2021 January 25 Archive - People's Balita

July 3, 2024
Search in People's Balita
Ang Diyaryong Pinagkakatiwalaan

Archive for January 25th, 2021

Nagmarka ang panalo ni Pringle kay Wright

Posted on: January 25th, 2021 by @peoplesbalita No Comments

Naging rekord bilang pinakamahigpitang labanan ang panalo ni Stanley Wayne Pringle, Jr. ng Barangay Ginebra San Miguel sa Best Player of the Conference nang kadaraos na Online 45th Philippine Basketball Association (PBA) Special Awards Night.

Tinalo ng 33 taong-gulang na 6-1 ang taas na Filipino-American combo guard ng Gin Kings si Fil-Canadian Matthew Wright ng Phoenix Super LPG nitong LInggo, Enero 17 para sa pinakamataas na karangalang ginawad ng liga na ginambala ng Covid-19.

Ayon nitong Miyerkoles kay PBA chief statistician Fidel Mangonon III, butas ng karayom ang dinanan ng manlalaro ng alak upang manaig sa player ng Fuel Masters upang maging BPC ng 2020 Philippine Cup sa Angeles, Pampanga bubble.

Kumolekta ng 1,640 points si Pringle kumpara sa pambato ng gasolina na naka-1,578,” para sa palugit lang ng dalawa na 62 markers.

Hinigitan nito ang panalo sa 2011 PBA Commissioner’s Cup BPC ni Jimmy Apalag ng TNT laban naman Mark Anthony Caguioa ng ng BGSM na naiwan noon ng 70 puntos. (REC)

Murder suspect sa Navotas, arestado

Posted on: January 25th, 2021 by @peoplesbalita No Comments

Makaraan ang 12 taong pagtatago, naaresto na ng mga awtoridad ang isang murder suspect sa Navotas city, kamakalawa ng hapon.

Ayon kay Navotas police chief P/Col. Rolando Balasabas, ang pagkakaaresto sa suspek na si Arturo Igana Jr., 28, mangingisda ng Blk 1 Lot 1 Ignacio St. Bacog, Brgy. Daanghari, na tinauriang No. 6 Most Wanted Person sa lungsod ay resulta ng ilang linggong intensive surveillance at intelligence operations na isinagawa ng mga operatiba ng Warrant and Subpoena Section sa pangunguna ni P/SMSgt. Anthony Santillan.

Si Igana ay inakusahan sa pagpatay kay John Frederick Bacongan habang naglalakad ang biktima pauwi sa Brgy. Daanghari noong July 23, 2008.

Ani Col. Balasabas, may personal umanong galit ang suspek kontra sa biktima kung kaya’t pinagsasaksak nito sa iba’t-ibang bahagi ng katawan si Bacongan hanggang sa mamatay.

Matapos ang pagpatay, nagtago si Igana hanggang sa makatanggap si Sgt. Santillan ng tip mula sa kanilang impormante na ang akusado ay madalas bumibisita sa kanyang pamilya sa Brgy. Daanghari.

Dakong 3 ng hapon, inaresto ng mga pulis si Igana sa bisa ng isang arrest warrant na inisyu ni Malabon Regional Trial Court (RTC) Judge Anna Michella Cruz Atanacio-Veluz ng Branch 169 sa kasong murder at walang inirekomendang piyansa para sa kanyang pansamantalang kalayaan. (Richard Mesa)

2 beses ang swab test pero hindi na 14-day absolute quarantine – IATF

Posted on: January 25th, 2021 by @peoplesbalita No Comments

Inamyendahan na ng Inter-Agency Task Force for the Management of the Emerging Infectious Diseases (IATF) ang Resolution No. 92 kaugnay sa travel restrictions sa mga manggagaling sa mga bansang may bagong COVID-19 variant.

Sa nasabing bagong resolusyon, ispesipikong tinukoy na ng IATF ang mga exempted gaya ng mga foreign nationals na may valid visas na kinabibilangan ng mga personnel ng accredited international organizations at mga asawa o menor de edad na anak ng Filipino citizens na kasama nilang bumiyahe.

Ang mga darating sa bansa para sa medical at emergency cases, kasama ang kanilang medical escorts ay subject sa applicable testing and quarantine protocols ng Department of Health (DOH).

Mula naman sa dating mandatory 14-day quarantine sa mga pasilidad na tinukoy ng gobyerno, ang mga Pilipinong manggagaling sa mga bansang sakop ng travel restrictions ay sasailalim na sa prescribed testing and quarantine protocols.

Nakapaloob sa testing and quarantine protocols na ang mga pasaherong manggagaling sa mga nabanggit na bansa ay agad sasailalim sa RT-PCR test pagdating sa bansa at sasailalim sa quarantine hanggang lumabas ang resulta ng ikalawang test sa ikalimang araw mula ng pagdating.

“From the strict observation of an absolute fourteen (14) day facility-based quarantine period for Filipino citizens coming from areas where travel restrictions are in place, the IATF amended this to prescribed testing and quarantine protocols,” ani Sec. Roque.

“Further, Filipino citizens arriving for highly exceptional and/or medical reasons and local diplomats are now subject to applicable quarantine protocols as prescribed by the DOH. On testing and quarantine protocols for passengers coming from, or transiting through, countries where travel restrictions are in place due to new COVID-19 variants, these incoming passengers shall be tested upon arrival and shall be quarantined until the result of the subsequent test administered on the fifth day is released.” (DARIS JOSE)

REGINE, nakikiusap na wag ikalat ang nag-leak na materials ng ‘Freedom’ concert

Posted on: January 25th, 2021 by @peoplesbalita No Comments

NAKIKIUSAP si Regine Velasquez-Alcasid na wag ikalat ang nag-leak na materials para sa kanyang first digital concert na Freedom sa magaganap sa Valentine’s day.

Tweet ni Regine last January 22, “Hi guys pakiusap lang may nag leak na materials from the concert please pa delete naman.

“Please wag nyo na I repost.”

Sold out na ang P2500 kaya nagdagdag pa ng additional 100 slots para sa VIP tickets dahil marami pang gustong mag-avail na bukod sa concert ay makasama sa Zoom after party, virtual meet and greet, behind the scene at ang request portion with Regine.

Para naman sa concert lang ang gusto P1200 ang ticket nito at streaming worldwide, kaya mas marami ang makakapanood.

Samantala, marami pa rin ang nagne-nega kaya may na-comment naman ang netizens sa fashionpulis.com sa post na ito ni Asia’s Songbird at may nagtanggol din naman:

“Wow pampaingay. As if May interested pa lol.

“Ang bitter mo naman. Stop being so nega.

“Same old biritan na naman to siguro.

“Kapagod sa tenga. Sakit sa ulo. Puro sigaw.

“Filipinos… Masyadong nasanay sa free.

“Kahit libre pa yan wala ng interesado

“What concert? R2K? Chareng.

“Takot syang Luge concert nya..nakikiusap si madam..lol

“Syempre naman, patok kase siya ang Asia Songbird. Sikat siya buong Asia sobra expensive kase ticket concert ni Regine eh may pandemic kaya yung other’s nagpirate siguro.

“Bakit kilala ba siya sa India, Myanmar, Thailand Korea, Japan etc.

“Di na maibabalik ang dati.

“yung mga nega comments dito for sure mga di pa yan nakanuod ng live concert ni Regine and wala din pambili ng ticket for the upcoming one hahha. ugali ng mga pinoy yan eh…

“Kahit ipirate walang manonood busy mga tao.”

Samantala, kahapon napanood na ang ASAP Natin ‘To sa TV5 kapalit ng timeslot na Sunday Noontime Live.

***

SPEAKING of ASAP Natin ‘To, ka-join na rin ang newest Kapamilya na si Janine Gutierrez bilang host.

Winelcome na nga si Janine sa show, at abangan na lang kung ano pang projects ang ibibigay sa kanya ng ABS-CBN.

Comment naman ng netizens, “May mapaglagyan na lang talaga eh. Lol. Ang dami na nila dun pero dahil kailangan bigyan ng show ang bagong lipat eh isiningit na lang.”

“Na sinagot naman ng, “Lahat ng sikat dumaan sa ASAP ano ba inaarte niyo? Eh yung sa kabila nakailang palit na ng noontime show, or meron pa ba now, sila Kyla, Ogie, Janno, Jaya, Regine, Lani pa din ang tanda ng tao.”

“so nasaan na pala ngayon sila kyla, ogie, jaya, regine? Di ba nasa asap? Nasaan na yung mga sinasabi mong sikat sa ASAP?”

May nagtanong kung ano raw kaya ang ibibigay ng title kay Janine. At may nag-suggest na bagay daw ang ‘Social Relevance Princess’ dahil nga sa pagiging vocal at comments niya sa mga issues.

Oh well, abangan na lang natin! (ROHN ROMULO)

Nicanor hahabol sa 32nd Summer Olympic Games

Posted on: January 25th, 2021 by @peoplesbalita No Comments

MAY anim na eskrimador, sa pangunguna ni 30th Southeast Asian Games Philippines 2019 women’sindividual sabre gold medalist Jynlyn Nicanor ang balak paeskrimahin ni Philippine Fencing Association Inc. (PFAI) President Richard Gomez sa Olympic Qualifying Tournament na nakatakda sa Abril 15-22 sa Seoul, South Korea.

Sa pangangalaga ni coach Rolando Canlas Jr., ang iba pang miyembro ng koponan ay sina SEA Games women’s team epee gold medalist member Haniel Abella, SEAG individual foil bronze winner Samantha Kyle Catantan;

Men’s individual sabre silver medalist Christian Jester Concepcion, men’s individual bronze medalist Noelito Jose Jr. at men’s individual foil third placer Nathaniel Perez.

Pero bago lumusob ng Korea OQT, sasailalim muna ang PH squad sa two-month bubble training sa Ormoc City kung saan alkalde si Gomez sa darating na Pebrero 6-Abr. 6 sa pag-ayuda ng Philippine Sports Commission (PSC). (REC)

NBI hahagilapin 2 nawawalang close contacts ng Pinoy na may ‘new COVID variant’

Posted on: January 25th, 2021 by @peoplesbalita No Comments

Kukunin na ng Department of Health (DOH) ang tulong ng Department of Justice (DOH) sa pamamagitan ng National Bureau of Investigation (NBI) para matunton ang mga nalalabing nakasalamuha ng unang nahawaan ng United Kingdom variant ng coronavirus disease (COVID-19).

“We have coordinated with the [DOJ] and we will be providing these two names to the NBI… today,” paliwanag ni Health Undersecretary Maria Rosario Vergeire, Biyernes.

“Para lang mahanap natin at mas madali kasi silang makakahanap because of their database.”

Ilang araw pa lang ang nakalilipas nang kumalat ang isang memorandum ng Philippine National Police-Calabarzon na nag-uutos sa kanilang galugarin ang probinsya para sa mga nawawalang contacts, na noo’y apat pa.

Una nang sinabi ng DOH na ilan sa mga nakasalamuha ng 29-anyos na Pinoy mula United Arab Emirates (UAE) ang hindi pa rin sumasagot sa tawag ng mga otoridad kahit na hanggang 70% mas nakakahawa ang UK variant ng COVID-19.

Paglabag sa Republic Act 11332, o batas sa notifiable disease, ang hindi pakikipag-ugnayan sa gobyerno habang nasa gitna ng isang public health emergency ang Pilipinas.

Sa kabila nito, kinumpirma ni Vergeire na hindi pa naman nila iniisip magkaso ngunit ita-tap lamang ang NBI para mapabilis ang tracing sa dalawang indibidwal.

“So titignan natin, baka mahanap na natin through this kind of process,” wika pa ni Vergeire sa mga reporters.

Una nang lumabas sa mga balitang 159 lahat-lahat ang pasahero ng Emirates Flight EK 332 ang sinakyan ng 29-anyos na index case ng UK variant sa Pilipinas.

Labas diyan, umabot sa 213 ang naging “close contact” niya, kung saan 15 na ang nagpopositibo sa COVID-19. Kasama riyan ang nobya at nanay ng 29-anyos na index case.

Walo sa EK 332 co-passengers ang tinamaan ng virus, anim na close contacts ng index case, isang kabahay at isang healthcare worker.

Nagpapatupad pa rin ng tral restrictions sa mahigit 35 bansa ang Pilipinas dahil na rin sa banta ng UK, South African at iba pang mas nakahahawang COVID-19 variants. Epektibo ito hanggang ika-31 ng Enero, 2021.

Umabot na sa 507,717 ang tinatamaan ng COVID-19 sa Pilipinas ayon sa ulat ng gobyerno nitong Huwebes. Sa bilang na ‘yan, yumao na ang 10,116 pasyente.

PAUL, aminadong mas nakaka-stress ang may lovelife

Posted on: January 25th, 2021 by @peoplesbalita No Comments

PINAGDIINAN ni Paul Salas na wala siyang lovelife.

Huling na-link si Paul ay kay Taki Saito. Ang ex-girlfriend naman niyang si Barbie Imperial ay umaariba ulit sa lovelife dahil kay Diego Loyzaga.

Sey pa ng Kapuso hunk na mas nakaka-stress daw ang magkaroon ng lovelife kesa sa trabaho.

“Wala pong lovelife. Ang nakaka-stress po sa akin, love life talaga. Sa trabaho maha-handle pa. Mas okey lang po muna na chill chill lang muna para mas nakakapag-focus sa trabaho at pag-improve ng acting ko.”

Mahirap daw kay Paul ang ma-stress dahil may tendency siyang maging over eater. Sa pagkain daw niya binubuhos ang stress niya noon sa lovelife.

“Kapag nai-stress ako or depressed, sa kain din po ako. Dati hindi rin naman po ako nagluluto. Mas gusto ko po yun kapag marami kaming kumakain. ‘Yung kasama pamilya ko.”

Mabuti na lang at masipag mag-workout si Paul kaya napapanatili niya ang kanyang six-pack abs.

Kasama si Paul sa GMA News TV teleserye na The Lost Recipe at love triangle siya kina Mikee Quintos at Kelvin Miranda.

***

KAPWA nanibago ang mga senior stars ng GMA primetime teleserye na Anak Ni Waray Vs. Anak Ni Biday na sina Dina Bonnevie, Snooky Serna at Jay Manalo sa lock-in taping set-up.

First time daw kasi nilang naka-experience na ma-confine sa taping set ng halos isang buwan. Pero mabilis naman daw silang nakapag-adjust dahil mas mabilis daw nilang natatapos ang maraming eksena at walang nale-late sa kanilang taping.

“Nasanay kasi tayo for so many years na you travel to the location at minsan nale-late ka because of traffic di ba? Ngayon wala ng gano’n kasi nga we are all in the location na kaya maaga kaming mag-start at matapos. Very organize lahat kaya ang sarap magtrabaho kapag maayos lahat,” sey ni Dina.

Sey naman ni Snooky: “Noong una, nakakapanibago at nakakakaba but in the long run, it turned out to be a good experience kasi nagkaroon ng bonding among the cast. We also were very well taken care of by our Kapuso network. I enjoyed doing the lock-in taping.”

Dagdag naman ni Jay: “The challenge is how will you cope with the changes such as staying and working at one location; from time to time, may health workers na nagche-check sa’yo; awareness of wearing face masks all the time; and bringing your own alcohol. We also have our different places so no tsismisan pero masaya dahil maaga kami natatapos.”

***

ANG sweet lang ng beauty queen girlfriend ni Jason Abalos na si Vicki Rushton dahil sa pinost nitong birthday message sa Instagramnoong nakaraang January 14.

“Baba” ang term of endearment nila Jason at Vicki sa isa’t isa.

“To the most selfless person I know, to the person who have touched so many lives (including mine) in sooo many ways, to the person who randomly stops and gets out of the car to help, to the person who does all the weird stuff just to make me laugh, to my Baba, HAPPY HAPPY BIRTHDAAAAAY! I miss you and I love you.”

Nag-reply agad si Jason ng: “Thank you baba. Miss na din kita. I love you.”

Turning 11 years na ang relasyon ni Jason kay Vicki. 2010 noong una silang nagkakilala sa isang event in Bacolod. (RUEL J. MENDOZA)

Malonzo nagparehistro na sa 36th PBA Rookie Draft 2020

Posted on: January 25th, 2021 by @peoplesbalita No Comments

PASOK na rin para sa Virtual 36th Philippine Basketball Association (PBA) Rookie Draft 2020 na nakatakda sa Marso 14 si University Athletic Association of the Philippines (UAAP) star Fi-Am Jamie Malonzo.

Nagpasa na ng application para sa annual Draft nitong Huwebes ang 6-foot-6 forward at naglaro rin sa United States National Collegiate Athletic Association (NCAA) Division I school Portland State University.

Kuminang sa 82nd UAAP 2019 ang high-flying baller para sa Taft-based squad at napabilang sa Mythical Five. Sumabakl din si Malonzo para sa Mighty Sports sa 2020 Dubai International Basketball Tournament at Marinerong Pilipino sa PBA D-League.

Ang iba pang nagsumite ng application papers para mag-pro cager na rin ay sina James Laput ng De La Salle University, Larry Muyang ng Colegio de San Juan de Letran, at Juan Manzo at David Murrell ng kjapwa University of the Philippines. (REC)

Toni Gonzaga, takes lead role in PH remake of the hit Korean film ‘My Sassy Girl’

Posted on: January 25th, 2021 by @peoplesbalita No Comments

PRODUCTION company TinCan Films has announced that the 37 year-old TV host/actress Toni Gonzaga will be starring in the Philippine remake of the hit Korean RomCom film, My Sassy Girl.

Last January 20, TinCan Films post on twitter: “In celebration of its 20th Anniversary, this year we will relive the classic Korean RomCom with its Philippine adaptation. On her birthday, we are proud to announce Toni Gonzaga is Philippines’ My Sassy Girl. #MySassyGirlPH”

The production company also released first-look stills of the actress in the upcoming film. She will be playing the role of the Sassy Girl, originally portrayed by Jun Ji Hyun.

The original Korean film follows Gyun Woo, a college student who lives his life picking up girls, drinking with his friends, and avoiding his nagger of a mother. His life changes forever when he meets a drunk girl who vomits on another passenger while riding the subway.

After this encounter, Gyun Woo finds himself in numerous situations with the girl, and in a relationship with her that he didn’t ask for.

The 2001 film stars Cha Tae Hyun as Gyun Woo and Jun Ji Hyun as the girl. It comes from director Kwak Jae Yeon, who also penned the screenplay. The film became a hit inside and outside South Korea, playing a role in the spread of the “Korean wave.”

A separate announcement of Gonzaga’s leading man is expected soon.

The confirmation of Gonzaga’s part in “My Sassy Girl” comes a month after she was first rumored to be attached to the project. Its release date and venues have yet to be announced.

TinCan most recently produced the fantasy rom-com Love the Way U Lie, starring Xian Lim, Kylie Versoza and Alex Gonzaga. The production outfit is under Ten17P, the film company founded by Gonzaga’s husband, Paul Soriano.

For updates regarding upcoming projects, you can keep checking back on TinCan Films’ official website, Facebook, and Twitter pages. (ROHN ROMULO)

7 arestado sa sugal at shabu sa Navotas

Posted on: January 25th, 2021 by @peoplesbalita No Comments

Arestado ang pitong katao, kabilang ang isang byuda matapos maaktuhan ng mga tauhan ng Maritime Police na naglalaro ng ilegal na sugal at makuhanan ng shabu ang apat sa kanila sa Navotas city.

Kinilala ni Northern NCR Maritime Police Station (MARPSTA) head P/Major Rommel Sobrido ang mga naarestong suspek na nahaharap sa kasong paglabag sa RA 9165 o Comprehensive Dangerous Drug Act of 2002 na si Marilyn Blance, 55, byuda, Norlito Faustino, 47, Angelito Lee, 43, at kapatid nito na si Manuel Lee, 51, pawang mangingisda.

Habang nahaharap naman sa kasong paglabag sa P.D. 1602 as amended by R.A. 9287 (Illegal Gambling) ang tatlong mangingisda din na si Elmer Laurente, 56, Artemio Linehan, 45, at Celso Cahilig”, 48.

Ayon kay PSMS Nemesio “Bong” Garo, dakong 1 nang hapon nang ipadala ni Maj. Sobrido ang isang team ng kanyang mga tauhan sa pamumuno ni PLT Erwin Garcia upang alamin ang natanggap nilang ulat hinggil sa umano’y nagaganap na pot session sa isang bangkang pangisda na FBCa JUNJUN na nakadaong sa Break Water ng Navotas.

Pagdating sa lugar, nakita ng mga pulis ang mga suspek na nagsisiksikan sa naturang bangka kung saan naaktuhan ang tatlo sa kanila na naglalaro ng sugal na “Pusoy” habang nakuhanan naman ang apat ng hinihinalang shabu dahilan upang arestuhin ang mga ito.

Narekober sa mga suspek ang isang deck ng baraha, P500 bet money at pitong plastic sachets na naglalaman ng hinihinalang shabu na nasa P4,900 ang halaga. (Richard Mesa)