Nagbunga ang pagiging maingat sa kinikitang pera niya si Ken Chan dahil malapit nang magbukas ang kanyang nilagay na investment sa anim na gasoline stations.

Nitong December 18 nagkaroon ng grand opening ang gasoline station business ni Ken na iFuel na may branches sa San Fernando, Pampanga, Baliuag, Bulacan, Angeles, Pampanga, Cebu, Alfonso at Tanza, Cavite.

Sey ni Ken, childhood dream niya ang pagkakaroon ng gasoline station.

“Bata pa lang ako, dream ko na magkaroon ng gasoline station. ‘Di ko alam kung bakit at ‘di ko alam na mararating ko siya kaya thank you, Lord.”

Dahil na rin sa sipag sa kanyang trabaho ay nagawa niyang makapag-ipon at mag-invest sa isang business na alam niyang walang lugi.

“Siyempre, may mga taong tumulong sa ‘kin, also my family. And sobrang blessed ako na makilala ko ‘yung business partner ko. Narating ko ‘yung pangarap kong magkaroon ng gasoline business because of GMA-7 and also because of mga Kapuso na sumusuporta at nagmamahal sa ‘tin na patuloy lang na and’yan. Sila talaga ‘yung malaking dahilan kung bakit nararating ko ‘yung mga pangarap ko sa buhay.”

Sey pa ni Ken na perfect timing ang pagsisimula ng negosyo dahil ang pagkakaroon ng extra income ang isa sa mga natutunan niya matapos maranasan ang COVID-19 pandemic.

“Habang andito kami sa showbiz, meron tayong mga ginagawang business na kailangan talaga because maraming pina-realize sa ‘tin ang 2020 at isa na dito ‘yung mag-ipon, magtipid, at magkaroon ng business. At ito talaga ang pinakaplano ko for 2021, ang magkaroon ng hanapbuhay bukod sa showbiz at sana i-bless tayo ni Lord ng magandang business.”

*****

Kung meron mang magandang naidulot ang pandemic kay Andrea del Rosario, ito ay ang nakapagpatayo siya ng business para sa kanyang pamilya at ang maibalik sa kanya ang unang binili niyang bahay.

Thankful si Andrea dahil bumuhos pa rin ang biyaya sa kanilang pamilya sa mga pagsubok ng 2020. Natapos din ang pinatayo niyang paycenter.

“That was supposed to open before the pandemic. Kaso nagkaroon ng lockdown kaya ilang buwan natigil yung construction. Pero tapos na siya and nakuha na namin ang mga kailangan na permits. We opened our paycenter, pero hindi pa rin full blast….. but it’s for my family.”

Ang pinakabonggang blessing ay nangyari noong October nang mabawi ng aktres ang titulo ng unang bahay na binili niya sa BF Homes Parañaque noong 2005.

Post ni Andrea sa Facebook: “Around 15 years ago,  this was the first house I  bought when I became an actress (the house was even featured in the abs-cbn magazine at that time) . Shortly  after I paid for the property someone contested regarding my ownership of the said house. To make the long story short, I got involved w/ a “syndicate” and because of failing to post bond I lost possession of the house and have been in this  case battle for years. Until recently, because of an amazing legal team, I won the case!  In the next few days, with the help of the sheriff I will finally get the possession of the house again!  More than  15 years of heartache. God you re truly amazing! Thank you, Lord.”

Pina-renovate agad ni Andrea ang naturang bahay at paparentahan niya ito sa isang kaibigan.

*****

Ang American talk show host na si Howard Stern naman ang nagigiit sa kontrobersya dahil sa maling pagtrato nito sa kanyang mga tauhan sa kanyang radio show.

Claim ng ilan na much worse daw si Stern kesa kay Ellen DeGeneres.

Kuwento ni Scott Salem, a longtime engineer of the show, created a GoFundMe page para sa kanyang misis na may non-Hodgkin’s lymphoma. Imbes daw na tumulong si Stern, sinabihan pa niya si Salem na huwag banggitin ang name niya sa crowdfunding page.

Kahit na walang mention ng name ni Stern, nakalikom pa rin ng $73,000 si Salem na hindi ikinatuwa ni Stern. Ang ginawa ni Stern ay pinatanggal niya sa show si Salem after 33 years na nagtrabaho sa kanya.

“This has really bothered me. It’s really sad. His wife ends up dying. Howard doesn’t even go downstairs and offer Scott his condolences. Everyone falls from grace with Howard. Everyone hates him!” sey ng isang employee.

Sey naman ni Steve Grillo, tinatrato raw sila ni Stern na parang mga alipin.

“From 1992 until 1997, I was just working for free still as an ‘intern.’ That’s what my title was. But I was definitely a producer. The amount of responsibilities I had was through the roof. That’s slave labor. I was a slave. You can’t have people work 60 hours a week and not pay them.” (RUEL MENDOZA)

Thankful si Kapuso Primetime Princess Barbie Forteza na siya ang kinuha ng “Magpakailanman” para bumida sa special Christmas presentation at all-new episode ng #MPK ngayong Sabado, December 19.

“First time ko po kasing makakatrabaho ang dalawang mahuhusay na stage actors and singers na sina Sir Robert Sena at Ma’am Isay Alvarez,” kuwento ni Barbie.  “Yes, napapanood ko na po sila on stage, pero ang makasama sa isang project ngayon lang.  Ang huhusay nila, ang babait pa, at hindi ko rin alam na kalog pala silang pareho, samantalang seryoso at drama ang episode namin.  Pero humugot po ako sa husay nilang umarte.”

Nakakaantig sa puso ang kuwento ni Bing (Robert), isang ama na pinatunayan sa kanyang mag-ina ang walang hanggang pagmamahal niya.  Pero ang simula ng story ay larawan sia ng isang masayang pamilya, si Bing, si Joji (Isay) at ang anak nilang si Aly (Barbie). Subali’t isang malaking dagok ang kanilang kakaharapin nang magkasakit si Bing at tuluyan nang mawala. Kaya naman laking gulat na lang ni Aly nang makatanggap siya ng sulat mula sa namayapang ama.  Ano kaya ang laman ng sulat na natanggap ni Aly?

Huwag i-miss ang “My Ever-Lasting Love: The Joji and Alyssa Mendoza Story” mamayang gabi, 8:15PM sa #MPK, mula sa direksyon ni Jorron Monroy.

*****

Dinadaan na lamang sa biro ni Congresswoman Vilma Santos sa anak na si Luis Manzano at sa fiancée nitong si Jessy Mendiola, na i-advance na ng mga ito ang kanilang magiging apo.  Matagal na kasing ibinibiro ito ni Congresswoman Vi, hindi pa malay silang ma-engaged na dalawa,

“Pero ngayon, pwede na talaga, dahil ako ang tuwang-tuwa nang malaman kong natuloy na ang proposal ni Luis,” sabi ni Ate Vi.  “October pa ay alam ko  nang magpu-proposed na si Luis, pero na-delay pa nga at ngayong December na lamang sila natuloy.

“Ngayon, sila nang dalawa ang bahala at hihintayin na lamang namin kung kailan nga matutuloy ang wedding nila next year, middle of 2021.”

Siguro naman ay hindi na mapipigilan ng issue ng engagement ring ang nalalapit na pagpapakasal nina Luis at Jessy.

*****

Marami nang nalulungkot dahil simula sa Lunes, December 21, finale week na ng Philippine Adaptation ng Korean drama na “Descendants of the Sun,” na pinagtatambalan nina Kapuso Primetime King Dingdong Dantes at Ultimate Actress Jennylyn Mercado.  Kasama rin nila rito sina Rocco Nacino at Jasmine Curtis-Smith.  At ngayong huling linggo, ano kaya ang pasabog nina Capt. Manalo (Dingdong) at Dra. Maxine (Jennylyn)?

Kayanin kaya ni Big Boss na ipagpalit si Dra. Maxine sa kuya Rodel (Neil Ryan Sese) nito?  Ang laki ng kasalanan ni Rodel sa ama ni Big Boss na muntik nang ikamatay nito, para patawarin lamang niya.

Matiis naman kaya ni Dra. Maxine ang pagmamahal niya kay Big Boss sa kanyang Kuya Rodel?  Tunay na aangat kayo sa upuan ninyo sa panonood ng mga huling eksena ng “Descendants of the Sun PH” mula sa direksyon ni Dominic Zapata, sa huling linggo, pagkatapos ng “Encantadia” sa GMA-7. (NORA CALDERON)