2020 September 02 Archive - People's Balita

January 3, 2025
Search in People's Balita
Ang Diyaryong Pinagkakatiwalaan

Archive for September 2nd, 2020

Bakit OD?

Posted on: September 2nd, 2020 by @peoplesbalita No Comments

MAY mga kasamahan akong sportswriter na nag-iisip kung paano ko naisip ang pamagat ng aking kolum na lumalabas araw-araw dito sa pahayagang inyong pinagkakatiwalaan – People’s BALITA.

Sabi kasi ng ilan sa kanila dati, na sigurado silang basketbol ang tiyak na magiging paksa ko sa mula Lunes hanggang Sabado.

Pero sabi ko general sports. Kasama lang ang basketball.

Anila, Opensa Depensa e.

Sabi ko, oo puwede sa basketball. Pero maari rin sa pangkalahatang sports.

Pinunto ko na pumupuri at bumabanat ang OD sa magagandang ginagawa ng ating mga sports official, athletes at coaches, pamahalaan, organisasyon at iba.

Bumabatikos din naman kapag sa tingin ko na may palpak ang mga kinauukulan.

Halimbawa sa Philippine Sports Commission (PSC), Philippine Olympic Committee (POC), National Sports Associations (NSAs), Philippine Basketball Association (PBA), Maharlika Pilipinas Basketball League (MPBL), PBA Developmental League (PBADL);

National Collegiate Athletic Association (NCAA), University Athletic Association of the Philippines (UAAP), Women’s National Basketball League (WNBL), National Basketball League (NBL), Samahang Basketbol ng Pilipinas (SBP);

Philippine Paralympic Committee (PPC), sa mga NSA pa rin tulad ng Philippine Cano Kayak Dragon Boat Federation, Philippine Weightlifting Association, Inc. (PWAI), Philippine Athletics Track and Field Association (PATAFA) at iba pa.

Gayundin sa Games and Amusements Board (GAB), Philippine Racing Commission (PHILRACOM) at iba pang mga sports organization.

4 treasure hunters na natabunan ng gumuhong lupa, pinangangambahang patay na – LGU

Posted on: September 2nd, 2020 by @peoplesbalita No Comments

Inihinto na ng rescue team ang kanilang operasyon para sa apat na mga menor de edad na na-trap sa gumuhong tunnel nitong Linggo ng umaga sa Purok 1, Brgy Kinamayan, Sto. Tomas, Davao del Norte.

Inihayag ni Sto Tomas City Administrator Atty. Eliza Evangelista-Lapena, sinumulan nitong Lunes ng umaga ang retrieval operation para sa mga biktima na sina Kayl Castaneres, Gerick Marquez, Dindo Panares, at Rustom Rancho na pawang mga residente ng Kapalong, Davao del Norte at umanon’y pawang mga menor de edad.

Napagdesisyunan umano ng Incident Command System at Emergency Medical Responders matapos ang kanilang assessement meeting kagabii at kinumpirma ng rescue team na wala nang signs of life sa ilalom ng gumuhong tunnel.

Inihayag ni Lapena na pinangangambahang patay na ang mga biktima makalipas ang 24 na oras na pagka-trap kung saan natabunan ang posibleng daanan ng hangin.

Una rito, gumuho ang tunnel alas-9:00 ng umaga ng Linggo ngunit ini-report lamang ng mga kasamahang treasure hunter ala-1:00 na ng hapon matapos hindi na nila makontrol ang sitwasyon.

Dagdag pa ni Lapena na nauna nang pinahinto ng barangay ang paghuhukay noong buwan ng Abril, pero palihim umanong pinagpatuloy.

PBA website na-hack din

Posted on: September 2nd, 2020 by @peoplesbalita No Comments

PINAKABAGONG na-hack ang Philippine Basketball Association (PBA) website na pba.ph makaraan ang ilan sa mga site ng pamahalaan kamakalawa o nitong Linggo.

Sinamsam ng pakialamerong grupong nagpakilalang Phantom Troupe ang mga ang mga personal na impormasyon ng mga basketball player at manager.

Ipinahayag ng mga hacker na nahirapan silang pasukin ang online ng propesyonal na liga dahil may nakakabit na pangontra sa hack, hindi katulad ng mga nasa gobyerno madali nilang nalooban dahil walang panlaban sa hackers

“I want to give some credit sa IT (information technology) ng PBA website. May in-apply silang pang counter sa hacker,” pahayag pa ng Phantom Troupe. “Pero still, nalusutan pa rin po naman kahit medyo nahirapan kami.”

Dinale ng mga hacker ang usernames, passwords, emails, cellphone numbers, addresses, social media accounts at iba pang mga detalye maaring magamit sa mas mataas na uri ng krimen.

Sinusubukan ng tropa ang kahinaan ng mga site at pinapasilip sa IT administration ang mga kakulangan pa sa kanilang mga system kaya hindi dapat pa mag-relaks at sa halip mag-level up pa. (REC)

33K college level na anak ng OFWs makatatanggap ng P30K tulong

Posted on: September 2nd, 2020 by @peoplesbalita No Comments

Magbibigay ang gobyerno ng one-time grant ng P30,000 na educational assistance sa mga kolehiyong anak ng overseas Filipino workers, ayon kay President Rodrigo Duterte.

“Ang tulong po sa edukasyon sa mga anak niyo nito is a one-time grant of P30,000. The project will be allotted with the amount of P1 billion which will benefit about 33,000 students from OFW families,” lahad ng Pangulo.

Ang iba aniyang detalye tungkol sa atulong pinansyal ay maaaring makalap sa CHED, Department of Labor and Employment, o sa Overseas Workers Welfare Administration.

Knott makakaabot ng Olympics – Juico

Posted on: September 2nd, 2020 by @peoplesbalita No Comments

KUMPIYANSA si Philippine Athletics Track and Field Association (PATAFA) chief Philip Ella Juico na magku-qualify sa 32^nd Summer Olympic Games 2021 sa Tokyo, Japan si sprint runner Kristina Knott.

Ito’y makaraang mag-silver medal sa Drake Blue Oval Showcase sa Iowa, United States nitong Sabado ng ng Fil-Am Kristina at giniba ang 33-year-old record ni Lydia de Vega-Mercado ng isang segundo sa pagtakbo ng 11.27 segundo at pumangalawa sa karerahan.

“Even more noteworthy given the very complex pandemic situation,” reaksiyon nitong Lunes ng opisyal. “To begin with, Kristina ‘had not raced enough,’ in the words of her sprint coach Rohsaan Griffin. Despite the lack of competitive races, PATAFA embarked on a hybrid skills and strength conditioning program.”

Hinirit pa ni Juico, “I am hopeful that with almost a year from Tokyo, the increasing number of competitions, the well-coordinated approach of Buzzichelli and Griffin, the single-minded determination of Kristina, and the forthcoming additional support of the PSC and PATAFA’s willingness to invest in all its athletes and coaches, Kristina may get a berth in both events.” (REC)

CBCP naglunsad ng adbokasiya para sa pananalig, pagkakaisa vs COVID-19 pandemic

Posted on: September 2nd, 2020 by @peoplesbalita No Comments

Hinikayat ng mga lider ng simbahan ang mga Pilipino na kumapit sa kanilang pananampalataya ngayong coronavirus disease 2019 (COVID-19) pandemic.

Sa ulat, inilunsad ng Catholic Bishops’ Conference of the Philippines ang bagong national campaign na “Yakapin ang Bagong Bukas (Embrace the New Tomorrow).”

Ito ay ang malawakang isang minutong pagkakampana sa buong bansa sa ganap na alas-6 ng gabi upang maging simbolo ng pananampalataya at pagkakaisa.

“[T]he sufferings, anxieties and uncertainties that have been brought about by this crisis will have disastrous consequences on the lives of individuals, families and communities and societies all over the world,” saad ni acting CBCP president at concurrently Bishop of the Diocese of Kalookan Pablo Virgilio David.

“But we can also make this crisis an opportunity that will bring out the best in us.”

23.9M stude naka-enroll na ngayong school year

Posted on: September 2nd, 2020 by @peoplesbalita No Comments

Nakapag-enroll na ang nasa 23.9 milyong estudyante ngayong paparating na school year sa gitna ng coronavirus disease 2019 (COVID-19) pandemic, ayon kay Education Secretary Leonor Briones.

Katumbas aniya ito ng 86.8 percent na nag-enroll noong nakaraang taon na mas mataas pa sa target na 80 percent.

“People were saying, especially the left and the opposition, that nobody will enroll because of COVID and they were calling for academic freeze kuno, but right now as of this morning abot na ng 23.9 million learners ang nag-enroll,” paliwanag ni Briones.

“Ang challenge na remaining are the learners from the private sector kasi 43 percent pa lang ang mga learners from the private sector ang nakabalik.”

“But we believe that with the opening of the economy, makakuha na ulit ng trabaho ang mga parents. Ang mga OFWs, may trabaho na sila, kasi karamihan ng OFWs usually send their children to private schools,” giit pa ni Briones. (Ara Romero)

MIYEMBRO NG “ALVAREZ CARNAPPING GROUP” 1 PA, TIMBOG SA SHABU AT BARIL

Posted on: September 2nd, 2020 by @peoplesbalita No Comments

ARESTADO ang dalawang umano’y sangkot sa illegal na droga kabilang ang aktibong miyembro ng “Alvarez Carnapping Group” na wanted din sa kasong robbery sa isinagawang buy-bust operation ng pulisya sa Valenzuela city.

Kinilala ni Valenzuela police chief Col. Fernando Ortega ang naarestong mga suspek na si Ericson Vistro, 25, ng Meycauayan, Bulacan at Leo Carroza, 52, ng 122 San Diego St. Rd. 1, I Marcelo, Brgy. Malanday.

Sa imbestigasyon ni PCpl Pamela Joy Catalla, bandang alas-9:30 ng gabi nang isagawa ng mga operatiba ng Station Drug Enforcement Unit (SDEU) sa pangunguna ni PSMS Renato Santillan kasama si PCpl Randy Canton at PCpl Redentor Pellesco sa ilalim ng pangangasiwa ni PLT Ronald Snachez ang buy-bust operation kontra kay Vistro sa Road 1 Lingahan, Brgy. Malanday.

Nang tanggapin ni Vistro ang P500 marked money mula sa pulis na nagpanggap na poseur-buyer kapalit ng isang sachet ng shabu ay siyang dinamba ng mga operatiba kasama si Carrazo.

Nasamsam sa mga suspek ang aabot sa 4 gramo ng shabu na nasa 27,200 ang halaga, isang revolver na kargado ng limang bala at isang basyo, buy-bust money P600 cash.

Kasabay nito, isinilbi din ng Intelligence Section sa pangunguna ni PCPT Marissa Arellano kay Vistro ang isang warrant of arrest sa kasong Robbery na inisyu ni Hon. Teresita Asuncion Rodriguez, Presiding Judge ng MTC Branch 82, Valenzuela city na may nirekomendang P24,000 piyansa para sa kanyang pansamantalang kalayaan.

Ani Col. Ortega, si Vistro ay aktibong miyembro din umano ng “Alvarez Carnapping Group” na na-ooperate sa lungsod. (Richard Mesa)

MGA PASAWAY SA HEALTH AT SAFETY PROTOCOLS SA BI, MAY KAPARUSAHAN

Posted on: September 2nd, 2020 by @peoplesbalita No Comments

NAGBABALA ang Bureau of Immigration (BI) na paparusahan ang kanilang empleyado o ang isang indibidwal na regular na pumapasok at nakikipag-transaksiyon sa kanilang tanggapan sa Intramuros, Manila na sumusuway sa health at safety protocols upang maiwasan ang paglaganap ng COVID-19.

Ayon kay Immigration Commissioner Jaime Morente ay matapos na nakatanggap siya ng mga ulat na may ilan na mga liaison officers sa mga BI accredited travel agencies at law offices na susmusway sa protocol at hindi dumadaan sa disinfection chamber bago pumasok sa kanilang tanggapan.

Dagdag pa dito ang ilang empleyado na hindi nagsusuot ng face masks, face shield at hindi sumusunod sa social distancing habang ang iba ay nagpupunta sa ilang tanggapan na isang paglabag sa office hopping.

Ang BI Chief ay inaprubahan ang rekomendasyon ng BI Administrative Division na pagbabawalan ng dalawang Linggo ang sinumang travel agent o law office representative na pumasok sa nasabing tanggapan na hindi dumadaan sa disinfection chambers habang sasampahan naman ng administratibo ang sinumang regular employees na hindi nagsusuot ng wear face mask, face shield, at hindi sumusunod sa social distancing, gayundin ang mga nag-office hopping.

Sususpendihin naman ng dalawang Linggo ang kanilang business ang sinumang empleyado ng mga concessionaires sa loob kung hindi susunod sa patakaran. (GENE ADSUARA )

French tennis player Benoit Paire, tinanggal sa US Open matapos magpositibo sa COVID-19

Posted on: September 2nd, 2020 by @peoplesbalita No Comments

Tinanggal sa listahan ng US Open player si Benoit Paire ng France matapos na ito ay magpositibo sa COVID-19.

Nakatakda sana nitong makaharap si Kamil Majchrzak ng Poland sa first round ng nasabing tennis tournament.

Dahil sa ito ay papalitan siya ni Marcel Granollers ng Spain.

Base sa natanggap na impormasyon ng organizer na nagpositibo sa COVID-19 ang ranked 22 na si Paire habang ito ay nasa New York.

Dapat rin aniya na ang mga asymptomatic na manlalaro ay sundin ang health and safety protocols na ipinapatupad ng estado at ang tournament.