2020 August 06 Archive - People's Balita

July 3, 2024
Search in People's Balita
Ang Diyaryong Pinagkakatiwalaan

Archive for August 6th, 2020

FIBA pinayuhan ang Indonesia na dapat makakuha ng slot sa 2023 FIBA World Cup

Posted on: August 6th, 2020 by @peoplesbalita No Comments

Pinayuhan ng FIBA ang Indonesia na kailangan nilang makakuha ng slot sa 2023 FIBA World Cup.

Ito ay dahil isa ang nasabing bansa na magiging host 2023 FIBA World Cup kasama ang Japan at Pilipinas.

Ayon sa FIBA Executive Committee, dapat makapasok sa top eight ang Indonesia sa 2021 FIBA Asia Cup para sa makapasok sa quadrennial meet.

Kapag nakapasok sa top 8 ang Indonesia sa FIBA Asia Cup 2021 ay mababawasan ng isa ang FIBA Basketball World Cup 2023 Asian Qualifiers.

Sakaling mabigo naman ang Indonesia sa top eight, magpapatupad ang FIBA ng general rules para sa qualification sa FIBA World Cup 2023.

Noong Pebrero sana ang 2021 FIBA Asia Cup subalit ito ay sinuspendi dahil sa coronavirus pandemic.

Kapwa kasi nakakuha na ng direct qualification ang Japan at Pilipinas na naglaro noong 2019 FIBA World Cup.

Magiging host ang Pilipinas sa final phase ng 2023 FIBA World Cup habang ang mga laro mula sa group phase ay gaganapin sa Japan at Indonesia.

Ginebra target si Anthony; Mariano, Balanza itatapon sa Batang Pier

Posted on: August 6th, 2020 by @peoplesbalita No Comments

Asam ng Brgy. Ginebra na masungkit ang kampeonato sa 45th season ng PBA na Philippine Cup sakaling matuloy ang pagbubukas ng pro-league sa Oktubre o Nobyembre.

Sa umuugong na usap-usapan sa pagitan ng NorthPort Batang Pier at ng crowd favorite Brgy. Ginebra, target umano ng Gin Kings na makuha ang kalibre ni Sean Anthony kapalit nina Aljon Mariano at rookie Jerrick Balanza.

Naudlot ang usapang trade ng Ginebra at NorthPort sa palitan nina Greg Slaughter at Christian Standhardinger noong isang taon na inaasahang matutuloy ngayon dahil sa kakulangan ng malaking player ng team ni coach Tim Cone para maging katuwang ni Japeth Aguilar sa loob ng court.

Si Anthony ay napasama sa All Defensive team noong isang taon at nahirang na “defensive player of the year.”
Bagama’t 6’4’’ lamang ang height nito, maasahan naman ito sa rebound, perimeter shot at may pusong die-hard na angkop sa kalidad ng Ginebra na nagustuhan ni Cone.

Loaded pa rin naman sa gwardiya ang Gin Kings gaya nina Scottie Thompson, Stanley Pringle at L. A Tenorio kaya pwedeng magbawas ng player.

Ayon sa insider, matagal nang pinag-iinteresan na makuha ng Batang Pier itong si Balanza na nanguna noong 2019 sa kampeonato ng Letran Knights.

Si Balanza ay alaga ni NorthPort team manager Boni Tan sa Letran habang si Mariano ay ‘di na rin bago sa diskarte ni coach Pido Jarencio na naging player nito sa UST Growling Tigers.

Obiena silver sa Italy

Posted on: August 6th, 2020 by @peoplesbalita No Comments

Nasungkit ni Olympic bound at SEA Games pole vault gold medalist Ej Obiena ang silver medal sa katatapos na 13th International Meeting sa Trieste, Italy matapos lundagin ang 5.45 meter mark sa competition.

Hinirang namang kampeon si Olympic gold medalist Thiago Braz da Silva ng Brazil na may 5.50 meter at 3^rd place naman si Max Mandusic ng Italy na pumailandang sa taas na 5.35 meter.

Ayon sa ulat, nanatili sa Italy si Obiena kahit may ipinatutupad na lockdown ang nasabing bansa bunsod ng coronavirus pandemic.

Unang Pinoy si Obiena na nakapasok sa Tokyo Olympics 2021.

Pinuri ni Philippine Sports Commission Chairman William “Butch” Ramirez si Obiena sa karangalang nasungkit nito para sa bansa. (REC)

Pagsusuot ng face shields mandatory na sa Agosto 15

Posted on: August 6th, 2020 by @peoplesbalita No Comments

Simula sa Sabado, Agosto 15 ay magiging mandatory na ang pagsusuot ng face shields sa sinumang bumibiyahe sa pamamagitan ng pampublikong transportasyon.

Inatasan na ni Department of Transportation (DOTr) Undersecretary for Administrative Service Artemio Tuazon Jr. ang lahat ng opisyal ng transportation sectors na istriktong ipatupad ang naturang polisiya sa mga lugar kung saan pinapayagan ang public transport.

“As instructed by the Secretary, this is to mandate all officials/heads of various transportation sectors to enjoin within their respective jurisdictions the mandatory wearing of face shields (aside from face masks) for ALL passengers in areas where public transportation is allowed, effective on 15 August 2020,” bahagi ng memorandum. (Ara Romero)

Ads August 6, 2020

Posted on: August 6th, 2020 by @peoplesbalita No Comments

8 TIMBOG SA DRUG BUY-BUST SA LOOB NG HOTEL

Posted on: August 6th, 2020 by @peoplesbalita No Comments

WALONG hinihinalang sangkot sa ilegal na droga kabilang ang 18-anyos na dalaga ang nasakote sa isinagawang buy-bust operation ng mga pulis sa loob ng isang hotel sa Valenzuela City, kahapon ng madaling araw.

Kinilala ni Valenzuela Police Chief Col. Fernando Ortega ang mga naarestong suspek na si Reselino Acaso, 50, Fredie Merin, 39, Cecilia Richard Reyes, 18, Neil Bryan Ella, 33, Remy Jaen Jr., 39, Ronald Paraan, 36, Arnulfo Abareco, 47, at Ricardo Rivas, 25.

Narekober sa mga suspek ang aabot sa 20 gramo ng hinihinalang shabu na may Standard Drug Price na P136,000 ang halaga, buy-bust money, P7,570 bill, 7 cellpones, ilang drug paraphernalias, 5 unit ng motosiklo, bisikleta, at isang kulay green na toyota vios (VL 1018).

Sa imbestigasyon ni PSSg Ana Liza V Antonio, ala-1:30 ng madaling araw nang isagawa ng mga operatiba ng Station Drug Enforcement Unit (SDEU) sa pangunguna ni PLT Ronald Sanchez sa ilalim ng pangangasiwa ni Col. Ortega ang buy-bust operation sa Room No. 5 Garden Inn, sa Brgy. Paso De Blas, ng lungsod.

Kaagad inaresto ang mga suspek matapos bentahan ng isang sachet ng shabu isang pulis na umaktong poseur-buyer kapalit ng P1,000 marked money habang naaktuhan namang nagsa-shabu ang iba sa kanila sa loob ng kuwarto.

Kasong paglabag sa Comprehensive Dangerous Drug Act of 2002 ang isinampa ng pulisya kontra sa mga suspek sa Valenzuela City Prosecutor’s Office. (Richard Mesa)

Lakers binuhat ni Davis sa panalo vs Jazz

Posted on: August 6th, 2020 by @peoplesbalita No Comments

Kumamada si Los Angeles Lakers star Anthony Davis ng 42 points upang sakmalin ng koponan ang liderato sa Western Conference matapos talunin ang madulas na Utah Jazz sa iskor na 116-108 sa restart ng season sa bubble sa pasilidad ng Walt Disney sa Orlando, Florida.

Hawak ngayon ng Lakers (51-15) ang anim na panalong pangunguna kontra sa 2nd place na Los Angeles Clippers (42-25) habang may natitira pang limang laro bago magsimula ang playoffs.

Nagresulta ang final basket ni Davis sa 4-point play habang may natitira pang 42 seconds sa regulasyon matapos ma-foul ni Rudy Gobert at mapalawig ang kalamangan sa 114-102.

Umiskor sina LeBron James ng 22 points, Dwight Howard, 11 habang si Kentavious Caldwell-Pope ay may 10 para sa Lakers.

Nanguna naman para sa Jazz sina Donavan Michell na may 33 points at Mike Conley, 24.

Gobyerno, kailangan ng mag-hire ng 2,855 health workers

Posted on: August 6th, 2020 by @peoplesbalita No Comments

PANAHON na para mag-hire ang gobyerno ng 2,855 health workers para tumulong sa paglaban sa COVID-19 pandemic.

Ito ayon kay Cabinet Secretary Karlo Nograles ay dahil patuloy na nakikita ng bansa ang patuloy na pagsirit ng bilang ng virus infections.

Sa nasabing bilang 9,365 ang kailangan na health workers.

Sa ngayon, ang pamahalaan ay mayroon nang napunan na 6,510 positions o katumbas ng 69.51 percent.

“Tayo po sa pamahalaan ay actively nagre-recruit pa po ng health workers,” ayon kay Nograles.

Mapapansin sa kasalukuyan na ang mga health workers ay headlines sa balita matapos umapela ang mga ito sa pamahalaan ng ‘timeout’ mula sa overwork at safety concerns dulot ng patuloy na pagtaas ng COVID-19 cases sa bansa.

‘As of Aug. 2,’ sinabi ng health department na mayroong 5,096 confirmed COVID-19 cases sa hanay ng mga health workers, kung saan ay 405 ang active cases.

Nitong linggo ay tinugon ni Pangulong Duterte ang panawagan ng mga health workers na ibalik ang Metro Manila sa stricter community quarantine dahil sa hirap na nararanasan na nila sa paglaban sa virus.

Ang modified enhanced community quarantine ay ipinatutupad ngayon sa Bulacan, Laguna, Cavite, at Rizal at nakatakdang magtapos sa Agosto 18.

Sinabi ni Nograles na ang pagtugon ni Pangulong Duterte sa nasabing panawagan ay malinaw na isa itong “listening leader.”

“Hindi naman po caved in, nakinig si Pangulo sa side ng ating mga health workers dahil si Pangulo naman ay President na nakikinig sa lahat ng angles at multi-sectoral ang approach natin,” aniya pa rin. (Daris Jose)

Morales hindi sisibakin ni Duterte– Palasyo

Posted on: August 6th, 2020 by @peoplesbalita No Comments

Hindi umano sisibakin ni Pangulong Rodrigo Duterte si Philippine Health Insurance Corp. (PhilHealth) general manager Ricardo Morales hangga’t walang ebidensyang sangkot ang retiradong heneral sa korupsyon sa insurance corporation.

Ginawa ni Presidential Spokesman Harry Roque ang pahayag matapos matanong kung dapat bang magbitiw na si Morales sa kanyang pwesto kasunod ng alegasyong malawakang katiwalian sa insurance corporation.

Sinabi ni Sec. Roque, bahala na si Morales na magdesisyon lalo nabanggit na ni Pangulong Duterte na hindi tatanggalin ang pinuno ng PhilHealth kung walang patunay sa mga alegasyon.

Ayon kay Sec. Roque, hintayin na lamang ang resulta ng imbestigasyon ng Senado gayundin sa hiwalay na imbestigasyon ng Presidential Management Staff (PMS).

Kapag nailabas na umano ang ebidensya, tiyak na aaksyon na rito si Pangulong Duterte.

“That’s really up to him. I am not in the position to tell him what to do. The President has said that he will not fire him unless there is evidence and I think the Senate now is in the process of documenting this evidence,” ani Sec. Roque. (Daris Jose)

Bianca, Ardina, Guce babawi sa Marathon

Posted on: August 6th, 2020 by @peoplesbalita No Comments

Walang ibang nasa utak sina Bianca Pagdanganan, Dottie Ardina at Clariss Guce kundi makaresbak sa US$1.7M Marathon Classic sa Agosto 6-9 sa Highland Meadows Golf Club sa Sylvania, Ohio.

Buhat ang tatlong Pinay professional golfer – Pagdanganan sa 12-way tie sa 28th place na may $6,862 (P337,000) cash prize, Guce sa 3-way tie sa 64th na may $2,249 (P110,000) at Ardina na mintis sa cut kaya setlog sa kalapit lang na Inverness Club Golf Club sa Toledo, ang pinagdausan ng US$1M Ladies Professional Golf Association (LPGA) Drive On Championship nitong Hulyo 31-Agosto 2.

Mala-akyat Mt. Everest man, nakikipagkarera ng ranking points sina Pagdanganan, 22, Ardina, 26, at Guce, 30, sa paghahabol sa 32nd Sumer Olympic Games 2020 na itinakda sa Hulyo 2021 sa Tokyo, Japan.

Ang isa pang may kagayang nilang misyon ay ang kumakampanya sa mayaman ding LPGA Japan Tour na si reigning Asian Games champion Yuka Saso, 19. (REC)