INAMIN ng magaling na aktor at konsehal ng Kyusi na si Alfred Vargas na sobrang saya niya na nagkaroon ng opportunity to work with the one and only Superstar and National Artist na si Ms. Nora Aunor sa pelikulang ‘Pieta’ na dinirek ni Adolf Alix, Jr. na ipalalabas this year.

Kaya nasabi niya na, “isa sa mga pinakapaborito ko talaga to.
“Meron kaming isang eksena, magkaharap kami ni Ate Guy, very quiet lang. Na-feel ko talaga na siya ang nanay ko.

“To the point na parang nakita ko kay Ate Guy ang nanay ko.”

Papuri pa ni Alfred, “Naramdaman ko rin, na kahit Superstar siya, ‘di na pinaramdam na hindi kami magka-level. Sinuportahan niya ako, nagbibigay siya.

“Super smooth din ang shooting namin, si Ate Guy, puro take one, kaya hindi ka puwedeng hindi makipagsabayan, dahil nakakahiya.”

May isa pang eksena sa ‘Pieta’ na labis na ikinatuwa ng puso ng aktor, na para sa kanya memorable yun at imposible nang maulit pa.

“Para akong nasa Marvel Universe. Yung nagsama-sama ang mga superhero ko sa acting.

“Sa isang eksena nagharap-harap sina Nora Aunor, Gina Alajar at Jaclyn Jose, kasama rin ako. Sino ba naman si Alfred Vargas?”

Matagal na niyang gustong makatrabaho si Direk Adolf Alix, Jr, panahon pa raw ng ‘Donsol’, pero happy si Alfred na magkasunod pa sa isang taon ang ‘AraBela’ at ‘Pieta’.

Bukod kay Ate Guy, dream din niya na makatrabaho sina, “gusto ko naman si Vilma Santos, gusto ko rin makatrabaho si Hilda Koronel.

“Sa lalaki si Richard Gomez kasi idol ko yun, si Albert Martinez. Gusto ko rin makatrabaho ang younger generation.

“Gusto ko rin with my contemporaries, tulad ni Diana Zuburi for the sake of ng mga nagmi-message sa Facebook. Pwede kaming gumawa ng movie kasama Rufa Mae Quinto, comedy siguro yun. Tingnan natin, one at the time.”

Ngayong Konsehal siya, mas relax ang trabaho niya kumpara noong Congressman pa. Kaya mas marami siyang time sa kanyang family at sa gusto niyang gawin.

Pag nai-stress naman siya sa trabaho, “ang hilig ko sa bahay lang. Parang nagbabakasyon ako sa bahay. Minsan pupunta sa The Farm at San Benito o sa farm namin sa San Jose, Bulacan.”

Dagdag pa niya, “dapat ini-schedule ang time mo, kaya may date ako with Yasmine and time with kids every weekends.

“Pinaka-bonding ko with kids, nagpupunta kami sa farm, naglalaro sila. Nanonood kami ng netflix.

“Tapos sinasamahan ko sila sa kani-kanilang hobby. Yung panganay ko volleyball, yung sumunod, drawing, yung bunso, swimming.

Pag sinasamahan ko sila, habang nagsu-swimming o nagba-volleybal sila, nagtatrabaho din ako.”

Aminado si Kon. Alfred na hirap na hirap din siya sa pag-aaral niya. May isang mid-term exam na akala niya ay bumagsak siya, pero pumasa naman siya.

“One semester pa lang ako, hirap na ako, four years ito, paano na kaya?

“Challenge din sa akin ang hybrid learning. Old school ako, mas gusto ng face to face study, kahit sa presscon, gusto ko face to face. Hirap ako, pero nakaka-adopt na ako.”

“Pero nag-e-enjoy ako kasi mga kaklase ko mga dalubhasa sa iba’t-ibang fields.

“Tapos nagugustuhan ko rin ang pagiging estudyante, dahil tahimik lang. Tapos sa UP pa, yayain ko mga kaklase ko, nagpi-fishball kami, masarap ang kuwentuhan namin. Iba-vlog ko yun kaya abangan nyo,” masayang pagtatapos ng butihing Konsehal.

(ROHN ROMULO)

MASAYANG-MASAYA ang fans ng Kapuso Primetime Queen na si Marian Rivera dahil finally, mapapanood na siyang muli sa primetime ng GMA-7.

After five years din ang pagbabalik ni Marian sa teleserye. At kung sino dapat ang kapareha niya sa naudlot na comeback niya bago mag-pandemic, sa suppsedly “First Lady,” si Gabby Concepcion pa rin ang kapareha niya ngayon sa “Against All Odds” with Max Collins and Gabby Eigenmann.

Si Max parang pinull-out sa “Royal Blood” at dito na siya bilang bida/kontrabida kay Marian.

Parehong busy ang DongYan ngayon. Si Dingdong naman, bukod sa movie, “Amazing Race”, “The Voice Generations”, magsisimula na ang “Royal Blood” sa June 19.

***

ANG daming natuwa na mga Pinoys sa sumalubong sa kanilang 20-foot inflatable robot na si Voltes V sa 125th Philippine Independence Day celebration sa Bergenfield, New Jersey.

Isa lamang ito sa mga nakahandang surprise ng GMA Pinoy TV para sa mga kababayan natin abroad. Kasama rin sa bonggang celebration ang bigating Kapuso artists na sina Xian Lim, Megan Young, Gabby Concepcion, at Ruru Madrid.

Ang susunond namang bibisitahin ni Voltes V ay ang Piyesta Pinoy sa Chicago ngayong June 10.

Samantala, patindi nang patindi na ang mga kaganapan sa hit live-action adaptation na “Voltes V: Legacy”. Kaya hindi dapat ma-miss every 8 p.m. sa GMA Network.

Siyempre mapapanuod din ito sa GMA Pinoy TV!

(ROSE GARCIA)

NABU-BULLY noong bata si Yasser Marta dahil sa pagiging “mabalahibo” niya.

Ngayon ay tanggap na niya ang pagiging balbon bilang isang asset ng kanyang pagiging Kapuso hunk.

“Kasi noong bata ako, binu-bully ako dahil sa buhok eh. Unggoy daw, laging sinasabing buhok na tinubuan ng tao. Natutunan ko na rin pong i-embrace rin, hindi naman ‘yung imperfections, pero kung ano talaga ako kasi dito sa atin bihira naman ‘yung may ganitong features. Pero tinanggap ko na rin at mas naniniwala ako na I am unique,” sey ni Yasser.

Patok nga sa netizens ang pagpapa-sexy ni Yasser sa social media. Kaya gusto ng marami na ituloy na nito ang planong magkaroon ng sexy image.

“Nasimulan ko na. Nag-underwear na ako, ngayon ‘yun din ang isa sa mga pinagfo-focus-an ko,” sey ni Yasser na ang pinaka-sexy part daw ng kanyang katawan ay ang kanyang mabalibong dibdib.

Sinasabong nga ng ilang netizens si Yasser sa ibang aktor na nagpo-post ng kanilang sexy photos sa social media. Ang alas nga raw ni Yasser ay ang kanyang mga balahibo sa katawan na parang nakakakiliti raw.

***

INALIW ni Dennis Trillo ang maraming netizens dahil sa pinost niyang Tiktok video n” na hango sa pelikulang ‘The Little Mermaid’.

First time kasing gumawa ng gano’ng klaseng video si Dennis kumpleto sa effects na nasa ilalim siya ng dagat at naka-make-up siya at may bulaklak sa buhok na parang isang sirena. Kasama pa niya sa video ang characters ng ‘The Little Mermaid’ na sina Sebastian at Flounder.

Ito na raw siguro ang epekto kay Dennis sa pagkakaroon ng anak na babae. Siguradong naaliw si Baby Dylan sa ginawa ng kanyang Daddy Dennis.

Umabot na sa 1 million views ang Tiktok video na ito ni Dennis na may caption na “Ariel Nievera”. Ilan sa mga nakakatuwang comments mula sa netizens ay: “ibarra the little mermaid”, “Ibarra in real world HAHAHHA”, “GO MOMSHIE KO!” at “Ang ikatlong kabanata sa buhay ni ibarra: Ang kanang lihim”.

***

UULAN na naman ng kasiyahan handog ng GMA Regional TV dahil muling dadayo sa regions ang ilan sa mga paboritong Kapuso stars.

Tiyak na lalong magniningning ang candidates ng Miss Iriga Rinconada Bicol Tourism 2023 na gaganapin sa Linggo (June 11) sa Iriga City Sports Center, Iriga City dala ng inspirasyon mula sa mga dadayong Kapuso stars. Maghahandog ng powerful at entertaining performances sina Asia’s Limitless Star Julie Anne San Jose at Ken Chan. Sina Martin Javier at Sophia Señoron naman ang magsisilbing hosts ng pageant.

Sa darating namang Lunes (June 12), makikisaya ang stars ng ‘Voltes V Legacy’ na sina Miguel Tanfelix, Radson Flores, Martin Del Rosario, at Liezel Lopez sa selebrasyon ng 66th Silay Charter Day Anniversary sa Silay City Public Plaza Covered Court, Silay City, Negros Occidental.

Kinabukasan (June 13), makiki-volt in din sina Miguel, Radson, at Martin sa selebrasyon ng Toboso Fiesta 2023 sa Toboso Municipal Grounds, Toboso City, Negros Occidental. Kasama pa sa paghahatid ng surprises at good vibes ang ‘Hearts on Ice’ stars na sina Ashley Ortega at Roxie Smith.

Siguradong magiging unforgettable at memorable ang karanasan ng mga Kapuso na makikisaya kasama ang mga hinahangaan nilang Kapuso stars.