- July 4, 2024
-
Search in People's Balita
Ang Diyaryong Pinagkakatiwalaan
Archive for December, 2020
Healing priest Father Suarez MMFF Biopic 2020
John Arcilla laughs at how people address him now as “Father Heneral”, with the release of his much-awaited title role movie “Suarez, The Healing Priest” for the Metro Manila Film Festival (MMFF).
According to early feedback from previews of the movie, it’s another potential best actor award-winning performance for Arcilla, more famous for his acclaimed 2015 “Heneral Luna” opus.
“Wow pang best actor ba? Whew, mahirap maniguro,” Arcilla said.
The actor already considers a big personal achievement that he was chosen to portray Fr. Fernando Suarez who led a fruitful but controversial Catholic healing ministry.
“Pero kung karapat-dapat ako ma-consider na best actor, hindi lang ako ang magiging masaya kung ‘di mismong si Father Suarez. Kung anoman ang ginawa ko ay iniaalay ko sa kanya!” he said.
Among the most touching scenes of Arcilla were his character’s interaction with a young child and beggar woman he healed; and how he played out the controversies that hounded Suarez’s ministry.
Arcilla was able to finish the movie before Suarez passed on at 53 years old last February 2020. Suarez also oversaw the recording of its theme song, “Yakapin Mo Ako” with director-composer Joven Tan.
Suarez is also featured in the finale of the movie, reciting his prayers, which Tan said is a powerful image from beyond that can heal movie-viewers.
Arcilla also believes in the miracle of prayers. “Lalo na ngayong pandemya kung saan kailangan ng matibay na faith, so I think our film is very timely. I believe our film can heal. People’s faith will heal them. It may lead to physical and emotional healing. ‘Yung healing, hindi lang sakit sa katawan. Minsan nga ‘yung mga anxiety pa ang pinanggagalingan ng mga sakit sa altapresyon o sa puso,” he said.
Arcilla also spoke of his own personal transformation doing the movie. “Lalong lumalim ang aking pagmamahal at paggalang sa mga taong naninindigan para sa kanilang pananampalataya. Bumalik ang aking paggalang at pananampalataya sa doktrinang aking kinagisnan,” he said.
That epiphany alone already makes Arcilla a winner.
Aside from Arcilla, the movie stars Jin Macapagal as the young Father Suarez, Marlo Mortel, Troy Montero, Rita Avila, Jairus Aquino, Alice Dixson, Dante Rivero and other artists.
Advanced online ticket selling for “Suarez, The Healing Priest” will start December 7, midnight at www.upstream.ph
National ID System nakikitang makakatulong sa rollout ng COVID-19 vaccine sa Phl
Nakikita ng isang kongresista na makakatulong ang national ID system para sa maayos na rollout ng COVID-19 vaccine sa oras na maging available na ito sa Pilipinas.
Ayon kay San Jose Del Monte, Bulacan Rep. Florida Robes, maaring gamitin ng pamahalaan ang biometric technology ng national ID system para matiyak na matatanggap ng mga nasa priority group na tinukoy ng Inter-Agency Task Force for the Management of Emerging Infectious Diseases (IATF-EID) ang inisyal na supply ng COVID-19 vaccine.
Bukod sa pagtukoy sa mga priority patients, sinabi ni Robes na makakatulong din ang paggamit ng national ID system bilang biometric ID sa pag-track sa mga naturukan ng bakuna kahit pa sa mga rural areas at offline setting.
Sa ngayon, ginagamit na aniya sa 12 bansa ang biometric ID na itinuturing “game changer” dahil sa epektibo ito pagdating sa health at humanitarian projects.
Aabot sa 12 vulnerable groups ang tinukoy ng IATF-EID na prayoridad sa rollout ng bakuna base sa guidelines na inilabas ng World Health Organization Strategic Advisory Group of Experts on Immunization.
Ang mga ito ay mga frontline health workers sa pribado at pampublikong sektor, mga senior citizens, indigent population at uniformed personnel.
Kasam rin ang mga guro at school workers sa mga pampubliko at pribadong institusyon, government workers, essential workers sa agriculture, food industry, transportation at tourism, socio-demographic groups gaya ng mga people deprived of liberty, People with Disability (PWDs) at Filipinos living sa mga high density areas, Overseas Filipino Workers, at iba pang mga manggagawa at estudyante.
QC gov’t, naghigpit lalo sa pagpapatupad health protocols
Nagdoble ng paghihigpit ang Quezon City government sa pagpapatupad ng health protocols matapos na manguna sila sa may pinakamaraming kaso ng COVID-19 sa National Capital Region (NCR).
Mayroon pa kasing halos 900 na aktibong kaso ang naitala sa lungsod at mahigit 742 na ang nasawi habang ang recoveries ay mayroong halos 25,000.
Sa kabuuang kaso aniya ay mayroong mahigit 26,400 dahil sa COVID-19.
Dahil sa naturang bilang ay nagpakalat ang QC government ng mga marshall para tuluyang sitahin ang mga hindi sumusunod sa minimum health protocols.
Naglunsad na rin sila ng kampanya sa bawat barangay para ipapaalala ang kahalagahan ng pagsusuot ng face mask, social distancing at ganon din ang paghuhugas ng kamay.
Pinaalalahan din ng city government ang mga establisyemento na huwag kalimutan na maglagay ng contact tracing forms. (ARA ROMERO)
Piolo Pascual, nag-donate ng 100 bisikleta sa Naga City
Nag-donate ng 100 mga bisikleta si Piolo Pascual sa lungsod ng Naga.
Sa inilabas na impormasyon ni Naga City Mayor Nelson Legacion, nabatid na ito ay kaugnay ng proyekto ni Gretchen Ho na “Donate a Bike, Save a Job”.
Layunin aniya ng naturang kampanya na makatulong sa transportasyon at hanapbuhay kung saan naipamahagi ito sa mga magsasaka, guro, mga frontliners at mga essential service workers gayundin ang mga nagtatrabaho sa mga delivery services at mga crew nito.
Nabigyan din ang ibang benepisyaryo mula sa karatig-bayan na nagtatrabaho rin sa nasabing lungsod.
Samantala, ayon pa kay Legacion, naging posible aniya ang aktibidad sa pagtutulungan ng JCI PILI Isarog, Move As One Coalition, Metro Naga Cycling and Walking Group at ng gobierno-lokal sa pamamagitan ng Naga City Bicycle Board.
Mga manlalaro asikaso maski may pandemya
LABIS na nalungkot pero naging pagsubok kay Philippine Sports Commission (PSC) Chairman William “Butch’ Ramirez ang sinapit ng mga national athlete at mga kawani ng ahensya sa hirap na dulot at epekto ng Coronavirus Disease 2019.
“After the 30th Southeast Asian Games last year, we have resolved many gaps, which are now over,” ayon sa opisyal kamakalawa sa nakalipas na siyam na buwan na gumambala sa training at preparasyon ng mga manlalaro habang sa kabuhayan ng mga empleyado.
“Bago nag-lockdown ang government, nauna tayo sa lockdown sa pagpapauwi sa mga atleta. Inayos namin dahil nawala ang mga remittance, gumawa kami ng paraan para makaahon,” bulalas ni Ramirez, na ipinagpatuloy pa rin ang paga-yuda at pagpapaunlad sa mga atleta at coaches kahit naka-lockdown ang bansa.
“Maayos naman ang lahat ng athletes natin. We continue to reach them out, with seminars, such as athletes and coaches trainings, pati grassroots training,” panapos niya, na pinagbawalan din ang lahat sa mga pagtitipon ngayong Kapaskuhan. (REC)
Mga Senador nais suspendihin ang implementasyon ng RFID system
Naghain ng isang resolution ang mga senador upang hikahatin ang Department of Transportation (DOTr) na suspendihin ang pagpapatupad ng radio frequency identification (RFID) cashless payment scheme sa mga expressways.
Si Senator Grace Poe na siyang principal author ng nasabing Senate resolution 596 ang nagsabing mula sa 12 million na registered na mga sasakyan, 3 million ang wala pa na mga RFID stickers.
Sa nasabing datus, sinabi rin ni Poe na 6.1 million na mga registered na sasakyan ang nasa Metro Manila, Central Luzon at Calabarzon.
Sinabi naman ni Senate President Vicente Sotto na kanilang pinayagan ang nasabing resolution dahil sa dami ng complaints tungkol sa mga sirang RFID stickers, traffic gridlocks na sanhi ng implementasyon ng pagpapatupad ng DOTr order sa cashless toll transactions at iba pang problema na siyang dahilan upang hindi magkaron ng isang maayos at madaling access sa expressways.
Ang mga senators na umayon sa pag suspendi ng RFID scheme ay sila Sherwin Gatchalian, Nancy Binay, Manny Pacquiao, Imee Marcos, Ramon Revilla, Jr., Francis Pangilinan, Panfilo Lacson, Leila de Lima, Ronald dela Rosa, Joel Villanueva, Risa Honteveros, Richard Gordon, Senate Pro Tempore Ralph Recto, at Majority Leader Joan Miguel Zubiri.
“The DOTr should not implement the RFID system 100 percent until we are sure that it will not inconvenience the public,” wika ni Poe.
Samantala, ang mga motorista ay maaari pa rin na dumaan sa tollways sa Valenzuela City nang hindi nagbabayad ng fees sapagkat suspendido pa rin ang kanilang NLEX permit.
Nagkaron naman ng pagpupulong sila NLEX representatives at Mayor Rex Gatchalian at kanilang napagkasunduan na panatilihin ang suspension order hanggang hindi nagagawa ang system upgrade ng kumpanya ng NLEX hanggang January 30,2021.
“We will reinstate the company’s business permit once the RFID glitches have been fixed,” ayon kay Gatchalian.
Ang Metro Pacific Tollways Corp. (MPTC) na siyang operator ng NLEX ay nangako na maglalagay ng mga intrastructure para sa isang barrier-free tollway system sa mga susunod na tatlong (3) taon, na siyang magiging long-term solution sa traffic gridlocks na sanhi ng mga hindi gumaganang RFID sensors.
Magkaiba ang opinyon ng MPTC officials at ni Gatchalian tungkol sa pagkakaron ng toll barriers na siyang dapat na pumipigil sa mga motorista upang hindi magbayad ng kanilang toll fees.
Ang mga barriers ay nilagay upang tulungan ang mga awtoridad sa pagpapatupad ng transportation regulations tulad ng seatbelt and anti-overloading laws ayon sa MPTC at NLEX officials.
Ayon sa kanila kung aalisin ang barriers, ito ay magbibigay daan sa mga motorista na dumaan sa toll plaza na hindi nagbabayad sa pamamagitan ng pagtatakip sa kanilang RFID stickers.
Subalit sinabi ni Gatchalian na kung aalisin ang barriers kapag rush hours ay magkakaron ng magandang daloy ang traffic.
“We are committed to continuously look for ways to improve our service to the public – providing reliable, safe and convenient expressway travel experience to motorists, host communities and other stakeholders,” saad ni president at general manager J. Luigi Bautista. (LASACMAR)
TOTAL CASHLESS FARES SA PUBLIC TRANSPORT HUWAG ISULONG – DAPAT MAY OPTION ANG MGA PASAHERO!
Dahil panahon ng pandemya ay marami ang nagsusulong ng cashless transaction para maiwasan ang skin contact at pigilan ang hawaan ng COVID-19. Ok yan! Pero nilinaw ng World Health Organization na wala silang opisyal na pahayag na nakukuha ang virus sa palitan ng pera. Pero sabi nga mas ok na doble ingat tayo. Samantala, yung one meter social distance at pagsuot ng facemask, yun naman ang minimum health standard. Pero kamakailan pinaikli ng DOTr ang distansya sa pagitan ng mga pasahero sa public transport.
At may iba pang pag relax ng health protocols na ginawa. Ang tanong – kung nire-relax ang ilang health protocols, bakit pagdating sa cashless transactions ay lalong hinihigpitan lalo na sa tollways. Mukhang iba ang polisya?
Ang posisyon din ng Lawyers for Commuters Safety and Protection (LCSP) ay WALANG LEGAL NA BATAYAN ang mga tollway operators na hindi tumanggap ng cash dahil ang PISO AY LEGAL TENDER SA PILIPINAS. Ang salapi o barya na ini-issue ng Bangko Sentral ng Pilipinas ay ang opisyal na currency sa bansa.
Bakit hindi tatanggapin sa tollways? Maaring sabihin nila na may karapatan ang toll operators na pumili ng paraan ng pagbayad dahil ang nire-represent naman ng cashless transaction ay piso. Kayat hindi ang piso ang tinatangihan kundi yung mode of payment lang.
Pero kailangan pa ba natin pumunta sa husgado para i-settle yang legal question na yan? Di ba’t mas simple na panatiliin ang cash lanes at gandahan ang sebisyo ng RFID para ma-enganyo ang mga motorista mag RFID agad?
Bagama’t sinasabi ng mga nagsusulong ng cashless transaction na dapat tayo humabol sa ibang bansa pagdating sa teknolohiya –HINDI NAMAN NILA ONE HUNDRED PERCENT INALIS ANG CASH TRANSACTION! Bakit kaya? Dahil paano kung nag-offline, na hack ang system at iba pang aberya, paano? Dapat flexible sa technology systems – ganun din sa public transport.
Okay na isulong ang cashless, pero huwag naman totally alisin ang option ng mga pasahero na magbayad ng cash.
Hayaan na ang tao ang pumili ng gagamiting paraan ng pagbabayad ng toll fee nang sa ganun ay binibigyan natin ng sapat na panahon ang mga motorista at pasahero na mag-adapt sa bagong sistema lalo pa nga at ang dami pang problema dito. At para may flexibility naman kung sakaling may aberya.
Kampanya ni Saso inantala ng ulan
NAURONG ang pagkorona sa bagong reyna ng 75th US Women’s Open Golf Championship nitong Linggo dahil sa serye nang pagbuhos ng ulan sa Cypress Creek at Jackrabbit course ng Champions Golf Club sa Houston, Texas.
Ipinahayag ng United States Golf Association (USGA) agronomists , na inabot ng 78 pulgada ang tubig sa golf course sa 24 na oras na buhos ng ulan na lalo pang nagpaputik dito, na unang naranasan na rin ng mga sa third round noong Sabado.
Sa 54-hole total 217 at one-over tapos ng five holes, kabbuhulan sa walong nasa ika-32 puwesto si Yuka Saso ng Pilipinas. Uno-dos-tres pa rin sina two-day leader Hinako Shibuno ng Japan (-3 209), opening day leader American Amy Olson (-3 2010) at Ji Yeong2 Kim ng South Korea at Moriya Jutanugarn ng Thailand (-1 212).
Itutuloy ang mga laro sa Lunes ng alas-8:00 nang umaga (alas-7:00 nang gabing oras sa Maynila). Ito na ang ikatlong beses na naurong ang pagkorona sa reyna sa araw ng Lunes, at unang pagkakataon namang ginanap ang paligsahan ng Disyembre mula sa Hunyo dahil sa pandemya. (REC)
60 milyong Filipino, makikinabang sa libreng bakuna laban sa COVID
TINATAYANG aabot sa 60 milyong Filipino ang libreng mabibigyan ng gobyerno ng bakuna laban sa COVID -19 sa sandaling dumating na ito sa bansa sa unang quarter ng susunod na taon.
Ayon kay Presidential Spokesperson Harry Roque, sa kanyang pagkaka- alam ay para sa 60 milyong mga Filipino ang free vaccine na inilalaan ng pamahalaan kabilang dito ang mga pulis at mga nasa militar ganundin ang mga frontliners at mga mahihirap.
Aniya, prayoridad ang mga lugar sa tinaguriang epicenters gaya ng Metro Manila, CALABARZON, Cebu at Davao gayung dito aniya talagang matinding kumalat ang sakit.
Tiniyak naman ni Sec. Roque na mayroon din namang mga mabibiling bakuna sa botika para sa mga may kakayahang makabili ng pangontrang vaccine sa virus.
Sa kabilang dako, wala namang pilitan ang pagtuturok ng bakuna subalit naniniwala silang mayorya pa rin ng mga Pilipino ang nais magpa-vaccine at base na rin ito sa isinagawang survey.
“Hindi po ito sapilitan. Iyong gusto lamang, kasi iyong 60 million, hindi naman iyan para sa lahat sa atin, 110 million Filipinos po tayo. So, kung ayaw wala pong pipilitin, pero sa tingin ko naman po, sang-ayon naman sa SWS survey 66% ay gusto ng bakuna,” ani Sec. Roque. (Daris Jose)