2021 August 11 Archive - People's Balita

November 3, 2024
Search in People's Balita
Ang Diyaryong Pinagkakatiwalaan

Archive for August 11th, 2021

Higit 10% ng populasyon ng Pinas fully vaccinated na kontra COVID-19

Posted on: August 11th, 2021 by @peoplesbalita No Comments

Sinabi ito ni Galvez matapos na dumating kahapon sa Ninoy Aquino International Airport (NAIA) ang karagdagang mahigit 300,000 Moderna vaccines.

Sinabi ni Galvez na mahgit 24.1 million ng bakuna na magkakaiba ang brands ang nagamit na sa iba’t ibang panig ng bansa, kung saan 12.9 million dito ang first dose at 11.2 million naman ang second dose.

Ang kabuuang bilang ng mga tao na naturukan na ng second dose ay kumakatawan sa 15.88 percent ng targeted eligible population at 10.13 percent naman ng total population.

“No walk-in policy” sa mga COVID-19 vaccination sites – Usec. Malaya

Posted on: August 11th, 2021 by @peoplesbalita No Comments

NAGKAISA ang mga Alkalde ng Kalakhang Maynila na magpatupad ng “no walk-in policy” sa mga COVID-19 vaccination sites habang nasa ilalim ang rehiyon sa two-week lockdown para mapigilan ang pagkalat ng nakahahawang Delta variant.

Sa Laging Handa public briefing, sinabi ni Interior Undersecretary and Spokesperson Jonathan Malaya na ang pinakahuling polisiya ay napagkasunduan ng Metro Manila Mayors at Metropolitan Manila Development Authority (MMDA).

“The LGUs (local government units) will strictly enforce the no walk-in policy during the lockdown to prevent people from swarming vaccination sites, which could cause a superspreader event,” ayon kay Malaya.

Aniya, tanging ang may confirmed appointments lamang ang ia-accommodate sa mga vaccination centers.

Ang Metro Manila ay isinailalim sa enhanced community quarantine — itnuturing na strictest level ng COVID-19 curbs , araw ng Biyernes. Tatagal ito ng dalawang linggo.

Inaasahan naman na makakapagbakuna ng 250,000 COVID-19 shots araw-araw sa panahon ng ECQ. (Daris Jose)

SYLVIA, ‘di makapaniwala na magiging endorser ng ‘Bench’ at kasama pa ang anak; naulit ang pangarap na billboards after ng ‘Beautederm’

Posted on: August 11th, 2021 by @peoplesbalita No Comments

NATUTUNGHAYAN na this week ang back story ni Barang, ang kinaaaliwan at minamahal na character sa Huwag Kang Mangamba na mahusay na ginagampanan ng premyadong aktres na si Sylvia Sanchez.

Isa ito talaga sa inaabangan namin, na for sure, maraming masasagot at mabubunyag tungkol sa kanyang pagkatao na sinusubaybayan ng manonood sa Kapamilya channels, A2Z at TV5.

Samantala, hindi ini-expect ni Sylvia na edad niyang 50 ay makukuha siya bilang endorser ng Bench Plus at kasama pa ang anak niyang si Gela Atayde, na ngayon ay nagkalat na ang mga billboards kaya labis niya itong ikinagagalak.

Kasi naman, kung kailan pa siya nagka-edad at nadagdagan ng timbang ay nakakuha siya ng endorsement sa Bench na may tagline na ‘Celebrate Every Body.’

Dati pinapangarap lang niya na magka-billboard sa EDSA at mga national highways, at natupad nga ‘yun. Una na rito nang kunin siya ni Ms. Rhea Anicoche-Tan na maging Face of Beautederm na tinadtad din ng naglalakihang billboards, na sa taong ito ay nagsi-celebrate ng 12^th anniversary.

Samantala, happy rin siya na nominated sa PMPC’s 34^th Star Awards for TV bilang Best Drama Actress para serye na Pamilya Ko, na naputol sa ere noong March 2020 at sayang na hindi na nga naibalik, kaya maraming nabitin sa serye.

After more than a year, nakasama naman siya sa star studded cast ng Huwag Kang Mangamba pinagbibidahan ng Gold Squad na sina Andrea Brillantes, Francine Diaz, Kyle Echarri at Seth Fedelin.

At kahapon, nakatutuwang malaman na ang pinalabas ay ang ika-100 episode ng HKM, patunay lang na matagumpay at tinatangkilik ang inspirational drama series ng Dreamscape Entertainment.

Mukhang mahaba-haba pa ang tatakbuhin ng naturang inspirational drama series ng ABS-CBN.

***

SI Rihanna, na kilala rin bilang Robyn Fenty, na ang ‘wealthiest female musician in the world.’

Ang nagpsikat ng ‘Umbrella’ at ‘Diamonds’ ay kasama na sa list ng exclusive rank ng billionaires ayon sa Forbes na may estimated net worth na $1.7 billion.

Kaya tinalbugan niya ang mga sikat na female singers at pumangalawa na siya kay Oprah Winfrey (with net worth na $2.7 billion) as the richest female entertainer.

Dahil ito sa ni-launch niya cosmetics company na Fenty Beauty noong 2017, na nagbigay sa kanya ng estimated $1.4 billion,na 50% ang kanyang pag-aari.

Ang estimated $270 million, ay mula naman sa kinita niya bilang chart-topping musician and actress na kung saan may 101 million followers on Instagram and 102.5 million on Twitter.

Noong 2018, sa first full calendar year, ng beauty line ay kumita agad ito ng higit sa $550 million, ayon sa LVMH (ang French luxury goods conglomerate na pinatatakbo ni Bernard Arnault, na second-richest person sa mundo), at tinalo ang iba pang celebrity-founded brands nina Kylie Jenner (Kylie Cosmetics), Kim Kardashian West (KKW Beauty) at Jessica Alba (Honest Co).

Second naman sa Barbados-born singer/actress si Madonna sa list ng richest female musician in the world na may estimated net worth na $850 million.

Pasok din sa list ng Forbes sina Dolly Parton ($610M), Gloria Estefan ($500M), Celine Dion ($410M), Shaina Twain ($450M), Victoria Beckham ($430M), Beyonce Knowles ($418M), Barbra Streisand ($407M) at Jennifer Lopez ($400M).

(ROHN ROMULO)

Fireworks pumawi sa lumbay sa halos bakanteng Olympic Stadium sa closing ng 2020 Summer Games

Posted on: August 11th, 2021 by @peoplesbalita No Comments

Katulad nang binuksan ang 2020 Tokyo Olympics, halos bakante rin ang stadium na pinasukan ng mga atleta mula sa iba’t ibang kalahok na bansa para sa pagtatapos ng Summer Games.

Ito ay dahil nilimitahan pa rin ang mga pinapapasok sa Olympic Stadium bunsod ng banta ng coronavirus disease (COVID-19).

Gayunman, pumawi sa tila nakakapanibagong eksana na ito sa Olympics ang inihandang puti at gintong fireworks sa Olympic Stadium para sa pagtatapos ng Summer Games.

Ang stage ay hindi rin halos punong-puno kahit pa nagmartsa papunta rito ang mga atleta bitbit ang kani-kanilang national flags at nagtipon-tipon sa isang malaking bilog.

Marami kasi sa mga atleta ay umalis na ng Tokyo at hindi na nakadalo pa sa event ngayong Linggo sapagkat 48 oras makalipas ang kanilang final competition ay kailangan nang umuwi ng mga ito sa kanikanilang mga bansa.

Magugunita na ang Tokyo Olympics ay para sana ipakita ang pagbangon ng Kapan mula sa mapinsalang malakas na lindol, tsunami at nuclear crisis noong 2011.

Makalipas na ipinagpaliban ng isang taon, sinabi ng mga organisers na ang Summer Games na ito ay magsisilbing simbolo nang pagsusumikap ng buong mundo na makabangon sa epekto naman ng COVID-19 pandemic.

Yulo tututok sa 3 events sa Paris Olympics

Posted on: August 11th, 2021 by @peoplesbalita No Comments

Tatlong events ang paghahandaan ni world champion Carlos Edriel Yulo sa men’s artistic gymnastics competition ng 2024 Paris Olympics.

Hindi lamang nakasentro si Yulo sa kanyang paboritong floor exercise event dahil pagtutuunan din nito ng pansin ang vault at parallel bars.

“Tatlo talaga yung kaya kong pasukan, alam ko sa sarili ko na hindi na lang floor yung special para sa akin,” ani Yulo sa programang Power and Play.

Naniniwala si Yulo na kaya nitong mag-perform sa tatlong events sa Paris Olympics lalo pa’t naranasan na nito kung ano ang experience na sumabak sa Olympics.

Aminado si Yulo kahit ano pang ensayo ang gawin nito, hindi maiiwasan ang kaba sa isang malaking event gaya ng Olympics.

Naniniwala si Yulo na kaya nitong mag-perform sa tatlong events sa Paris Olympics lalo pa’t naranasan na nito kung ano ang experience na sumabak sa Olympics.

Aminado si Yulo kahit ano pang ensayo ang gawin nito, hindi maiiwasan ang kaba sa isang malaking event gaya ng Olympics.

“Yun kasi talaga pinaka-iniisip ko, yung mapakita ko kung gaano kaganda yung gymnastics ko, na iba ako sa kanila. Nakakakaba talaga, kahit gaano ka ka-preparado,” ani Yulo.

Maraming natutunan si Yulo sa kanyang karanasan sa Tokyo Olympics na magsisilbing motibasyon nito para sa kanyang mga susunod na laban.

Pormal nang magtatapos ang Tokyo Olympics ngayong araw subalit nakasentro na agad ang atensiyon nito sa 2024 Games.

“Kapag natikman mo, babalik-balikan mo yung feeling, hindi pwedeng isa lang. Gusto mo, kapag tumayo ka ulit don, ikaw na ‘yung magta-top, ikaw na yung hahabulin,” ani Yulo.

Sa Tokyo Olympics, nagkasya lamang si Yulo sa ikaapat na puwesto sa vault habang bigo itong makapasok sa final round ng floor exercise.

Alam ni Yulo na may ibubuga pa ito kaya’t magsisilbing magandang preparasyon ang Tokyo Olympics para bumalik ng mas malakas sa Paris Games.

Mary Elizabeth Winstead, Back in Action as Dangerous Assassin in ‘Kate’ & Clint Eastwood, Returns in a New Western Drama ‘Cry Macho’

Posted on: August 11th, 2021 by @peoplesbalita No Comments

AFTER joining Harley Quinn as the Huntress in Birds of Prey, actress Mary Elizabeth Winstead is back in action on Netflix’s new film Kate.

In this movie, Winstead plays the role of a ruthless criminal operative, who has 24 hours to take down her enemies.

Watch the first trailer for the film below: https://www.youtube.com/watch?v=MysGjRS9jFU

After being poisoned, Kate uses her remaining hours to track down the people who planned her poisoning. During her search, she forms an unexpected bond with the daughter of one of her past victims.

Directed by Cedric Nicolas-Troyan, the film also stars Woody Harrelson and Miku Martineau. Kate is set to be released on Netflix this September 10.

For more information, visit the film’s official page on Netflix.

WARNER Bros. has just released the trailer to the new Clint Eastwood film Cry Macho.

In this film, the 91-year-old icon of Western movies is back to redefine the meaning of macho, as he tries to bring a young boy home to his father.

Watch the trailer below: https://www.youtube.com/watch?v=JVc8SI5CAKw

Based on the novel of N. Richard Nash, Cry Macho follows Mike Milo, a former rodeo star who takes a job from his ex-boss to bring home the man’s son from Mexico. During his journey with the young boy Rafo, the old rodeo star is faced with unexpected challenges along the way.

Eastwood also directed and produced the film from a script by Nick Schenk and N. Richard Nash. Starring alongside him are Eduardo Minett, Natalia Trave, and Dwight Yoakam.

Cry Macho is set for release this September 17 in US theaters and HBO Max.

(ROHN ROMULO)

House and lot bonus ni Bambol sa 3 boxers

Posted on: August 11th, 2021 by @peoplesbalita No Comments

Para kay Philippine Olympic Committee (POC) president at Tagaytay City Rep. Abraham ‘Bambol’ Tolentino, nararapat lamang bigyan ng pabuya sina Olympic Games silver medal winners Carlo Paalam at Nesthy Petecio at bronze medalist Eumir Felix Marcial.

Kahapon ay inihayag ni Tolentino ang pagbibigay niya kina Paalam, Petecio at Marcial ng house and lot sa Tagaytay City.

“Bibigyan din natin sila ng pabahay na puwede nilang ibigay sa kanilang mga pamilya,” ani Tolentino na nauna nang nagbigay kay Olympic gold medalist Hidilyn Diaz ng isang house and lot sa Tagaytay City.

Nang ihayag ito ni Tolentino ay niyakap at hinalikan ni Marcial, natalo sa semifinals ng middleweight division, sa pisngi si Paalam.

Lubos naman ang pasasalamat ni Paalam, nabigo sa gold medal round ng flyweight category, sa POC chief.

“Malaking bagay po ito para sa akin at sa pamilya ko,” ani Paalam.

Nauna nang inihayag ni Tolentino ang pagbibigay ng POC kasama ang MVP Sports Foundation ni Manny V. Pangilinan ng tig-500,000 sa mga Olympic non-medalists.

Ang mga tatanggap nito ay sina gymnast Carlos Yulo, pole vaulter Ernest John Obiena, boxer Irish Magno, rower Cris Nievarez, taekwondo jin Kurt Barbosa, skateboarder Margielyn Didal, shooter Jayson Valdez, judoka Kiyomi Watanabe, weightlifter Elreen Ando, golfers Yuka Saso, Bianca Pagdanganan at Juvic Pagunsan, sprinter Kristina Knott at swimmers Remedy Rule at Luke Gebbie.

ANGEL at NEIL, naka-white coat, pants at sneakers lang sa naganap na civil wedding; original plan siguradong itutuloy pa rin

Posted on: August 11th, 2021 by @peoplesbalita No Comments

HINDI pa rin sinasabi nina Angel Locsin at Neil Arce kung kailan sila talaga nagpa-civil wedding kunsaan, ang Mayor ng Taguig na si Lino Cayetano ang nagkasal sa kanila.

Pero so far, marami naman ang natuwa para sa dalawa na dapat, November 2020 pa sana ang talagang date ng kasal, pero dahil nga sa COVID-19 ay na-postpone ito. At siguro, dahil nakikita rin nila na kahit may mga bakuna na, with the new variants ng COVID-19, parang wala pa rin kasiguraduhan kung kailan ba talaga ito matatapos.

At kung kailan nga sila mag-i-schedule na mas wala ng worries at mga protocols. Present sa civil wedding nila ang talagang tatayong matron of honor ni Angel na si Dimples Romana at mga magulang nila.

Sa recent IG post nga ni Angel, bilang pag-honor sa kanyang ama, pinost niya ang picture na nakayakap dito during their wedding at kasabay ang caption na, “You’ll always be my number one man.”

Naka-white coat, pants at sneakers lang sina Angel at Neil. Kaya sigurado, kapag okay na ang lahat at sa rami nilang mga kaibigan, siguradong itutuloy pa rin nila ang orihinal na planong kasal.

***

WALANG duda na nagbigay ng kasiyahan at masasabing nagbalik ang kumpiyansa ni Kris Aquino nang muli siyang napanood sa telebisyon sa pamamagitan ng 8.8 Mega Flash Sale ng Shopee kasama si Willie Revillame.

And as she is, very open naman si Kris sa kung ano ang nararamdaman at pinagdadaanan. At sa recent IG post nga niya, nagpasalamat naman ito sa bunsong anak na si Bimby. Kung paano raw, never itong nawalan ng tiwala.

Na-touch din si Kris sa gesture ni Bimby na secretly, naisip na i-welcome siya of her favorite flower at bukod dito, ipinagmamalaki rin niya na nagtapos ng Grade 8 ang anak na 1^st honor at wish niyang sana raw, hindi magbago ang pangarap na maging isang doctor.

Sey rin ni Kris sa kanyang post, sana raw, naging half man lang siya like Bimby as a bunso sa kanyang ina.

Narito ang IG post ni Kris, “Yesterday was for my self esteem, for all of you, for my mom who instilled in me the importance of staying strong come what may, and most of all it was for the 14 year old who never stopped praying for and believing in his mama… i love you, Bimb.

“Thank you for asking @alvingagui to get money from your savings so that you could surprise me with my favorite shade of pink roses so that you’d have a “welcome back” and “congratulations, mama” bouquet as soon as i entered our temporary home.

“Hindi ko talaga alam anong mabuting nagawa ko to deserve a son as thoughtful and loving as you- how i wish i could have been just 50% of you to Lola Cory because you are the bunso a mom like her deserved… sa dami ng nangyari in our lives & because of my social media sabbatical, hindi ko kayo na update, Bimb finished 8th grade 1st honors pa rin. Right after the ECQ, he starts 9th grade. And i am excited for what the future holds for him- sana talaga hindi na magbago yung choice nya to pursue a career in the field of medicine.”

(ROSE GARCIA)

Pacquiao todo kayod na sa ensayo

Posted on: August 11th, 2021 by @peoplesbalita No Comments

Dalawang linggo na lamang bago ang laban kaya’t todo ensayo na si eight-division world champion Manny Pacquiao para sa laban nito kay Errol Spence Jr. sa Agosto 21 (Agosto 22 sa Maynila) sa T-Mobile Arena sa Las Vegas, Nevada.

Naglabas pa ng video si Pacquiao upang ipakita sa mga fans nito ang bilis ng kanyang kamao at footwork na gagamitin sa blockbuster fight nito kay Spence.

“Two weeks to go,” ayon sa post ni Pacquiao sa social media.

Tuwang-tuwa ang mga fans nito nang personal na masilayan ang training ni Pacquiao.

Umani ito ng malakas na palakpakan mula sa mga nanood.

Ayon kina Hall of Famer Freddie Roach at strength and conditioning expert Justine Fortune, halos abot kamay na ni Pacquiao ang 100 porsiyento.

Subalit nag-iingat na rin ang Team Pacquiao upang makaiwas sa injury at sa coronavirus disease (COVID-19).

Inaasahang makukuha na ni Pacquiao ang 100 porsiyentong peak form sa susunod na linggo.

“Kailangan kong maging handa para sa laban. Kaya tuloy lang sa training dahil hindi birong kalaban si Spence. Isa siya sa pinakamagaling na boxer na makakalaban ko,” ani Pacquiao.

Hindi naman nakalimutan ni Pacquiao na magpasalamat sa lahat ng Pinoy athletes na lumaban at matagumpay na iwinagayway ang bandila ng Pilipinas sa Tokyo Olympics.

Pormal nang nagtapos ang Tokyo Olympics kahapon sa Japan.

“Congratulations to all the Filipino athletes for their excellent performance in the Tokyo 2020 Olympic Games. We salute your commitment and determination to bring honor to our country. Mabuhay!” ani Pacquiao.

Wala pang anunsiyo si Pacquiao kung magbibigay ito ng pabuya sa mga medalists sa Tokyo Olympics.

VILMA, pangarap pa rin ni Direk BRILLANTE na makatrabaho sa isang movie; type ding maidirek sina JOSHUA at NADINE

Posted on: August 11th, 2021 by @peoplesbalita No Comments

BIHIRA ang pagkakataon na makakwentuhan ang Cannes Palme D’Or winner director na si Brillante Mendoza.

We were fortunate na naimbita ng award-winning director sa kanyang Secret Garden sa Mandaluyong, na ang laki na nang pagbabago since the last time we were able to go there many years ago.

Kahit na mahaba ang kwentuhan with direk Brillante, karamihan naman dito ay off the record muna. Saka na lang daw niya sasabihin pag pwede na isulat ang mga off the record statements na kanyang tinuran.

Pero may mga portions din naman ng kwentuhan na pwedeng i-share. Tulad ng reunion movie nila ni Coco Martin kung saan katambal ng actor si Julia Montes.

Nakatrabaho na niya si Julia sa isang project before and pinuri niya ang kahusayan nito.

“It is a wonderful experience to work with her. Dahil nakatrabaho ko na siya before kaya hindi na siya nanibago sa artistic and creative process ko. Alam naman ninyo na ang mga pelikula ko parang improve. Wala akong script. I just give the situation sa artista at sila na ang bahala sa linya nila. Kaya ang mga dialogues totoo. Galing sa puso, hindi scripted.”

Ang mahirap daw pag may script, sabi ni direk Brillante, the actor has the tendency na memoryahin ang linya. Ang gusto niya, spontaneous ang dating. Natural.

Kami rin ang unang group of people na nakapanood ng bago niyang movie titled GenSan Punch, na tiyak na magugustuhan ng mahihilig sa boxing.

Kwento ito ng isang Okinawan boxer na may disability at ang kanyang naging pagpupursige para makakuha ng professional boxing license.

Bida rito si Shogen, na one year nag-training ng boxing bago sinimulan ang pelikula. Mga tunay na boxers sa GenSan ang nakalaban ni Shogen kaya tiyak nagkasakitan din sila during the shoot. Maganda ang kwento and very engrossing.

Kasama sa movie ang mga Pinoy actors na sina Beauty Gonzales, Ruby Ruiz, Jomari Angeles, Jun Nayra, Vince Rillon at ang namumukod tanging si Ronnie Lazaro.

Pangarap pa rin ni direk Brillante na makagawa ng movie with Vilma Santos. May project sana for Vilma pero hindi ma-accommodate dahil sa schedule ng actress-turned politician.

Gusto rin niyang makatrabaho si Joshua Garcia. At kung walang legal impediment, may magandang horror script siya na ang gusto niyang magbida ay si Nadine Lustre.

***

LAST Saturday, tampok sa Maalaala Mo Kaya ang kwento ni Nesthy Petecio, ang Pinay boxer na nagwagi ng silver medal sa Tokyo Olympics.

Historic ang panalo ni Nesthy dahil ito ang unang silver medal na napanalunan ng babaeng boxer mula sa Pilipinas.

Pero tuloy ang pangarap ni Nesthy na manalo ng gold medal para sa Pilipinas kaya tuloy pa rin ang training niya sa 2024 Paris Olympics.

Sana ay i-feature din ng MMK ang kwento ni Carlo Paalam, who also won silver medal sa boxing.

Very meaningful kay Carlo ang kanyang silver medal dahil dati siyang scavenger. Ang mga Olympic medals ay gawa sa scrap ng mga cellphones at laptop kaya nai-relate ito ni Carlo sa kanyang buhay.

Who would have imagined na ang dating scavenger ay magiging isang silver medalist sa Olympics.

For sure, madrama rin ang buhay ni Carlo at marami ang mai-inspire kapag naipalabas sa MMK ang buhay niya.

Bilib nga kami sa MMK dahil nakagawa agad sila ng episode ng sa buhay ni Nesthy Petecio.

(RICKY CALDERON)