2020 June 18 Archive - People's Balita

July 3, 2024
Search in People's Balita
Ang Diyaryong Pinagkakatiwalaan

Archive for June 18th, 2020

Business tycoon Danding Cojuangco pumanaw na, 85

Posted on: June 18th, 2020 by @peoplesbalita No Comments

Pumanaw na sa edad na 85-anyos ang kilalang negosyante at political kingmaker na si Eduardo “Danding” Murphy Cojuangco, Jr.

Batay sa kumpirmasyon ng malalapit sa kanya, binawian ito ng buhay kagabi sa St. Luke’s Medical Center sa Global City, Taguig.

May lumabas na impormasyon na matagal na rin itong may karamdaman sa lung cancer.

Si Danding ay dating chairman at CEO ng San Miguel Corporation, ang pinakamalaking food and beverage company sa Southeast Asia.

Dati siyang naging ambassador ng Pilipinas sa Estados Unidos at naging dating governor ng Tarlac.

Si Danding ay naging chairman emeritus ng Nationalist People’s Coalition (NPC) kung saan naging founder ito ng partido noong 1992.

Ito rin ang naging tulay niya para kumandidato noong 1992 presidential elections pero sa huli ay natalo siya kay Fidel V. Ramos.

Noong 2004 presidential elections, nagbalak din ito na tumakbo muli pero umatras.

Naging kilala rin si Danding bilang sports patron lalo na sa pagsuporta sa larangan ng basketball sa bansa.

Noong 1980s nakilala siya bilang “basketball godfather” ng Northern Consolidated team.

Sa ilalim naman ng San Miguel Corporation, meron siyang tatlong teams sa Philippine Basketball Association (PBA) na binubuo ng San Miguel Beermen, Barangay Ginebra San Miguel at Star Hotshots.

Liban nito, tumatayo rin siyang benefactor ng De La Salle Green Archers men’s basketball team.

Taong 2019 ay kinilala siya ng Forbes bilang “16th richest man in the Philippines.”

Samantala, bumuhos naman ngayon ang pakikiramay sa iba’t ibang sektor at ang iba ay nagbigay pugay sa mga naiambag nito sa bansa. (Daris Jose)

BABAE, TINARAKAN NG PALABOY

Posted on: June 18th, 2020 by @peoplesbalita No Comments

SUGATAN ang isang 33-anyos na babae matapos na saksakin ng isang babaeng palaboy na kanyang nakaalitan sa harap ng LA Cafe sa may M.H Del Pilar Street, corner Salas Street, Ermita, Maynila.

Ayon sa imbestigasyon ng Manila Police Disteict (MPD)-Bocobo Police Community Precint ,ang biktima ay nakilalang si Annie Marcus,33 ng 2341-B, Dama De Noche Street, Arellano, Malate, Maynila.

Kasalukuyan ginagamot sa Ospital ng Maynilabang biktima dahil sa tama ng saksak sa likurang bahahi ng kaliwang balikat.

Naganap umano ang insidente dakong alas 8 ng gabi matapos na magkasagutan ang dalawa sa di malamang dahilan.

Nakilala lamang ang suspek sa alyas na Marilou,palaboy sa M.H Del Pilar Street, Ermita, Maynila na makikilala kapag nalitang muli ng biktima. (Gene Adsuara)

US Tennis Open, bubuksan

Posted on: June 18th, 2020 by @peoplesbalita No Comments

Naghahanda na ang organizer ng US Tennis Open sa muling pagbubukas ng torneo at sinabing payag silang gawin ito kahit walang audience bilang pagtupad sa mahigpit na health protocols ng gobyerno.

Ayon kay US Tennis Association (USTA) spokesman Chis Wilderman target nilang buksan ang torneo sa Agosto sa New York.

Agad umano nilang iaanunsiyo ang mga pagbabago sakaling maaprubahan ng ang kanilang proposal.

Sinabi naman ni Richard Azzopardi, tagapagsalita ni New York Governor Andrew Cuomon, na pinag-aaralan na nila ang natanggap na proposal mula sa USTA.

Sinuspinde ang mga tennis tournament mula pa noong Marso matapos sumiklab ang coronavirus pandemic sa US.

Inilipat na rin ang French Open sa Setyembre 13 mula sa orihinal na petsang Mayo habang ang prestihiyosong Wimbledon ay kanselado na ngayong taon.

Blended learning sa maliliit na pribadong paaralan sa NCR, nasa kamay na ng IATF: DepEd exec

Posted on: June 18th, 2020 by @peoplesbalita No Comments

Nasa kamay na ng COVID-19 task force ng pamahalaan ang blended learning sa mga pribadong paaralan sa Metro Manila na may maliliit na populasyon ng mga mag-aaral, ayon sa Department of Education nitong Miyerkoles.

Nang tanungin kung bukas ang DepEd sa pagpayag sa blended learning at ilang face-to-face interactions sa mga naturang paaralan, sinabi ni Education Undersecretary Nepomuceno Malaluan na nasa pag-apruba na ito ng Inter-Agency Task Force (IATF) for the Management of Emerging Infectious Diseases.

“Right now we’re talking about August 24 anyway and this is still a continuing policy discussion,” aniya sa isang panayam.

“I think when we near that time of August 24, if there will be a change or reconsideration on the part of the President then that will be considered. The secretary, as you might note, is giving the President a constant update on our readiness for August 24,” pahayag nito.

Magsisimula ang school year 2020-2021 sa Agosto 24 at magtatapos sa Abril 30, 2021.

Sinabi ni Malaluan na nasa 11.5 milyong mag-aaral na ang nakapag-enroll mula nang magsimula ang enrollment noong Hunyo 1.

Naghahanda aniya ang ahensya para sa remote learning kung saan kabilang dito ang online platforms, printed modules, “offline digital” platforms, telebisyon, at radyo.

“I think what the President was saying, because the secretary was also saying ‘blended’ learning, which is a combination of those modalities, then if there is no available technology in those areas which is an infrastructure limitation, then at least they will have something other than printed modules,” ani Malaluan.

“But we are preparing for printed modules. In fact even in Metro Manila, there will be printed modules. It will not be completely online or digital,” pahayag pa ni Malaluan.

Binawasan na rin ng DepEd ang K-12 curriculum sa buong year levels at subject areas mula sa higit 15,000 learning competencies sa 5,600 “most essential” learning competencies.

‘Pang-4 lang si Rappler CEO Maria Ressa na convicted sa cyber libel case ‘di kauna-unahan’ – DoJ

Posted on: June 18th, 2020 by @peoplesbalita No Comments

Nilinaw ngayon ng Department of Justice (DoJ) na hindi ang CEO ng Rappler na si Maria Ressa ang kauna-unahang Filipino journalist na convicted sa kasong cyber libel sa Pilipinas.

Sa mga lumabas na report kahapon, si Ressa ang unang mamamahayag na convicted na lumabag sa naturang batas.

Pero ayon kay DoJ Usec. at Spokesman Markk Perete, pang-apat lamang si Ressa sa mga guilty sa kasong cyber libel.

Ang unang guilty sa cyber libel ay journalist sa Albay na nasintensiyahan ng anim na buwan hanggang dalawang taon, apat na buwan hanggang isang araw na pagkakakulong.

Ang ikalawa at ikatlong convicted naman sa kasong cyber libel ay mula sa North Cotabato at mayroong parusang apat na taon hanggang walong taon na pagkakakulong.

Pinagmumulta rin ang dalawang journalist ng P1 million na halaga ng damages.

Kahapon nang hinatulang guilty ng Manila Regional Trial Court (RTC) Branch 46 si Ressa at dating Rappler researcher-writer Reynaldo Santos sa cyber libel charges na ibinaba ngayong araw lamang.

Ito ang naging desisyon ni Judge Rainelda Estacio-Montesa kay Ressa at Santos.

Nag-ugat ang kaso sa maanomalyang artikulo na isinulat ng Rappler noong 2012 at sinasabing muling inilathala online noong 2014 laban sa negosyanteng si Wilfredo Keng.

Inatasan din ng korte ang mga akusado na magbayad ng P200,000 na moral damages at karagdagang P200,000 bilang exemplary damages.

Ang mga akusado ay mayroong sintensiya ng pagkakakulong na anim na buwan at isang araw hanggang anim na taon.

Hindi naman agad makukulong si Ressa at Santos dahil puwede namang iapela ang kaso sa Supreme Court.

Entitled din si Ressa at Santos piyansa habang pinaplantsa nila ang legal remedies sa higher courts. (Daris Jose)

P31M inilaan ng DOST para sa 5 commodities, food security

Posted on: June 18th, 2020 by @peoplesbalita No Comments

Naglaan ang Department of Science and Technology (DOST) ng karagdagang P31.6 milyon para sa food security research and development (R&D) projects na sumasakop sa limang commodities.

Sa isang online interview, sinabi ni DOST Secretary Fortunato dela Peña na bukod ito sa P36 million na inilaan ng DOST para sa mga proyekto na sumusuporta sa food security sa paghahanda para sa post-coronavirus disease 2019 (Covid-19) recovery process.

“I want to emphasize the role of R&D not just for the short and medium terms, but for the longer term as well. This is how we prepare for the future,” ani dela Peña.

Sakop ng proyekto ang bangus, ulang, native na manok, queen pineapple, bawang at iba pang pampalasa.

“We would find out the genetic diversity of ‘ulang’s’ population through mtDNA (Mitochondrial DNA) sequences and microsatellite analyses. Through this, we would know where to find the good population of ‘ulang’,” aniya.

“Potential farmer cooperators would be selected based on a set of criteria. They will be trained on native chicken production and management,” saad pa ni dela Peña.

Dagdag pa nito, ia-assess ng mga ito kung maasring may makuha sa pag-aalaga ng mga native na manok.

“After they attend the training courses, they could buy foundation stock. They will be provided with the technical know-how,” pahayag nito.

“This seeks to revitalize the garlic industry in the country and improve the other agri-food condiments industry through R&D. The program is expected to contribute to increasing the local garlic’s competitiveness in the market, and develop a successful chain for garlic production, including processing and storage facilities,” pahayag pa nito.

“The program would also find ways to detect the virus that causes disease in pineapple. Through a new system, we would study how to manage pests, and increase the production of pineapple,” dagdag pa nito.

Sinabi ni Dela Peña na makikinabang ang buong bansa sa R&D projects na ito para sa bangus, Calabarzon region para sa “ulang”, Zamboanga Peninsula para sa native na manok, Ilocos region para sa bawang, at Bicol at Eastern Visayas regions para sa queen pineapple.

“The whole milkfish industry in the country may benefit from this project,” aniya.

“The model farms by select farmer-cooperators are also expected to attract and stimulate (the) adoption of technologies among garlic growers in the region,” ayon kay dela Peña. (Bishop Jesus “Jemba” M. Basco)

P25 MILYON HALAGA NG SMUGGLED FOOD PRODUCTS, NASAMSAM

Posted on: June 18th, 2020 by @peoplesbalita No Comments

TINATAYANG mahigit sa P25 milyon halaga ng food items kabilang ang mga frozen peking ducks sa kabila ng ito ay ipinagbabawal dahil sa banta sa bird flu ang nasAmsam ng pinagsamang puwersa ng Bureau of Custom (BoC) at National Bureau of Investigation (NBI) sa isang warehouse sa Brgy Anunas, Angeles City, Pampanga.

Dakong alas-12:30 ng Huwebes nang isinagawa ang pagsalakay s a isang warehouse ng pangkat ng Customs Intelligence and Investigation Services (CIIS) National Bureau of Investigation – Special Action Unit (NBI – SAU ) at ang the Philippine Coast Guard (PCG).

Ang ginawang pagsalakay ay bunsod sa isang Letter of Authority (LOA) No. no. 06-10-041-2020 at Mission Order (MO) no. 06-10-2020- 086 na insiyu ng Commissioner ng BOC at isinilbi sa isang Jimgold M. Tan, ang representative ng warehouse.

Bago ang isinagawang operasyon ay nauna nang nakipag-coordiate ang grupo sa Barangay na nakakasakop at Philippine National Police (PNP.

Nasamsam ng grupo ang mga soy sauce, oil, at mga frozen food products kabilang ang Peking duck, fish balls, squid balls, vegetables, pork meat, at iba pa sa loob ng warehouse at s ainisyal na imbentaryo sa mga produkto ay umaabot sa 1,149 boxes, at sa bawat isa ay may 10 ulo ng peking ducks na nagkakahalaga ng P23 milyon habang ang ibang frozen product ay nagkakahalaga ng P2 milyon.

Pinaniniwalaan na ang nasabing mga produkto ay smuggled sa ibang bansa dahi sa ipinapairal na ban sa pag-iimport ng poultry product bukod dito ang United States, Canada at Australia at kinakailangan na ang nasabing mga produkto ay dapat na pumasa sa panuntunan at pagsusuri ng Custom at iba pang regulatory government agencies (Gene Adsuara)

LTFRB: May 35,515 na taxis at TNVS ang bumalik na sa operasyon

Posted on: June 18th, 2020 by @peoplesbalita No Comments

Pinayagan ng Land Transportation Franchising and Regulatory Board (LTFRB) ang may mahigit sa 35,000 na taxis at transport network vehicle service (TNVS) units na mag operate upang magbigay ng serbisyo sa mga commuters sa Metro Manila sa ilalim ng general community quarantine (GCQ).

May 18,514 na TNVS at 16,701 taxis ang pinayagan ng pumasada sa Metro Manila.

Habangang LTFRB naman ay pinaalalahanan at iginiit sa mga drivers at operators na sumunod sa mahigpit na health at safety protocols kung sila ay pumapasada lalo na kung may sakay na pasahero upang maiwasan ang pagkalat ng COVID-19.

“Safety precautions include the mandatory wearing of face masks and gloves, disinfection of vehicles and putting up barriers between the driver and the passenger,” ayonsa LTFRB. Kasama rin ang pagsusuot ng face mask sa lahat ng oras ng mga pasahero.

Pinaalalahanan din ng LTFRB ang mga TNVS at taxi drivers na magpatupad ng itinakdang seating capacity ng Inter-Agency Task Force on the Management of Emergency Infectious Diseases (IATF) sa kanilang mga units.

Wala namang inaasahan na pagtaas ng pamasahe sa taxis at TNVS. Cashless transactions lamang ang pinapayagan pamamaraan ng pagbabayad ng pamasahe sa taxi at TNVS upang maiwasan din ang pagkalat ng COVID-19.

Samantala, pinayahag din ng LTFRB na bubuksan nila ang 31 bus routes sa June 19 habang ang public transportation ay nananatiling limitado pa rin dahil sa COVID-19.

Ayon kay LTFRB Chairman Martin Delgrana may nauna ng 15 bus routes ang nabuksan at maliban dito ang LTFRB din ay naghahanda na rin na muling buksan ang mga routes para sa provincial buses kapag muling nagsimula na ang lahat ng public transportation sa Metro Manila.

Para sa Phase 1, mula June 1 hanggang 21, ang Department of Transportation (DOTr) ay pinayagan ng mag operate ang trains, bus augmentation services, taxis, transport network vehicle services, shuttle services, P2P buses, at bicycles ngunit sa limitadong capacity lamang.

Pinayagan na rin ang mga tricycles na pumasada bago pa man ang Phase 1 subalit kailangan may approval ng mga local government units.

“For preparations for provincial buses, we are looking at integrated terminal exchange like the PITX, which is already open to become a terminal for all provincial buses,” dagdag ni Delgra. (LASACMAR)

UST, kokoronahang overall champion ng UAAP Season 82

Posted on: June 18th, 2020 by @peoplesbalita No Comments

Nakatakdang koronahan bilang overall champion ang University of Santo Tomas (UST) sa kinanselang UAAP Season 82 bunsod ng coronavirus pandemic.

Nadagit ng UST ang pangkalahatang kampeonato sa likod ng limang titulo sa seniors division: men’s at women’s beach volleyball, men’s at women’s table tennis, at men’s judo.

Gayunman, wala raw munang gagawaran ng Athletes of the Year dahil marami ang hindi nakapaglaro sa 2019-20 season.

“That’s why it’s just fitting to award an overall champion. As to the Athlete of the Year, iba ang effect. May mga athlete na hindi nakapag-compete,” wika ni UAAP executive director Atty. Rebo Saguisag sa ginanap na online forum ng Philippine Sportswriters Association (PSA).

Samantala, ayon naman kay UAAP president Em Fernandez, makikipag-usap daw ang kanilang hanay sa isang malaking TV network para sa pag-eere ng closing ceremony ng collegiate league sa taong ito.

“It will be a two-hour show (but) it’s not live. In the sense of a closing ceremony, it will be a closing ceremony with a season recap, with the awards, and the turnover,” ani Fernandez.

Ex-PBA player Junel Mendiola, pumanaw na, 45

Posted on: June 18th, 2020 by @peoplesbalita No Comments

Pumanaw na ang dating PBA player na si Junel Mendiola sa edad 45.

Sinasabing hindi na nito nakayanan ang lung surgery noong Mayo 29 sa Cardinal Santos Medical Center.

Mula sa Intensive Care Unit (ICU) ay inilipat ito sa regular na room ang dating miyembro ng 2002 Purefoods champion team.

Ipinagdiwang pa nito ang kaniyang kaarawan noong June 13 kung saan binisita pa siya ni Blackwater deputy coach Romel Adducul sa pagamutan.

Naging 20th overall pick ng Purefoods noong 2002 draft at kasama siya sa championship ng Governors cup ng talunin nila ang Alaska Aces.

Bukod sa paglalaro sa PBA ay naglaro din ito sa Philippine Basketball League (PBL) at Metropolitan Basketball Association (MBA).

Kasama rin si Mendiola sa men’s basketball team ng manalo sila ng gold medal sa 21st Southeast Asian Games sa Kuala Lumpur sa Malaysia noong 2001.