KINABOG ni Kirsten Danielle ‘Kisses’ Delavin sina Maureen Wroblewitz at iba pang kontesera dahil siya ang nanguna sa Top 15 Headshot Challenge ng Miss Universe Philippines 2021, kaya ganun na lang ang pasasalamat niya sa mga bumoto at sumuporta.

Pumangalawa sa kanya si Rousanne Marie Bernos at pangatlo naman si Maureen. Ang iba pang pasok sa Top 15: 4) Steffi Rose Aberaturi; 5) Maria Corazon Abalon; 6) Katrina Dimaranan; 7) Leren Mae Bautista; 8) Gianne Asuncion; 9) Noelyn Campos; 10) Kamille Quinola; 11) Cheri Angel Flejoles; 12) Angela de Grano; 13) Jedidah Korinihona; 14) Mirjan Hipolito; and 15) Isabelle Delos Santos.

Pasok na sila sa 75 candidates na mag-a-advance sa competition, na kung saan pipiliin ang Top 30 official candidates sa prestigious national beauty pageant na gaganapin sa September 25.

Pero kahit na nangunguna sa botohan at maraming sumusuporta sa kanyang paglaban sa MUP, marami pa ring bashers na ‘di pa rin tanggap ang pagkakasama ni Kisses sa candidates na kitang-kita na ang pagbabago at palaban na para maging beauty queen.

Meron din namang netizens na nagtatanggol sa kanya sa mga bitter at walang magawang bashers.

Ilang sa naging comment nila:

“Mas lalo yatang bumaba ang standards ng Ms.U. Kakabaduy.”

“She’s absolutely gorgeous

“Good for you Miss Congeniality :)”

“Never say die tong si Kisses ah.. lahat na lang ba Kisses?”

“Juskomio lahat na lang pinasukan ni ineng. Parang wala pa ring maaninag na pag-asa.”

“Matalino sya may ibubuga sa q&a pero hindi pang Miss Universe ang face nya. Pwede siguro sya sa Miss Earth.”

“Hahaha Pwedi rin sya bakla sa reina hispano amerikah.”

“Am not surprise kung kasali siya sa top headshot challenge eh marami siyang fans. Sana magaling ang performance niya come coronation night at di lang puro hype.”

“Prang walang kabuhay-buhay na contestant yan. Lamya-lamya kya nyan.”

“Ganda ni ate girl! Go Kisses!”

“Would love to see the pageant proper. It would be interesting to see how these influencers stack up against pageant veterans like Steffi, Katrina, and Leren.”

“Juicekolored, ano nang nangyari sa Phil pagentry. Naging pangfiesta.”

“Kalungkot ung mga comments. She’s young, and she can be whatever she want to be or atleast try. Ineenjoy lang nya buhay and youth nya bakit andaming nega? The fact that she’s a finalist means qualified sya, bakit may mga nagsasabing di sya dapat anjan? Baka nga height requirement lang di na pumasa mostly ng bashers face value pa kaya? Be happy po sa achievement ng iba.”

“Cause she’s a public figure and she’s been showing her self a lot kaya my doubt na mga tao if kaya nya. Unlike other celebs na inabangan talaga. Wala din naman kasi syang advocacies puro pa celebrity lang.”

“Pinaasa tuloy ng mga faney na mananalo siya LOL. Wag nang i-push. Minsan may mga bagay na hindi talaga for you. At isa ‘to sa mga yon, K. Not bashing, sa true lang :)”

“wla talent kaya binitawan ng abs, wala rn appeal. sori pero Next pls.”

“Like Pia Wurtzbach?”

“Eh nadaan sa paramihan ng boto kaya nanalo, hindi dahil maganda head shot nya. Ano ba yan?”

“Juice colored. Baba ng standards talaga ng voters.”

“Wag muna pansinin mga basher mo Kisses mga chararat kasi yan sila ikaw maganda na matalino pa hahahah.”

“Asahan na natin na kung based sa votes, talagang si Kisses ang mangunguna.”
“Assuming na makakaabot sya sa finals, doon na sya malamang mangamote dahil di uubra mga tards nya doon.”

“Ayusin din ang pagsasalita parang kay sipon palagi.”

“Ganda niya! Fierce.”

“she’s too short to become a beauty queen. wag ipilit.”

“Bat kayo ganyan? Porket ba maliit siya?”

“#2 for me!!! Morena Filipina.”

“Not a fan of her pero malay nyo naman diba. Q&A din labanan dyan sa Miss U. Gudlak kasi puro latinas na pinapanalo nila.”

“Lol. Advance ka masyado baks. Hindi naman sya nanalo pa sa title.”

“Hindi pa naman sya ang nanalo, ang dami na hate comments. maraming beauty queens na hindi din katangkaran. Wait nalang natin kung makalusot sya hanggang finals, then dun tayo manghusga kung ano ang maging performance nya sa stage. Sa ngayon, nag base lang tayo kung paano sya nakikita dati sa tv.”

“She’s pretty but her beauty is not for Miss Universe imho.”

“Go kisses.”

“Pak! Ganda ni Kisses! Go lang girl!”

Well, malaking challenge talaga ito kay Kisses na patunayan sa mga bashers niya na deserving siya na makapasok sa official candidates ng MUP 2021.

(ROHN ROMULO)

IBA ang paghanga ni Kylie Verzosa sa boyfriend na si Jake Cuenca.

Ramdam na ramdam namin ito sa naging IG Live interview niya with G3 San Diego.  At bukod sa paghanga sa boyfriend bilang isang actor, ramdam din kung gaano ito kamahal ng beauty queen turned actress.

Sey ni Kylie, “Without Jake in my life, I can’t be this kind of actress that I am now.  Ang laki ng influence niya sa akin, sa buhay ko, especially in my craft.

“The way he’s so passionate with his acting, ah okay, ‘yun pala ang kailangan kong ma-achieve. Okay, ganito pala ang level na kailangan ko to reach this kind of craft or professionalism.”

Diretsahan sinabi ni Kylie na inilalagay niya raw sa pedestal ang boyfriend pagdating talaga sa pag-arte.

“Sobrang nai-inspire ako sa kanya. Idol ko siya,” sey pa niya patungkol kay Jake.

During pandemic, nakagawa rin sila ng project ni Jake for iWantTV, ang Love Lockdown at dito raw niya mas lalong na-appreciate pa ang boyfriend na hindi lang niya co-actor, director kundi acting coach pa raw niya.

Sa isang banda, kung paniniwalaan namin ang isang taong malapit kay Jake na na-witnessed na rin ang mga past relationships ng actor, masasabi niya raw na mukhang iba talaga ngayon ang relasyon nito kay Kylie. Tipong match daw talaga ang dalawa at malaki ang posibilidad na sila ang magkakatuluyan.

Iba rin si Kylie nang sabihin nito na tila kilig na kilig pa rin na ngayong pandemic, kung may maganda man daw nangyari, ito ay ang pagkakataon talaga na nagkasama sila ng matagal ni Jake.

Dati raw kasi, nagkakasalungat ang mga schedules nila after nilang gawin ang Los Bastardos kunsaan, nagsimula rin ang relasyon nilang dalawa.

***

MATAPOS ang teasers na lumabas recently ay pormal na ngang ibinahagi ni Asia’s Pop Diva Julie Anne San Jose ang detalye para sa kanyang proyekto na LIMITLESS, A Musical Trilogy.

Sa kanyang post, sinabi pa ni Julie na one-of-a-kind project na maituturing ang nasabing musical trilogy.

“I’ve never done this before and it’s something intimate and personal. I’m proud to say that this is a one-of-a-kind project. GMA Synergy, my team, and I tried to keep it a secret for quite a while, and now I want to share a piece of my heart in this journey with you.”

     Matatandaang bumiyahe si Julie pa-Mindanao recently. Ito pala ay para sa LIMITLESS. Pero hindi lang daw Mindanao ang ie-explore ni Julie kundi pati ang mga naggagandahang lugar sa Visayas at Luzon.

Last Friday nga ay inilabas na rin ang video para sa LIMITLESS na ibinahagi rin ni Julie sa kanyang Instagram account.

Say pa ni Julie, “Unti-unti, napapakilala na namin ang proyektong ito. Isang paglalakbay sa pagkakakilanlan. And with every step, I learn more about myself. Walk with me.”

     At kahit pa pandemic, talaga namang sunud-sunod ang mga proyekto ni Julie ngayong taon!

Ang LIMITLESS, A Musical Trilogy ay produced ng GMA Synergy.

***

BUTI na lang at bago pa mag-ECQ sa Metro Manila ang ika-41st birthday ng Kapuso Primetime King na si Dingdong Dantes.

     Kaya nakapagdaos pa rin ito ng isang intimate family birthday party.  Na kung makikita naman sa mga Instagram post, lalo na ng kanyang misis na si Marian Rivera ay talagang ang immediate family lang ni Dingdong ang present sa bahay nila.

Kumpara sa mga past birthdays nito na talagang present ang mga kaibigan ni Dingdong sa iba’t-ibang grupo niya, kasama na rin siyempre ang talagang pag-iingat ng mag-asawa against COVID-19 at ngayon nga, may Delta variant pa.

At makikita naman sa mga pictures na ipinost na lang nila kung gaano si Marian ang punong-abala sa birthday ng kanyang mister at kitang-kita rin na mas lalo pang naging sweet ang dalawa ngayong halos 24/7 talaga silang magkasama with Zia and Sixto nitong pandemic.

(ROSE GARCIA)

NAG-VIRAL sa social media sa isang video kunsaan nakitang magkasama sina Gretchen Barretto at Atong Ang sa isang sabungan.

Nai-share ng 5,000 times ang naturang video noong ma-post ito sa Facebook.

Sa naturang video na nakunan noong nakaraang July 30 sa event na 12-Stag Derby (4 Stag Prelim), si La Greta ang may-ari ng pangsabong na manok na ang pangalan ay “Lady Tiger”. Makikita naman daw sa video si Ang na bitbit ang manok ni Gretchen.

Nilagyan ng caption na “relationship goals” ang nag-post ng video nila Gretchen at Atong sa Facebook.

Naging kontrobersyal ang diumanong professional relationship nina Gretchen at Atong. Naging mainit na topic ang dalawa noong magkaroon ng alitan sa pagitan ni Gretchen at ng kapatid na si Marjorie Barretto noong October 2019 sa burol ng kanilang yumaong ama na si Miguel “Mike” Barretto.

Binunyag pa ni Marjorie noon na boyfriend ng pamangkin nilang si Nicole si Atong for five years bago raw itong inahas ni Gretchen. Pinabulaanan naman ni Atong ang sinabing ito ni Marjorie at sinabi niyang empleyado lang niya ni Nicole.

Ilang beses nang pinaliwanag nina Gretchen sa media na magkasosyo sa ilang mga negosyo si Atong at ng long-time partner niyang si Tonyboy Cojuangco, kabilang na ang pag-operate ng sabungan at ng isang casino. Kaya iyon daw ang dahilan kung bakit sila parating nakikitang magkasama.

Nag-viral din noon ang “sleeping”: photo ni Gretchen kunsaan magka-holding hands pa sila ni Atong habang tulog sila sa business class section ng eroplanong sinakyan nila from San Francisco, California.

Huling nakitang magkasama sina Gretchen at Atong ay noong November 2020 nang kuwestiyunin ang pagbisita nila sa, Iloilo para makipagpulong sa sabong operators at may nagawa silang paglabag sa health protocols.

***

NAHIYA si Beauty Gonzalez sa pag-stalk niya sa social media accounts ng Kapuso actor na si Kelvin Miranda.

Magkasama sina Beauty at Kelvin sa episode ng Stories From The Heart na ‘Loving Miss Bridgette’ at kasalukuyang nasa lock-in taping na ang buong cast.

Ayon kay Beauty, nag-research daw siya tungkol kay Kelvin dahil sa story conference on Zoom pa lang daw niya nakilala noon ang aktor. Kaya pumunta ito sa mga social media accounts nito at pinanood niya ang pinagbidahan nitong teleserye na The Lost Recipe. Pinanood din niya ang isang pelikula ni Kelvin sa Netflix na Dead Kids.

“Chineck ko na ‘yung Instagram niya, I watched a movie of him na nasa Netflix, pinanood ko na siya. I did a bit of my assignment, my homework. Kasi siyempre it’s my homework also to know my co-actor,” sey ni Beauty.

Nalaman din ni Beauty na tsine-check din pala ni Kelvin ang mga social media account niya.

Sey ni Kelvin: “Sobrang hinahangaan ko kasi siya eh. Kasi sa mga actress sobrang natural niya, technically bagay sa screen ‘yung mga ginagawa niya, very effective.

“Iniisip ko kung paano ko mapapantayan ‘yun. Tsine-check niya rin pala ako, tapos pinakita ko sa kanya.”

Natatawang reaction ni Beauty, “Meron palang gano’n. Oh my gosh! Nakakahiya!”

***

PUMANAW na ang award-winning writer and professor na si Domingo Landicho sa edad 81.

Isa sa nakilalang nobela ni Landicho ay ang Bulaklak Ng Maynila na nananalo ng Carlos Palanca Memorial Awards Grand Prize at ginawang pelikula ng Viva Films noong 1999 kunsaan nanalo ng grand slam best actress si Elizabeth Oropesa.

Sa Facebook binalita ng pamilya ni Landicho ang pagpanaw nito noong nakaraang July 29.

“We thank all those who have been a part of his life. We ask for prayers for the repose of Domeng’s soul,” post ng misis ni Landicho na si Edna May Obien-Landicho.

Nagbigay din ng tribute ang The University of the Philippines Institute of Creative Writing, kunsaan resident si Landicho: “Mang Domeng, from everyone here at the UP ICW, thank you. May you rest in peace.”

Maraming sinulat na plays si Landicho para sa Philippine Educational Theater Association (PETA). Tumanggap siya ng parangal mula sa CCP Balagtas Awards, Catholic Mass Media Awards, and Institute of National Language Awards.

Sinubukan ding mag-artista noon ni Landicho. Napasama siya sa ilang Filipino actors na nakasama sa kinunang Hollywood film sa Pilipinas na The Year Of Living Dangerously in 1982. Bida rito sina Mel Gibson at Sigourney Weaver. 

(RUEL J. MENDOZA)