• July 13, 2024
  • Ang Diyaryong Pinagkakatiwalaan

Archive for February 22nd, 2021

Face to face classes, maaaring ilimita sa ilang oras lamang-Sec. Roque

Posted on: February 22nd, 2021 by @peoplesbalita No Comments

MAAARING ilimita lamang sa ilang oras ang face-to-face classes sakali at aprubahan ni Pangulong Rodrigo Roa Duterte ang pilot testing ng “in-person classes” sa mga lugar na may low risk ng COVID-19 transmission.

 

Sinabi ni Presidential Spokesperson Harry Roque na nakatakdang magpulong sina Pangulong Duterte at ang gabinete nito ngayong Lunes, Pebrero 22 kung saan ay pag-uusapan kung papayagan na nga ba ang in-person classes.

 

“Hindi naman sinabi na palibhasa face to face yan po ay 8 hours 5 days a week. Pwede naman one hour per week, 3 hours per week, basta meron lang pong kombinasyon ng module, ng computer-aided at saka face to face kung kinakailangan makipag-ugnayan sa mga guro,” ayon kay Sec. Roque.

 

“Yan po ay pag-uusapan,  sa press breifing ipinaliwanag ni Sec. Leonor Briones na ito naman ay naunang naaprubahan ng IATF bagama’t panandaliang tinigil natin dahil pumasok ang new variant. Pero ngayong naintindihan na natin ang new variant na ito at mukha namang wala tayong community transmission sa new variant eh bubuhayin muli ang pag-uusap tungkol sa face to face. Dahil gaya ng sinabi ni Sec. Briones parang tayo na lang ang bansa na wala pang face to face sa buong mundo,” dagdag na pahayag nito.

 

Nauna rito, sinuspinde ni Pangulong Duterte ang pilot testing ng in-person classes bunsod ng bago at mas nakahahawa na COVID-19 variant na nakumpirma sa ilang bahagi ng bansa.

 

“Pero sa tingin ko po, alam na natin ang anyo ng bagong variant ngayon, mas nakakahawa. Pero alam din po natin ang kasagutan sa bagong variant na ‘yan mas maigting na mask, hugas at iwas.

 

Nauna rito, sinabi ni Department of Education (DepEd) Secretary Leonor Briones na tanging ang Pilipinas na lamang ang naiiwan sa mga bansa sa Southeast Asia na hindi pa bumabalik sa face-to-face classes.

 

Ayon sa Kalihim, ang face to face sa ibang bansa ay “contextualized” kung saan may iba aniya na may isang oras sa isang linggo habang ang iba naman aniya ay dalawang araw. Depende aniya sa situwasyon.

 

Magkagayon pa man ay naghahanda pa rin ang DepEd sa pagdating ng panahon na i-lift o bawiin na ni Pangulong Rodrigo Roa Duterte ang deferment ng pilot studies ng Pilipinas.

 

Sa ngayon ay masasabing maraming kondisyon ang dapat na ikunsidera gaya ng kailangang pumayag ang local government na gumawa ng face-to-face sa kanilang teritoryo dahil teritoryo ng mga ito iyon at saka malaki aniya ang mga investment ng mga local government sa mga eskuwelahan. Kailangan na may consent ng mga ito. Eliminated  ang NCR sa isinama nila na 1,000 schools dahil hindi naman ito sumasailalim sa Modified General Community Quarantine (MGCQ). (Daris Jose)

RURU, naglalakihan na ang braso at dibdib dahil sa ‘intense workout’; paghahanda para sa ‘Lolong’

Posted on: February 22nd, 2021 by @peoplesbalita No Comments

BORTANG-BORTA ang pangangatawan ni Ruru Madrid sa isang video post nito sa Instangram kunsaan nagwu-workout ito bilang paghahanda sa pagbibidahan niyang teleserye sa GMA na Lolong.

 

 

Naglalakihan ang mga muscles sa braso ni Ruru habang nagbubuhat ito ng weights. Kitang-kita rin ang malaking dibdib ng aktor na kinasasabikan na ng nga beking makita kapag nag-topless na ito.

 

 

“My kind of chill weekend,” caption pa ni Ruru sa IG post.

 

 

Bukod sa intense workout, sumabak din sa stunt training si Ruru. Makikita sa pinost niya sa IG ang training niya kasama ang dalawang lalake. Nag-aral din ang aktor ng Filipino traditional martial art na Arnis.

 

 

Makakatambal ni Ruru sa upcoming action-adventure series ay sina Shaira Diaz at Arra San Agustin.

 

 

***

 

 

NAG-STANDOUT sa kanyang audition para sa bagong cooking show na Farm To Table si Chef JR Royol.

 

 

Tinalo nga raw ng Bicolano-Igorot chef ang ilang mas kilala nang celebrity chefs.

 

 

“This show came at the right time. Noong may tumawag sa akin para mag-audition ako, wala akong alam na it’s for a cooking show. Akala ko guesting lang iyon. When they called me na ako ang napili, natuwa po ako kasi marami kaming nag-audition. Magandang blessing ito for my family,” sey pa ni Chef JR.

 

 

Bumagay raw kasi si Chef JR sa concept ng show kunsaan pupunta ito sa iba’t ibang farms sa bansa at ituturo kung papaano makakalikha ng masasarap na putahe gamit ang fresh ingredients mula rito.

 

 

“The way I look at this project is para siyang hands-on training. For me, more than the exposure, I’m mostly excited with the knowledge na makukuha ko working with different people. One of my practices is to really teach my staff before. Mas excited ako na mas malawak ‘yung audience na matuturuan ko with this show.”

 

 

***

 

 

HINDI lang pala si Kim Cattrall ang hindi makakasama sa reboot ng Sex and the City sa HBO Max.

 

 

Hindi rin kasama si Chris Noth, ang gumanap na Mr. Big, at si David Eigenberg, ang gumanap na Steve Brady.

 

 

Noon pa naman sinabi ni Noth na tapos na siya sa pagganap bilang si Mr. Big after ng second movie ng SATC. He has moved on portraying other characters on TV tulad sa The Good Wife, Gone, Dr. Who at The Equalizer. 

 

 

Si Mr. Big ang love interest ng character ni Sarah Jessica Parker as Carrie Bradshaw sa six seasons ng SATC. Kinasal sila sa first movie version ng SATC in 2008 at na-survive nila ang struggles of married life sa SATC sequel on 2010.

 

 

Si Eigenberg ang gumanap na bartender boyfriend ni Miranda Hobbes (Cynthia Nixon) mula season 1 to 5 ng SATC. Season 6 sila kinasal. Sa SATC movie, naghiwalay sila pero nagkabalikan sa ending. Sa second movie, iilan lang ang eksena niya. Kasalukuyang lumalabas si David sa series na Chicago Fire.

 

 

Medyo disappointed ang SATC fans dahil hindi mabubuo ang cast para sa 10-episode revival title “And Just Like That.”

 

 

Wala ring kasiguraduhan kung ire-reprise ng iba pang SATC cast tulad nila Willie Garson as Stanford Blatch; Kyle MacLachlan as Trey MacDougal; Evan Handler as Harry Goldenblatt; Mario Cantone as Anthony Marintino; and Frances Sternhagen as Bunny MacDougal.

 

 

Pumanaw naman na ang two SATC cast members na si Lynn Cohen as Magda and Anne Meara as Mary Brady (RUEL J. MENDOZA)

TABLET NA BINIGAY NG QC GOVERNMENT BUKING NA GINAGAMIT SA ONLINE SUGAL

Posted on: February 22nd, 2021 by @peoplesbalita No Comments

PINAIIMBESTIGAHAN na ng Quezon City government kung paano nagagamit sa online sabong ang mga tablet na ipinamigay ng lokal na pamahalaan.

 

 

Dismayado ngayon si QC Mayor Joy Belmonte dahil ayon sa kanya ay  inilaan sa pag-aaral ang mga ito ngunit napupunta sa sugal. Para umano sa mga bata ito at dapat manatili na gamitin para lamang sa kanilang pag-aaral lalo na sa ngayon ay tanging on-line classes lang ang pinapaiiral halos sa buong bansa.

 

 

Nabuking ng QC na nagagamit ang tablet na ipinamahagi nila sa on-line sabong mtapos ang naging operasyon ng Task Force Disiplina noong February 14 kung saan ay may natiyempuhan sila na grupo ng kalalakihan na nag-iinuman at nang makita ang TF Disiplina ay nagpulasan ang mga ito pero may mga tablet na naiwan na naka on pa sa on-line sabong.

 

 

Kinumpiska ng TF Disiplina ang mga tablet at nang masuri ay napag-alaman na ito ay pawang ipinamahagi ng QC government at nakalaan para sa on-line classes.

 

 

Base sa  QC Council Ordinance no. 2954 S-2020,  sinumang indibidwal na gamitin ang binigay na gadgets ng QC government maliban sa on-line classes ay mahaharap sa multa at iba pang mga penalties. (RONALDO QUINIO)

Pagkalat ng ‘mutated’ COVID-19, pinipigil na ng DOH

Posted on: February 22nd, 2021 by @peoplesbalita No Comments

Nagsasagawa na ngayon ng aksyon ang Department of Health (DOH) sa Central Visayas para mapigilan  at hindi na kumalat ang natuklasang dalawang ‘mutated’ na COVID-19.

 

 

“The DOH recognizes the potential public health implications of these reported mutations in samples from Region 7. The Center for Health Development (CHD) in Central Visayas has initiated measures to contain the transmission in the region and investigation to characterize the cases and areas of concern,” ayon sa pahayag ng DOH kahapon.

 

 

Magpapadala pa ng dagdag na samples ang DOH-Region 7 sa Philippine Genomic Center (PGC) para makakuha pa ng mga karagdagan rin na mga detalye ukol sa dalawang mutation na inisyal na binansagang  E484K at N501Y.

 

 

“We would like to emphasize that our biosurveillance efforts extend beyond this enhanced response in Region 7 and is inclusive of all regions to give us better national and regional pictures of these mutations and variants,” ayon pa sa DOH.

 

 

Sinabi rin ni Health Secretary Francisco Duque III na masyado pang maaga na iugnay ang dalawang bagong diskubreng mutation sa pagtaas ng kaso ng COVID-19 sa Region 7. Sinabi ng kalihim na isang factor ang pagtaas ng mobility ng mga tao nang ilagay ang rehiyon sa ‘modified general community quarantine’.

 

 

“Yan sa tingin ko ang posibleng dahilan pero pwedeng hindi lang siya ang dahilan, posibleng marami ring dahilan kaya kailangan ng mas malalimang pagsusuri para malaman natin kung ang pagtaas na ito ay dahil sa isang factor or pangalawang factor or combination ng factors,” pahayag pa ni Duque.

 

 

Ipinaliwanag ng DOH na natural na nagkakaroon ng mutation ang mga viruses, maging kapag nasa loob na ng katawan ng tao. Iba’t iba rin ang epekto ng mga mutation kung saan maaaring hindi naman nakasasama. (Daris Jose)

SHARON, inunahan na agad ang mga bashers na walang in-edit sa latest photo na pinost

Posted on: February 22nd, 2021 by @peoplesbalita No Comments

ILANG araw nang pinag-uusapan ang latest photo ni Megastar Sharon Cuneta sa kanyang Instagram.

 

 

Marami talagang napa-wow at nag-react na pumayat talaga siya na kitang-kita naman sa kanyang pinost na may caption na, “Just got home from work. Thank You, Lord for a wonderful taping day!”

 

 

Kasama ang hashtag na #noeditinghuwaw, na parang inunahan na ang kanyang mga bashers, dahil pinaghirapan talaga niya ang kanyang stunning figure.

 

 

Last January, nanggulat din si Sharon nang ipost sa IG ang photo na naka-swimsuit habang nasa swimming pool, na kitang nagsimula nang mabawasan ang kanyang timbang.

 

 

Bukod sa kanyang fans and followers, hindi rin napigilang mag-comment ng mga showbiz friends niya.

 

 

Of course, nag-comment din ang asawa niyang si Sen. Kiko Pangilinan ng, “Hi sexy.”

 

 

Pati ang anak niyang si Frankie Pangilinan at nag-comment in bold letters na, “PLEASE THIS IS THE CUTEST THING IVE EVER SEEN IN MY LIFE.”

 

 

“GO QUEEN HAVE YOUR COFFEE.”

 

 

Sagot naman ni Sharon, “@frankiepangilinan With lots of milk! You know that right?!”

 

 

Narito naman ang naging comment ng nina Pops Fernandez: “You look great!”,

 

 

Ara Mina: “That’s my Ate. So sexy na.”

 

 

Alex Gonzaga, “Sexy!!!!!.” Mariel Rodriguez-Padilla: “Beautiful,” Rica Peralejo: “Awow ANG GANDA.” Jackielou Blanco: “Looking great mama!!!”, Jaya: ”So happy to see you earlier!!! You look amazing!”, at Franco Laurel: “In fighting form! Wow!!!!!”

 

 

Say naman ni Jed Madela, “Super happy to see you today, Ate Shawie!!”

 

 

At nag-reply naman si Sharon ng, “@jedmadelaofficial Me too my Jeddy! You have no idea how much I missed us all together! I love you!”

 

 

Samantala, nagsimula na ang reality talent competition na Your Face Sounds Familiar last Saturday and Sunday na kung saan balik sa pagiging hurado si Sharon at kasama pa rin sina Gary Valenciano at Ogie Alcasid.

 

 

Ang ten celebrities na maglalaban-laban sa new season ng YFSF ay sina Geneva Cruz, Jhong Hilario, Klarisse de Guzman, Christian Bables, CJ Navato, Vivoree Esclito, Lie Reposposa, at ang iDolls trio na sina Lucas Garcia, Matty Juniosa, at Enzo Almario. (ROHN ROMULO)

P6M HALAGA NG KARGAMENTO TINANGAY NG DRIVER AT HELPER

Posted on: February 22nd, 2021 by @peoplesbalita No Comments

TINANGAY ng driver at ng kanyang helper ang higit sa P 6 milyong halaga ng kanilang kargamento na dapat ay idineliver nila sa isang negosyanteng buyer sa Malabon city.

 

 

Natuklasan ni Johnson Tan, 24, negosyante at residente ng 920 Asuncion St., Tondo, Manila na hindi pala dumating sa kanyang buyer na si Kevyn Sy sa Balintawak Market sa Quezon city ang idedeliver sanang 100 sako ng monggo at 800 sako ng bawang na may kabuuang halagang P611,000.00 ng mga suspek na sina Marvin Enano, 24, driver at Khen Palajos, helper, kapwa ng Baseco Compound, Tondo.

 

 

Sa imbestigasyon ni P/SSgt. Jose Romeo Germinal ng Malabon police, inutusan ni Tan ang dalawa na kuhanin sa Super 5 Cold Storage sa Gov. Pascual, Brgy. Catmon ang mga kargamento noong Lunes ng dakong alas-8:52 ng gabi at i-deliver sa kanilang buyer na si Sy puwesto nito sa Balintawak Market.

 

 

Inakala ni Tan na nai-deliver na ng dalawa ang sako-sako ng monggo at bawang subalit nagulat siya ng tawagan siya ni Sy dakong alas-2 ng hapon kamakalawa at tinatanong kung bakit hindi dumating ang inorder niyang monggo at bawang.

 

 

Tinawagan ni Tan sa kani-kanilang mobile phone ang kanyang driver at helper subalit hindi na sumasagot ang mga ito kaya’t humingi na siya ng tulong sa Manila Police District (MPD) Station 2 na nagpayo rin sa kanyang maghain ng reklamo sa Malabon police.

 

 

Nagsasagawa na ng pagtugis ang magkasanib na puwersa ng MPD at Malabon police para sa agarang pagkakadakip sa mga suspek. (Richard Mesa)

Disney Drops Trailer for ‘Cruella’ Starring Emma Stone as the Fashionable Villain

Posted on: February 22nd, 2021 by @peoplesbalita No Comments

DISNEY has released the first trailer for the upcomong film Cruella, a live-action movie exploring the backstory of the iconic villain Cruella de Vil.

 

 

The trailer gave us a glimpse of Emma Stone as the fashionable villain of 101 Dalmatians.

 

 

The live-action remake will follow Cruella in her younger years during the 1970s, before she became the iconic baddie that’s obsessed with the skin of spotted pups.

 

 

Watch the trailer below: https://www.youtube.com/watch?v=gmRKv7n2If8&feature=emb_logo

 

 

Set amidst the punk rock revolution, Cruella‘s origin story begins with a young grifter named Estella, who is determined to become known for her creative designs. Soon, she catches the interest of the fashion legend Baroness von Hellman (Emma Thompson), which will set in motion a series of events that will transform Estella into the brilliant, bad, and a little bit mad, Cruella.

 

 

Directed by Craig Gillespie and with Emma Stone as the title character, Cruella is based on the character Cruella de Vil from Dodie Smith’s 1956 novel The Hundred and One Dalmatians. From a screenplay by Dana Fox and Tony McNamara.

 

 

Cruella de Vil is best remembered for her animated version in Disney’s 1961 movie One Hundred and One Dalmatians, and later for its first live-action version in the 1996 remake and its sequel, where Glenn Close played the legendary villain.

 

 

Cruella, however, is different from previous versions as it will take viewers back to the 1970s to follow young fashion designer Estella de Vil as she becomes obsessed with dogs’ skins and later becomes the ruthless and terrifying villain everyone now knows.

 

 

Cruella is set to be released in theaters on May 28. (ROHN ROMULO)

Duterte naiinip na sa bakuna

Posted on: February 22nd, 2021 by @peoplesbalita No Comments

Naiinip na si Pangulong Rodrigo Duterte sa paghihintay sa pagdating ng COVID-19 vaccine sa Pilipinas, ayon sa Malacañang.

 

 

Sinabi ni Presidential Spokesperson Harry Roque na nagsalita na mismo ang Pangulo na naiinip na siya at inaasahan niyang mas magiging mabilis na ang lahat ng mga naatasan kaugnay sa mga kukuning bakuna ng gobyerno.

 

 

“Pero tatapatin ko na po kayo, si Presidente nagsalita na, siya mismo naiinip na, kinakailangan dumating na ang mga bakuna. Kaya naman siguro dahil nagsalita na ng ganiyan ang Presidente ay gagalaw ng mas mabilis ang lahat,” ani Roque.

 

 

Nauna nang inasahan ang pagdating ng bakuna na gawa ng Pfizer ngayong Pebrero pero naantala ito at wala pang katiyakan kung kailan petsa dahil sa isyu indemnification o katiyakan na hindi sila ang magbabayad sakaling magkaroon ng side effect ang bakuna.

 

 

Kaugnay sa mga mungkahi na payagan na lamang ang mga local government units (LGUs) na sila ang direktang bumili ng bakuna, ipinaliwanag ni Roque na hindi ito maaari dahil sa kawalan ng general use authorization.

 

 

Ipinaliwanag din ni Roque na ang pagbili ng bakuna ay “special arrangement” sa pagitan ng vaccine developers at ng mga gobyerno.

 

 

Nauna rito, nilagdaan ni Duterte ang isang Memorandum Order kamakalawa na nagbibigay ng kapangyarihan sa mga LGUs na magbayad ng higit sa 15% na advance payment sa mga bakunang binili sa pamamagitan ng tripartite agreement kung saan kasama nila sa kontrata ang manufacturer at national government. (Daris Jose)

HEART, inamin na totoong nag-audition para isang role sa ‘Crazy Rich Asians’

Posted on: February 22nd, 2021 by @peoplesbalita No Comments

KAPUSO actress at Queen of Creative Collaborations Heart Evangelista, said in an interview with dermatologist Aivee Teo, na totoong nag-audition siya for the role of Arminta Lee sa Crazy Rich Asians noong nasa last leg na ito ng auditions.

\

 

     “I auditioned here in the Philippines, and I remember I got a crew, and I did a scene, like a real scene from a telenovela,” sabi ni Heart.

 

 

“After submitting my entry, I received more than 10 missed calls from an agent based in Los Angeles. Nang masagot ko tanong niya: ‘How come you’re not answering your phone?  Your presentation paused in the middle of the showing.’ They’re willing to take a break if you could send an email for that so they could continue watching the audition. 

 

 

Sabi ko, ‘grabe naman!’ And then, they asked if I was available to shoot so sagot ko, ‘siyempre, of course.’ But then, they never called me back.”

 

 

Hindi man daw niya nakuha ang part, grateful pa rin siya sa opportunities na natanggap niya, at naging new friend niya ang author ng Crazy Rich Asians na si Kevin Kwan. 

 

 

Sa movie, si Araminta Lee ay ginampanan ni Sonoya Mizuno, isang celebrated fashion icon ng Singapore, at heiress ng Lee’s Billionaire Hotel Chain.

 

 

Kung nakuha pala ni Heart ang role, bagay na bagay sa kanya dahil isa nga rin siyang fashion icon.

 

 

***

 

 

“MAGKAPATID” na ngayong maituturing ang mag-sweetheart na Bianca Umali at Ruru Madrid, dahil isa na palang binyagan ng Iglesia ni Cristo (INC) ang actress.

 

 

Dati na palang gusto talaga ni Bianca na sumapi sa INC at naging tulay nga si Ruru para matupad iyon.  Bininyagan si Bianca noong December 23, 2020.

 

 

Kabilang na ngayon si Bianca sa maraming artista at TV personalities na members ng INC.

 

 

Sa kasalukuyan ay tinatapos ni Bianca ang lock-in taping nila ng Legal Wives na malapit nang mapanood sa GMA Primetime block, kasama sina Dennis Trillo, Alice Dixson at Andrea Torres sa direksyon ni Zig Dulay.

 

 

Si Ruru naman ay kasalukuyang naghahanda sa lock-in taping ng “Lolong,” kasama sina Shaira Diaz at Arra San Agustin, matapos ang kanilang physical training.

 

 

***

 

TULUY-TULOY pa rin ang mas magagandang pagbabago sa GMA Network ngayong 2021.

 

 

Bukod sa sunud-sunod ang mga bagong programang ipinakikilala nito ay inaabangan na rin  ang malaking pagbabago sa isa pa nitong free-to-air channel na GMA News TV simula sa Lunes, February 22.

 

 

Ayon sa teaser na ipinalalabas na ng network, ipinasilip na rin nila ang bagong logo nito, “A big change is about to happen and it’s gonna be good.”

 

 

Hindi kataka-taka na may “big change” dahil simula pa lamang ng taon, may mga malalaki na silang ini-launch na programa, tulad ng fantasy-romance series na The Lost Recipe na simula pa lamang ay pumatok na sa mga viewers.

 

 

Nasundan na ito ng romance fantasy anthology na My Fantastic Pag-ibig na hit sa mga young at young-at-heart. At nariyan na rin ang original comedy game show na Game of the Gens, na target din ay ang mga manonood from various generations.

 

 

Mapapanood na rin dito ang mga inaantabayanang newscasts, documentaries at lifestyle shows, very soon. (NORA V. CALDERON)

Hiniling na ipagpaliban muna ang 3-strike policy ng TRB

Posted on: February 22nd, 2021 by @peoplesbalita No Comments

Hiniling ng isang House leader sa Toll Regulatory Board (TRB) na ipagpaliban muna ang implementasyon ng 3-trike policy para sa mga motoristang gumagamit ng radio frequency identification lanes na walang sapat na load.

 

 

Si House Deputy Speaker Wes Gatchalian ang humuling na ipagpaliban muna ang pagpapatupad ng three-strike policy hanggang wala pa ang interoperability ng dalawang (2) major tollway operators.

 

 

“Until such time that Easytrip and Autosweep are made compatible with each other’s tollway system, no fines should be imposed on motorists using the expressways,” wika ni Gatchalian.

 

 

Ang San Miguel Corp ang siyang namamahala sa South Luzon Expressway na gumagamit ng cashless toll payment na Autosweep. Samantalang ang Metro Pacific Tollways Corp ay ang gumagamit ng Easytrip cards para sa mga motoristang dumadaan sa North Luzon Expressway.

 

 

Ayon kay Gatchalian na bakit ang mga motorista ang dapat na parusahan at bigyan ng multa samantalang ang mga toll operators ay walang ginagawa upang maging maganda at maayos ang implementasyon.

 

 

“Why should we penalize motorists who use the expressways when the toll operators are getting away despite bungling the implementation of the cashless toll payment system?” saad pa rin ni Gatchalian.

 

 

Noon pa man ay giniit na niya sa Department of Transportation (DOTr) na suspendihin muna ang cashless toll collection payment hanggang ang RFID interoperability bill ay hindi pa napapasa at nilalagdaan bilang isang batas ng Mababang Kapulungan.

 

 

Ayon pa rin kay Gatchalian na ang mga mambabatas mula sa Metro Manila ay nagkakaisa na ang RFID system ay dapat munang ipagpaliban hanggang ang lahat ng mga issues ay naayos na.

 

 

Ayon naman kay alternate TRB chairman Garry de Guzman, ang nasabing policy ay naglalayon na itanim sa mga motorista ang disiplina na maglagay muna ng load bago pa sila pumasok sa mga RFID lanes upang maiwasan ang pagkaantala at kaabalahan sa mga motoristang sumusunod na gumagamit ng RFID.

 

 

“Since there are already a lot of RFID users, sad to say, there are also who are abusive. They enter RFID lanes without load. You will be surprised that based on the statistics given by the operators, there are those who enter 50 times without load,” saad ni de Guzman.

 

 

Kung kaya’t upang maresolba ang nasabing problema, ang TRB board ay sumangayon na gumawa ng three-strike policy.

 

 

Sa ilalim ng planong three-strike policy, ang mga hindi susunod na mga motorista ay bibigyan ng paalala para sa kanilang unang paglabag, babala naman sa ikalawang paglabag at paghuli na may kasamang multa sa ikatlong pagkakataon.

 

 

Ang pagkakaron ng patuloy na pagsisikip ng trapiko ay lagi na lamang nangyayari sa mga major toll plazas tulad ng Calamba kung saan ang mga motorista ay nagbabayad ng cash na dapat sana ay para sa mga gumagamit ng RFID.

 

 

Samantala, payag naman ang Miguel Corporation (SMC) sa patakaran ng Toll Regulatory Board (TRB) na magpatupad ng “three-strike” policy para sa mga motoristang gumagamit ng electronic payment collection lanes kahit na kulang na ang load credits. (LASACMAR)