NAG-TRENDING si Maine Mendoza.

Ang dahilan, ika-8th anniversary ni Maine sa showbiz. So most likely, ito ang pagpasok niya walong taon ang nakararaan sa Eat Bulaga.

Kahit na sabihin pang sa ika-walong taon niya, wala na siya sa GMA-7 but instead, sa TV5 na with their noontime show, “E.A.T.” ipinagdiwang pa rin ang kanyang anniversary.

Marami ang nagpapasalamat sa kanya na dumating daw talaga si Maine sa buhay nila. Obvious naman na ikinatuwa ni Maine ang pagti-trending pa rin niya at mga pagbati sa kanyang showbiz anniversary.

At sa tweet nito, sinabi niya, “Heart is full. So full. Hello July.”

Ika-apat na araw na ng July pero sa pagkaka-hello July ni Maine, bakit iba ang dating? Sa pagiging abala na talaga ni Maine para sa preparasyon sa kasal nila ni Arjo Atayde, hindi na kami magtataka o magugulat kung totoo ang mga nababalitaan namin na ngayong July ang kasal ng dalawa.

And that’s—July 28 raw.

***

NAPAKALAKAS ng following ng Kapamilya na si Vivoree.

Ibang klase rin ang fandom niya na una naming na-witnessed halos kalalabas lang niya noon ng PBB house.

Aba, hindi siya ang bida sa movie, pero sa premiere night, nagulat kami na siya ang may pinaka-malakas na sigaw at mga fan na na naka-antabay. At that time, napa- ‘the who?!’ pa kami.

At sa guesting nga niya recently at mapapanood sa YouTube ng Marites University, ang passionate rin ng mga fan niya na talagang solid for her. Tuwang-tuwa ang mga ito sa naging interview ni Vivoree. At talagang nai-inspire raw sila dahil mahusay kumanta, magsulat ng kanta, umarte at ngayon, nagho-host na rin.

Nagpasabog sa interview si Vivoree dahil first time raw niyang inamin na in her 7 years in showbiz at kahit ilan na ang inila-loveteam sa kanya, nagkaroon na pala siya ng boyfriend.

Isang non-showbiz boyfriend daw last year, pero sey niya, “wrong” daw.

Sey niya, “Almost a year rin. Kasi, na-drain po ako super. Parang siyempre, ‘di ba, when you love somebody, you really go all out.”

Generous daw talaga siya kapag nagmahal.

“If I love you talaga, lahat ng love language, pwede kong ma-provide,” sabi pa niya.

Pero, na-drain daw siya sa kanyang ex ng almost one year.

“Basta it’s a long story po, pero it’s super learning for me at ayoko ng bumalik sa gano’ng relationship. I learned so much po talaga.”

Ngayon daw, single raw siya pero happy.

Sa isang banda, si Vivoree ay isa rin sa cast ng “Iron Heart.”

AMINADO si Kapuso Primetime Queen Marian Rivera na mangangapa siya sa pag-arte pagkatapos ng ilang taon na mabakanteng gumawa ng pelikula at teleserye.

Inaayos na nga nina Marian at Dingdong Dantes ang kanilang schedule para sa nakaka-excite na reunion movie nila na “Rewind” under Star Cinema, APT Entertainment at AgostoDos Pictures, na idi-direk Mae Cruz-Alviar.

Na-announce na rin ang comeback series niya sa GMA, ang ‘Against All Odds’ na kung saan makakatambal na niya finally si Gabby Concepcion.

“Actually, yung sa soap, very excited. Kasi ang tagal na nito. Parang dapat last month pa kami mag-start.

“May mga inayos lang na konti, na sabi ko nga e, ‘Gusto ko, pag gumawa ako ng isang proyekto, puwedeng panoorin ng mga anak ko at magiging proud ako.’

“So ito yung isa sa mga proyekto na yun,” kuwento ni Marian.

Dagdag pa ng mommy nina Zia at Sixto, “About movie naman, a dream come true for me. Kasi, first time ko talaga with Star Cinema, with Dingdong.

“So, parang sabi ko, ‘Wow! Napakaganda. Napakagandang opportunity! Masarap sa pakiramdam!’ Very excited na din ako to work.”

Kahit sobrang excited sa mga projects, aminado naman ang face ng BlancPro, “Sabi ko nga, ‘Naku, back to zero na naman ako sa lighting, sa direktor, sa pag-arte!’ Sabi ko, mangangapa talaga ako, and that’s for sure.

“Pero sabi ko nga, dahil siguro sa mga makakasama ko, for sure tutulungan ako ng mga direktor, ay maibabalik ko uli yung dating sharpness ko sa pag-arte.”

At dahil magiging busy si Marian sa taping ng serye at shooting ng movie nila ni Dong, kailangan niyang kausapin ang panganay na anak…

“Kakausapin ko talaga siya. O, anak, wala si Mama, ha? You will take of your brother,’ sabi ko ganun sa kanya. ‘You update me.’

“Nanay-nanayan naman siya. Matured kasi mag-isip si Zia, e. Nakaka-proud siya bilang ate,” sey pa ng walang kupas ang ganda na aktres.

“May checklist ako sa kanya sa dapat niyang gawin. Kung puwede ko lang ma-share sa inyo, meron du’n siyang list na kailangan wina-wash niya yung underwear niya, every time na ginagamit niya.”

“So, yung kanyang routine sa bahay, cleaning the room, turn off the lights and the TV, alam mo yung kapag hindi ginagamit, clean up your room, pick up your clothes, and wash your underwear.

“Ano naman si Zia, e, alam niya kung paano niya dadalhin yung sarili niya,” kuwento pa ni Marian sa launching sub-brand/affiliate company ng BeauteDerm ni Rhea Anicoche-Tan.

Si Marian nga ang napiling maging first and only female endorser ng BlancPro, ang skin line na pang-masa dahil mas mura pero effective pa rin.

Layunin nito na tulungan ang consumers namapanatili at ma-improve ang “glow” nila na mayroong tagline na “Glow Like A Pro.”

Ilan sa mga produkto ay ang Milk Body Wash, Sakura Body Scrub, Charcoal Foam, Phyto-Emerald Moisturizing Soap, Sleeping Mask, at ang Jeju White Brightening and Moisturizing Lotion na signature endorsement ni Marian para sa BlancPro, na kung saan katuwang siya sa pag-formulate nito, mula sa mga sangkap, scents, container at packaging.

Nasubukan din niya ito, kaya nakasisiguro siyang mataas ang quality ng mga produkto at magugustuhan ito masa, na ngayon ay abot-kaya na ang magpaganda nang pangmatagalan.

(ROHN ROMULO)