2023 May 15 Archive - People's Balita

July 3, 2024
Search in People's Balita
Ang Diyaryong Pinagkakatiwalaan

Archive for May 15th, 2023

PBBM, nanawagan na paigtingin ang pakikipagtulungan sa BIMP-EAGA

Posted on: May 15th, 2023 by @peoplesbalita No Comments

NANAWAGAN si Pangulong Ferdinand Marcos Jr. na paigtingin ang pakikipagtulungan sa Brunei Darussalam-Indonesia-Malaysia-Philippines-East ASEAN Growth Area (BIMP-EAGA) para mas makasulong at umunlad pa ang rehiyon.

“BIMP-EAGA provides our common sub-region, which has long been impaired by strife, with better access to viable economic opportunities,” ayon kay Pangulong Marcos sa kanyang interbensyon sa 15th BIMP-EAGA Summit sa Indonesia.

“So, let us continue this impetus for growth in BIMP-EAGA and thereby position our very own sub-region as a well-connected, economically thriving, multi-country trade, investment, and tourism destination. There lies our future,” ayon sa Pangulo.

Sinabi ng Punong Ehekutibo, suportado ng gobyerno ng Pilipinas na pagtuunan pa ng pansin ang BIMP-EAGA Vision 2025 sa mas malawak na estratehiya, layon nito na ihanay sa sub-regional pandemic recovery at transformation efforts kasama ang ASEAN Comprehensive Recovery Framework, partikular na sa larangan ng food security, creative industries at e-commerce, tourism recovery, at green recovery.

Ani Pangulong Marcos, ang COVID-19 pandemic at gulo sa Ukraine ay nagpakita ng pangangailangan na “to maintain the physical connectivity that underpins the region’s extensive and comprehensive logistics chain in all its aspects.”

“Our collective effort towards rebuilding the air and sea linkages disrupted by geopolitical challenges and the pandemic still remains the key towards our full economic recovery,” lahad ng Punong Ehekutibo.

Binigyang diin pa ng Chief Executive ang kahalagahan ng “synergies at partnerships” ng BIMP-EAGA sa external partners, gaya ng Asian Development Bank, Japan, Republic of Korea, China, at Northern Territory of Australia.

Samantala, winelcome naman ng Pangulo ang BIMP-EAGA-Korea Cooperation Fund (BKCF) at ang itinaas na kontribusyon ng Republic of Korea mula US$1 million noong 2021 na naging US$3 million noong 2022.

Ang BIMP-EAGA ay inilunsad noong 1944 upang pasimulan ang kooperasyon sa mga estadong miyembro ng ASEAN, saklaw ng BIMP-EAGA ang buong Brunei Darussalam, sampung probinsiya sa mga isla ng Indonesia na Kalimantan, Sulawesi, Maluku, at Irian Jaya; Sabah, Sarawak, at Labuan sa Malaysia; at ang Mindanao at Palawan.

Ang sub-grouping na ito ay magdudulot ng kaunlaran sa pamamagitan ng pagpapaigting ng intra-EAGA trade, tourism, at mga investment.

Ang Mindanao Development Authority ay magsisilbing Philippine Coordinating Office para sa BIMP-EAGA sa ilalim ng Republic Act 9996, ang Mindanao Development Authority Act of 2010. (Daris Jose)

Para tugunan ang problema sa kuryente: PBBM, naghahanap ng bagong pagkukuhanan ng power supply

Posted on: May 15th, 2023 by @peoplesbalita No Comments

NAGHAHANAP ang gobyerno ng bagong pagkukuhanan ng power supply para tugunan ang problema sa enerhiya ng bansa.

Tanggap naman ni Pangulong Ferdinand Marcos Jr. ang ipinahayag ng Philippine Nuclear Research Institute (PNRI) na kulang sa suplay ng kuryente ang Pilipinas.

“Tama naman ‘yung assessment na talagang kulang ang kuryente natin eh. So what else can we do? Find new sources. That’s what we’re trying to do. The situation with the renewables is also improving but we may have found some other technologies na hindi mag-antay ng lead time ng six, seven years,” ayon sa Pangulo.

Kaya nga aniya, bukas ang Pilipinas sa anumang klase o uri ng power supply na makatutugon sa problema sa enerhiya.

“So pinag-aaralan naming mabuti. When it comes to power, we’re open to everything. Kahit na ano na puwede nating makuha para makapag-addition sa power supply natin. Siyempre nandiyan pa rin lagi nating iniisip ‘yung kailangan parami na ‘yung renewables, pabawas na ‘yung fossil fuels,” ang wika ng Pangulo.

Sa kabilang dako, sinabi naman ng Presidential Communications Office (PCO) na inaasahan na mamumuhunan sa Pilipinas ang NuScale Power Corp. ng Oregon ng Estados Unidos ng $6.5 billion hanggang $7.5 billion para makapagbigay ng 430MW sa bansa sa 2031 kasunod ng pakikipagpulong kay Pangulong Marcos.

Sa naging pagbisita ng Pangulo sa Amerika, sinabi ng Punong Ehekutibo na ang suporta ng NuScale ay makatutulong na matugunan ang nasabing problema.

“We need everything. We just have to have everything and this new technology is something,” ani Pangulong Marcos.

Samantala, hinikayat naman ni Senate Deputy Minority Leader Risa Hontiveros ang Malakanyang at matataas na opisyal ng Department of Energy na tugunan ang “nationwide power crisis.” (Daris Jose)

Mahigit 3K na indibidwal nakabenepisyo sa 2-day free theoretical driving course ng LTO

Posted on: May 15th, 2023 by @peoplesbalita No Comments

SA ISINAGAWANG 2-day free theoretical driving course ng Land Transportation Office, lagpas 3,000 katao ang nakiisa.

Dahil sa kamahalan ng driving course na isang requirement para makakuha ng driver’s license ay sinamantala na ito ng mga tao.

Umaabot raw ng halos 1,200 pesos ang gagastosin sa kurso kaya naman para sa ilang walang trabaho ay talaga namang mabigat na ito.

Kung mapapansin, laganap ngayon ang mga nagtatrabaho na kinakailangan ang lisensya tulad na lamang ng mga delivery rider.

Para sa mga dumalo sa nasabing free driving course malaking bagay na ang makapag tipid ng mahigit 1,000 pesos.

Itong free theoretical driving course ay magbibigay daan upang maibsan ang kanilang gastosin at upang mas magkaroon ng kaalaman sa pagmamaneho ng ligtas. (BISHOP JESUS “JEMBA” M. BASCO)

Napagod na buhay na parang naka-kahon: HEART, masaya sa naging desisyon at ipaglaban ang kaligayahan

Posted on: May 15th, 2023 by @peoplesbalita No Comments

NAKAUSAP namin si Heart Evangelista kamakailan sa launch niya bilang celebrity endorser ng Zion massage chair at isa sa natanong naming sa kanya kung sino si Heart Evangelista ngayon?

“I think… oh wow! I’ve come a long way… I feel… Before I would say I’m thirty-ganyan but I have the mind of a twenty one-year-old. I’m thirty eight but I feel like I have a mind of a fifty-year-old,” sagot ni Heart na napakaganda, fresh at recharged.

“I think I had a lot of learning to do with you know, with my job, personal things, with responsibilities. I’m on top of everything, and I love being on top of everything.

“I like the feeling that you could drop me off anywhere and I will survive.

“You know, I never used to travel by myself, now I travel by myself.

“Iniiyakan ko yung connecting flight sa Dubai, yung train. Ay, umiiyak na ‘ko. Nangangati na ko, puro na ako pantal before.”

Patuloy pa niya, “Now, I can do anything. I can take anything you want, I’m good and I love it!

“I love it that I’m not a hostage to anyone. I don’t need to rely on anyone, and I feel like it’s very empowering.

“And I really, really appreciate the people like my husband,” pagtukoy naman ni Heart sa mister niyang si Senator Chiz Escudero, “who is very supportive of, you know, me being a late bloomer, but you know being independent, and really learning to survive on my own. I love it.

“I feel really empowered.

“I’m still very sweet, but I know when to put my foot down, and I will fight for myself this time around. And I like that, I’m really like that.

“Hindi na ako makakawawa ngayon ng kahit sino, and I love it.

“I’ve always been very frank and honest about my emotions, I just didn’t know how to put them into words ‘coz I was afraid that people would think, di ba, gano’n tayo ‘pag artista, especially, you have a mold that you have to follow.

“But just as long as you say it sweetly and politely but you get the message across, I feel it’s very empowering that you know you’re given a voice.

“I love that I had to go through a lot throughout the years to be where I am today.”

Samantala, sa guesting ni Heart sa ‘Fast Talk with Boy Abunda, tinanong siya ng King of Talk ng, ‘what matters to you the most, right now?”

“My life and how I live it,” sagot ni Heart.

“My freedom, my choices. I don’t wanna live in a box. I’m so over, na kailangan sumunod ka sa molde, para magustuhan ka ng tao.”

Follow up ni Kuya Boy, kung napagod na ba ang aktres at luxury influencer.

“Pagod na pagod ako doon. Kaya in my live, I’ve been working, not as much compared to others.

“But for a long time, I played different characters. I kinda really enjoyed playing by myself now. With all my flaws, my insecurities and my fears. I feel it is a liberation for me.

“It is more authentic and I feel in the long run, people saw it and they appreciated it more. Just with the many chapters that I’ve been through.”

Dagdag pa niya, “but love is love. Kunin n’yo na lahat, you can have all the richness in the world. But if you have no love in your life, it’s not a life worth living.

“And it is my decision and I will fight for my happiness this time around.”

(ROMMEL L. GONZALES)

Administrasyong Marcos, “double time” sa pagtatrabaho para mabawasan ang posibleng epekto ng El Niño phenomenon

Posted on: May 15th, 2023 by @peoplesbalita No Comments

DOUBLE TIME ang administrasyong Marcos sa pagtatrabaho para bawasan ang panganib at negatibong epekto ng El Niño phenomenon.

Sa three-page report ni Defense Senior Undersecretary Carlito Galvez Jr. kay Pangulong Ferdinand Marcos Jr., sinabi nito na muling binuo ng gobyerno ang “El Niño team” sa pangunguna ng Department of Interior and Local Government (DILG) kasama ang ibang member-agencies.

Ang team ay inatasan na ipatupad ang mga hakbang para pagaanin ang epekto ng El Niño sa ekonomiya ng bansa, natural resources, environment, climate change, disaster response, at peace and order.

Ang muling pagbuo sa El Niño team ani GAlvez ay tugon sa naging direktiba ng Pangulo para ipatupad ang “Whole-Of-Government” and a “Whole-Of-Nation” approach para maghanda para sa posibleng malawakang dry spell o panahon ng tagtuyot.

“The reconstituted team is in consonance with the President’s directive of reviving the existing protocols and Task Force for El Niño as he emphasized that the current Expanded Roadmap for Addressing the Impact of El Niño (E-RAIN) will also be updated and enhanced,” ayon kay Galvez.

Ang pagpapalabas ng resolusyon ay nagpapahiwatig na ang adoption ng umiiral na E-RAIN framework ay rekomendado at kung kinakailangan, ipinapanukala ang paglikha ng Technical Working Group is also suggested.

“The monitoring of resources, the recommendations of the concerned agencies and the strategies employed by the previous administrations shall be taken as inputs to enhance the E-RAIN framework,” ang sinabi ni Galvez sa Pangulo.

“The reconstituted El Niño team has agreed to update and improve the E-RAIN, specifically the areas of concern such as food security, water security, energy security, health and public safety,” ayon pa rin kay Galvez.

Aniya, nagkasundo aniya sila na ipagpatuloy ang umiiral na istraktura ng El Niño Task Force gaya ng nakasaad sa ilalim ng “EO No. 16 series of 2001 na inamiyendahan ng Memorandum No. 38, series of 2019, na isama ang local government units.

Samantala, makikipagtulungan naman ang mga lokal na opisyal sa ibang tanggapan at mangangalap ng mahahalagang data na pagsasama-samahin ng National Economic and Development Authority (NEDA) habang ang pribadong sektor at ibang organisasyon ay kailangan ma-involved sa adaptation ng “Whole-of-Nation” approach.

Bilang bahagi ng pagsisikap ng pamahalaan na tugunan ang posibleng epekto ng El Niño, sinabi ni Galvez na bibisitahin niya ang Cagayan Valley para personal na i-assess ang situwasyon sa regiyon bilang “one of the most likely affected” ng dry spell. (Daris Jose)

THE AUTOBOTS COME FACE TO FACE WITH THE MAXIMALS IN NEW CLIP FOR “RISE OF THE BEASTS”

Posted on: May 15th, 2023 by @peoplesbalita No Comments

STAND DOWN. Watch the Autobots meet the Maximals for the first time in the new clip “Prime Meets Primal.” Transformers: Rise of the Beasts, the latest from the Transformers franchise from Paramount Pictures, arrives in cinemas across the Philippines June 7.

YouTube: https://youtu.be/vGwnSaSYnUE

Facebook: https://www.facebook.com/paramountpicsph/videos/944125290341488

Get ready to RISE UP and ROLL OUT.

About Transformers: Rise of the Beasts

Returning to the action and spectacle that have captured moviegoers around the world, Transformers: Rise of the Beasts will take audiences on a ’90s globetrotting adventure with the Autobots and introduce a whole new breed of Transformer – the Maximals – to join them as allies in the existing battle for earth. Directed by Steven Caple Jr. and starring Anthony Ramos and Dominique Fishback, the film arrives in theaters June 7.

The screenplay is by Joby Harold and Darnell Metayer & Josh Peters and Erich Hoeber & Jon Hoeber, story by Joby Harold, based on Hasbro’s Transformers™ Action Figures.

Produced by Lorenzo di Bonaventura, Tom DeSanto & Don Murphy, Michael Bay, Mark Vahradian, Duncan Henderson.

The film stars Anthony Ramos, Dominique Fishback, Tobe Nwigwe, Peter Cullen, Ron Perlman, Peter Dinklage, Michelle Yeoh, Liza Koshy, John DiMaggio, David Sobolov, Michaela Jae Rodriguez, Pete Davidson, Cristo Fernández.

Transformers: Rise of the Beasts is distributed in the Philippines by Paramount Pictures through Columbia Pictures. Connect with #Transformers #RiseOfTheBeasts and tag @paramountpicsph

(ROHN ROMULO)

DFA, nangakong bibigyan ng maximun protection’ ang mga Pinoy sa Kuwait

Posted on: May 15th, 2023 by @peoplesbalita No Comments

BINIGYANG diin ng Department of Foreign Affairs na bibigyan ng “maximum protection” ang mga Pilipinong nasa Kuwait.

Ito ay upang maibsan ang pag-aalala ng migrant community sa Gulf nation kasunod ng biglaang pagsususpinde ng mga bagong entry visa para sa mga Filipino.

Ayon sa tagapagsalita ng DFA na si Tessie Daza na ang Pilipinas ay nanatiling nakatuon sa pagresolba sa anumang isyu sa paggawa sa Kuwait sa isang makatarungan na paraan.

Aniya, makakahanap sila ng solusyon na magsasaalang-alang sa pangangailangang magbigay ng pinakamataas na proteksyon at pag-access sa hustisya para sa lahat ng mga mamamayang nagtatrabaho sa nasabing bansa.

Nauna nang iniulat ng awtoridad na nag-ugat ang suspensiyon sa umano’y mga paglabag na ginawa ng gobyerno ng Pilipinas kaugnay ng mga rescue operation nito na nagpapalaya sa mga manggagawang Pilipino mula sa mga abusadong employer.

Sinabi ng DFA na ang “blanket suspension” ay lumilitaw na sumasakop sa lahat ng uri ng bagong entry visa, tulad ng mga ibinibigay para sa negosyo, trabaho, turismo at pag-aaral. (Daris Jose)

Speaker Ferdinand Martin Romualdez pinuri ang gobyerno ng Timor-Leste sa pagbasura sa kahilingan ni Teves

Posted on: May 15th, 2023 by @peoplesbalita No Comments

PINURI ni Speaker Ferdinand Martin Romualdez ang gobyerno ng Timor-Leste sa pagbasura nito sa kahilingan ni Negros Oriental Rep. Arnolfo “Arnie” Teves Jr. na political asylum sa nasabing bansa.

Sa pagtanggi na ito ng naturang bansa, muling nanawagan ang speaker kay Teves na umuwi na ng Pilipinas, ayusin ang kanyang suspensiyon sa Kamara at harapin ang kasong kinakaharap kaugnay sa pamamaslang kay Negros Oriental Gov. Roel Degamo nitong nakaliaps na Marso.

“Sana naman umuwi na si Cong. Arnie Teves para magiging moot na ‘yung suspension at gusto talaga nating bumalik siya at humarap talaga sa mga charges sa kanya,” ani Romualdez.

Inihayag pa ni Romualdez na baka may panibagong rekomendasyon na parusa na ibigay ang House Committee on Ethics kung hindi pa rin umuwi ng bansa si Teves.

Kasalukuyang nasa Indonesia ang lider ng kamara bilang bahagi na rin ng delegasyon ni Pangulong Bongbong Marcos sa isinasagawang summit ng Association of Southeast Asian Nations (ASEAN). Ang Timor-Leste ay isang observer country sa ASEAN.

Matatandang sinuspinde ng Kamara si Teves ng 60 araw matapos mabigong umuwi ng Pilipinas at harapin ang Ethics Committee sa kabila na expire na ang kanyang travel authority.

Dahil suspendido ang mambabatas ay wala na umano itong rights o mga privileges sa Kongreso.

“The rights, privileges and immunities of a congressman are for the discharge of the legislative functions that he has, to make sure that he can perform as a legislator in the service of his constituents. Those rights, those privileges and those immunities are not meant for congressmen to use it to evade or to avoid justice,” pagtatapos ni Romualdez. (Ara Romero)

Huwag i-recycle ang mga talunang kandidato noong May 2022 elections

Posted on: May 15th, 2023 by @peoplesbalita No Comments

ITO ANG apela ni Cagayan de Oro City Rep. Rufus Rodriguez kay Presidente Bongbong Marcos kasunod na rin sa pagtatapos ng one-year ban sa appointment ng natalong kandidato.

Ayon sa mambabatas, sa pagtatalaga ng pangulo ng mga bagong opisyal sa mga bakanteng posisyon ay hindi dapat dahil sa natapos na ang one-year appointment ban kund dahil sa pangangailangan na mapunan na ito ng full-time Cabinet members, kabilang na ang Department of Agriculture, na pansamantalang pinamumunuan mismo ng Chief Executive.

“I have nothing against election losers, but Cabinet and other government jobs should not be a refuge of political has-beens. There are many deserving and competent career service officers and individuals from the private sector with vast experiences,” giit nito.

Dagdag ng mambabatas, dapat itigil ng president ang nakagawiang recycling o pabuya sa mga natalong kandidato ng posisyon sa gobyerno.

Kabilang sa mga department na nangangailangan ng full-time permanent secretaries ay ang agriculture, health at national defense.

Inirekomenda nito na ang susunod na agriculture secretary ay dapat manggaling sa Mindanao, na tinaguriang bread basket ng Pilipinas. (Ara Romero)

Maine, sumuporta at hangang-hanga sa fiance: Cong. ARJO, kakaiba ang husay sa pag-arte sa ‘Cattleya Killer’

Posted on: May 15th, 2023 by @peoplesbalita No Comments

ISA sa mga big stars na sumuporta sa matagumpay at star-studded na blue carpet screening ng newest Amazon Exclusive crime-thriller na ‘Cattleya Killer’, last May 12 na ginanap sa Cinema 7 ng Trinoma Mall, ang fiancee ni Congressman Arjo Atayde na si Maine Mendoza, na tahimik lang na nanood sa taas ng sinehan.

Nagkaroon kami ng short interview sa host ng ‘Eat Bulaga’ katabi ang mother-in-law to be na si Sylvia Sanchez.

Unang natanong ang reaction niya sa performance ng boyfriend after mapanood ang pinagbidahang ‘Cattleya Killer’
Sagot niya, “mahusay, napakahusay. Wala akong masabi.”

Sobra ba siyang proud, “super.”

Dagdag pa ni Maine, “lalo na kay Tita, as a mom.” at biglang napahawak sa mukha ni Maine si Sylvia.

“As a mom to Ria, Arjo and to me,” tugon pa ng masayahin at mahiyaing si Maine at nagsigawan ang mga press people.

Sagot naman ni Ibyang, “malapit na,” sabay hakap kay Maine.

Pagpapatuloy pa ni Maine, “ang galing, ang galing, ang galing. Congrats Tita.”

“Well, wala akong masabi,” tugon naman ng premyadong aktres na producer na rin.

Napansin ni Maine na parang naiiyak na raw si Sylvia, “hindi, basta… magaling ‘yung mapapangasawa mo umarte.”
Sagot naman ni Maine, after muling magyakapan, “mahusay kayong lahat. Kanino pa ba magmamana?” patungkol niya ito kay Sylvia.

Kaya ganun na lang ang pasasalamat nito, “Thank you, thank you sa pagdating.”

Anyway, ang 6-part series ay batay sa classic Pinoy film na ‘Sa Aking Mga Kamay’ (In My Own Hands), na hatid ng ABS-CBN International Production at Nathan Studios (nina Sylvia, Arjo at Ria).

Mapapanood na ito sa Prime Video sa June 1 sa mga piling teritoryo gaya ng Southeast Asia, Hong Kong, at Taiwan.
Ang naturang serye ang kauna-unahang collaboration sa pagitan ng Prime Video at ABS-CBN, na nagbibigay ng plataporma para sa mga kuwento at talentong Pilipino na maabot ang global audiences.

Tampok nga sa ‘Cattleya Killer’ ang isang kahanga-hangang cast, na pinagbibidahan ng Best Actor sa 2020 Asian Academy Creative Awards na si Cong. Arjo, kasama sina Jake Cuenca, Zsa Zsa Padilla, Jane Oineza, Ria Atayde, Ricky Davao, Nonie Buencamino, at Christopher de Leon, na muling gagampanan ang papel bilang Joven de la Rosa mula sa orihinal na pelikula.

Sa first episode na tumagal ng halos isang oras, nagpakita agad ng kahusayan ni Arjo, mula simula hanggang sa dulo ng episode, na kung saan nagpakita siya ng iba’t-ibang klaseng emosyon. Halos lahat nakapanood ay puring-puri ang aktor, na meron na namang ipinakitang kakaibang husay sa pag-arte.

Stand-out din ang performance ni Rafa Sequion-Reyna at Ketchup Eusebio. Ang ganda rin ng tandem nina Nonie at Ria, Ricky at Jane na palaban sa kanyang eksena.

Actually, halos lahat nang nasa cast ay mahuhusay at perfect sila sa kani-kanilang role. Ipinakita rin ang ilang eksena sa next episodes, na tunay ngang kapana-panabik at kagimbal-gimbal. Kaya for sure, pag nasimulan ay hindi mo na tatayuan ang 6-part series.

Samantala, ang classic ’90s film na ‘Sa Aking Mga Kamay’ (In My Own Hands), ay available din sa Prime Video, sa direksyon ni Rory B. Quintos at pinagbibidahan nina Aga Muhlach, Chin Chin Gutierrez, at Christopher de Leon.
Na hinihikayat ang mga viewers panoorin muna, bago dumating ang premiere ng ‘Cattleya Killer’ sa June 1.

(ROHN ROMULO)