WINNER na winner sa mga nakapanood ng Dito at Doon ng TBA Studios ang pagtatambal nina JC Santos at Janine Gutierrez kasama sina Yesh Burce, Victor Anastacio at Lotlot de Leon, na mula sa direksyon ni JP Habac.

Bukod sa napapanahong kuwento, napakahusay naman talagang naitawid nina Janine at JC ang character nina Len at Caloy, bukod pa sa paglitaw ng chemistry ng dalawang bida, na kahit sila ay nagulat.

Marami ang nagmahal sa love story na pinagdaanan nina Len at Caloy, na for sure, marami ring naka-relate dahil sa pandemya kaya naman naging word of mouth ito, bukod pa sa pawang magagandang reviews na naglabasan.

Kaya naman nagpapasalamat ang buong cast ng Dito at Doon dahil sa extended ang run ng movie sa limang streaming platforms na KTX, Cinema ’76 @Home, iWantTFC, Ticket2Me, at Upstream.

Ang magandang balita pa, napapanood na rin ito for a limited time in USA, Canada, and select territories in the Europe, Middle East, and North Africa sa pamamagitan ng TBA Play (For a full list of countries and updates on availability in other regions, visit tba.ph and follow https://www.facebook.com/tbaplaymovies)

Anyway, noong napanood namin ang Dito at Doon via online streaming, isa kami sa nabitin habang tutok na tutok sa kaganapan sa story, kaya naman halos lahat ng napanood ay nagwi-wish na sana raw ay magkaroon ito ng part 2.

Kaya naman sa ginanap na sa online thanksgiving mediacon ng movie kasama ang TBA Studios producers na sina Mr. Ting Nebrida at Ms. Daphne Chiu, inamin ng cast na kahit sila ay gustong magka-sequel ang Dito at Doon para sa pagpapatuloy ng love story nina Len at Caloy na kinakiligan naman talaga, kahit sina Janine at JC.

Kuwento nga ni JC, “na-enjoy ko ‘yung process habang sinu-shoot namin, and I think gets ko na simula nu’n nagre-react si Janine sa lahat ng mga kalokohang ginagawa ko sa eksena.

     “I think doon pa lang, ‘okay na magandang tingnan na ‘to.’ So, may ganu’n na ako, visually si direk na ‘yung may ano ro’n, na-edit niya ng maayos ‘yung pelikula na tama lahat ng ginagawa namin.”

“Ako hindi na ako na-surprise kasi naramdaman ko na si JC on set at kinikilig talaga ako,” pag-amin ng premyadong aktres.

 “Tapos all the more, lagi naming inaabangan ni JC si direk JP, kasi habang sinasabi niya ‘yung ‘cut!’ natatawa siya so parang ‘yun ‘yung metro namin kung ‘uy kinilig si direk, uy natawa si direk.’ So nu’ng okay si direk, puwede, puwede.”

At kung sakali ngang mapagbigyan sila ng pagkakataon na makagawa ng sequel ng movie, natanong ang mga bida kung sino ang gusto nilang maka-love triangle sa movie.

Naka-“Oh my God!” naman ni Janine.

Sabay sabing, “May sagot ako diyan! Si Bela Padilla kasi siyempre, JC-Bela, napaka-iconic ng tandem na yan. And fan din ako ni Bela. Napakahusay! And now she’s directing na rin.

“So, parang kung merong kalaban, dapat matindi ’yung kalaban, di ba? So, du’n na ko kay Bela.”

Ang napili naman ni JC ay si Enchong Dee na naging leading man ni Janine sa Elise na ipinalabas noong 2019, kaya tiyak na magiging maganda ang kalalabasan kung muli silang magkakasama.

“I love the guy. I love him. Sobrang bait ni Enchong, di ba? Alam mo ’yung tao na sobrang bait?

“Tapos gusto kitang nandiyan lang gusto kitang ka-kuwentuhan, gusto kong naririnig ’yong mga naiisip niya.”

“Saka magaling umarte,” dagdag pa ng aktor.

Bago pa sumalang si Miss Universe Philippines Rabiya Mateo sa 69^th Miss Universe na ginanap noong May 16 sa Seminole Hardrock Hotel & Casino, Hollywood, Florida na kung saan nakapasok naman sa Top 21 ang ating pambato, natanong uli si Janine kung bakit nga ba hindi siya nag-ambisyon na maging beauty queen.

Paliwanag niya, “never kong pinangarap na maging beauty queen. I love watching pageant. Pero maging beauty queen, hindi ko talaga pinangarap.”

Kahit na ayon sa mga beauty pageant experts ay may ‘K’ siyang mag-join.

“Sobrang flattered ako na naisip nila na puwede pala ako,” tugon pa ng magandang girlfriend ni Rayver Cruz.

Samantala, sa naturang online thanksgiving ng TBA Studios, in-announce din ang upcoming projects tulad ng Quezon, ang final installment ni Direk Jerrold Tarog na historical trilogy na sisimulan na ang pre-production sa June.

Pinaghahandaan na rin nina Direk JP at Direk Crisanto Aquino (Write About Love) ang kani-kanilang follow up projects.

May international release din sila ng Hollywood action comedy na The Comeback Trail na pinagbibidahan nina Robert de Niro at Morgan Freeman.

Dapat ding abangan ng international viewers ang mga award-winning titles via TBA Play na kinabibilangan ng  crime drama na Boundary nina Ronnie Lazaro at Raymond Bagatsing, sa direksyon ni Benito Bautista; ang documentary na A is for Agustin ni Grace Simbulan at ang mga short films na Life Is What You Make It ni Jhett Tolentino, The Interpreter ni Benito Bautista, at Angelito ni Jerrold Tarog.

Ipalalabas naman ang dark comedy na Devil Has A Name at ang award-winning arthouse film na Show Me What You Got sa domestic digital platform na Cinema ‘76 @ Home.

Malapit na ring buksan ang Cinema ’76 café sa Anonas, Quezon City, malapit sa Cinema ’76 microcinema at open for delivery.

May bago ring ihahandog ang TBA Studios sa kanilang Youtube channel, ang new series na Sing Out Loud na kung saan ipi-feature ang indie OPM artists.

(ROHN ROMULO)

MAY pa-hashtag si Kris Bernal para sa kanyang birthday ngayong May 17.

Thirty-two year old na si Kris and most likely, her last year na single pa siya or pwedeng ang taon na magiging misis na siya dahil todo na rin ang pag-aayos niya para sa nalalapit niyang kasal sa boyfriend na si Perry Choi.

Ang pa-hashtags niya na “Kris Never Been This Free” at  “Kris B at 32.”

Ang ibig bang sabihin ni Kris sa “never been this free” ay yung pagiging malaya na rin ng kanyang katawan.

Since before, aminado ito na nagkakaroon siya ng insecurity dahil ang daming pumupuna sa katawan niya na sobrang payat, to the point na sinasabihan siyang anorexic, e. katwiran niya, sobrang lakas nga raw niyang kumain.

Sunod-sunod ang pa-sexy at almost nude pose pictures ni Kris sa kanyang Instagram account. So, parang sa isip niya siguro, malaya na rin siyang i-flaunt ang katawan niya whether people find her sexy or too slim for them.

Braless at pasilip ng kanyang upper lower back or puwet sa mga pictures si Kris. At in fairness, ganda ng kurba ng lower back ni Kris.

At sa isang caption niya, tinawag nga niya itong
“Body Positivity.”

Sey pa niya, “Body positivity is not just about how someone looks. It’s embracing who you are as a person. Tbh, before I used to get affected on how people perceive how I look, “Pandak, Anorexic, Butiki, Kawayan..” and the list goes on, but now I learned how to bring positivity to myself and other people by embracing my flaws. There’s always beauty in embracing who you are and working towards making yourself better.”

     ***

KATULAD nang isinulat namin dati, ngayong buwan na nga ng May ang simula ng taping ng bagong teleserye ng Asia’s Multimedia Star na si Alden Richards sa GMA-7 ang The World Between Us.

Naka-quarantine muna ang lahat sa designated hotel na ibibigay sa kanila ng network. At kapag walang nag-positive after seven days sa mga lead stars, tuloy-tuloy na ang taping. Diretso na ang mga ito sa location.

Ang leading lady ni Alden ay si Jasmine Curtis-Smith at kasama rin nila si Tom Rodriguez. Gayundin sina Dina Bonnevie at Jaclyn Jose.  Ang script reading ay virtual na lang din nila ginawa.

Ang alam namin, sa bagong teleserye muna naka-focus si Alden ngayon.  At after ng taping, saka naman niya sisimulan ang movie na pagsasamahan nila ni Bea Alonzo.

Ang unang dinig namin, July ang tentative start ng shooting, pero posibleng umabot din daw ng August ang simula.  Bukod kina Bea at Alden, may isang child star rin na kasama sa movie at pina-block na rin ang schedule for the shoot.

Kaya siguradong dire-diretso na balik sa pagiging “actor” muli si Alden ngayong second half of the year.

(ROSE GARCIA)