2021 February 16 Archive - People's Balita

July 3, 2024
Search in People's Balita
Ang Diyaryong Pinagkakatiwalaan

Archive for February 16th, 2021

Kelot na-curfew nagbigay ng maling pangalan, kalaboso

Posted on: February 16th, 2021 by @peoplesbalita No Comments

Lalong nabaon sa asunto ang isang 30-anyos na lalaki na nagtangkang umiwas sa pagbabayad ng multa sa pamamagitan ng pagbibigay ng maling pangalan makaraang mahuling lumabag sa curfew sa Navotas city.

Sa ulat na tinanggap ni Acting Navotas police chief P/Col. Dexter Ollaging, sinita ng mga tauhan ng Navotas police si Andrew Fernandez, 30 ng C-11 Kapitbahayan, Brgy. NBBS-Kaunlaran alas-12 ng hatinggabi habang naglalakad sa kanto ng Lapu-Lapu at Dalag Streets sa Brgy. NBBS Dagat-Dagatan na malinaw na paglabag sa umiiral na curfew.

May katapat na pagbabayad ng P1,000. multa ang paglabag sa naturang ordinansa kaya’t nang tanungin ng mga pulis ang kanyang pangalan para sa pagi-isyu sa kanya ng Ordinance Violation Receipt (OVR), nagpakilala siya bilang si Andrew Villaruel.

Habang isinusulat ng mga pulis sa OVR ang kanyang pangalan, hinanapan siya ng Identification Card upang maberipika kung may iba pa siyang kasong kinakaharap at dito natuklasan na Andrew Fernandez at hindi Andrew Villaruel ang tunay niyang pangalan.

Sa halip na multa lamang ang katapat sa nagawang paglabag sa ordinansa, kalaboso si Fernandez na nahaharap ngayon sa kasong paglabag sa Article 178 ng Kodigo Penal o Using fictitious name or Concealing true name sa piskalya ng Navotas. (Richard Mesa)

Zack Snyder’s ‘Justice League’ Unveils Full Trailer, Teases a Batman vs. Joker Showdown

Posted on: February 16th, 2021 by @peoplesbalita No Comments

ON February 14, DCEU fans got an unexpected Valentine’s gift when HBO Max unveiled the new full trailer for Zack Snyder’s Justice League, which also teased Jared Leto’s Joker.

Over the last few weeks, new details, photos, and teaser videos have been released hyping the HBO Max premiere of Zack Snyder’s Justice League. This past week, we got a closer look at Jared Leto’s Joker, who will jump from 2016’s Suicide Squad and into Snyder’s cut of Justice League, as well as a teaser featuring the big bad of Snyder’s movie, Darkseid.

Watch the full trailer #ZnyderCut below: https://www.youtube.com/watch?v=OQoz7FCWkfU

At the very end of the official trailer, we get a preview of Joker’s scene with Batman (Ben Affleck). In the clip, Joker looks out over a post-apocalyptic wasteland.

As he does, he tells Batman, “We live in a society where honor is a distant memory. Isn’t that right, Batman?”

Joker saying “We live in a society…” has been petitioned for Joaquin Phoenix’s solo Joker film and garnered 58,000 signatures at Change.org.

But while the line didn’t make it to the film, Snyder’s Cut delivers to the fans what they want and made the meme part of the canon.

After all, the upcoming 4-hour Justice League film became a reality thanks to the fans who called for the release of the Snyder’s cut of the 2017 film. The film was originally helmed by Snyder, but director Joss Whedon took over after the former faced a family tragedy.

Since then, fans have been rooting for a rerelease of the film with Snyder in full control of its final outcome.

The film will feature Henry Cavill, Gal Gadot, Jason Momoa, Ray Fisher, and Ezra Miller reprising their roles.

The film will start streaming on HBO Max this March 18. (ROHN ROMULO)

MGA MAY NAIS MABAKUNAHAN NG COVID-19 VACCINE SA MM MABABA AYON SA DILG

Posted on: February 16th, 2021 by @peoplesbalita No Comments

LUMABAS na mababa at nasa 20% hanggang 30% lamang ng mga residente ng Metro Manila ang may gusto na magpabakuna laban sa COVID-19 batay sa isang survey ng Department of Interior and Local Government (DILG).

Ayon kay DILG Undersecretary Epimaco Densing III. Lubhang mababa ito mula sa 80 porsyentong target ng kanilang ahensya.

Upang tumaas naman ang mga taga-Metro Manila na makumbinsi na magpabakuna ay mas paiigtingin nila ang kampanya upang mahikayat ang publiko na tumanggap ng COVID-19 vaccine.

Bukod sa Metro Manila ay sa ngayon ay patuloy ang pag punta nila sa iba’t ibang lugar tulad ng sa Calabarzon at sa susunod na linggo, babiyahe sila pa Mindanao, sa Davao City para ipaliwanag sa taong bayan ang importansya ng pagbabakuna.

Samantala ay isa naman sa nakitang dahilan ng takot ng publiko sa bakuna ay ang nangyari sa mga nabakunahan ng Dengvaxia. Ayon sa Public Attorney’s Office (PAO) na tangging pagbigay ng hustisya sa mga biktima nito at pagpapakulong sa mga sangkot dito ang mga papataas ng kumpinysa ng publiko sa mga bakuna. Nilinaw din mismo ni PAO chief Atty Persida V. Rueda-Acosta na hindi sila kontra sa anumang uri ng bakuna. Giit niya na siya mismo at ang kanyang pamilya ay kumpleto sa bakuna kaya walang katotohanan ang pag bansag sa kanila na mga “Anti-Vaxxers”.

Inaasahan naman na dumating ang bakuna sa bansa ngayong buwan ngunit hindi isinapubliko ang eksaktong petsa ng pagdating nito. (RONALDO QUINIO)

Galatians 6:10

Posted on: February 16th, 2021 by @peoplesbalita No Comments

Do good to all.

Laput tipo ang Magnolia

Posted on: February 16th, 2021 by @peoplesbalita No Comments

MAGKAKAROON kaagad ang Magnolia Hotshots ng malaki o sentro kung masusunod lamang ang hangarin ng one-and-done former player ng Marinerong Pilipino Skippers sa Philippine Basketball Association Developmental League (PBADL) na si James Laput.

Binunyag ng 24 na taon, may taas na 6-10 na Filipino-Australian, na isa sa mga koponan na puntirya niyang malaruan sa 46th PBA 2021 Philippine Cup sa Abril 9 ang Pambansang Manok. Pero kailangang mapunta siya rito pagsapit ng Online 36th PBA Draft 2021 sa Marso 14.

“Magnolia is one of my preferred destinations, that is not a lie because they need a big man, they need a center,” litanya makalawa ng beterano rin ng 82nd University Athletic Association of the Philippines (UAAP) 2019-20 sa paglalaro sa De La Salle University Green Archers.

“Props to Ian Sangalang and Rafi Reavis, those guys are amazing, but I feel like they are one of those teams who still needs a big man,” dagdag ng sinilang at lumaki sa Perth, Victoria at kumampanya rin sa United States National Collegiate Athletic Associatin (NCAA) Division 2 school.

Pinangwakas niyang, nais din niya sa isang team ang kakayahan ng isang sentrong kagaya niya kaya sumasagi rin sa kanyang kukote kung sumala ang Magnolia sa kanya, ang Alaska Milk Aces o Meralco Bolts. (REC)

Voter’s registration pinalawig ng 2 oras, kahit holiday pwede na rin – Comelec

Posted on: February 16th, 2021 by @peoplesbalita No Comments

Pinalawig pa ng dalawang oras ng Commission on Elections (Comelec) ang schedule ng voter registration bilang paghahanda sa national at local elections sa 2022.

Ayon kay Comelec Spokesperson James Jimenez, mula Martes hanggang Sabado bukas ang mga opisina ng Election Officers sa buong bansa para tumanggap ng mga magpapa-rehistrong botante.

Alas-8:00 ng umaga hanggang alas-5:00 ng hapon bukas ang Offices of the Election Officers (OEO); at kahit holiday daw ay tatanggap sila ng magpaparehistro.

“The new schedule will be implemented beginning February 15, 2021.”

Para matiyak na nasusunod ang health protocols, itinakda ng poll body sa pagitan ng Biyernes at Lunes ang designated disinfection day sa mga OEO.“During disinfection, all Comelec offices nationwide will be closed and there will be no transactions with the public,” sabi ni Jimenez.

Una nang umapela si Jimenez sa mga eligible voters na makilahok sa demokrasya sa pamamagitan ng pagpaparehistro at pagboto.

Para sa mga magpaparehistro, pinayuhan ng Comelec na magpa-appointment muna sa irehistrocomelec.gov.ph at mag-fill up ng application form. (GENE ADSUARA)

DINGDONG, personal na naranasan ang hirap ng isang delivery rider; MARIAN, muling ipinasilip ang ‘bikini body’

Posted on: February 16th, 2021 by @peoplesbalita No Comments

PERSONAL na naranasan ni Kapuso Primetime King Dingdong Dantes ang matinding hirap na pinagdaraanan ng isang delivery rider.

Noong Valentine’s Day, isa nga si Dingdong sa nag-deliver sa natanggap na orders sa kanilang delivery app business na DingDong na ni-launch last year at may masuwerteng nakatanggap din ng regalo mula sa Dunkin’ Donuts na ini-endorse niya.

Post ni Kapuso actor/TV host sa kanyang FB at IG account, “I finished 6 deliveries this Valentine’s Day. But on an average, delivery riders accomplish around 8-10 transactions on good days like this one.

“I started at 9:30am and ended before 3pm, and as i sit here at home waiting for early dinner, I realize how difficult this job is. There are so many factors to consider: heat, dehydration, heavy traffic, wrong addresses – which can cause panic and delays, customer’s temperament, plus the danger of getting into accidents especially if you have not been properly trained.”

Dagdag pa niya, “And yet, our riders out there try to wear a smile at all times, and make everything look bearable. Maybe it’s because of their clear “why” and strong motivation. Ginagawa nila ito para sa mga mahal nila sa buhay.

“Kaya hanga talaga ako sa lahat ng delivery riders na araw araw ay tapat at magalang na naglilingkod at tumutulong sa pag-arangkada ng ekonomiya ng bansa. And today, mas lalo pang tumindi ang paghanga at respeto ko sa inyong lahat.

“That’s why i will never get tired of my mission of professionalizing this industry, especially for those who want to be successful in this field.”

Ang DingDong app ay nabuo bilang business idea nang si Dingdong mismo ang personal na nagdi-deliver ang flower arrangement ng Flora Vida by Marian Rivera, ang business na tinayo ng kanyang asawa. Layunin din nito na makatulong sa mga kasamahan sa entertainment industry na nawalan ng trabaho dahil sa pandemya.

Samantala, naging masaya pa rin ang simpleng celebration ng Valentine’s Day ng pamilya Dantes, na kung saan nag-prepare si Marian ng early dinner treat.

For sure, isa sa niluto ni Marian ang request nang mag-amang Dingdong at Zia ang kanyang special spaghetti, na nabanggit ng aktres sa zoom mediacon ng WalterMart Supermarket na kung saan kasama na niya si Zia bilang endorser, na kinigiliwan sa kanilang bagong TVC.

***

MAY Valentine’s treat din si Kapuso Primetime Queen Marian Rivera sa kanyang mga followers.

Sa kanyang Instagram post, muli niyang pinasilip ang bikini body with killer abs at may caption na, “Hope you guys are having a sweet day with your loved ones today Happy Valentine’s!
“Ang aking larawan ay kuha ng aking asawa. @dongdantes.”

Agad naman nag-react ang netizens na followers ng fashionpulis.com sa post na ito ni Marian na pinatutunayan lang na hindi siya buntis:

“Subtle way para sabihin na hindi siya buntis.”

“She gave birth twice but still managed to have that figure. WOW!”

“Asan ang hustisya jusko mas mukha pa akong nanganak kay Marian!”

“Oh ayan na hinihintay nyo. Hopia kayo!

“Grabe naman the abs.”

“Wow super HOT. THIS NEGATES THE SPECULATIONS.’

“Oo na, magdadiet na talaga ako bukas. Lol. Kainis naman toh. Binigyan na nga magandang mukha tapos yan pa ang katawan after 2 kids.”

“True! May magagandang mga anak may abs pa! Pengeng konting swerte girl.”

“Ganda pa rin ni Marian!”

“Pamatay ang abs.”

“Lalong bumabata ang hitsura niya.”

“Grabeng abs yan, nagmumura. I didn’t know nagwowork out din si Marian.”

“Looking for validation and praise. Hahaha.”

“Tell me how often does she post herself in a bikini? Everyday ba? Or how many selfies does she post in a day. May kilala ako atleast 5 posts/ stories pinopost a day.”

“wag kang ano. Validation yan na hindi sya buntis. And praise? Pununong puno sya nyan, di nya yan kelangan from people like you na naghahanap ng nega sa taong puro positive lang ang nangyayari sa buhay.”

“parang inedit pero ako lang to ha!”

“Sakit noh? Nakikita mo na pero deny ka pa rin. Yung isa kasi, nangako ng abs sa workout routine kineme niya kaso ning tinanong king meron na, waley pa rin. Partida dalawa pa ang junakis niyan ha! Pikit na lang mars kapag masakit na ang katotohanang sexy si marian.”

“Ayan pinagpipilitan pa rin kasing buntis, inferness palaban ang pandesal ni Marimar. Sana all talaga.”

“Sana ol pag nag swimming at pictorial natural gaya nya. Yung iba todo sa makeup at alahas.”

“Pak sa mga chismosang nagpipilit na buntis si Marian!”

“So asan na ang may sabing buntis sya?”

“Tumaba sya. Pero bagay naman.mas ok yung ganyang katawan kesa super payat.” (ROHN ROMULO)

2021 FIBA Asia Cup qualifiers sa Doha, Qatar, kanselado dahil sa pandemya – SBP

Posted on: February 16th, 2021 by @peoplesbalita No Comments

Kinumpirma ng Samahang Basketbol ng Pilipinas (SBP) na kanselado na ang pagsasagawa ng ikatlo at huling window ng 2021 Fiba Asia Cup qualifiers na gaganapin sa loob ng isang bubble set-up sa Doha, Qatar.

Sa isang pahayag, sinabi ni SBP President Al Panlilio na batay sa liham na kanilang natanggap mula kay FIBA Executive Director-Asia Hagop Khajirian, kinansela ang mga events na iho-host ng Qatar dahil sa sitwasyon ng coronavirus disease 2019 (COVID-19) sa nasabing bansa.

“The SBP is saddened by the development especially because we know the kind of work that our Gilas Pilipinas Men’s pool has done in Calamba,” SBP President Al Panlilio said.

“Although we are saddened by the situation, we also understand the predicament faced by the Qatar Basketball Federation as they had no choice but to follow the mandate of their government,” dagdag nito.

Kabilang sa mga apektado ng kanselasyon ang mga bansang nasa ilalim ng Group A na kinabibilangan ng Pilipinas, Korea, at Thailand, maging sa Group B (China, Japan, Chinese Taipei, Malaysia) at E (Iran, Syria, Saudi Arabia, Qatar).

Nakatakda sanang umalis sa mga susunod na araw ang Gilas, na kasalukuyang nagsasanay sa Calamba, Laguna.

Noong Huwebes nang ianunsyo ng FIBA na kinansela rin ang laban sa pagitan ng Hong Kong at Guam, na idaraos sana sa loob ng isang bubble sa Manama, dahil sa travel restriction na ipinatupad ng Bahrain.

Gayunman, ang laro sa Group C sa pagitan ng Australia at New Zealand ay tuloy pa rin sa Pebrero 20 sa Cairns, Australia.

Metro Manila mayors muling iginiit na kontra sila sa pagbubukas ng mga sinehan

Posted on: February 16th, 2021 by @peoplesbalita No Comments

Hindi sang-ayon ang mga alkalde ng Metro Manila sa muling pagbubukas ng mga sinehan.

Ayon kay Metro Manila Development Authority (MMDA) chairman Benhur Abalos, nakatakdang kausapin ng mga alkalde ang national government para sa nasabing desisyon na buksan ang sinehan sa mga lugar na nasa ilalim ng general community quarantine.

Paliwanag nito na matagal na mananatili sa loob ang mga manonood at walang sapat na ventillation.

Kapag mangyari aniya nito ay maaaring dumami pa ang bilang ng mga mahahawaan.

Wala na rin aniyang gumagawa ng mga pelikula dahil sa COVID-19 pandemic.

Paglilinaw nito na suportado niya ang hakbang ng gobyerno na buksan ang ekonomiya subalit gawin sana ito ng pakonti-konti.

Sinabi naman ni Quezon City Mayor Joy Belmonte na maging ang ilang mga mall owners ay hindi ring sang-ayon sa pagbubukas ng mga sinehan.

Tanging ang sinehan lamang ang kanilang hindi sinasang-ayunan subalit ang ilang negosyo na nabanggit ng gobyerno na bubuksan gaya ng mga libraries, museums, cultural centers, conference, exhibitions at ilang tourist attractions ay kanilang sinusuportahan.

Magugunitang inihayag ng national government na simula ngayong Pebrero 15 ay bubuksan ang nasabing mga negosyo at gagawing 50 percent ang magiging kapasidad ng mga dadalo sa mga misa.

Malakanyang, hindi kontra sa naging hakbang ng Kongreso hinggil sa paghahain nito ng Bayanihan 3

Posted on: February 16th, 2021 by @peoplesbalita No Comments

NILINAW ng Malakanyang na hindi ito kontra sa inihaing Bayanihan 3 bill na inisyatibo ni House Speaker Lord Allan Velasco kaugnay ng patuloy na pagtugon ng pamahalan sa COVID 19.

Ayon ay Presidential Spokesperson Harry Roque, ang ipinupunto lamang nila ay dapat lang masiguro kung may pangangailangan ba talaga para sa ikatlong Bayanihan.

Ang katwiran ni Sec. Roque ay mayroon pa naman kasing natitirang 25 porsiyento sa Bayanihan 2 habang may napagkukunan pa ring pondo sa stimulus package na nakapaloob sa 2021 budget.

Sa katunayan ay nagpapasalamat nga sila sa Mababang Kapulungan kaugnay ng nasabing inisyatibo gayung sakali mang kailanganin na ang Bayanihan 3 ay naririyan lang aniya ito at maaaring gamitin para sa patuloy na pagtugon sa pandemya.

“Well, let me clarify, we’re not actually rejecting it, we’re thankful that it was filed because it is a policy initiative that we may have to resort to.But right now, we’re not sure if we should implement it yet because number one, 25% of Bayanihan 2 still has to be spent and number two, of course, we have trillions of pesos in stimulus package embedded already in the 2021 Budget,” ayon kay Sec. Roque.

“What we’re saying is we’d like to thank Congress for this initiative because when and if we need to tap it, certainly we will resort to Bayanihan 3,” dagdag na pahayag nito.

Ang House Bill 8628 o ang Bayanihan 3 bill ay nagkakahalaga ng 420 billion pesos na di hamak na mas malaki sa pondong inilaan sa Bayanihan 2 na nasa 140 billion pesos habang hinugot naman ang Bayanihan 1 sa 2020 national budget na pumalo sa 77.89 billion pesos. (Bishop Jesus “Jemba” M. Basco)