MARAMING fans nina Alden Richards at Bea Alonzo ang nagpahayag nang suporta nila sa unang pagtatambal sa pelikula ng dalawang sikat na celebrities, na parehong endorsers ng isang shampoo brand.

Personal daw na nagpaalam si Bea kay Carlo Katigbak, ang president at CEO ng ABS-CBN. Bago raw tinanggap ni Bea ang offer na movie with Alden ay ipinaalam na nila agad ito kay Mr. Katigbak bilang respeto.

Naghahanda na ngayon si Bea sa project niya with Alden. Pilipino adaptation ito ng hit Korean movie titled A Moment to Remember.

Nakaka-excite ang project dahil unang movie ito nina Bea at Alden. Ang movie ay ididirek ni Nuel Naval. Ito ay kwento ng isang couple struggling with the onset of Alzheimer’s Disease.

Bagong experience naman itong muli with Bea, na kilala sa tandem niya with John Lloyd Cruz.

Inaasahan na magiging big hit din ang A Moment to Remember, tulad ng tagumpay ng Hello Love Goodbye, na unang movie naman ni Alden with Kathryn Bernardo.

Pero dapat din abangan ang reunion movie ni Bea with John Lloyd. Ito raw ang kasunod na project ni Bea right after the movie with Alden.

***

PABORITO marahil ng Saranggola Media si Direk Joven Tan dahil may bagong movie na naman agad ito.

Titled Ayuda Babes, follow-up ito ni Direk Joven sa award-winning filmfest entry na Suarez: The Healing Priest, na entry sa Metro Manila Film Festival last December.

If we go by the saying that laughter is the best medicine, magandang pampapatanggal ng stress itong Ayuda Babes dahil sa comedy na hatid ng pelikula.

Tampok sa movie ang newly-minted TikTok King Gardo Versoza, Joey Paras, Iya Mina, Juliana Porizcova Segovia, Negi, Brenda Mage, Petite Brockovich, Bernie Batin, Ate Gay, Bidaman Dan Delgado, HashTag hunk Zeus Collins, Mario Mortel, at You Tuber Christi Fider.

“Bukod sa entertainment value ng pelikula at sa kagustuhan namin na magpatawa at magpaya ng tao, itong Ayuda Babes ay tribute ko sa tapang, tenacity, at tiyaga ng mga Pinoy. Saludo ako sa pagiging survivor ng Pinoy na kahit nahaharap sa crisis, sa tulong ng Diyos, ay patuloy na lumalaban sa buhay,” pahayag ni Direk.

”Madalas nga ay nagagawan natin ng paraan na harapin ang anumang problema na sa ayin ay sumasapit. Kahit na almost a year na ang covid ay gumagawa tayo ng paraan para labanan ito,” sabi ni Direk.

“Maganda yung attitude na lagi tayo on the positive side and we still count our blessings, thankful for what we have and smile. Maaring seryoso ang pagtingin natin sa mga kinakaharap natin problema pero narito pa rin tayo para mag-enjoy sa buhay natin, kasama ang ating pamilya. Yan ang mensahe namin sa pelikula pero in a funny way.”

Ayuda Babes streaming starts March 5 on iWant, TFC and Ktx.Ph. You may buy your tickets in advance! (RICKY CALDERON)

TULOY na tuloy ang kauna-unahang pagganap ng Kapuso Primetime Queen na si Marian Rivera-Dantes para sa Tanghalang Ateneo sa makabagong pagsasadula ng ‘Oedipus Rex’.

Personal ngang nag-imbita si Marian sa kanyang milyung-milyon followers sa virtual play na titulong password: 03d1pu5_R3x.

Post niya sa kanyang IG account:

“Ako si Marian Rivera-Dantes, gaganap sa papel na Kreon.
“Inihahandog ng Tanghalang Ateneo sa kanilang ika-42 na taon, Pagbabanyuhay: Bagong Anyo ng Buhay, at ng RolePlayers, Inc at Loyola Film Circle.

“password: 03d1pu5_r3x.
“Halaw at Direksyon ni RONAN B. CAPINDING ng Saling-Filipino ni ROLANDO S. TINIO ng dula ni SOPHOCLES.
“Esklusibong ipapalabas ng ticket2me ang password: 03d1pu5_r3x sa Pebrero 22, 25, at 27.
“Mapanonood ito nang may Ingles na subtitles (kung ibig mo). Maaaring bumili ng tiket mula rito: https://ticket2me.net/e/33027
“Para sa iba pang detalye o mga katanungan, makipag-ugnayan kay Kristelle Angelyne Ventura (0966-307-5975).
“Saksihan ang kuwento ni Edipo ngayong Pebrero.”

Nilagay din ni Marian ang step by step na pagbili ng tickets para sa Password: 03d1pu5_R3x:
     1. Go to ticket2me.net. Sign in (if you have an account) or sign-up (and create an account) if you don’t have yet.
2. Look for the event page of password: 03d1pu5_R3x then click it (or type in https://ticket2me.net/e/33027).
3. Once on the event page, click Buy Ticket. Select the date you want to watch (February 22, 25, or 27). Please take note that these events are in Philippine Standard Time (GMT +08:00)
4. Continue to pay for the tickets once you have finalized your order. You may pay via Credit Card, Paypal, GCash, Bank Transfer. The payment instructions may appear onscreen or is sent to your registered email (used to sign-up for ticket2me) depending on the chosen payment method.
5. After the successful payment, tickets and unique links to watch the production are sent to your registered email.
6. On the day of the scheduled event, copy and paste the unique link on your browser. This will be password protected. Passwords will be sent out by the organizers to your registered email.
7. Enjoy your viewing! The production will be available for 24 hours, starting 10:00 AM (Philippine Standard Time) of the chosen show date. (Example: Feb 22 10:00AM – Feb 23 10:00AM).

Napakalaking challenge ito para sa kay Marian, lalo na in terms of acting, kaya nagtalo-talo na naman ang netizens kung maayos niya itong maitatawid dahil kakaiba ang teatro.

Kaya ganun na lang ang kanyang kaba at paghahanda dahil alam niya na maraming mga mata ang nakatuon sa kanya ngayon sa pagtanggap niya upang gumanap na Vice President Kreon.

Suportado naman siya ng kanyang asawa na si Dingdong Dantes na isa sa nag-encourage sa kanya na tanggapin ang napakalaking oportunidad na siguradong tatatak sa kanyang showbiz career.

Goodluck Marian, break a leg!

***

NI-REVEAL na rin sa 24 Oras this week ang iba pang Kapuso actors na makakasama sa Voltes V: Legacy.

Ang dalawang mahusay na aktor ay magiging kakampi ng Voltes V team na binubuo nina Miguel Tanfelix (Steve Armstrong), Ysabel Ortega (Jamie Robinson), Radson Flores (Mark Gordon), Matt Lozano (Big Bert Armstrong) at Raphael Landicho (Little Jon Armstrong).

Tuwang-tuwa nga si Gabby Eigenmann na nag-wish na sana ay makasama sa biggest project nga GMA Network for 2021, dahil siya lang naman ang gaganap bilang si Commander Robinson na leader ng Earth Defense Force.

Siya ang ama ng nag-iisang babae sa Voltes V team na si Jamie Robinson at ang co-designer ng Voltes V.

Inalala naman ni Gabby na pinapanood talaga niya nu’ng bata pa siya.

Dagdag pa niya, “I used to collect cards, ‘yung mga playing cards, bumibili talaga ako sa tindahan niyan para lang ma-collect pati ‘yung mga stickers.”

Ang mahusay din character actor tulad ni Gabby na si Neil Ryan Sese naman ang gaganap sa karakter ni Dr. Hook, isa sa mga scientist na involved sa Earth Defense Force.

Si Dr. Hook ang nasa likod ng “Spin Fly Technique” ni Voltes V.

Aminadong solid fan din si Ryan ng Voltes V na tuwing hapon daw ay pinapanood nila na magpipinsan. Malaking hamon daw sa kanya ang naturang pagganap sa role lalo na ng, “nalaman-laman ko pa na nu’ng unang ginawa ‘to, ‘yung cartoons dito sa Pilipinas nu’ng 1978, si Mr. Joonee Gamboa pala ‘yung nag-voice over doon sa Dr. Hook so, siyempre, isa pa sa iniidolo ko ‘yon so dagdag pressure pa.”

Nadagdagan din ang puwersa nina Prince Zardoz at Zandra (Martin del Rosario at Liezel Lopez) dahil pinakilala na rin sina Zuhl (Epy Quizon) at Draco (Carlo Gonzalez).

Next week, marami pang makikilala na nakapasok sa Voltes V: Legacy na mula sa direksyon ni Mark Reyes, na malapit nang magsimula ang kanilang lock-in taping. (ROHN ROMULO)