- July 5, 2024
-
Search in People's Balita
Ang Diyaryong Pinagkakatiwalaan
Archive for November, 2020
SEA Games hosting ng Pilipinas pinuri ng foreign sports officials
Inaasahan ng mga foreign sports officials na mapapakinabangan nang husto ng mga Filipino athletes ang “state-of-the-art” na New Clark City sa Capas, Tarlac.
Ang nasabing venue ang ginamit sa matagumpay na pamamahala ng Pilipinas sa 30th Southeast Asian Games noong Disyembre kung saan hinirang na overall champion ang Team Philippines.
Pinuri ni Ibrahim Nada, ang Technical Director ng Athletics Stadium and Aquatics Center sa Aquatic Complex sa New Clark City, ang nasabing modernong pasilidad.
Sinabi ng Malaysian official na lalo pang magsisikap ang mga Pinoy swimming at diving teams na mag-ensayo dahil sa makabagong aquatic center.
Noong 2019 SEA Games ay sumabak ang 135 atleta mula sa 11 member countries sa swimming, diving, water polo at artistic swimming sa naturang Aquatic Complex.
Nagpasalamat naman sina Harry Warganegara ng Indonesia Olympic Committee at Kunihito Morimura, ang president at Chief Executive Officer ng Dentsu Sports Asia, sa Philippine Southeast Asian Games Organizing Committee (PHISGOC) dahil sa matagumpay na pangangasiwa sa 2019 SEA Games.
Tiniyak nina Warganegara at Morimura na muli silang babalik para makita ang pagbabago sa ‘sports landscape’ ng bansa.
Ang 31st edition ng SEA Games ay pamamahalaan ng Vietnam sa susunod na taon.
Matapos namang isumite sa pamunuan ng Philippine Southeast Asian Games Organizing Committee (PHISGOC) ay nakatakda namang ibigay ni PHISGOC Chief Operating Officer Ramon Suzara ang kanilang Final Report Book sa SEA Games Federation.
RTC JUDGE ABADILLA, BINARIL NG RTC CHIEF CLERK OF COURT
KRITIKAL ang isang Judge ng Regional Trial Court (RTC) nang pagbabarilin ng Hepe ng Court of Clerk sa loob ng kanyang tanggapan sa Manila City Hall, Manila.
Kinilala ang biktima na si Hon, Maria Theresa Abadilla y Samonte, 44 Judge ng Manila RTC Branch 45 habang kinilala ang suspek na si Atty Amador Rebato y Bustamante, 42, RTC Branch 45, Chief of Court Clerk na sinasabing nagbaril din sa sarili matapos ang insidente.
Sa inisyal na ulat, dakong alas-2:45 ng hapon nang naganap ang pamamaril sa loob ng Room 535 Branch 45 , 5th floor ng Manila City Hall.
Ayon sa saksi, nasa loob umano ng nasabing branch ang biktima at suspek nang bigla silang nakarinig ng putok ng baril.
Matapos ang pagbaril ng suspek sa biktima ay nagbaril din sa ulo ang huli kung saan dead on the spot.
Aga namang isinugod sa biktima sa Manila Medical Center kung saan nasa kritikal na kondisyon. (GENE ADSUARA)
Angelica, sinakyan na lang ang pagli-link sa kanila ni Zanjoe
NALI-LINK ngayon sina Angelica Panganiban at Zanjoe Marudo.
Hindi lang kami sure kung dahil ba sila ang magkapareha sa serye at magkasama sa lock in taping o dahil sa sagot ni Angelica sa kanyang online show na “Ask Angelica” kung sino sa lahat ng leading men niya ang pinaka-favorite niya.
O baka dahil sa mga hint na hirit ng mga kaibigan niya na may special someone ang actress sa online birthday show nito?
Naging madali na isiping si Zanjoe ang bagong boyfriend ni Angelica dahil sa closeness nila, pero posible rin ang naging pahayag ni Angelica na sa mga naging leading men niya, si Zanjoe raw ang pinaka-favorite niya.
Aniya, “Favorite kong leading man, madali lang ‘yan, si nguso, si Zanjoe. Gustong-gusto ko yung rapport naming dalawa. Mapa- comedy, ngayon nasubukan ko siya sa drama.
“Masarap kasi kapag kaibigang- kaibigan mo ang katrabaho mo, wala talagang ilangan.”
At aware na nga si Angelica na si Zanjoe ang hinihinalang bagong boyfriend niya. Kaya naman sinakyan nito at humirit din.
Sa pamamagitan ng kanyang IG stories, pinost ni Angelica ang picture ni Zanjoe habang nasa loob ng sasakyan with caption na, “sinalubong ako ng rumored boyfriend ko.” Kasunod ang mga laugh emojis.
*****
TAMA ang hula namin na ang local band na December Avenue ang isa sa magiging special guest ng Asia’s Multimedia Star na si Alden Richards sa kanyang “Alden’s Reality The Virtual Reality Concert”
Sa December 8 na ito at bahagi ito ng 10th anniversary celebration ni Alden sa showbiz. Kung nagkataon at hindi nangyari ang pandemic, tapos na sana ito at sa Araneta Coliseum sana.
Pero hindi man natuloy si Alden sa Big Dome, mas naging malaki pa ang venue niya dahil sa unlimited capacity ng online. Na hindi lang mga nasa bansa ang puwedeng manood, maging mga fans ni Alden sa iba’t-ibang panig ng mundo.
At sa mga interesadong makapag- purchase ng tickets, punta lang sa www.GMANetwork.com/syn- ergy at mag-create ng sariling account.
*****
ANG Kapuso star na si Myrtle Sarrosa yata ang isa sa mga artistang masasabi naming madaling nag-adapt sa new normal.
Mapa-online gaming, visible si Myrtle. At kahit sa mga online shops tulad ng Lazada at Shopee kunsaan, do’n niya napu-push ang pagiging ambassadress niya ng Sister’s Sanitary Napkin.
At heto nga, bukod sa tinatapos niyang pelikula sa Borracho Film Productions ni Attorney Ferdinand Topacio, ang 26 Hours: Escape from Mamasapano ay may pa-virtual concert na rin siya na produce rin nito.
Ang “Myrtle Still Love Me” sa November 28 at 8 p.m. at mabibili ang ticket sa ticket2me.net. Sa mga hindi nakakaalam, isa si Myrtle sa mga artistang ang following ay talagang sa social media o online. (ROSE GARCIA)
Guidelines ng motorcycle taxis inaprubahan ng DOTr
Binigyan ng go-signal ang muling pagbabalik ng motorcycle taxis matapos na aprobahan ng Department of Transportation (DOTr) ang guidelines upang masiguro ang kalusugan at kaligtasan ng mga pasahero at drivers nito laban sa COVID-19.
“We want to have motorcycle taxis back on the roads to help our fellowmen in their transportation needs. We also assure the public that the minimum standards and protocols will be enforced,” wika ni DOTr assistant secretary sa road at infrastructure Mark Steven Pastor.
Ayon naman kay National Action Plan against COVID-19 deputy chief implementer Vince Dizon na ang operational guidelines ng motorcycle taxis ay inaprobahan noong nakaraang Linggo.
Kasama sa guidelines ay ang kailangan paglalagay ng barriers na tutugma sa specifications na inaprobahan ng Inter-Agency Task Force for the Management of Emerging Infectious Diseases.
Ang mga pasahero ay kailangan magdala ng kanilang sariling helmet na may specifications na aayon sa pinatutupad ng Land Transportation Office (LTO).
Maliban sa pagsusuot ng face masks at helmet, sinabi rin ni Dizon na kailangan na ang mga motorcycle riders ay sasailalim sa regular testing para sa COVID-19.
Ang mga motorcycle taxi operations tulad ng Angkas, JoyRide, at MoveIt ay kinailangan din na magkaron ng cashless transactions upang maiwasan ang pag-gamit ng pera.
Bago pa ang lockdown noong March, ang pag-aaral tungkol sa motorcycle taxis ay ginagawa na upang malaman kung dapat ito na maging isang public transport dahil sila ay hindi puwedeng mag operasyon sa ilalim ng Republic Act 4136 o ang tinatawag na Land Transportation and Traffic Code.
Sinabi naman ni Sen. Grace Poe na ang pagbabalik ng motorcycle taxi sa operasyon ay makakatulong upang madagdagan ang public transport at upang maibsan ang paghihirap ng mga commuters sa pagsakay lalo na ang mga mangagawa na nagsisikap na magkaron ng kita sa araw-araw kahit na may pandemic.
Nilinaw naman ni Poe na siyang chairman ng Senate committee on public services, na ang guidelines ay kinailangan malinaw at mahigpit na tutupad sa health at safety protocols upang masigurado na ang riders ay protektado sa buong trip.
“Regular disinfection, wearing of face mask and using own helmet are among the measures that would be complied with by the riders. Safety remains the primordial concern as motorcycle taxis return to the streets,” ayon kay Poe. (LASACMAR)
Pacman sa 6-hr creation process ng kanyang wax figure: ‘That’s what makes them so realistic’
MAGKAHALONG pagkalibang at pagkagulat ang naramdaman ni Senator Manny Pacquiao sa buong proseso ng paggawa sa kanyang wax figure.
Pahayag ito ni Manny sa nakatakdang launching ng kanyang sariling waxwork mula sa tanyag na wax museum sa Hong Kong.
Ayon sa 41-year-old fighting senator, inakala nito na matagal na ang dalawang oras pero nasagad pa sa anim na oras ang pag-measure sa bawat parte ng kanyang mukha at katawan.
“The Madame Tussauds team made it very fun and they were friendly and they helped me throughout so I was at ease with the whole team,” ani Pacquiao kay Madame Tussauds Hong Kong Marketing Head Bobo Yu.
Nabatid na si Pacman ang unang lalaking Pinoy na ginawan ng wax figure ng Madame Tussauds, bagay na isa aniyang karangalan.
“I really appreciated it. Madame Tussauds Hong Kong is a home to wax figures of cultural icons, superstars, celebrities while being a cultural icon itself,” dagdag ng mister ni Jinkee Pacquiao.
Si 2015 Miss Universe Pia Wurtzbach naman ang pinakaunang Pinay na nabigyan na ng wax statue sa Madame Tussauds noong 2018.
Kabilang na rin sa “pool of Filipino wax figures” si 2018 Miss Universe Catriona Magnayon Gray ngunit nakabinbin din ang launching dahil sa coronavirus pandemic.
Kumpanyang Pfizer, payag na sumingil ng abot kayang halaga ng COVID-19 vaccine na aangkatin ng Pilipinas
TINATAYANG limang dolyar kada shot ng COVID-19 vaccine ang halaga na kayang ibigay ng kumpanyang Pfizer sa Pilipinas.
Sinabi ni Philippine Ambassador to US Jose Romualdez, alam naman kasi ng Pfizer na nasa tama lang ang estado ng bansa kaya’t handa itong sumingil nang hindi naman ganun kamahal para sa Pilipinas bilang kaalyado rin naman ng Amerika.
Sinabi ni Romualdez na hindi naman na masama ang 5 dollars per shot at maituturing na itong isang magandang balita.
Maliban sa Pfizer ay nagpahayag din ng kahandaan ang isa pang kumpanya sa US na nagde-develop ng corona virus vaccine at ito ay ang Moderna.
Bukod sa Moderna ay naririyan din ani Romualdez ang Johnson and Johnson na puwedeng pagkunan ng supply.
Iyon nga lamang aniya ay nagkaroon lang ng kaunting problema sa kanilang FDA doon.
Subalit, maaaring maayos na umano ito ng Johnson and Johnson sa susunod na buwan.
Sa ulat, bago matapos ang taon, may magandang balita ang pharmaceutical companies na Pfizer at BioNTech. Dahil ayon sa kanila, mayroon ng COVID- 19 vaccine! Ito’y 90% na epektibo base sa mga test na isinagawa nila sa 43,500 na tao. Mula sa anim na bansang US, Germany, Brazil, Argentina, South Africa at Turkey.
Ito ang pahayag ni Dr. Albert Bourla, Chairman at CEO ng Pfizer tungkol sa tagumpay ng kanilang COVID-19 vaccine.
Ayon pa rin kay Dr. Bourla, bagama’t ang magandang balita nilang ito ay hindi pa ang resulta ng final analysis ng ginawa nilang test, positibo siyang malapit na malapit ng mahinto ang pagkalat ng COVID-19. Dahil sa higit na 43,000 na taong naging volunteer ng kanilang vaccine test ay 94 lang sa mga ito ang nagkaroon ng COVID-19. Wala ring naitalang negatibong epekto ito sa kalusugan ng iba pang volunteers na naturukan ng vaccine.
Pero ayon pa rin sa kanya, para ma-achieve ang effectivity ng kanilang vaccine ay kailangan ng dalawang dose ng bawat tao. Ito ay kailangang ibigay na may 3 linggong pagitan. O sa madaling sabi ay magiging effective lang ito sa loob ng 28 days mula ng mabigyan ng nasabing COVID- 19 vaccine.
Ang magandang balita at breakthrough na ito ay ninanais ng Pfizer na maibigay na sana sa publiko bago matapos ang taon.
Ayon kay Sir John Bell, professor of medicine mula sa Oxford University, ang magandang balita na ito mula sa Pfizer at BioNTech ay palatandaan na sa mga susunod na buwan ay magbabalik na rin sa normal ang lahat.
Ganito rin ang paniniwala ni William Gruber, isang vaccine clinical researcher at developer. Ang balitang ito ay maituturing na “extraordinary”. Maaaring sa wakas ay ang hinihintay nating sagot upang maitigil na ang sitwasyong nagbalot sa buong mundo sa takot at kalungkutan.
Pero para naman kay Michael Osterholm, director ng CDC Research and Policy sa University of Minnesota, dapat tayong maging realistic. Dahil sa ngayon ay hindi pa final ang resulta ng analysis na ginawa ng Pfizer at BioNTech. Masyado pang maaga upang ma-predict ang impact nito sa mga taong nabigyan ng vaccine. Magkaganoon man isang bagay ito na dapat maging dahilan upang manatili tayong positibo laban sa sakit
Sa ngayon, ayon parin sa Pfizer at BioNTech ay umaasa silang sa ika-3 linggo ng Nobyembre ay maaaprubahan na ng mga vaccine regulators ang kanilang discovery. Kung sakaling mangyari ito, bago matapos ang taon ay makakapag-supply na sila ng 50 million doses at dagdag na 1.3 billion bago matapos ang 2021.
Nangunguna umano sa listahan ng mabibigyan ng COVID-19 vaccine na ito ay ang mga hospital staff o healthcare workers. Dahil sila ang mas vulnerable at most at risk na mahawaan ng sakit. Hindi pa rin tukoy kung anong mga bansa ang unang mabibigyan ng vaccine kung sakali.
Kaya naman paalala ng mga eksperto, magpatuloy sa pagsasagawa ng COVID-19 preventive measures. Tulad ng pagsusuot ng mask, madalas na paghuhugas ng kamay at pagpapanatili ng social distancing kapag nasa matataong lugar. Dapat ding palakasin ang resistensya laban sa mga sakit. Gawin ito sa pamamagitan ng pagkain ng masusustansya at pagtulog sa sapat na oras. Makakatulong rin ang pagbabakuna laban sa iba pang sakit upang magkaroon ng dagdag na proteksyon ang iyong katawan. (Daris Jose)
GOBYERNO NG PINAS, HIHIRAM NG $300 MILLION PARA BUMILI NG BAKUNA LABAN SA COVID -19
HIHIRAM ang gobyerno ng Pilipinas ng $300 million para bumili ng bakuna laban sa coronavirus disease 2019 (COVID-19).
Sa public address ni Pangulong Rodrigo Roa Duterte, Martes ng gabi ay sinabi nito na prayoridad ng pamahalaan na mabakunahan ang mga mahihirap at dedma sa Class ABC.
“[Finance Secretary Carlos Dominguez III] says that he can borrow money of $300 million plus… Makapamili tayo but I think it would do as well to also realize that unahin talaga nila (vaccine manufacturers), ‘yung mga tao nila,” ayon sa Pangulo.
“Sa ngayon, magbili ka. Mahal. As I have promised, gastos ng gobyerno itong bakuna para sa lahat ng Pilipino kaya nga uumpisahan natin sa mga mahihirap pataas. . . . Iyong A,B crowd hindi na tayo mag gastos dyan kasi mga milyonaryo na yan,” diing pahayag nito.
Matatandaang, inatasan ni Pangulong Duterte si Vaccine Czar Secretary Carlito Galvez Jr. na iprayoridad ang mga mahihirap na Pilipino sa mga makakatanggap ng bakuna laban sa COVID-19.
Sinabi kasi ni Galvez na ang COVID-19 immunization pro- gram ay magiging patas sa lahat, mayaman man o mahirap.
Sinabi ni Pangulong Duterte na ang mga mahihirap na benepisyaryo sa ilalim ng cash subsidy program ng pamahalaan ang dapat maunang mababakunahan.
Katwiran pa ng Pangulo, kaya naman ng mga mayayaman na bumili ng sarili nilang bakuna.
Kaugnay nito, iprinisenta ni Galvez kay Pangulong Duterte ang ‘Philippine National Vaccine Roadmap’ kung saan magiging time-based at objective-based.
Bago ito, sinabi ni Pangulong Duterte na tanging si Galvez lamang ang awtorisadong opisyal para makikipagnegosasyon para vaccine supply ng bansa.
Nais din ng Pangulo na dumaan ang pagbili ng bakuna sa ilalim ng government-to-government arrangement. (Daris Jose)
Kaso ng COVID-19 sa NFL, nadoble
DUMOBLE ang bilang ng kaso nang nagpositibo sa COVID-19 sa National Football League (NFL) nitong nakaraang linggo base sa inilabas na datos ng liga at NFL Players Association.
Base sa ginawang testing nitong Nov. 1-7, lumabas sa resulta na may 56 na bagong kaso: 15 ang nagpositibo sa mga manlalaro at 41 kumpirmadong kaso sa mga personnel.
Sa huling ginawang monitoring mula Oct. 25-31, iniulat ng NFL at NFLPA na may walong bagong kumpirmadong kaso ng coronavirus sa mga players at 17 bagong nagpositibo sa mga personnel.
Sa pinaka-latest na report, sinabi ng liga na 42,978 tests ang ginawa sa kabuuang 7,922 players at team personnel. Kasama rito ang 16,785 tests na ginawa sa 2,486 players at 26,193 tests 5,436 personnel.
Simula ng ginawa ang monitoring noong Aug. 1, umabot sa 78 play- ers at 140 na personnel ang nagpositibo sa kaso ng COVID-19.
Sa kabuuan, umabot na sa 600,000 tests ang nagawa ng NFL sa mga player at personnel hanggang November 7.
Ravena biglang sumikat sa Asya sa paglalaro sa Japan
NAGING instant celebrity o agad nakilala si Filipino basketball star Thirdy Ravena ng fans mula sa Asya at iba pang bahagi ng mundo nang magsimula itong maglaro sa Japan Professional Basketball League.
Ayon sa ulat, ang debut game nito bilang Asian import sa San- En NeoPhoenix na naka- streamed online ay umabot sa halos one million views bilang pagpapakita ng mga Pinoy ng suporta sa UAAP star.
Sa statement ng B.League, ang kabuuang bilang ng kanilang Live viewers sa English Facebook page at YouTube page ay pumalo sa halos 910,000, na may peak na simultaneous viewers na aabot sa 90,000.
Sinabi ng liga na ang malaking numbers ng viewers ay patunay na si Thirdy ay isang mahusay na manlalaro ng Asya.
Ipalalabas din ng live via FB at YouTube channel ang susunod na walong laro ni Ravena sa NeoPhoenix, ayon sa liga.
Naglaro sa kanyang debut game ang dating Ateneo star sa panalo ng San-En kontra Shimane Magic noong Sabado kung saan pumuntos ito ng 13 points at noong Linggo naman ay rumehistro ito ng halos double- double na 12 points at eight rebounds, pero kinapos ang San-En kontra sa kaparehong team.