2021 September 28 Archive - People's Balita

November 17, 2024
Search in People's Balita
Ang Diyaryong Pinagkakatiwalaan

Archive for September 28th, 2021

2 WALANG FACE MASK KULONG SA P126K SHABU SA CALOOCAN

Posted on: September 28th, 2021 by @peoplesbalita No Comments

BAGSAK sa kalaboso ang dalawang lalaki matapos makuhanan ng mahigit P.1 milyon halaga ng shabu makaraang masita ng mga pulis dahil walang suot na face mask sa Caloocan City.

Kinilala ni Caloocan police chief Samuel Mina Jr, ang naarestong mga suspek na sina Richard Cenon alyas “Empoy”, 46, at Emar Villanueva, 44, pintor, kapwa ng 154, Bagong Barrio.

Ayon kay Col. Mina, nagsagawa ng verification ang mga tauhan ng Bagong Barrio Police Sub-Station sa ilalim ng pamumuno ni PLT Julius Villafuerte hinggil sa natanggap na text message mula sa concern citizen na ipinadala sa NCRPO SMS hotline “Isumbong mo kay RD!”.

Pagdating sa Consejala St., Brgy. 154, Bagong Barrio dakong alas-12:20 ng madaling araw ay nakita ng mga pulis ang dalawang nakatayong lalaki na walang suot na face mask.

Nang lapitan ng mga pulis upang alamin ang kanilang pagkakilanlan para isyuhan ng Ordinance Violation Reciept (OVR) ay tumakbo ang mga suspek kaya’t hinabol sila ng mga arresting officers hanggang sa makorner at maaresto.

Nang kapkapan, nakuha sa mga suspek ang 6 na sealed transparent plastic sachets na naglalaman ng tinatayang 18.66 grams ng hinihinalang shabu na may standard drug price P126,888.

Nahaharap ang mga suspek sa kasong paglabag sa Art. 151 of RPC at RA 9165 o Comprehensive Dangerous Drugs Act of 2002. (Richard Mesa)

MM, maaaring bumaba sa Alert Level 3- Abalos

Posted on: September 28th, 2021 by @peoplesbalita No Comments

MAAARING lumuwag ang quarantine status sa Kalakhang Maynila matapos ng pilot implementation ng Alert Level 4 kapag ang indikasyon ng Covid 19 ay nagpakita ng “improvement”.

Umaasa si Metropolitan Manila Development Authority (MMDA) chairman Benhur Abalos na magiging mas maayos ang situwasyon sa Kalakhang Maynila sa pangalawang linggo ng implementasyon ng Alert Level 4, na nakatakdang matapos sa Setyembre 30.

Ang 5-tier new virus response strategy ay ikinasa sa virus hotspot capital region at sinamahan pa ng granular lockdowns sa infection clusters, sa halip na i-lockdown ang buong lungsod o mga rehiyon.

“’Yung reproduction rate, ito mismo galing sa OCTA, from a high of 1.90 nung August 8, bumaba nun Sept. 4 ng 1.39, 1.03 nung Sept 22. Nakikita natin ‘yung pababa po nito. Maski ‘yung growth rate ng 1 week nag-negative na nga rin kaya maganda po ang indikasyon.

Sana po by the end of the one week pa mag-alert level 3 na po ang Metro Manila,” ayon kay Abalos.

Araw ng Biyernes nang ipalabas ng Malakanyan ang inamiyendahang guidelines sa pilot implementation ng Alert Level 4 sa Kalakhang Maynila.

MAy ilang amendments ang magti-take effect simula Oktubre 1 kung dapat na ang Metro Manila ay manatili sa ilalim ng Alert Level 4.

“Ang nangyari po ngayon apat lang halos na negosyo ang bukas. Ang restaurants natin na may 10 percent sa loob at 30 percent sa outdoor, ating mga barberya, hair spa, nail salon at saka simbahan. Kung mag-a-alert level 3, halos lahat po 30 percent na ng capacity. Madadagdagan pa ang ating negosyo,” an pahayag ni Abalos.

Sinabi pa ng MMDA chief na mahirap na i-calibrate ang kalusugan at ang ekonomiya.

“Sa basehan na nakikita natin ngayon, sana naman, tingin ko kaya na nating mag-alert level 3 by the end of the week. ‘Yun ang pinagtatrabahuhan natin lahat ngayon,” aniya pa rin.

Samantala, naniniwala naman si Abalos na ang pagpapahusay sa COVID-19 indicators ay hindi lamang sa kung ano ang epekto ng granular lockdowns sa iba’t ibang lugar kundi resulta ng nagdaang implementasyon ng stricter quarantine measures at mas maraming taong nabakunahan laban sa COVID-19. (Daris Jose)

Direk DARRYL, ‘di kailangan ang fandom tulad ng JaDine para I-promote ang movie; Boss VIC, pinahanga nina AUBREY at MARCO

Posted on: September 28th, 2021 by @peoplesbalita No Comments

SA digital mediacon ng Ang Manananggal Na Nahahati Ang Puso na hatid ng Viva Films, natanong ang blockbuster director na si Direk Darryl Yap kung ano ang masasabi niya sa bagong tambalan nina Marco Gallo at Aubrey Caraan.

Nag-e-edit na raw siyang next movie niya na Sarap Mong Patayin, kaya wala na sa wisyo niya ang pelikulang magsisimulang mag-streaming sa October 1 sa Vivamax.

Kuwento niya, “Tumawag si Boss Vic (del Rosario), few days a ago, para I-congratulate ako, acting piece daw ito for Marco, hindi nila akalain na ganun pala kagaling umarte si Marco. “Revealation naman dito si Aubrey, hopefully na fans, the people and especially the press, will get to notice, yun galing nilang umarte. That’s the discovery I made.”

Sabi pa ng kontrobersyal na direktor sa latest movie niya na kinunan sa nakabibighaning isla ng Siquijor na kung saan naka-experience siya nang nakakikilabot na pangyayari. “This is the best that I have done so far. Siguro, yung best ko, basura pa rin sa iilan. Or siguro, yung best ko, basic or mediocre para rin sa nakararami.

“Pero this project is very close to my heart. Ito yung masasabi kong unang film ko na direktor na direktor talaga ako. Kasi sa ‘Revirginized,’ fan na fan ako du’n ni Ms. Sharon Cuneta.”

Since originally for James Reid and Nadine Lustre ang Ang Manananggal Na Nahahati Ang Puso, may ginawa ba siyang changes or adjustments para mag-fit ang characters kina Aubrey at Marco.

“Ang sa akin lang doon noong hindi natuloy sina James, I need a Filipina looking girl and Filipino with a foreign blood.

“So, kung mapapansin n’yo doon lang din naman lumapag, sakto naman kay Marco at kay Aubrey, not because I wanted someone to look like James or Nadine.

“But because the story needs a barrio lass which is the character of Giniper and a half-Filipino foreigner, because ‘yun po ang kuwento, na galing siya sa ibang bansa.

“Ang in-adjust ko lang po doon, ‘yun isa, originally galing ng UK, heto naman ‘yun character galing sa Italy, because of Marco.”

At kung natuloy sana si James, kakayanin kaya nito ang ‘butt exposure’ o may iba siyang ipagagawa?

“I can’t answer if James will do it,” sagot ni Direk Darryl.

“Pero that’s the beauty when you get to cast a non-superstars. They are more courageous and open to the things that the script requires.

“And they are not bound by sponsor clauses. Kasi pag meron ka nang maraming commercials, medyo kumplikado na ang kontrata.

“Siguro, nagpapasalamat din ako at ang mga fans ni Marco dahil natuloy ang pelikulang ito at sa kanya nag-land. At natuloy ang script ko na kailangang ipakita ang difference ng very conservative Siquijodnon girl and a liberated Italian half-Pinoy Giuseppe.”

Sa mga nag-aakusa naman na nakiki-ride on sila sa JaDine.

Tugon naman ni Direk Darryl, “And just to set the record clear, I myself, kaya ako nasasabihan na mayabang because I’m always straight to the point. We don’t need any fandom to actually promote a movie.”

Sapat na raw ang milyun-milyong followers ng viral Youtubers na Beks Batallion na binubuo nina Chad Kinis, MC Calaquian at Lassy Marquez bukod pa sa kanyang six million followers ng VinCentiments sa FB ay YouTube at ipinagmamalaki nga ang ipinakitang kahusayan nina Marco at Aubrey.

Kasama rin sa movie sina Teresa Loyzaga, Gina Pareno at Johnny Revilla.

Streaming online sa VIVAMAX Philippines, Hong Kong, Malaysia, Singapore, Japan, Middle East at Europe.

Maaaring mag-stream ng Vivamax sa web.vivamax.net. Mag-download na rin ng app at mag-subscribe via Google Play Store, App Store at Huawei AppGallery.

Watch all you can na sa halagang P149 kada buwan o P399 para sa tatlong buwan para sulit na sulit. Meron pang hot price na P29 lamang at may 3-day access na sa Vivamax.

Pwede mo na rin i-cast ang mga shows sa inyong Smart TV sa pamamagitan ng Google Chromecast or Apple TV para mas enjoy ang panonood. Pwede kang magbayad gamit ang GCash, Globe, Smart, Visa/Mastercard, PayMaya o PayPal account na naka-link sa iyong Google or Apple account.

Maaari ding mag-subscribe sa www.vivamax.net,

At sakto sa streaming ng Ang Manananggal Na Nahahati Ang Puso sa October 1, mapapanood na rin ang Vivamax sa Indonesia, Thailand, South Korea, Taiwan, Brunei, Macao, Vietnam, Maldives, Australia at New Zealand.

(ROHN ROMULO)

Vaccine czar Carlito Galvez jr, nagpakita ng pruweba na hindi kulelat ang Pilipinas sa mga bansa sa mundo kung pagbabakuna ang pag-uusapan

Posted on: September 28th, 2021 by @peoplesbalita No Comments

NAGPAKITA ng katibayan si Vaccine czar Carlito Galvez Jr. kay Pangulong Rodrigo Roa Duterte na magpapatunay na hindi nahuhuli o kulelat ang Pilipinas sa pagtuturok ng bakuna.

Ang hakbang ay ginawa ni Galvez sa gitna ng puna na mabagal daw ang pamahalaan sa vaccination efforts nito.

Sa presentasyong inilatag ni Galvez sa Pangulo, sinabi nitong sa 2 daan at limang mga bansa ay nasa ika 21 ang ranking ng bansa sa usapin ng pagbabakuna.

Ani Galvez, nasa top 3 ang Pilipinas sa ASEAN habang sa 47 Asian countries dagdag ng Kalihim ay nasa number 11 ang Pilipinas na kasingkahulugan aniya na nasa upper 20 % ang bansa.

“Sir, marami pong nagsasabi na mabagal po tayo na magbakuna. Iyon nga minsan nga po nag-recommend po ‘yung mga iba na nakikita na masyadong mabagal daw ‘yung ating pagbabakuna. Kung makikita po natin tayo po is number 21st out of 205 countries,” ayon kay Galvez.

“Ito po nasa ano po tayo, 10 percent po na nasa upper 10 — 10 percent po tayo ng mga bak — mga countries sa pagbabakuna. And then number 11 po tayo out of 47 Asian countries, meaning nasa upper 20 percent po tayo — 23 percent ah sa 11, 12 — sa 47, and then also, top 3 po tayo sa ASEAN,” dagdag na pahayag nito.

Pinasalamatan naman ni Galvez dito ang LGUs at private sectors gayundin ang national government na aniyay nagtutulungan sa pagbabakuna at maabot na ang tagumpay sa vaccination campaign ng pamahalaan. (Daris Jose)

Underwear ni NBA legend Michael Jordan naibenta sa auction katumbas ng P140,000

Posted on: September 28th, 2021 by @peoplesbalita No Comments

Nabili sa auction ang underwear ni NBA legend Michael Jordan.

Ayon sa Lelands Auctions nabili ito sa halagan $2,784 o nasa P140,000.

Umabot sa 19 na bidders ang nagkainteres.

Ang nasabing underwear ay naitago ng kaibigan ng bodyguard ng Chicago Bulls star na si John Michael Wozniak.

Poll workers, WHO vaccine trial participants, kinukunsiderang APOR- Malakanyang

Posted on: September 28th, 2021 by @peoplesbalita No Comments

SINABI ng Malakanyang na ang mga empleyado ng Commission on Elections (Comelec) at mga indibidwal na maghahain ng kanilang kandidatura para sa Eleksyon 2022 ay kinukunsidera bilang authorized persons outside residence (APOR) sa gitna ng COVID-19 pandemic.

“The Inter-Agency Task Force approved the inclusion of all Comelec officials and employees as APOR,” ayon kay presidential spokesperson Harry Roque.

“Also considered as APOR during the filing of the Certificates of Nomination and Certificate of Acceptance of Nomination for Party-List Groups, and Certificates of Candidacy and Certificates of Nomination and Acceptance of aspirants for the May 2022 elections are the: chairperson/president, or in their absence the Secretary-Secretary-General or authorized representative of the political party, sectoral party, organization or coalition under the party-list system; aspirants or their authorized representatives; companions as authorized under COMELEC Resolution No. 10717,” dagdag na pahayag ni Sec. Roque.

Kabilang din sa APOR ang mga Comelec officials/personnel na inatasan na siyang magsumite o maghatid ng hard copies ng Certificates of Candidacy at iba pang related documents/materials sa Comelec Main Office.

Ang paghahain ng kandidatura ay nakatakda mula Oktubre 1 hanggang 8.

Idagdag pa rito, ayon kay Sec. Roque ang mga magpapartisipa sa World Health Organization Solidarity Trial for COVID-19 vaccines, na kinabibilangan ng researchers, workers, miyembro, at affiliate staff ng Solidarity Trial Vaccines Team, at maging ang health workers, ay pinapayagan sa interzonal at intrazonal movement kahit ano pa man ang community quarantine classification at ipinatutupad na granular lockdowns.

Ang target participants at eligible patients na nakatira sa mga lugar na nasa ilalim ng granular lockdowns, ayon kay Sec. Roque ay papayagan na umalis o lumabas ng kanilang bahay para sa dahilang kailangan sa clinical trial.

Gayunman, hindi naman papayagan na lumabas o umalis ng bahay ang mga nasa lugar na nasa ilalim ng granular lockdown. (Daris Jose)

Vin Diesel Teases Chronicles of Riddick 4 Release Is “Closer Than You Think”

Posted on: September 28th, 2021 by @peoplesbalita No Comments

VIN Diesel has taken to social media to suggest that Furya, the fourth film in the Chronicles of Riddick saga may not be too far off.

Based on the character created by screenwriting due and brothers Ken and Jim Wheat, Diesel made his debut as the gruff, sci-fi antihero Riddick in 2000’s Pitch Black.

Despite working with a modest budget and opening to mixed reviews, the film’s subsequent release on home media turned it into a cult sensation and would go on to spawn two sequels, as well as a series of videogame tie-ins, novels, and motion comics.

As early as 2014 Diesel had announced that Universal Studios was looking to produce a fourth film in the Riddick franchise, and they would be aiming for an R-rating which would serve as an origin story for the fan-favorite character. Supposedly titled Furya, original Pitch Black director David Twohy reportedly completed the script for the new film and provided it to Diesel in July 2019.

Earlier this year, during a promotional interview for F9, Diesel also suggested that the film was finally “moving towards filming.”

While it’s been seven years since Diesel first hinted at a new Riddick outing, it looks like things are quickly surging ahead, and it may not be too much longer until fans finally get to see the final product for themselves. Taking to Instagram, Diesel revealed that he had just completed an “incredible meeting” and suggested that “Furia [sic] may be closer than you think.” Check out Diesel’s original post below:

While Diesel has been preoccupied of late with the ever-expanding Fast and the Furious franchise, it would seem the busy actor has not lost sight of his other popular onscreen roles.

Not only is Diesel looking to reprise the role of his sci-fi antihero, but recent reports also suggest he’s on track to return to the role Xander Cage from the xXx action series. On top of all this, Diesel is also set to return to provide the voice of every Marvel fans’ favorite walking tree, Groot, in Guardians of the Galaxy Vol. 3.

Hopefully, after many years’ worth of teases and announcements, this latest reveal from Diesel will bode well for an expedited return to the Furyan warrior and mercenary. No doubt fans will be clamoring to hear more about an expected release date and marking their calendars in anticipation of Riddick’s return to the big screen.

In the meantime, fans of the Chronicles of Riddick can also potentially look forward to Diesel joining another big sci-fi franchise with next year’s Avatar 2.

(ROHN ROMULO)

4 NA NAWAWALANG MANGINGISDA, NATAGPUAN NA

Posted on: September 28th, 2021 by @peoplesbalita No Comments

APAT sa siyam na mangingisdang nawawala ang natagpuan na ng mga tauhan ng Philippine Coast Guard (PCG) search and rescue/ retrieval operations.

Ayon kay PCG spokesperson Commodore Armand Balilo, kinilala ang natagpuan mga bangkay ng mga mangingisda ng FB St .Peter The Fisherman II ay nakilalang sina Sonar Operator Norberto Parlotzo ng Bantayan Island, Cebu; Piscador Rommel Engle ng Cadiz City, Negros Occidental; Piscador Julit Salvo ng Don Salvador Benedicto, Negros Occidental at isang hindi pa nakilalang mangingisda.

Magpapatuloy pa rin ang SAR operations sa iba pang nawawalang mangingisda kabilang sina Boast Captain Frankie Chavez (Toboso, Negros Occidental); Steersman Renante Forsuelo (Cadiz City, Negros Occidental); Chief Engineer Herminio Ronamo (Estancia, Iloilo); Cook Julian Dungog (Cadiz City, Negros Occidental) at Third Engineer Manuel Auditor (Cadiz City, Negros Occidental)

September 24 nang lumubog ang fishing vessel sa karagatan sakop sa pagitan ng Tanguingui Island sa Northern Cebu at Gigantes Island sa Iloilo. GENE ADSUARA

HEART, three years old palang mahilig na sa high heels at namakyaw ng branded shoes nang mag-sale si RUFA MAE

Posted on: September 28th, 2021 by @peoplesbalita No Comments

THREE years old pa lamang pala si Kapuso actress Heart Evangelista ay hilig na niyang magsuot ng high heels.

Ikinuwento ito ni Heart sa kanyang vlog na ipinakita niya ang collections niya ng mga high heel shoes. Three years old daw siya nang isuot niya ang high heels ng mommy niya at bumaba siya ng hagdanan nila, nadulas siya at nasugatan sa malapit sa right eye niya at halata hanggang sa ngayon ang pilat na iyon.

Hindi nakapigil kay Heart ang nangyari para hindi siya magsuot ng high heels, lalo na nang maging teen-ager na siya at hanggang 5’2” lamang ang height niya.

Para nga magmukha siyang mataas, naging hobby na niya ang bumili ng mga branded na high heel shoes na sa vlog niya ay kabisado niya kung kailan at saan niya binili iyon, usually kapag nagta-travel siya abroad, kasama raw sa budget niya ang pagbili niya ng high heel shoes.

Kahit daw noong nagdi-date na sila ng husband niyang si now Sorsogon Governor Chiz Escudero, kasama rito ang pagsa-shopping niya ng mga bagong labas na branded shoes.

At nang magkaroon ng sale ang actress na si Rufa Mae Quinto ng mga branded shoes nito, halos lahat ng size 7 shoes nito ay binili niya at a very low prices, may dagdag pang ibang items.

Tiyak na mapapanood natin ang mga collection of shoes ni Heart sa sinu-shoot niyang GMA’s I Left My Heart In Sorsogon, na gaganap niyang isang fashion model.

***

MARAMI nang nagtatanong noon kung ano ang real score sa pagsasama ng Kapuso couple na sina Max Collins at Pancho Magno.

May rumor kasing nagkakalabuan ang pagsasama nila, kaya hindi na sila nagpu-post sa kani-kanilang social media tulad nang dati, na magkasama sila at ng anak nilang si Skye. Kahit nang mag-celebrate si Skye ng first birthday nito, hiwalay ang celebration nilang mag-asawa, kaya medyo nagkaroon ito ng controversies.

Pero ipinahayag ni Max sa zoom mediacon ng upcoming GMA Primetime teleserye nilang To Have And To Hold, na maayos ang pagsasama nila ng husband niya, hinahayaan daw siya ni Pancho na i-prioritize ang kanyang showbiz career. Kaya raw sa social media tahimik lamang sila dahil they have their own branding bilang artista. Kaya very thankful siya to have a husband who supports her and who understands her.

“So okay lang naman if people wants to talk about us,” sabi pa ni Max.

“Kami lang talaga yung nakakaalam how our lives are and how we are as parents to Skye. We filter what we show other people, because we like to keep our lives private.”

Kagabi nag-world premiere ang To Have And To Hold nina Max, Rocco Nacino at Carla Abellana pagkatapos ng Legal Wives sa GMA-7.

***

LAST Friday, September 24, nagkaroon ng week-end lovely beach trip ang Kapuso Royal Couple na sina Dingdong Dantes at Marian Rivera, kasama ang mga anak na sina Zia at Ziggy.

Kita sa Instagram posts ng mag-asawa ang mga snapshots ng memorable getaway nila na hindi na binanggit kung saan sila nagpunta.

In-enjoy nila ang magandang sikat ng araw, and Dingdong shared a heartwarming photos of his family having fun on the beach, like ‘yung kasama ni Marian si Ziggy at si Zia na naglalaro sa buhangin.

(NORA V. CALDERON)

De la Hoya inalok ng $100-M si Mayweather para sila ay mag-rematch

Posted on: September 28th, 2021 by @peoplesbalita No Comments

Handang patulan ni US retired boxing champion Floyd Mayweather Jr ang hamon ni Oscar De la Hoya na sila ay magharap muli.

Ito ay matapos na makapanayam ang Mexican boxing champion at sinabing handa itong magbigay ng $100 milyon para sa harapan muli.

Taong 2017 ng tuluyan ng magretiro si Mayweather matapos ang laban kay Conor McGregor.

Abala lamang ito sa mga exhibition fights gaya ng pinakahuli noong laban sa YouTube star na si Logan Paul.

Magugunitang tinalo ng US boxer si Dela Hoya noong 2007 sa pamamagitan ng split decision sa laban na ginanap sa MGM Grand Arena.

Nagretiro naman si Oscar makaraang talunin noon ni Manny Pacquiao.