INAMIN ni Kapuso actor Alden Richards na medyo naging inactive siya sa social media nitong mga nakaraang linggo.
Ayon pa sa aktor ay kinailangan daw niyang magpahinga pansamantala dahil sa pagpanaw ng kanyang grandfather kamakailan lamang.Pero ngayon daw ay okey na raw siya at nakatakda na siyang magbalik na ang aktor sa ‘All-Out Sundays’ simula ngayong Feb. 9.Hindi naman itinanggi ni Alden na talagang nasa katawan na niya talaga at hinahanap-hanap na rin niya ang pagho-host para sa mga tagahanga niya.Super aktibo naman si Alden sa mga kaliwa’t-kanang acting projects noong isang taon.“Babalik tayo as like the way we used to do before, host and prods din as well. Nakaka-miss din, excited ako. See you mga Kapuso,” banggit pa niya.Samantala, walang dudang si Alden pa rin ang Box Office King dahil kumita nang husto ang pelikula nila ni Kathryn Bernardo na ‘Hello, Love, Again’.Pagdating naman sa telebisyon ay nagtapos na rin ang seryeng ‘Pulang Araw’.Kung ano ang kasunod abangan na lang daw nating lahat.***MARAMI ang natutuwa dahil naka-move on na ang kasalukuyang bise gobernador ng Batangas na si Mark Leviste sa pagkaka-link kay Kris Aquino.Sa ngayon kasi ay sa isang Sparkle artist na si Aira Lopez nali-link si VG Mark.Nag-hard launch na ng kanilang relasyon ang dalawa matapos i-post ni Aira ang video nila sa TikTok kung saan napa-oo siya ng bise gobernador.Sa caption niya ay sinabi niyang sineselebreyt nila ang espesyal na araw na una silang dinner together bilang magkarelasyon.Makikita sa video na si VG Mark pa talaga ang nag-record sa kanyang sarili mula pagkatok nito sa pinto ni Aira na may dalang bulaklak.May pa-bulaklak nga rin sa kanya si Aira. Ang cute na parang super teen ager pa ang dalawa.Idinaan pa ni VG Mark sa dessert nila ang pagtanong nito ng “Will you be my girlfriend?” at napa-yes naman agad ang sparkle star, huh!Sa mga nag-comment ay walang nag-nega sa relasyon nila ha at puro positibo ang komento sa pinost nitong video.And so…Nagpasalamat naman si Aira kay VG Mark sa pagpuno nito ng saya sa puso niya.At sa kabila ng 20-year age gap nila ay meron itong bright outlook sa buhay, compassion at genuine commitment kung saan binigay nito sa kanya ang pagmamahal na hindi pa niya naranasan.“Age doesn’t define us; happiness does, and I pray for God’s blessings as we journey forward together,” sey pa ng Sparkle star.(JIMI C. ESCALA)
- March 14, 2025
-
Search in People's Balita
Ang Diyaryong Pinagkakatiwalaan
Archive for January 27th, 2025
Pagkatapos na ipagluksa ang kanilang lolo: ALDEN, babalik na sa hosting at kaabang-abang ang next projects
Ita-translate sa iba’t-ibang wika para sa Asian tour: Award-winning play ni Direk NIJEL na ’Subtext’, isa nang musical
UNANG nakilala sa teatro ang award-winning na international film director-writer-producer na si Direk Nijel de Mesa na marahil ay hindi na natatandaan ng marami.
Isa nga sa mga unang obra niya na nagbigay sa kanya ng pagkilala ay ang kanyang dula na “Subtext,” na nanalo ng 1st Prize sa Don Carlos Palanca Awards for Literature.Na later on ay naging isa itong full-length movie at na ngayon ay isang nakakikilig na musical play na! Ang kwento ay umiikot sa mga pagsubok sa pakikipag-relasyon at komunikasyon.Kasama sa mga naunang cast noon ay sina Victor Neri, Soliman Cruz, Lou Veloso, Harlene Bautista, Paolo Contis, Ciara Sotto, Boboy Garovillo, at Nova Villa.Ngunit sa kasalukuyang bersyon na ito na isang musical ay tiyak na magugustuhan ng mga magkasintahan at pati na rin ang mga single sa pagsapit ng Buwan ng Pag-ibig. Ang “Ayoko Na, Talo, Ewan Ko, Meron Din Kaya, Ayoko na Hindi Ikaw” ay ilan lamang sa mga bagong orihinal na kanta na isinulat mismo ni Direk Nijel para sa dula, at ang mga musical arrangements ay ginawa ni Jopper Ril.Ang touring musical na ito ay dapat abangan ng ating mga kababayan abroad dahil soon ay mapapanood ito sa Japan, Taiwan at South Korea.Ayon kay Direk Nijel, pinakikiramdaman pa raw nila kung puwede nila itong dalhin sa CCP (Cultural Center of the Philippines) after nang pagpapalabas sa Sikat Studios.Pahayag pa niya, “pinanood na po ito ng mga producers, ita-translate po siya sa Nihongo, Mandarin at Hangul. Kaya nasa plano na mag-Asian tour ang ’Subtext the Musical’ and hopefully bago kami mag-tour, malaman namin ang pulso ng bayan.“At sana sa bawat pagtatanghal namin, makita din po ninyo ang sarili ninyo. Love month na sa February, sana mapuno ang puso ninyo ng pagmamahal.”Ang premiere cast ng musical version na ito ay kinabibilangan ng anim na mahuhusay na aktor at aktres na kaya ring kumanta. Ang ’Subtext the Musical’ at binubuo ng tatlong bahagi na magpapakilig, magpapatawa at magpapaluha sa mga manonood.Ang talong pares ay sina Cherry Morena at Jiro Custodio (na mula sa NET25’s Star Kada), Ced Recalde at Shane Santos, Karl Tiuseco at Gaye Angeles.Pawang pinalakpakan ang pagtatangghal ng anim na bida, na hindi lang nagpakita ng husay sa pag-arte, pati na rin sa pag-awit.Siguradong lahat ay makaka-relate lalo na noong panahong uso pa ang pagtawag sa telepono, pagsusulat ng mga liham at pagpapadala ng text.Kaya huwag ninyong palampasin ang natitirang pagtatanghal sa Pebrero 1, 8, at 15, 2025, alas-7 ng gabi sa Sikat Studios Main Hall sa 305 Tomas Morato, Quezon City.Produced ng “One Acts Theater” division ng NDMstudios ang “Studio Run” na ito.Para sa mga tiket, mag-text o tumawag kay Ms. Junna Marie sa 09062266750.(ROHN ROMULO)
‘Buffalo Kids’, inspired by the real-life relationship between Pedro Solís’ children, Alejandra and Nico
BUFFALO Kids is a 2024 Spanish animated adventure film directed by Pedro Solís and Juan Galocha.
Written by Jordi Gasull and Javier Barreira, the screenplay of Buffalo Kids is based on Pedro Solís’ short film Cuerdas, which is in turn inspired by the real-life relationship between Solís’ children, Alejandra and Nico (with Mary and Nick respectively being their alter egos in the film). The film is a 4Cats Pictures, Atresmedia Cine, Anangu Grup, Little Big Boy AIE, and Mogambo Productions production.
- English voice cast: Alisha Weir as Mary, Conor MacNeill as Tom, Gemma Arterton as Elenor, Sean Bean as Outlaw Wilson and Stephen Graham as Uncle Niall.
Set in the 19th century, the plot follows the adventures of two orphaned Irish siblings (Tom and Mary) who emigrate to the United States to reunite with their uncle Niall in New York City. When Niall doesn’t show up at the docks, Tom and Mary set out to find him with the company of a stray dog, Sparky, sneaking on board a train with a group of orphans when they cannot afford a ticket.
During the journey, Mary befriends non-verbal paraplegic boy Nick, who is rejected from his initial possible family due to his disability. The orphans’ supervisor, Eleanor, learns of their circumstances and assures them she won’t give them away to the train staff.
When the train stops to refuel, Mary takes Nick off the train to touch the nearby buffalo, but the train departs without them on board as everyone else in the carriage was asleep. Tom is able to get a nearby cart in working order and travel after the train, but they find it deserted after an apparent Indian attack. The children have a close call with a pack of coyotes that leaves Tom with an injured leg, and when they stop to collect water they are captured by an Indian tribe. However, the tribe proves to be friendly, and affirms that they had nothing to do with the train attack.
Tom, Mary and Nick are eventually led to another group of white men, but these men turn out to be the bandits responsible for attacking the train, having taken the passengers as slave labour to work in a mine. When the children are reunited with the orphans and Eleanor, one of the other prisoners is revealed to be Tom and Mary’s uncle Niall, who was captured from another train.
Tom, Mary and Nick manage to escape the mine and contact a nearby fortress for help, as well as the Indian tribe. The two groups work together to stage an assault and rescue the prisoners before the bandits can destroy the now-depleted mine to cover up their actions. Niall, Tom and Mary agree to remain as a family, and Eleanor not only joins them but invites Nick to come along as well.
The film was also sold to Best Film (Poland), NOS Lusomundo (Portugal), The Film Group (Greece), MegaCom Film (former Yugoslavia), Filmhouse (Israel), Front Row Entertainment (Middle East), ARP Sélection (France) and Nathan Studios. (Philippines).
In PH cinemas nationwide February 12.
(ROHN ROMULO)
Nagluluksa na naman ang showbiz industry: Queen of PH Cinema na si GLORIA, pumanaw na sa edad na 91
NAGLULUKSA na naman ang local entertainment industry dahil sa pagpanaw ng premyadong aktres na si Gloria Romero noong Sabado, Enero 25 sa edad na 91.Kinumpirma ito ng kanyang pamilya at unang inihayag ng pamangkin na si Lovely Rivero sa kanyang Facebook page kalakip ng mga larawan ng tinaguriang Queen of Philippine Cinema.
As of press time ay hindi ibinubunyag ang sanhi ng kanyang kamatayan.
Ang caption sa mga larawan ng pumanaw na aktres, ““Rest well, our Movie Queen, Tita GLORIA ROMERO. Praying for the repose of your soul & for strength for @chefmgutierrez, Chris & the whole family during this very difficult time. (emoji praying hands).”
Naglabas na rin ng official statement sa pamamagitan ng social media post ng kanyang nag-iisang anak na si Maritess Gutierrez:
“TO OUR DEAREST FAMILY, RELATIVES, AND FRIENDS: It is with great sadness to announce the passing of my beloved Mother, Gloria Galla Gutierrez aka Gloria Romero, who peacefully joined our Creator earlier today.
“In this time of loss, our family deeply appreciates the support, prayers, sympathy, all the lovely messages, and heartfelt condolences that we’ve received. She will surely be missed dearly.”
Matatandaan naman na noong Pebrero 29, 2024 ay binigyan ng post birthday celebration at tribute si Ms. Gloria na noo’y edad 90 (December 16, 1933) ng kanyang mga kasamahan sa industriya na ginanap sa Manila Hotel, na hindi niya inaasahan at labis niyang ikinatuwa.
Inorganisa ito ng kanyang kaibigan at itinurong na kapatid na si Ms. Daisy Romualdez at naging matagumpay ang nasabing event dahil dinaluhan ito ng mga malalapit sa movie icon sa halos walong dekadang pamamalagi sa industriya ng pelikula at telebisyon.
Ang wake ni Romero ay ginaganap sa Arlington Memorial Chapel sa Quezon City nagsimula ito noong Linggo, Enero 26, para sa pamilya at mga kaibigan.
Ang public viewing ang gaganapin sa umaga, Enero 27 at 28 at isasara sa hapon para sa mga mahal sa buhay ng yumaong beteranang aktres.
Ipinanganak si Gloria Anne Borrego Galla sa Denver, Colorado bago nanirahan sa Pilipinas noong kasagsagan ng digmaan.
Pinangarap na noon pa ng batang Gloria Romero na maging isang artista at nakuha niya ang pag-apruba ng kanyang ama na pumasok sa industriya ng entertainment. Sinimulan niya ang kanyang showbiz career noong 1940s, menor de edad na papel niya hanggang sa pumasok siya sa Sampaguita Pictures noong 1952 sa ilalim ng kanyang kilalang screen name.
Kabilang sa mga pelikulang nagbigay sa kanya sa superstardom ay ang 1952 movie na “Madame X,” at “Dalagang Ilocana” pagkalipas ng dalawang taon na nakakuha ng kanyang unang FAMAS Award para sa Best Actress award.
Kabilang sa kanyang pinakakilalang mga pelikula ay ang “Hongkong Holiday,” “Condemned,” “Nagbabagang Luha,” “Tanging Yaman,” “Magnifico,” “Moments of Love,” “Beautiful Life,” at “Rainbow’s Sunset,” to name just a kakaunti. She also appeared in TV dramas such as “Familia Zaragoza,” “Mga Anghel na Walang Langit,” “May Bukas Pa,” and “I Love Betty La Fea.”
Si Romero ay lumabas sa ilang pelikula at TV productions sa kabuuan ng kanyang karera at umani ng ilang mga parangal, kabilang ang dalawang FAMAS Award para sa Best Actress, isang FAMAS Award para sa Best Supporting Actress, dalawang Gawad Urian acting awards, at dalawang Metro Manila Film Festival (MMFF) Best Actress. mga parangal, at marami pang iba.
Tuos-puso ang aming pakikiramay sa pagpanaw ni Ms Gloria Romero.
***
BILANG pasakalye sa Chinese New Year, anim na pelikula ang binigyan ng Movie and Television Review and Classification Board (MTRCB) ng karampatang klasipikasyon para sa ikaliligaya ng manonood.
PG (Patnubay at Gabay/Parental Guidance) ang “Her Locket,” na humakot ng 8 awards sa 2024 Sinag Maynila Film Festival.
Ipinaalala ni MTRCB Chairperson and CEO Lala Sotto-Antonio ang paggabay ng mga magulang sa kanilang mga anak sa tamang pagpili ng mga panonoorin.
“Habang may mga eksena na posibleng naglalarawan ng ilang sensitibong paksa, tayo, bilang mga magulang, ay laging handa na sagutin ang mga tanong ng ating mga anak,” sabi ni Sotto-Antonio.
Rated R-13 naman ang “Presence” at mga edad 13 pataas lamang ang pwedeng manood nito dahil sa ilang masisidhing eksena.
R-13 din ang “Flight Risk,” “Death Whisperer 2” at “Overlord: The Sacred Kingdom” na may mga temang hindi angkop sa edad 12 at pababa.
Habang ang “Anora,” mula sa libro ni Sean Baker, ay R-18 dahil sa mga eksena, lenggwahe at maselang paksa na bagay lamang sa edad 18 at pataas.
Tiniyak ni Sotto-Antonio sa publiko na ang mga pelikula ay dumaan sa tamang proseso para mabigyan ng angkop na klasipikasyon para sa kapakanan ng mga manonood, partikular ang mga bata.
(ROHN ROMULO)
Walang ibang parte ng mukha na kanyang pinagawa: HEART, ipinagdiinan na sumailalim lang siya sa lip enhancement
INAMIN ng Global Fashion Icon na si Heart Evangelista na sumailalim lang siya sa lip enhancement.Pero ang ibang parte ng mukha ay wala siyang pinagawa.
“Lips lang ‘yung naiba. Lips lang ‘yung pinagawa ko. It’s true. I’m just saying the truth. If you don’t accept, well, wait for judgment day. Because this is all real except that,” pagturo pa ni Heart sa lips niya sa isang teen photo niya.
Willing daw na magpatingin sa doctor si Heart para ma-examine ang face niya.
“Ayaw nilang maniwala sa akin. Alam mo, one of these days, pupunta talaga ako sa doctor. Magpapa-xray ako. I don’t know how they can prove. Mamatay man. Seryoso,” diin ni Heart.
Last year ay inamin ni Heart na nagpa-lip fillers siya sa isang kaibigan na walang lisensya na gawin iyon sa kanya. Na-traumatize daw si Heart dahil hindi maganda lumabas at nawalan ng shape ang lips niya.
***
KINUMPIRMA ni Will Ashley na naayos na ang hindi nila pagkakaunawaan ni Sofia Pablo. Umaasa rin siyang magkakaayos din sina Sofia at Jillian Ward.
Nabanggit ni Sofia na ilang taon din silang hindi nag-usap ni Will. Pero nagawa nila itong pag-usapan at ayusin bago pa man sila magkatrabaho sa ‘Prinsesa ng City Jail.’
“Before po we started taping, we talked. ‘Yun po ‘yung point ko na I think darating naman din ‘yun with Jillian when the time is right.
“Kapag may taong nag-start na ‘Ba’t ‘di kayo mag-usap?’ Kasi ‘yun po ‘yung nangyari with Will. Naging OK kami kasi we both wanted to be OK na,” sey ni Sofia.
Ayon kay Will: “Isang tinik ang nabunot after how many years. Totoo naman po ‘yon kasi parang nagkaroon lang din ng misunderstanding. Kumbaga hindi kami nagkaroon ng chance makapag-usap nang gano’n katagal kasi nga pareho din kaming naging busy.”
Tungkol sa problema nina Sofia at Jillian, saad ni Will: “Kung ano man ‘yung problema nila eh kasi, I mean, hindi naman po ako ‘yung makakaayos nun eh. Kumbaga it’s for them to fix.”
(RUEL J. MENDOZA)
Mamarkahan din ang first-ever documentary entry: Walong nakapasok sa ‘2025 Puregold CinePanalo Film Festival’, mas matindi at kaabang-abang
ISINIWALAT na ang mga filmmaker na lalahok sa nalalapit na ‘2025 Puregold CinePanalo Film Festival’ sa naganap na press conference na ginanap sa Artson Events Place sa Quezon City.
Sa bagong grupo ng mga contenders at kanilang mga entry na sumasakay sa momentum ng napakalaking matagumpay na festival noong nakaraang taon, ang Puregold CinePanalo ay mabilis na nagiging isang mainit na inaasahang kaganapan sa kalendaryo ng industriya ng lokal na pelikula.
Milyun-milyong piso sa production grants ang malaking bahagi ng draw. Sa 2025 run ng Puregold CinePanalo, nakinabang ang bounty sa walong nanalong filmmaker na nakatanggap ng P3,000,000 bawat isa, gayundin sa dalawampu’t apat na student filmmaker na nakatanggap ng P150,000 bawat isa.
Dahil ang Puregold CinePanalo ay muling naghahangad na magbigay ng milyun-milyong grant sa produksyon sa mga piling kalahok, ang mga aspiring new filmmakers ay hinimok na gumawa ng mas nakapagpapasiglang mga kuwento na may temang, “Mga Kwentong Panalo ng Buhay”.
Sa press conference, ipinagmamalaki ng Puregold CinePanalo ang mga karapat-dapat na kalahok na ito sa mga dumalo na binubuo ng mga organizer ng festival gayundin ang mga kinatawan mula sa iba’t ibang partner ng festival tulad ng MTRCB, Gateway Cineplex 18, Mowelfund, Terminal Six, CMB Films, at MFP Rentals.
Si Ms. Ivy Hayagan-Piedad, senior marketing manager para sa Puregold, ay masigasig na nagsalita tungkol sa pakikipagtulungan sa isang bagong batch ng mga filmmaker.
“After an intensely competitive application period, these directors came out on top of the heap,” pahayag niya.
“We know they will produce excellent, gripping work and we can’t wait to share these with the viewing public at the upcoming festival.”
Ang Puregold CinePanalo Film Festival ay agad na magpapakita ng mga direktor at artista ng iba’t ibang karanasan at pagbubunyi sa loob ng industriya, kasama ang star-studded 2025 na edisyon na itinatampok ang mayamang reserbang talento ng domain ng paggawa ng pelikula.
Si Mes de Guzman ang direktor ng ‘Sepak Takraw’, na pinagbibidahan nina Enzo Osorio, Nicollo Castillo, Ruby Ruiz, at Acey Aguilar. Itatampok sa ‘Olsen’s Day’ ni JP Habac sina Khalil Ramos, Romnick Sarmenta, at child actor na si Xander Nuda. Pinamunuan ni Tara Illenberger ang ‘Tigkiliwi’ na pinagbibidahan ni Ruby Ruiz sa kanyang pangalawang pelikula sa Puregold CinePanalo, kasama sina Gabby Padilla, at Julian Paul Larroder.
Ang dynamic duo na sina Christian Paolo Lat at Dominic Lat ang magdidirek ng ‘Journeyman’, na pinagbibidahan nina JC Santos at Jasmine Curtis-Smith.
Si TM Malones ay magtatrabaho sa ‘Salum’ kasama sina Allen Dizon at Christine Mary Dimaisip. Ang ‘Co-Love’ ni Jill Singson Urdaneta ay magso-showcase kina KD Estrada, Alexa Ilacad, Jameson Blake, at Kira Balinger.
Samantala, ang ‘Food Delivery: Fresh from the West Philippine Sea’ ni Baby Ruth Villarama ay mamarkahan ang kauna-unahang dokumentaryo na sumali sa Puregold CinePanalo line up.
Isa pang makasaysaya sa filmfest ay pagsabak ng kilalang producer na si Catsi Catalan, na kung saan matutunghayan ang kanyang directorial debut sa ‘Fleeting’, na pinagbibidahan nina Janella Salvador at RK Bagatsing.
Dumalo rin sa press event ang dalawampu’t apat (24) na student filmmakers mula sa mga unibersidad sa buong bansa na kinabibilangan Nina:
Adelbert Abrigonda (Polytechnic University of the Philippines) – “Dan, En Pointe”
Allan M. Balance Jr. (Polytechnic University of the Philippines) – “Cancer Din Ang Zodiac Sign Mo?”
Angel Allizon Cruz (University of Santo Tomas) – “Dito, Dati”
Roniño Dolim (University of Eastern Philippines) – “Sine-Sine”
Kenneth Flores (Far Eastern University) – “1… 2… Strike!!!”
Austine Rae R. Fresnido (FAITH Colleges) – “Sa Susunod Sisikat si Susan”
Clyde Cuizon Gamale (University of the Philippines) – “Champ Green”
Bjorn M. Herrera (Central Philippine University) – “Nanay’s Frankenstein”
Maria Eleanor P. Javier (University of the Philippines Visayas) – “Mother at Sixty”
Producer Ivan Gentolizo representing Mae Malaya (University of the Philippines) – “Sisenta!”
Ira Corinne Esquerra Malit (University of Caloocan City) – “SamPie”
Naiah Nicole Mendoza (Polytechnic University of the Philippines) – “Taympers”
Vhan Marco B. Molacruz (Colegio de San Juan de Letran) – “Uwian”
Jadrien Morales (University of the Philippines) – “Let’s Go Somewhere Else”
Regene Narciso (Dalubhasaan ng Lunsod ng San Pablo) – “Papunta Ka Pa Lang, Naka-Bounce Na Ako”
Alexie Nicole Pardo (Polytechnic University of the Philippines) – “Checkmate”
Kieth Earl B. Rebaño (University of the Philippines Visayas) – “Daeaura”
John Lester Rimorin (University of the Philippines) – “Japan Surplus”
Jose Andy Sales (University of San Carlos) – “G!”
Mark Joseph Sanchez (Polytechnic University of the Philippines) – “Our One and Only Bab(o)y”
Aubrey Soriano (Polytechnic University of the Philippines) – “Si Nadia at ang Kanyang mga Kuro-Kuro”
Jasper Tan (Far Eastern University) – “Sa Pagbunga”
Johannes Tejero (University of San Carlos) – “Daog, Pildi”
Sean Rafael A. Verdejo (National University Laguna) – “Dela Cruz, Juan P.”
Dahil sa diverse lineup of filmmakers, siguradong ang 2025 Puregold CinePanalo ay isang kaganapan hindi mapalalampas sa Philippine cinema. Ang completed films ay ipalalabas sa Gateway Cineplex 18 mula March 14 hanggang March 25, 2025.
(ROHN ROMULO)
Athlete of the year igagawad kay Yulo
MAGNININGNING ang gabi tampok ang pinakamahuhusay na Pinoy athletes na gagawaran ng parangal sa San Miguel Corporation-Philippine Sportswriters Association (SMC-PSA) Awards Night sa Centennial Hall ng Manila Hotel.
Pormal nang igagawad kay Carlos Yulo ang Athlete of the Year award matapos ang impresibong kampanya nito sa 2024 Paris Olympics.
Iwinagayway ni Yulo ang bandila ng Pilipinas nang masungkit nito ang dalawang gintong medalya sa gymnastics kung saan pinagharian nito ang men’s floor exercise at men’s vault.
Magsisimula ang programang co-presented ng ArenaPlus, Cignal, at MediaQuest sa alas-7 ng gabi bitbit ang temang ‘Golden Year, Golden Centenary.’
May kabuuang 117 awardees ang pararangalan sa taong ito kabilang ang mga Olympians sa nakalipas na mga edisyon para magsilbing guest of honor.
Magkakaroon ng kinatawan ang bawat batch ng Olympians sa nakalipas na 60 taon para samahan ang mga 2024 Paris Olympians sa event na suportado ng Philippine Sports Commission, Philippine Olympic Committee, MILO, PLDT/Smart, Senator Bong Go, PBA, PVL, 1-Pacman Party List, Rain or Shine, Akari at AcroCity.
Si Freddie Webb, na naglaro para sa men’s basketball team sa 1968 (Mexico) at 1972 (Munich) Olympics, ang magsisilbing keynote speaker at kinatawan ng mga Olympians.
Iluluklok naman si weightlifter Hidilyn Diaz sa Hall of Fame.
Apat na beses na naging Athlete of the Year si Diaz noong 2016, 2018, 2021 at 2022.
Si Diaz ang kauna-unahang Pinoy na nakasungkit ng gintong medalya sa Olympics noong 2020 Tokyo Games sa Japan.
Ibibigay naman kina boxers Nesthy Petecio at Aira Villegas ang President’s Award bunsod ng kanilang tansong medalyang nakamit sa Paris Olympics.
Pararangalan naman si POC President Abraham ‘Bambol’ Tolentino ng 2024 Executive of the Year habang ang Gymnastics Association of the Philippines ang National Sports Association (NSA) of the Year.
Kasama rin sa PSA honor roll ang NCAA at MVP Group of Companies na may Special Award gayundin ang 19 citations, at pitong batang awardees ng Tony Siddayao Awards.
Mga fans ni Kobe Bryant inalala ang ika-limang taon ng pagkakasawi nito
INALALA ng mga fans ni NBA star Kobe Bryant at anak nitong si Gianna ang ika-limang taon ng kanilang pagkakasawi.
Magugunitang noong Enero 26, 2020 ng bumagsak ang helicopter na sinakyan ng mag-ama kasama ang anim na iba habang patungo sa Thousan Oaks para sa basketball practice.
Kinasuhan naman ng asawa nitong si Vanessa Bryant ang mga imbestigador ng kaso dahil sa pagpapakalat ng video at larawan sa crash site ng hindi ipinaalam sa kaniya.
Dahil dito ay nagwagi siya sa kaso mula sa LA County
noong 2023 at binayaran siya ng halos $30-milyon.
Nagtayo ang mga fans ng rebolto ng dalawa doon mismo sa lugar ng pinagbagsakan ng helicopter.
Nakatakdang ilabas ni Vanessa ang bagong libro na inialay sa mag-ama nito at ito ay ilalabas sa darating na Agosto 19.
Sa Kobe ay 41 anyos at si Gigi ay 13 ng mangyari ang aksidente.
Sa loob ng 20-taon na basketball career ay naging 18-time All-Star si Bryant, 15-time All-NBA honoree, 5-time NBA Champion at 2007-2008 NBA Most Valuable Player.
Itinakbo ng ekonomiya ng bansa, nananatiling ‘quite impressive’- Balisacan
NANANATILING ‘quite impressive’ ang itinakbo ng ekonomiya ng Pilipinas sa kabila ng kinapos na maabot ang target noong nakaraang taon.
Sinabi ni National Economic Development Authority (NEDA) Secretary Arsenio Balisacan na hindi kontrolado ng gobyerno ang mga dahilan na nakaapekto sa itinakbo ng ekonomiya ng bansa.
“We fall short of the target but that’s understandable, as I said, because of the external and domestic factors that are outside of our control,” ayon kay Balisacan.
“But nonetheless, you know, the performance of the economy was still quite impressive compared to our neighbors in the entire Asia,” aniya pa rin.
Sa kabilang dako, sinabi naman ng Presidential Communications Office (PCO) na ang Gross Domestic Product (GDP) ng bansa ay lumago ng 5.8% sa panahon ng first three quarters ng 2024, sinasabing mas mababa kaysa sa target nitong 6.5% hanggang 8.0%.
Ipinagmalaki naman ni Balisacan na nananatiling isa sa top performers ang Pilipinas sa hanay ng mga umuusbong na ekonomiya sa Asya.
Ang agrikultura rin aniya ay isa sa mga sektor na may pinakamalaking lugo sa second half ng nakaraang taon, ang dahilan ay ang dami ng bilang ng bagyo na tumama sa bansa.
Sa ulat, kuntento si Pangulong Ferdinand R. Marcos Jr. sa itinakbo ng ekonomiya ng Pilipinas, sa katatapos lamang na 2024.
Sa katunayan, ipinagmamalaki niya ang mga nakamit ng bansa sa nagdaang taon.
“I’m quite satisfied. I’m even proud. I would go as far as saying I’m proud of the things that we have achieved.” ayon kay Pangulong Marcos.
Sa ika-24 na NEDA Board meeting (January 23), kinilala ng pangulo ang ginagawang implementasyon ng pamahalaan sa malalaki at mahahalagang reporma at proyekto, na mangangailangan ng taon bago ganap na makumpleto.
Gayunpaman, kailangan aniyang maipabatid sa mga Pilipino kung ano ang ginagawa pa ng pamahalaan para sa bansa.
Bahagyang napag-iiwanan na kasi aniya ang komunikasyon o iyong pagpapabatid ng pamahalaan sa publiko, kaugnay sa mga proyekto o programa ng gobyerno na layong i-angat ang buhay ng mamamayang Filipino.
“But we have to make it known to people that this is what we are doing. So, it has to be in a language that is easily digestible and in a language that makes sense to Juan dela Cruz. We’re falling behind in making the connection between what we are doing to the lives of ordinary Filipinos.” ang winika ng Pangulo.
Aniya, kahit marami na ang proyektong tapos na, kailangan pa ring ipaliwanag sa publiko na ang iba ay on going pa, maging ang pangmatagalang benepisyong taglay ng mga ito.
Halimbawa ang kahalagahan ng pagbu-bukas ng Bataan-Cavite Bridge, na tutugon sa traffic congestion sa Metro Manila, at magbubukas rin sa iba pang lugar sa Central Luzon at Calabarzon.
Nanghingi rin ang pangulo ng detalyado at consolidated report kaugnay sa effort ng gobyerno para sa pagtitiyak ng food security.
Ang mga ganitong reports kasi aniya ang magpa-paliwanag kung papaanong magbi-benepisyo ang mga filipino sa mga inisyatibong ito, at kung papaanong makakambag ito sa hinaharap at pangkabuuang kalidad ng buhay ng mga Filipino. (Daris Jose)
ICC requests na idadaan sa Interpol, hindi dapat balewalain-Bersamin
HINDI dapat balewalain sakali’t mag-‘request’ ang International Criminal Court (ICC) na arestuhin o ihatid ang taong ‘subject’ sa ICC jurisdiction, kapag idinaan na ito sa Interpol.
Ang paliwanag ni Executive Secretary Lucas Bersamin sa press briefing sa Philippine International Convention Center sa Pasay City, bagaman hindi pa rin nagbabago ang posisyon ng Pilipinas hinggil sa ICC at ang withdrawal ng Pilipinas mula sa ICC ay may bisa na, sinabi ni Bersamin na mapipilitan ang gobyerno ng Pilipinas na tumugon sa request kung idadaan na ito ng ICC sa Interpol.
“If the ICC makes a move and courses the move through the Interpol and the Interpol makes the request to us for the arrest or delivery of a person subject to ICC jurisdiction, we will respond,” ang sinabi ni Bersamin.
“‘Yung position is wala na tayo sa jurisdiction ng ICC pero that does not necessarily mean that the order of the ICC enforced through the Interpol is to be ignored… I’m not saying ‘yung ICC ang inaano natin, ‘yung Interpol ang pinagbibigyan natin,” dagdag na pahayag ni Bersamin.
Sa kabilang dako, sinabi ni Justice Secretary Crispin Remulla na handa na ang Pilipinas na makipag-usap sa ICC sa gitna ng gumugulong nitong imbestigasyon sa war on drugs ng administrasyong Duterte.
Taliwas ito sa sa mga naging pahayag niya noon na hindi makikialam ang Pilipinas sa imbestigasyon ng ICC dahil kumalas na ang bansa sa Rome Statute o ang tratado sa pagbuo ng ICC.
May mga bahagi aniya ng usapin na maaring makipagtulungan ang pamahalaan at matalakay ang mga isyu na may hangganan.
Nagsampa sa ICC ng reklamo ang mga biktima umano ng extrajudicial killings dahil sa naturang kampanya.
Ang paliwanag ni Remulla, ang pakikipagtulungan sa isang international tribunal ay pinapayagan naman sa batas ng Pilipinas. Patunay aniya rito ang paglabas-masok sa bansa ng ilang kinatawan mula sa ICC. (Daris Jose)