2021 August 13 Archive - People's Balita

July 3, 2024
Search in People's Balita
Ang Diyaryong Pinagkakatiwalaan

Archive for August 13th, 2021

MICHAEL KEATON DESCRIBES THE FEEELING WEARING BATSUIT ONCE AGAIN IN ‘THE FLASH’

Posted on: August 13th, 2021 by @peoplesbalita No Comments

MICHAEL Keaton described how it felt wearing the Batsuit once again in the upcoming The Flash movie.

Keaton played the Caped Crusader about thirty years ago in Tim Burton‘s 1989 Batman film and in 1992’s Batman Returns. Considered one of the best portrayals of the superhero, Keaton surprised fans when he was announced to reprise his role in the new movie.

Ezra Miller was pegged to play Barry Allen in a standalone movie, with the DCEU Flash movie announced back in 2014. Since then, however, production for The Flash saw its fair share of difficulties, seeing multiple writers and directors attached to and dropped from the project.

After several delays, the film was finally redeveloped to be part of the DCEU and began filming with Andy Muschietti (director of It) behind the camera. The movie is now scheduled to premiere on November 4, 2022 with Miller as the titular character, as well as a host of other DC superheroes.

In an interview on the YouTube channel Jake’s Takes (via ComicBook), Keaton describes how he felt wearing the Batsuit once again in the new The Flash movie.

Keaton describes it as being “shocking normal” but also “weird.” Keaton also talks about how he was filled with a ton of memories when playing the role, although he wouldn’t confirm if he says the iconic “I’m Batman” line in the new movie.

Recent set photos from The Flash have revealed Keaton’s Batmobile and Batcave in the new movie, which has already supplied plenty of nostalgia for viewers, since they’re the same ones used in Burton’s Batman films.

This raises the question of why hasn’t Keaton’s Batman updated his “Bat-gear” since the 1989 flick? Will Keaton’s Batman have trouble letting go of the past? These questions are further evidenced by the fact that Keaton will not be the only actor portraying the Caped Crusader in The Flash, as Ben Affleck‘s Batman will also reprise his version of the character in the movie.

Affleck recently played the Dark Knight in Zack Snyder‘s 2016 film, Batman V Superman: Dawn of Justice and both iterations of Justice League. Given The Flash will feature at least two versions of Batman, it will be interesting to see how Keaton’s version fits into the movie.

Keaton’s casting as Batman in The Flash instantly gave way to praise. Because of his deadpan portrayal of the hero, Keaton’s Batman was a hit with critics and audiences when Burton’s films were released back in the day. (source: screenrant.com)

(ROHN ROMULO)

Malakanyang, umapela sa publiko na sundin na lang ang naging pasya ng Metro Manila Mayors ukol sa pagbabawal ng outdoor exercises

Posted on: August 13th, 2021 by @peoplesbalita No Comments

UMAPELA ang Malakanyang sa publiko na sundin ang anumang napagdesisyunan ng Metro Manila Council (MMC) na may kinalaman sa “no outdoor exercise” sa mga lugar na naka- Enhanced Community Quarantine (ECQ) gaya ng National Capital Region (NCR).

Ang katwiran ni Presidential Spokesperson Harry Roque, ang mga alklade Rin naman ang nagpapatupad ng IATF resolutions.

Ang mga ito rin naman ang pinagkatiwalaan ng Pangulo na iimplementa ang napagkasunduan sa IATF kaya’t kung anuman ang pinagtibay sa Task Force ay iyon ang ipatutupad.

Kaya kung sa tingin ng MMC ay dapat lang na magkaroon muna ng pagbabawal ng outdoor exercise, mas maigi ngang manatili muna sa pamamahay at sumunod sa patakaran.

Tutal naman aniiya ay 10 araw lamang naman ang hihintayin at mula doon ay maaari na ring bumalik sa pag-eehersisyo na aniya’y may elemento ng mental impact sa bawat isang indibidwal.

Nauna rito, nakiusap si Metropolitan Manila Development Authority (MMDA) Benhur Abalos sa publiko na pagbigyan ang 10 days “no outdoor exercise” sa Metro Manila.

Sa virtual press briefing ni Sec. Roque, sinabi ni Abalos na layon nito na ingatan ang mga bata habang patuloy na tumataas ang kaso ng Delta variant.

Bukod pa sa maiiwasan din ang pang-aabuso mula sa mga taong wala namang ginagawa sa labas ng bahay kundi ang mag-chismisan lang.

Tiniyak naman ni Abalos na matapos ang 10 araw at na-review na ng Metro Manila Mayors ang bagay na ito ay posibleng ibalik na ang outdoor exercise.

Napag-usapan naman aniya ng mga Mayor na matapos ang 10 days at gumanda na ang sitwasyon ay tatanggalin na aniya itong exercise na ito.

“Puwede na. It’s just that 10 days at isa pang rason dito na talagang tingin ko tumama sa puso ng bawat isa . Bawat mayor po ay mga magulang eh. Hindi namin alam ang epekto nito sa mga bata.. sa ngayon. Maraming nababasa, maraming naririnig na pati ang mga bata maski nga ang bakuna na ay ibinibigay na sa mga bata. Ano po ang punto ng mga Mayor? Ang punto po nila ay pag-iingat ng bawat isang pamilya, bawat isang komunidad. So, sana po maunawaan ninyo ang mga rason bakit itong polisiya na ito ay ginawa nila,” litaniya ni Abalos. (Daris Jose)

Onyok bibigyan ng Malacañang ng P500K

Posted on: August 13th, 2021 by @peoplesbalita No Comments

Kung hindi pa siya naglabas ng sama ng loob ay saka pa lamang maaaksyunan ang kanyang reklamo.

Bibigyan ng Office of the President si 1996 Olympic Games silver medalist Mansueto ‘Onyok’ Velasco Jr. ng cash incentive na P500,000 para sa kanyang naibigay na karangalan sa bansa.

Si Senate Committee on Sports chairman Sen. Bong Go ang gumawa ng paraan para maiparating kay Pangulong Rodrigo Duterte ang hinaing ng 47-anyos na si Velasco.

“Sa panahon ni Pangulong Duterte, binibigyan natin ng importansya, suporta, at insentibo ang mga atleta natin lalo na yung mga nagtatagumpay sa Olympics ngayon,” sabi kahapon ni Go.

Ipinarating ni Velasco, isa nang part-time comedian at television personality, ang kanyang reklamo sa ilang interview sa gitna ng kampanya nina Olympic silver medal winners Nesthy Petecio at Carlo Paalam at bronze medalist Eumir Felix Marcial sa Tokyo Games.

Ang kanyang kuyang si Nolito ‘Boy’ Velasco ang tumulong kay Petecio sa featherweight division ng Tokyo Olympics pati na kay flyweight Irish Magno na hindi nanalo ng medalya.

Matapos kunin ang silver medal noong 1996 Atlanta Olympics ay pinangakuan si Velasco ng Kongeso ng P2.5 milyon na hanggang ngayon ay hindi pa niya natatanggap.

Isang negosyante naman ang nangako sa kanya ng lifetime allowance na P10,000 kada buwan na nahinto matapos ang isang taon habang hindi rin nangyari ang pagbibigay ng Philippine Navy ng scholarships sa dalawang anak.

Universal vaccine cards hinihirit

Posted on: August 13th, 2021 by @peoplesbalita No Comments

Dapat magkaroon na ng universal vaccine cards na magpapatunay na kumpleto na ang bakuna laban sa COVID-19 at kikilalanin maging sa labas ng bansa.

Inihayag ito ni Presidential Spokesperson Harry Roque matapos mapaulat na hindi umano kinikilala ng gobyerno ng Hong Kong ang vaccine cards ng mga Overseas Filipino Workers na bigay ng mga local government units.

Ayon kay Roque, sa pagkakaalam niya ay gumagawa na ng paraan ang International Air Transport Association (IATA) at iginiit na niya sa Department of Health na makipagtulungan sa World Health Organization para magkaroon ng standard vaccination cards na tatanggapin ng lahat.

Iminungkahi rin ni Roque ang paggamit ng yellow quarantine book na ibinibigay ng Bureau of Quarantine na maaring magamit sa paglabas ng bansa.

Nangako rin si Roque na isasangguni niya ang isyu sa Inter-Agency Task Force para sa pagpapalabas ng vaccination cards na kikilalanin sa ibang bansa katulad ng kanyang yellow card. (Gene Adsuara)

‘I apologize’: Spence injured ang mata, laban vs Pacquiao hindi muna tuloy

Posted on: August 13th, 2021 by @peoplesbalita No Comments

Humingi ng tawad at dissappointed ang Amerikanong boksingero na makakaharap dapat ni Manny Pacquiao matapos hindi ituloy ang kanilang napipintong laban ngayong buwan dahil sa pinsalang tinamo sa mata.

Ang anunsyo ni Spence ay kanyang ibinahagi sa kanyang Instagram post ngayong Miyerkules (oras sa Pilipinas).

“I am very disappointed that I won’t be able to fight Manny Pacquiao on August 21st. Unfortunately, the doctors found a small tear in my eye and said I need to get surgery ASAP,” sabi ni Spence kanina sa isang paskil online.

“There is no way I can fight with my eye in that condition I would like to apologize to everyone and thank you all for the support, You know I’ll be back soon, I’ve came back from worse.”

Matatandaang natalo ni Ugas si Abel Ramos nitong Setyembre at hinirang na WBA welterweight champ matapos itong bawiin kay Pacquiao bunsod ng “inactivity.”

Si Spence ang kampeon sa parehong division ng International Boxing Federation simula 2017 at World Boxing Council simula 2019.

“I came back from worse. Went to three different doctors all said the same thing I’ll be back for the winner for sure. I was taught to get through it and keep going,” patuloy ng Amerikano.

Ipinagdarasal naman ngayon ni Pacquiao ang agarang paggaling ng orihinal na makahaharap, ayon sa isang pahayag. “Thank God his physical examination discovered his eye condition before he suffered any further damage,” wika ng Pinoy boxer.

“I have agreed to fight Yordenis Ugas on August 21 for the WBA welterweight super championship. The proper way and the only way to win a world title is inside the ring.” —

WANTED SA PANANAKIT SA KA-LIVE-IN NA BUNTIS, ARESTADO SA MALABON

Posted on: August 13th, 2021 by @peoplesbalita No Comments

ISANG lalaking wanted dahil sa pananakit sa kanyang walong buwan buntis na live-in partner ang arestado ng mga tauhan ng Warrant and Subpoena Section (WSS) sa Malabon City, kamakalawa ng gabi.

Ayon kay Malabon police chief P/Col. Albert Barot, si Rickman Serafin, 30 ng Blk 14G, Lot 14, Teacher’s Village, Brgy. Longos ay dinakip dakong alas-9 ng gabi sa loob ng kanyang bahay sa bisa ng warrant of arrest na inisyu noong July 17, 2021 ni Malabon Regional Trial Court (RTC) Judge Catherine Therese Tagle-Salvador ng Branch 73 para sa kasong paglabag sa R.A. 9262 o Violence Against Women and Children’s Act.

Ani P/SMSgt. Addrich Reagan De Leon, ang kaso ay isinampa ng buntis na live-in partner ni Serafin noong December 2020 matapos siyang bugbugin ng akusado makaraan ang kanilang mainitang pagtatalo dahil umano sa selos at problema sa pera.

Nang malaman ng tiyahin ng biktima ang insidente, sinamahan nito ang pamangkin para magsampa ng reklamo sa Malabon City Prosecutor’s Office at kalaunan ay iniakyat ang kaso sa Malabon RTC, na naging dahilan upang mag-isyu si Judge Salvador ng arrest warrant kontra sa akusado.

Matapos makatanggap ng tip mula sa kanyang impormante si WSS chief P/CMSgt. Gilbert Bansil na nagbalik si Serafin sa kanyang bahay sa Brgy. Longos ay agad silang nagsagawa operation na nagresulta sa pagkakaaresto sa akusado. (Richard Mesa)

Pfizer vaccine na dumating, inilaan na ipamahagi sa mga lugar na mayroong “high coronavirus cases”-Galvez

Posted on: August 13th, 2021 by @peoplesbalita No Comments

SINABI ng National Task Force Against Covid-19 na ang bulto ng government-procured Pfizer vaccine na dumating sa bansa, araw ng Miyerkules ay inilaan na ipamahagi sa mga lugar na mayroong “high coronavirus cases”.

Tinatayang may kabuuang 813,150 doses ang dumating sa bansa via Air Hongkong flight LD456 dakong alas- 8:30 ng gabi sa Ninoy Aquino International Airport (NAIA) Terminal 3 sa Lungsod ng Pasay.

Ang nasabing delivery ay itinuturing na “biggest shipment” ng Pfizer vaccine” sa ngayon, sa bansa.

Sinabi ni NTF Against Covid-19 chief implementer and vaccine czar Carlito Galvez, Jr., na ang bakuna ay ipamamahagi sa mga lugar na my naiulat na kaso ng “highly transmissible Delta variant.”

“Pfizer vaccines will be distributed to the surge areas especially to the highly urbanized centers including the NCR,” ayon kay Galvez.

Ang shipment ay third batch ng Pfizer vaccines na binili ng gobyerno ng Pilipinas.

Ang first delivery ay dumating sa bansa noong Hulyo 21 na may kabuuang 562,770 doses habang ang second batch naman na dumating sa bansa noong Hulyo 26 ay mayroong 375,570 doses.

PInasalamatan naman ni Galvez an US government para sa suplay ng mga bakuna.

“We are very thankful to the US government for giving us the large volume, one of the largest volume shipment that we had together with the 3.2 million of Johnson & Johnson (J&J) that many areas geographically, isolated and challenging areas were given most of the dosage of the J&J and Moderna. So this Pfizer vaccines will be given, as I’ve said to the NCR and other urbanized centers,” ayon kay Galvez.

Ang pinakahuling vaccine delivery ay nagbigay ng kabuuang bilang ng bakuna na 40 million doses sa Pilipinas.

“We have now 39.5 million and we are reflecting to have more and we are very thankful that Pfizer is one of our manufacturers that really provided us early deliveries,” dagdag na pahayag nito.

Samantala, sinabi naman ni US Embassy Charges d’Affaires John Law, na kasama rin sa vaccine arrival, na nangako silang susuportahan ang bansa sa laban nito kontra covid 19 sa pamamagitan ng pagbibigay ng maraming bakuna.

“The United States is very happy to see the vaccines continuing to arrive in large numbers in the Philippines. As you know we’ve been working very closely with Secretary Galvez and his outstanding team they are doing extraordinary work to bring as many vaccines as quickly as possible into the Philippines to help ensure the widest possible access,” anito.

“We really believe that the path out of this pandemic is to provide as many vaccines as possible and the United States, as I mentioned at the arrival last week is determined to do all that it can to support the Philippines in these efforts and we’re just so pleased to see the extraordinary results of Secretary Galvez’s excellent work,” dagdag na pahayag ni Law.

Ang Pilipinas ay gumagamit na ng ilang bakuna kabilang na ang Sinovac, AstraZeneca, Sputnik V, Pfizer, Moderna at J&J.

Ang first delivery ng Sinopharm ay dumating din sa bansa, araw ng Miyerkules. (Daris Jose)

MAINE, hinahamon na kumanta ng 25 songs na inayos na ng EB Shy Singer

Posted on: August 13th, 2021 by @peoplesbalita No Comments

MISS na ng mga fans at ilang araw nang hindi napapanood si Phenomenal Star Maine Mendoza sa daily noontime show na Eat Bulaga.

Tinatapos muna kasi ni Maine ang taping ng ilan pang episodes ng kanyang bagong show na #MaineGoals for Cignal TV and APT Entertainment na napapanood sa BuKo Channel, na sinusubukan niya ang iba’t ibang klase ng pamumuhay.

Nagustuhan ni Maine ang concept ng show, dahil may bucket list siya talaga ng mga bagay na gusto niyang gawin, na hindi rin niya kailangang umalis at dumayo sa malayong lugar.

Sinubukan ni Maine ang maging kutsero, farmer na talagang nagtanim siya, inakyat din niya ang matataas na lugar, nagpinta rin siya kasama ng mga pintor sa Angono, Rizal, sumakay sa banana boat, kahit nahulog siya sa malalim na dagat.

Pero ang hindi kinaya ni Maine ay ang challenge ng kasama niya sa EB, na si Shy Singer Khevin Almario, na after ng ECQ ay kakanta siya ng 25 songs na inayos na ni Khevin.

Ang pabirong sagot ni Maine: “Block. Report user. #BoycottKhevinAlmario”

Naniniwala raw kasi si Khevin na kaya iyon ni Maine, dahil maganda ang singing voice nito.

Wish ng mga fans, tanggapin pa rin ni Maine ang challenge sa kanya ni Khevin. Ang #MaineGoals ay napapanood Mondays to Fridays, 7:30 – 8:00 PM sa Cignal TV Channel at SatLite Channel 2, kasama ang mga co-hosts niyang sina Chichirita at Chamyto.

***

FANS are asking kung totoong aalis na sa showbiz si Kapuso hunk actor Derek Ramsay, pagkatapos ng ilang kontrobersiya?

Hindi namin sure kung ilang taon ang exclusive contract na pinirmahan ni Derek sa GMA Network. Pero matapos niyang pumirma sa contract in 2019, isa pa lamang teleserye ang nagawa niya, ang The Better Woman with former girlfriend Andrea Torres.

Dapat ay may bago silang action-drama series na muling pagsasamahan ni Andrea, pero nangyari nga ang break-up nila, kaya si Andrea ay inilipat sa Legal Wives with Dennis Trillo, Alice Dixson, and Bianca Umali.

Isinama naman si Derek sa To Have and To Hold with Max Collins and Carla Abellana, pero hindi rin siya natuloy at si Rocco Nacino na ang kasama ngayon ng dalawang aktres.

Nanghihinayang naman ang mga fans kay Derek who is a very good actor, kung totoong iiwanan na niya ang showbiz. Wala raw kasing makaka-question sa power of love.

But still wish pa rin nilang magbago ng isip si Derek at tapusin niya ang contract sa GMA.

***

AYON kay Willie Revillame, tulad ng kanyang “Tutok To Win” ng Wowowin, naipakiusap din daw niya sa pamunuan ng Clark International Airport at IATF, na every Sunday during the ECQ ay doon din mag-live show ang Sunday noontime show ng GMA Network na All-Out Sundays. Ngayon kasi, since August 9, ay doon na sila live na nagso-show ng Tutok To Win, Mondays to Fridays, 5:00 to 6:30 pm na napapanood sa GMA-7, hanggang may ECQ sa NCR.

Kung totoo ito, ibig sabihin, doon na mapapanood this Sunday, August 15, ang paggi-guest ng most in-demand singer and songwriter na si Ed Sheeran?

Isa sa mga songs na nagustuhan ng mga Pinoy kay Ed Sheeran ay ang “Thinking Out Loud” na minahal ng mga AlDbub fans nina Alden Richards at Maine Mendoza, since 2015.

But this Sunday, the singer-songwriter will perform his latest single “Bad Habits.” Kaya don’t forget, mapapanood si Ed Sheeran sa All-Out Sundays sa GMA-7.

(NORA V. CALDERON)

SHARON, isiniwalat na si PARK HYUNG SIK ang bagong kinahuhumalingan na Korean actor

Posted on: August 13th, 2021 by @peoplesbalita No Comments

HINDI na naman nakapagpigil si Megastar Sharon Cuneta na patulan ang isang basher na nag-comment sa IG post niya humihingi ng tulong at suhestyon sa ating mga kakabayan.

Sabi ng basher, “Share mo na lang kaya ang blessings mo sa mga apektado yung walang camera ha…”

Kaya naman hindi ito pinalampas ni Mega dahil mukhang walang kaalam-alam ang basher sa mga nagawa at naitulong ng kanyang pamilya sa mga nangangailangan lalo na ngayong panahon ng pandemya.

Sagot ni Sharon sa basher, “Nananawagan nga ako sa ibang gusto ding tumulong. Ang dami mong hindi alam sa mga nagawa ko na at ng pamilya ko, pati mga anak ko nag-aambag mula sa ipon pati alkansya.

“Ang na “camera” gaya ng sabi mo at naisulat na ay kakaunting % lang ng alam ng Panginoong naitulong…” “namin ng galing sa puso at walang nakakaalam. Beside, KAILANGAN namin ipaalam ang napaalam na dahil humihingi din kaming tulong mula sa iba na nagpapakitang kung kami ay may naitulong, sana sila/kayo rin. “Yon LANG ang dahilan ng pinapaalam sa publiko. Di na namin kailangan ng puri o sikat, nagbabawas pa baka puwede.”

Anyway, may pampa-good vibes na post si Sharon na kung saan sa isiniwalat niya ang bagong kinahuhumalingan na Korean actor.

Pinost nga niya ang photo at may caption na, “OKAY OKAY I HAVE A NEW “CRUSH!” In L.A. I binged on everything Cha Eun Woo. But now I am super fixated on PARK HYUNG SIK! Lahat na yata pati videos niya with his former boy band napanood ko na!

“But paulit-ulit kong pinapanood ang STRONG GIRL Bong SOON kasi doon ang favorite kong role niya! Pampasaya talaga! Also loved him in the movie JUROR 8! He was critically acclaimed for his performance there too!”

Pagpapatuloy pa ni Mega, “When I told Kakie about Cha Eun Woo, sabi agad niya, “Mom!!! He’s only three years older than me!” Hahahahahaha! Kala mo naman magiging stepfather niya kung rumeact! Sabi ko, “Why ba?!!! It’s not like I’ll boypren or marry him! I crush him lang relax!” Hahahaha!

“Ito namang si Hyung Sik, Nov.16,1991 ang birthday. Eh mag-uumpisa na ang shooting ng “Maging Sino Ka Man” noon in less than 2 months at kaka-break lang namin ng boyfriend ko nun! Ngek! Bakit ba basta he’s my crushie now. Read my bio he’s been there for a while now too! I don’t choose my crushes by age, do you?

“I still love Keanu and Antonio Banderas! Basta for now, Park Hyung Sik!!! Sabi nga sa Korea, “FIGHTING!” Hahahaha! GV only!”

Samantala, after a week number one pa rin sa Vivamax ang Revirginized na mula sa Viva Films.

Ang Vivamax ay streaming na Middle East & Europe, Japan, Malaysia, Hong Kong, at Singapore bumili lang ng ticket sa KTX.ph, iWant TFC, TFC IPTV, and SKY PPV! U.S. and Canada please take note! IWant TFC is your platform!

Sa August 27 puwede na rin ito mapanood ng mga Cignal subscribers.

Ang Revirginized na mula sa direksyon ni Darryl Yap ang kauna-unahang Pinoy movie na mapapanood ngayong 2021 sa selected US and Canada cinemas, simula ngayong araw, August 13.

(ROHN ROMULO)

Pacquiao vs Ugas: ‘We’re going to give a big gift to the fans’

Posted on: August 13th, 2021 by @peoplesbalita No Comments

Nagkaharap-harap sa unang pagkakataon sa pamamagitan ng virtual press conference sina Sen. Manny Pacquiao at ang bagong makakalaban sa welterweight championship na si Yordenis Ugas.

Ayon sa eight-division world champion, excited na rin siya na makaharap si Ugas dahil championship pa rin naman ang kanilang paglalabanan.

Kung maalala una nang naasar noon si Pacman sa WBA kung bakit ibinigay kay Ugas ang korona samantalang kaya hindi siya lumaban para idepensa ang title belt ay bunsod nang pandemya.

Giit ni Pacquiao, 42, sa pagkakaong ito dapat tapusin na ang usapan kung para ba kanino talaga ang titulo.

Tiniyak din ni Pacman na wala problema sa kanya kung si Errol Spence na kaliwete na kanyang pinaghandaan at ngayon ay nagbago dahil orthodox style si Ugas.

Giit pa ng fighting senator, hindi siya puwedeng magkampante dahil nasa kondisyon din si Ugas bunsod na naghanda ito ng husto dahil sa undercard din naman sana siya sa fight card.

“I am happy to fight either right-handed or southpaw fighters. It’s no problem for me at all to switch the styles that I’m going to face,” ani Pacquiao. “What I can say to the fans is that this is definitely not an easy fight. Ugás is a champion because they gave him my belt. Now, we have to settle it inside of the ring. I cannot take him lightly because he’s the kind of fighter who will take advantage of that.”

Para naman kay Ugas, 35, na isang Cuban at merong interpreter, maaasahan ng mga boxing fans ang umaatikabong bakbakan dahil ibibigay niya ang lahat pag-akyat nila ng ring sa Agosto 22.

Inamin din nito ang labis na excitement at makakaharap niya ang isa sa best fighters ng kasaysayan.

Para kay Ugas, hindi na bago sa kanya ang last minute na pagbabago sa laban dahil ilang beses na rin ang nangyari na siya ang ipinapalit bago ang big day.

Kaya naman asahan daw ng mga fans na sila ay masusulit dahil sa maganda nilang laban na regalo na kanilang masasaksihan.

“When I got the call that I was going to face one of the best fighters in history, it just pushed my excitement to new highs. I can’t wait to show everyone what I’m capable of,” pahayag pa ni Ugas sa pamamagitan ng kanyang interpreter. “I’m used to taking fights at the last minute. It’s really nothing new to me. Once I knew I was fighting Pacquiao, I got right back to work because I’m always ready to fight anyone they put in front of me.