembro ng umano’y notoryus na “Onie Drug Group” na nag-ooperate sa northern area ng Metro Manila at Bulacan ang halos P1.5 milyon halaga ng shabu matapos ang matagumpay na buy-bust operation ng pulisya sa magkahiwalay na lugar sa Caloocan city at San Jose Del Monte (SJDM) city, Bulacan.

Ayon kay Northern Police District (NPD) Director P/Brig. Gen. Ronaldo Ylagan, ang pagkakaaresto kay Rowena Lutao, 35, Ronaldo Rufo, 21, kapwa ng Brgy. Paradise III, Tungko, SJDM City, Renato Tumalad, 46 at Lorna Manalad, 50, kapwa ng Caloocan city, ay mula sa naunang operation ng District Drug Enforcement Unit (DDEU) sa pangunguna ni P/Capt. Ramon Aquiatan, Jr. sa Caloocan city.

Bandang 9:30 ng gabi nang maaresto ang apat na miyembro ng Onie Drug Group sa koordinasyon kay SJDM city police chief P/Lt. Col. Crizaldy Conde sa 40 Purok 4, Brgy. Paradise III, SJDM city matapos bentahan ng mga ito ng P6,000 halaga ng shabu ang isang police poseur-buyer.

Nakumpiska ng operating team sa mga suspek ang humigit- kumulang sa105 gramo ng shabu na tinatayang nasa P714,000.00, ang halaga, isang cal. 9mm pistol na may magazine at kargado ng pitong bala, cal. 38 revolver na kargado ng apat na bala at cal. 380 Beretta pistol na kargado ng apat na bala at buy-bust money.

Ani Brig. Gen. Ylagan, alas-7 ng gabi nang unang maaresto ng mga operatiba ng DDEU ang dalawang miyembro ng Onie Drug Group na si Janno Olivar, 28 ng Julian, Felipe at Jhian Nartea, 18 ng Tupda Village, sa buy-bust operation sa Sapang Saging, Julian Felipe, Brgy. 8, Caloocan city at narekober sa kanila ang aabot sa 110 gramo ng shabu na tinatayang nasa P748,000.00 ang halaga at P1,000 marked money na ginamit sa buy-bust.

Matatandaan na noong September 3, 2020 nang masakote ng mga operatiba ng DEU sa buy- bust operation ang leader ng Onie Drug Group na si Renato Perez, alyas “Onie”, 32, No. 1 sa NPD Top 10 drug personality sa Tupda Village, Brgy. 8, Caloocan City at nakumpiska sa kanya ang 110 gramo ng shabu na nasa P748,000.00 ang halaga. (Richard Mesa/Ludwig Lechadores)

PAMAHALAAN, BABAYARAN ANG KALAHATI NG UTANG NG PHILHEALTH SA PRC

Posted on: October 22nd, 2020 by @peoplesbalita No Comments

BABAYARAN ng pamahalaan ang kalahati ng P930.9- milyong utang ng Philippine Health Insurance Corporation (PhilHealth) sa Philippine Red Cross (PRC).

Tiniyak ni Presidential spokesperson Harry Roque na mangyayari ito sa lalong madaling panahon.

Nauna nang sinabi ni Pangulong Rodrigo Roa Duterte na babayaran nito ang P930.9 milyong utang ng PhilHealth sa PRC matapos na ihinto ng humanitarian organization ang pagtanggap ng Covid-19 tests na chargeable sa state insurer.

Ang PRC ang responsable para sa isang milyong COVID-19 tests o 1/4 ng 3.8 milyong test ng bansa.

Sinabi ng organisasyon na hindi na sila tatanggap ng specimens para sa PhilHealth funded- tests P930 milyon sa PRC.

“It’s a matter really of accounting and payment. Di ko lang po masigurado pero parang tumatawad din ata tayo ng kaunti doon sa sinisingil ng PRC na wala naman daw pong problema,” ayon kay Sec. Roque.

“May mga papeles naman na ginagawa but I can assure you that at least half of that will be paid at the soonest time possible,” dagdag na pahayag nito.

Nauna rito, tiniyak ni Pangulong Duterte kay Senador Richard Gordon na babayaran ng pamahalaan ang utang nito sa Philippine Red Cross na aabot sa halos isang bilyong piso.

Sa public address ng Chief Executive, Lunes ng gabi ay sinabi nito na maghahanap ang gobyerno ng pera para mabayaran ang naturang utang.

Magugunitang itinigil ng Philippine Red Cross ang kanilang mass testing matapos umabot na hindi mabayaran ng Philhealth ang utang nito umabot na sa P930 million.

Balak naman ni Senador Gordon, na siyang tumatayong Chairman ng PRC, na imbestigahan ang Philhealth dahil sa hindi pagbabayad sa kanila sa kabila ng Memorandum of Agreement sa pagitan ng Philippine Red Cross at ng state health insurer. (Daris Jose)

Kris, ginawang big deal ang pagiging face ng online selling store

Posted on: October 22nd, 2020 by @peoplesbalita No Comments

ANG daming nag-aabang ng pa-suspense na posting ni Kris Aquino.

Na ang daming nag-antici- pate na television na ang tinutukoy niya. Na sa sobrang excitement at happy rin ni Kris na kinumpara pa nga niya sa kanyang “first love” ang bagong project, e, Shopee lang pala.

Yun ang ilan sa nabasa at narinig naming comments, “Shopee lang pala!”

Well, hindi naman nga siguro masisi si Kris kung sobra ang pagiging emotional nito at sobrang big deal sa kanya ang pagkakakuha to be the face of the online selling store.

Pagkatapos nga naman ng sunod-sunod na tila pag- isnab sa kanya ng ilang networks o ang hindi na pagkakatuloy ng dapat at talk show comeback niya sa TV5, tila silver lining kay Kris ang tiwalang ibinigay sa kanyang Shopee.

Sey nga niya, “you gave me that most special gift, the rare second chance in a lifetime to give the best in me to make the 3 people I need most to see the best version of me, come true for all to see again.” (ROSE GARCIA)

Epekto ng pagtigil ng PRC sa swab testing ng mga OFWs, nakababahala – Bello

Posted on: October 22nd, 2020 by @peoplesbalita No Comments

IKINABABAHALA ni Labor Sec. Silvestre Bello III ang pagtigil ng Philippine Red Cross (PRC) sa kanilang ginagawang swab test lalo sa mga umuuwing overseas Filipino workers (OFWs) dahil sa hindi pa nababayarang utang PhilHealth na umaabot sa P930 million.

Sinabi ni Sec. Bello, umaabot na sa mahigit 4,000 OFWs na dumating sa bansa kamakailan ang stranded sa mga hotels dahil hindi pa naisailalim sa swab o RT-PCR test.

Ayon kay Sec. Bello, kung dati ay nakaka-test sila ng mula 1,000 hanggang 3,000 OFWs kada araw sa pamamagitan ng Red Cross, ngayon ay umaabot na lamang sa 300.

Inihayag pa ni Sec. Bello na kapag mas matagal ang pananatili ng mga OFWs sa Metro Manila, mas malaking pondo ang nagagastos ng gobyerno at matinding perwisyo rin ito sa mga OFWs na gusto ng makasama ang kanilang mahal sa buhay sa mga lalawigan.

Umaasa si Sec. Bello na sana ay maayos agad ang gusot ng PhilHealth at Red Cross lalo mahigit 100,000 OFWs pa ang inaasahang uuwi ngayong taon.

Ikinababahala umano nila na maipon na naman ang mga OFWs sa Metro Manila at maantala rin ang pag-uwi ng iba pang stranded OFWs sa ibang bansa kung hindi maayos ang utang ng PhilHealth sa Red Cross.

PDu30, ipinagmalaki na bumaba ng ilang milyon ang bilang ng mga durugista

Posted on: October 22nd, 2020 by @peoplesbalita No Comments

IPINAGMALAKI ni Pangulong Rodrigo Duterte na bumaba ng ilang milyon ang bilang ng mga drug users o durugista sa bansa sa ilalim ng kanyang administrasyon.

Iyon ay sa kabila ng kanyang pag-amin na nananatili ang Pilipinas “in the thick of the fight against shabu.”

Sa public address ng Pangulo, Lunes ng gabi ay muling binigyang diin nito ang problema sa ilegal na droga sa bansa.

Tinukoy nito ang kamakailan lamang na report ng Dangerous Drugs Board, Duterte kung saan ay pumalo sa 1.67 milyong Filipino na may edad na 10 hanggang 69 ang kasalukuyang gumagamit ng ilegal na droga.

“In the past, ‘yung panahon nina [Ronald] Dela Rosa umabot na ng almost 4 million and how much has been reduced in the use of shabu, I really do not know until now, but we are still in the thick of the fight against shabu,” ayon sa Chief Executive.

Noong nakaraang buwan, iniulat ng Human Rights Watch na ang drug war killings ay tumaas ng 50 percent kahit na nasa gitna ng coronavirus pandemic.

Inulit naman ng Punong Ehekutibo ang posisyon nito na handa niyang panagutan ang pagdanak ng dugo dahil sa drug war sa ilalim ng kanyang kampanya laban sa ilegal na droga.

“You can hold me responsible for anything, any death that has occurred in the execution of the drug war, pero ‘wag ninyo akong bintangan diyan sa patayan na hindi ninyo alam kung sino ang pumatay,” ayon sa Pangulo. Itinanggi naman nito na sangkot siya vigilante killings.

“Payag ako, just charge with the correct indictment. ‘Wag ‘yung basta basta lang kayo magsabi na ‘crime against humanity.’ Kailangan pa naging humanity itong p— inang mga drugs na ito,” diing pahayag ng Pangulo.

Sinabi pa ng Pangulo na nitong nakalipas na mga buwan ay hindi siya nag- commit ng murder o hiniling sa kahit na kaninuman na pumatay.

Samantala, tinawagan naman ng pansin ng Pangulo ang nga magulang na mas pakialaman ang buhay ng kanilang nga anak para iligtas ang mga ito mula sa drug addiction.

“Parents should have also a shared responsibility. Dapat kayo rin ang masisi nito kung… pinabayaan ninyo. Check on your children. Always supervise, check kasi diyan ninyo mapangalagaan ang kapakanan ng anak ninyo,” ayon sa Pangulo. (Bishop Jesus “Jemba” M. Basco)

Sangalang gamay ang Clark

Posted on: October 22nd, 2020 by @peoplesbalita No Comments

PARANG tahanan na ni Ian Paul Sangalang ng Magnolia Hotshots ang Clark Freeport and Special Economic Zone bubble.

At mistulang homecourt na rin ng Pambansang manok big man ang Angeles University Foundation Sports Arena and Cultural Center sa Angeles, Pampanga.

Isinilang sa kalapit na Lubao ang28-year-old, 6-foot-7 center/ forward, masaya lang na nakakalaro sa sariling probinsiya at araw-araw nakikita ang mga Kabalen.

“Pagdating ko dito, parang lahat ng nakikita ko puwede ko kausapin ng Kapampangan,” natatawang pahayag ng eight- year professional veteran cager.

Ang pinagkaiba lang ay walang fans na nakakapasok sa venue maging sa tinutuluyan nilang Quezt Hotel.

“Wala ring masyadong advantage, pero masarap sa feeling nandito ako sa Pampanga. Saka iba ang hangin dito,” panapos na kuda ni Sangalang. (REC)