Tuloy na ang pagtakbo ni Vice President Leni Robredo bilang pangulo sa 2022 elections.
Sa kanyang talumpati sa Office of the Vice President (OVP) sa Quezon City, tinanggap nito ang hamon ng pagtakbo niya sa pinakamataas na posisyon sa gobyerno.
“Inihahain ko ang aking sarili bilang kandidato sa pagkapangulo sa halalan ng 2022,” wika ni VP Leni.
Una nang inindorso ng 1Sambayan si Robredo, ngunit hindi niya agad tinanggap dahil sa ilang konsiderasyon.
“Ngayon, sasabak tayo sa mas malaking laban. Panata ko ngayon: Ibubuhos ko nang buong-buo ang aking lakas, hindi lang hanggang sa halalan kundi hanggang sa mga natitirang araw ko, para ipaglaban ang Pilipinas ng ating mga pangarap,” dagdag pa ni Robredo. “Ibubuhos ko ang buong buo kong lakas. Hindi pwedeng pumikit na lang at umasang pagdilat natin nagbago na ang mundo. Kailangang piliin nating humakbang. Heto ako ngayon humahakbang.”
Matatandaang ika-30 ng Setyembre nang iendorso siya ng opposition coalition na 1Sambayan para maging kanilang pangulo.
Gayunpaman, wala pa silang inilalabas na katambal niya para sa pagkabise presidente at listahan ng senatoriables, bagay na idadaan pa ng 1Sambayan sa mga konsultasyon kasama si Robredo.
“Malinaw sa lahat ang hamon na kinakaharap natin. Nakita na nating lahat ang pagsisinungaling at panggigipit na kayang gawin ng iba para maabot ang mga layunin nila,” dagdag pa ng ikalawang pangulo.
“Nasa kanila ang pera, makinarya, isang buong istrukturang kayang magpalaganap ng anuymang kwentong kaya nilang palabasin. Pero hindi kayang tabungan ng kahit na anong ingay ang katotohanan.”
Dagdag pa ni Robredo, na kilalang kritiko ng madugong drug war at red-tagging sa mga bumabatikos sa administrasyon, “walang maaasahang pagbabago” kung parehong uri ng pamamahala ang magwawagi sa susunod na taon.
Pursigido si Robredo, asawa ng pumanaw na dating Interior Secretary Jesse Robredo, na ituloy ang pagkandidato kahit na nasa ikaanim na pwestosa pagkapangulo sa huling survey ng Pulse Asia nitong Setyembre.
“Tatalunin natin ang luma at bulok na klase ng pulitika. Ibabalik natin sa kamay ng karaniwang Pilipino ang kakayahang magdala ng pagbabago,” wika pa niya.
“Ramdam na ramdam ko ang tiwalang kaloob niyo sa akin. Sinasabi ko ngayon: buong-buo rin ang tiwala ko sa inyo.”
Inaasahang ngayong araw, Huwebes ay ihahain ng bise presidente ang kaniyang certificate of candidacy (CoC) sa Sofitel, Pasay City. (Daris Jose)
NANUMPA na rin bilang miyembro ng Aksyon Demokratiko ang dating pangalawang pangulo ng bansa at announcer Noli de Castro.
PINUPURI nga ng netizens ang official poster ng Arisaka na pinagbibidahan ni Maja Salvador na magwo-world premiere at magko-compete sa 34th Tokyo International Film Festival (TIFF)
Pormal nang inanunsiyo ngayon ng Department of Education (DepEd) ang inisyal na pagpili sa 59 na pampublikong mga paaralan sa bansa para sa gagawing face-to-face classes.
TODAS ang isang vendor matapos barilin ng dalawang hindi kilalang mga suspek sa kanyang stall sa loob ng palengke sa Malabon City, kahapon ng madaling araw.
NAGHAIN na ng kandidatura si Manila Vice Mayor Maria Sheilah “Honey” Lacuna-Pangan ng kanyang certificate of candidacy (COC) para sa pagka-Alkalde ng lungsod ng Maynila sa darating na 2022 election. 
SINILANG na ni Desiree del Valle ang baby boy nila ng mister na si Boom Labrusca noong nakaraang October 4.
MUKHANG mapupuno ng showbiz personalities ang mga kakandidato sa coming national elections sa May, 2022. 
REHAS na bakal ang kinasadlakan ng tatlong hinihinalang drug personalities matapos maaktuhan ng mga pulis na sumisinghot umano ng shabu sa Valenzuela City, kahapon ng madaling araw.