MASAYANG-MASAYA si Judy Ann Santos dahil ang Mindanao na kanyang pinagbidahan ang napiling official Oscar entry ng Pilipinas para sa International Film Feature.

Post ni Juday sa kanyang IG account, “Sooo much to be grateful for.. congratulations team mindanao! Thank you @certified_judinians for this photo!”

Ilan sa naunang bumati kay Juday ay sina: @ryan_agoncillo, “Wow.”

@iamgladysreyes, “Congrats sis @officialjuday sobrang deserving naman tlaga.”

@josephcmarco, “*Congrats Girl #Ploning @OfficialJuday #krystala beautiful fabulous flawless flawlessly girl judy ann judy anne judy ann santos judy anne santos #judyann #judyannsantos #judyanne #judyannesantos #judai #juday #queenjuday #mindanaothemovie #paanokitamapasasalamatan #realtalk.” ,

@teamjuday, “Congratulations queen! Well deserved!!”

Nag-post naman sina @jerichorosalesofficial at @iammajasalvador, nang hand’s up icons.

Post naman ni @zsazsapadilla, Congrats!!! Pachuchay.”

Reaction naman ng netizens: “GoodLUck Juday!!!sana sana..wishful na mapasama sa Oscars ang Pinas.”

“this is her 2nd time, Ploning Mindanao The Movie.”

“lagi nlang ka juday pinipili. mas gusto ko ung kahit ndi sikat, pro maganda na pelikula. may mga dekalidad tayo na movies na oscar worthy pro ndi pinipili.”

“May movies ba tayo na high quality?”

“sadly marami po lalo na mga indie films. nice sana ung OJT noon 2013 pina sali sa oscar .bago concept nun at ang galing ni joel torre,”

“Congratulations Judy Anne and the whole cast and crew of Mindanao.”

“Tungkol na naman sa kahirapan at giyera sa Mindanao hayz.”

“tungkol naman siguro sa kultura.”

“uso sa foreign films category yan. Korea nga Parasite, India Slumdog Millionaire. Kaya patok din ang patungkol sa kahirapan.”

“Di naman maganda ung film. Overrated.”

“So Redundant! Wala nabang ibang artista?

“Sad to say, wala pang tatapat kay Juday in terms of acting sa bagong generation. Pwedeng hindi niyo gusto yung movie sa ano mang dahilan pero ibang klase talaga ang acting ni Juday. Napakahusay kahit anong genre.”

“mahilig kasi ang network na magrecruit ng pandula dulaan na mga talent kaya ayan, mas magagaling talaga nung time ni Judy Ann.”

“Sa totoo lang ang mga pelikula ni Brilliante Mendoza ay di pang Oscars. Pwede sa Cannes at ibang film festival but not Oscars. Di natuto yung FAP. Di trip ng Hollywood yung films nya. Pustahan tayo this film will not get shortlisted.”

“OK lang basta mapasali sa Oscars malaking karangalan na.

“no it’s not enough na mapasama lang, we should aim high. ang goal dapat manalo kaya tuloy mediocre lang mga pinoy.”

“very true. He makes indie movies lang naman e. No storyline, no script, jerky filming, choppy editing. Very amateurish lang.”

“Yup, to even get an Oscar nomination, you need a very good storyline, capable directing and convincing acting. His films usually don’t have these.”

“Di pa ren makakasali yan Kasama lang sa pagpipilian. Kaya di pa ren mapipili sa official final 5 yan or shortlist man lang malabo pa ren. Di oscar worthy ang mga pelikulang ganyan.”

“nobody saw that movie e. Ano ba yan.”

“trash kasi ng ang pinapanoouod mo.”

“Tapos iyan na naman po yung mangangalap mga pinoy ng simpatya, promotion, etc. para mapansin yung entry, parang yung sa ploning dati na bokya pa din.”

“Deadma nga yan sa Urian e, sa Oscars pa kaya?”

“Kelan ba me naitsamba ang FAP sa Oscars?!?! Parating sablay ang choice! Pag Pnoy kc inuuna ang pamumulitika kesa sa tamang gawain?!?!!”

“I think this movie captures a lot of local pinoy than international viewers – OSCARS seemed too difficult to please by our locally made flicks due to its technical execution aspects.

“A movie cannot stand alone by just one element, the actors who played in it but all should be properly well executed from its storyline, cinematography, editing, sound and set design.

“I think yun ang hindi masapol ng PH flicks meeting The Academy’s standards.” (ROHN ROMULO)

PUMAYAG si Megastar Sharon Cuneta na i-tour ang kanyang condominium unit for the first time through a vlog ng kanyang comedian friends na sina MC Muah Calaquian, Lassy Marquez, and Chad Kinis or her Beks Batallion.

Ipinakita ni Sharon sa tatlo ang dalawa niyang units that occupied the whole floor of the condominium. Una ang tinawag niyang “girly” condo, na siya niyang ginagamit na studio for her own YouTube channel, at iyon din ang storage space niya dahil siya ang may pinakamaraming gamit sa kanilang mag-anak.

Iyong isa pang unit in the floor ay where the family, she, Sen. Kiko Pangilinan and their children Kakie, Miel and Miguel, lives.

“When the elevator door opens it’s our unit na,” sabi ni Sharon. “Yung main door ay pink which is my favorite shade of light pink.”

Kapansin-pansin na puno na ng Christmas decorations ang big living room na, “maaliwalas, relaxing and mabango, mahilig kasi ako sa scented candles, room sprays, reed diffusers, and fresh and dried flowers.”

May design tips din si Sharon para sa tulad niyang condo dwellers tungkol sa different kinds of lighting.

“Wala akong ikinabit na chandeliers… kasi ayokong bumili ng chandelier na baka hindi ko magamit doon sa bahay na ipinagagawa namin ngayon, after waiting seven long years.

“So, if you have a standing light, and they’re all moveable kapag umuupa ka lang. So, kapag lumipat ko, madadala mo.”

Meanwhile, excited na si Sharon and her family na matapos na ang bagong bahay na ipinagagawa nila sa Laguna.

*****

READY na ngayon si Kapuso Drama King Dennis Trillo sa nalalapit nilang lock-in taping ng upcoming GMA series na Legal Wives na gaganap siya bilang si Ishmael, isang Muslim mula sa lahi ng mga Maranaw na iibig at mapapangasawa ang tatlong babae, sina Amirah (Alice Dixson), Diane (Andrea Torres) at Farrah (Bianca Umali).

“Parang nabigla ako nu’ng umpisa pero nang nabasa ko na ang script, ang ganda ng ginawa nila rito. Mai-in love ka sa bawat character, mai-in love ka sa kanilang kultura,” pahayag ni Dennis.

“Ang character ko, naiiba ang kanyang paninindigan, siya iyong tao na iidolohin mo dahil iba siyang magmahal, bawa’t tao sa paligid niya kaya niyang pakitunguhan. Kaya siguro nabigyan siya ng pagkakataon na magkaroon ng tatlong iibigin dito sa kuwento dahil mapagmahal siyang tao.” (NORA V. CALDERON)