2020 September 05 Archive - People's Balita

July 3, 2024
Search in People's Balita
Ang Diyaryong Pinagkakatiwalaan

Archive for September 5th, 2020

Isolation facilties ng Valenzuela, dinagdagan ng DPWH, IATF

Posted on: September 5th, 2020 by @peoplesbalita No Comments

LUBOS na nagpasalamat si Valenzuela City Mayor Rex Gatchalian sa Department of Public Works and Highways (DPWH) at Inter-Agency Task Force for the Management of Emerging Infectious Diseases (IATF) sa pagpapatayo ng isa pang isolation facility lungsod.

Ani Gatchalian ang pasilidad na matatagpuan sa Arkong Bato ay magsisimula nang paganahin sa susunod na lingo.

Ang nasabing pasilidad ay madaragdag sa 1,000 kama para sa COVID-19 patients na pinagagana ng lungsod.

Ang unang isolation facility na nagawa na ng DPWH para sa Valenzuela ay may 40 kama.

Samantala, bilang karagdagang pag-iingat sa pagkalat ng COVID-19, ang Sangguniang Panlungsod ng Valenzuela ay nagpasa ng ordinansa na nagsusulong ng maingat na pagtatapon ng mga gamit na face mask at face shield.

Bago ang araw ng koleksyon ng basura, ang mga gamit na face mask at face shield ay dapat munang i-disinfect gamit ang chlorine-based solution.

Ang mga ito ay dapat itapon sa dilaw na garbage bag o sa kahit anong kulay na garbage bag na may nakasulat na “infectious waste” pagkatapos ma-disinfect.

May karampatang multa ang mga mapapatunayang lalabag sa nasabing ordinansa. (Richard Mesa)

DENR: White sand sa Manila Bay makatutulong laban sa nagkakalat ng basura

Posted on: September 5th, 2020 by @peoplesbalita No Comments

Makakatulong ang paglalagay ng synthetic white sand sa Manila Bay para hindi na magkalata at magtapon ng basura ang mga tao, ayon kay Department of Environment and Natural Resources (DENR) Undersecretary Benny Antiporda.

Ito ang naging pahayag ni Antiporda makaraang batikusin ang paglalagay nito imbes na inilaan na lang sana ang pondo sa mga nangangailangan ng tulong ngayong may coronavirus disease 2019 o COVID-19 pandemic.

“If you are going to look at it, pag may kulay puti po, ayaw nating marumihan ito,” saad ni Antiporda sa isang panayam.

“Information campaign rin po ito na kailangan pangalagaan ang Manila Bay, na huwag natin itong dumihan. Tuloy tuloy po ang paglilinis natin, but sad to say, may mga pasaway pa rin po na nagkakalat diyan ng basura, nagtatapon sa dagat,” dagdag pa nito.

Sinabi pa ng opisyal ng DENR na ang inisyatibo sa white sand ay parte ng P389 milyon Manila Bay beach nourishment project.

“Mga dalawang taon na po mula nang nagsimula ito, nung desilting, nung ating tanggalin ang mga burak sa ilalim, linisin iyong buong dagat. May mga gulong pa sa ilalim na narecover, natanggal na po ito at nilagyan na po ng buhangin. Supposedly black sand po iyan, naging white sand po,” giit pa ni Antiporda.

“Itong beach nourishment project, hindi po white sand ang kabuuan. At there is engineering intervention in place so the sand can withstand strong current, strong waves coming from the sea,” paglalahad pa nito.

Ayon pa sa opisyal, ang nasabing proyekto kabilang na ang operasyon sa sewage treatment plant ay nakatulong sa kalidad ng tubig sa Manila Bay mula sa pagkakaroon nito ng 1.3 bilyong coliform kada 100 milliliter ng tubig na ngayon ay nasa 700 coliform kada 100 milliliter ng tubig.

“Ang target po is 200 coliform per 100 milliliter by the end of the year para maging safe po ito sa ating mga kababayan sakali pong lumangoy sila diyan,” ani Antiporda.

Sa kabila nito, sinabi ni Antiporda na hindi pa ligtas na languyan ang Manila Bay.

“Hindi po pa puwede kasi iaayos po natin ang coliform level ng tubig para masigurado na safe na languyan,” ayon pa kay Antiporda.

70% ng PH COVID-19 cases gumaling

Posted on: September 5th, 2020 by @peoplesbalita No Comments

Gumagana ng maayos ang healthcare system ng bansa, patunay na rito ang umanoy pagtaas ng bilang ng mga gumagaling sa coronavirus disease ayon kay Secretary Carlito Galvez Jr., chief implementer ng National Policy Against COVID-19.

Ipinagmalaki ni Galvez ang datos noong Setyembre 2 na nagpapakita na 158,610 o 70 porsyento ng kabuuang pasyente sa COVID-19 ang nakarekober.

“Ipinapakita din nito na kahit wala pang bakuna, kayang-kaya po natin na mapataas ang bilang ng ating recoveries at maibaba ang case fatality rate (It also shows that even without the vaccine, we can manage to increase the number of our recoveries and slow down the case fatality rate),” ani Galvez.

Nitong Setyembre 3 ay umabot na sa 228,403 ang COVID-19 cases sa Pilipinas kung saan 64,207 dito ang aktibong kaso.

Sa mga aktibong kaso naman 90.8 percent ang mild, 6.7 percent ang asymptomatic, 1.0 percent ang severe, at 1.4 percent ang critical. (Bishop Jesus “Jemba” M. Basco)

NAG-IWAN NG MATANDANG BABAE, HAWAK NA PULIS

Posted on: September 5th, 2020 by @peoplesbalita No Comments

HAWAK na ng Manila Police District Special Mayor Reaction Team o MPD Smart ang ilang indibidwal na sinasabing nang iwan sa isang matandang babae sa MacArthur Bridge sa Maynila.

Ayon kay P/Major Jhun Ibay, hawak nila ngayon ang isang Emerita Desilio at Efraim Tan Yap.

Depensa naman ni Desilio, napag-utosan lamang siya na alagaan at dalhin sa isang center ang matandang babae na si Fulgencia Tan, 76-anyos .

Ngunit desperado na at wala na ring magagawa dahil nagtitinda lamang ito ng sampaguita kaya iniwan na lamang niya ang matanda sa ilalim ng tulay na may sapin lamang na karton.

Dahil nakarating sa tanggapan ni Manila Mayor Isko Moreno, agad itong pinaaksyunan sa Manila Department of Social Welfare na ngayon ay nasa kanila nang pangangalaga.

Ayon naman kay Tan Yap, pamangkin ni Lola Fulgencia, abandonado na ang kanyang tiyahin.

Ang kanyang tiyuhin ay namatay na at walang anak si Lola Fulgencia.

Ayon kay Ibay, inihahanda na ang isasampang kaso sa mga naarestong nag-abandona sa matanda. (GENE ADSUARA)

Tuloy ang laban para kay Amit

Posted on: September 5th, 2020 by @peoplesbalita No Comments

ANIM na buwan sa linggong ito ang Coronavirus Disease 201919, pero tuloy pa rin ang buhay para kay 2019 Philippine Southeast Asian Games billiards double gold medalist Rubilen Amit.

Maalaga ang ang two-time World Pool Billiard Association (WPA) world women’s 10-ball champion sa kaisipan, sa katawan at sa ispirituwal.

“This pandemic mostly attending mental wellness zoom MWF (Monday-Wednesday-Friday) led by Gang Badoy of RockEd: Project Steady,” namutawi sa ng 38-taong-gulang, 4-11 ang taas at isinilang sa Mandaue City. “Then trying to learn new things thru Youtube.”

Hindi puwedeng lumiban ang residente ng Taguig City na national athlete ang pagtumbok sa mesa lalo’t ito nagpaupo sa kanya sa trono bilang reyna sa mundo noong 2009 at 2013 ng 10-ball.

“I practice biliards from time to time. Also focusing on spiritual aspect of my life rin,” dagdag na saad ni Amit.

Sa pagwawakas, binaggit niyang malamang na wala na siya at mga kasamahan na mga paligsahan sa natitirang mga buwan ng taon at sa halip ay sa susunod na taon na lang. (REC)

Badyet sa bubble inaaral – Marcial

Posted on: September 5th, 2020 by @peoplesbalita No Comments

PAG-UUKULAN nang malaking halaga ang ligtas na kukuning bubble venue ng Philippine Basketball Association (PBA) kapag muling binuksan ang 45^th Philippine Cup 2020 sa papasok na buwan.

May limang hotel ang kinukunsiderang bubble ng propesyonal na liga ang nagbigay ng presentasyon kay Commissioner ilfrido ‘Willie’ Marcial.

“Iko-consider namin lahat ng proposals, then saka kami gagawa ng presentation sa Board in the next meeting,” pahayag ng opisyal nitong Biyernes.

Ang mga pinagpilipian ay ang Clark sa Angeles City, Subic Freeport Zone sa Olongapo City, Inspire Sports Academy sa Calamba City, Big Dome sa Quezon City at Baguio City.

Dinagdag ng komisyoner na pinakamaagang itatagal ng bubble ang dalawang buwan kaya inaaral pa ang malaking gastos.

Bukod sa eksklusibong pagggamit sa playing venues at gyms, may akomodasyon pa sa hotel na para sa 350-400 personnel na kabibilangan ng players, coaching at support staffs, TV crews at mga tauhan ng liga.

Bokya sa kita ang liga mula nang itinigil ang season-opening conference nitong Marso 11 dahil sa coronavirus disease 2019.

“’Yun ang pag-uusapan pa, ang gastos,” hirit ni Marcial. “Baka hindi kayanin lahat ng PBA, kaya baka mag-share sa gastos ang teams.”

Una rin sa bubble venue ang medical facilities na malapit dito para may pagdadalahan agad sakaling may maaksidente, may ma-injury o magka-COVID-19.

“Hangga’t maaari, ayaw naming lumabas pa ng site o complex para sa immediate medical attention at saka less ang risk of infection kesa kung mahaba biyahe ng pasyente,” pang wakas ni Marcial. (REC)

Mga Pinay baller tampok sa WNBL

Posted on: September 5th, 2020 by @peoplesbalita No Comments

BIBIGYAN ng pansin ng Women’s National Basketball Leagueb (WNBL) sa unang taon ang pagpaparada sa mga purong Pinay basketbolista.

“Both NBL (National Basketball League) and WNBL are strictly for all Pilipino players because my point in putting up WNBL, I have always believed even during my pro league days that there’s a surplus of women players in the Philippines,” deklarasyon kamakalawa ni NBL executive vice president Rhose Montreal.

Dinugtong ng opisyal, “So I might as well give them the exposure and then getting imports or getting Pil-Fors to play will come later I guess but what I really wanted for the first season is that it’s going to be an All-Pilipina composition for WNBL.”

Masaya ang naging tugon ni Gilas Pilipinas women’s basketball cagers Maria Beatrice ‘Bea’ Daez-Fabros at Danica Therese Jose sa pagpasok ng WNBL na binasbasan ng Games Amusements Board sa nakalipas bilang bagong propesyonal na liga sa bansa.

“I hope that this league will be very much sustainable and it really opened a lot of doors to Pilipina ballers now that the league is here,” reaksiyon nang naglaro sa Ateneo de Manila University Lady Eagles sa University Athletic Association of the Philippines (UAAP).

Dinagdag naman ng dating University of the Philippines Lady Maroons playmaker na si Daez-Fabros: “I think it’s a dream come true for all of us female ballers.”

Balak din ng liga na mag-rookie draft sa susunod na buwan. (REC)

PAGAWAAN NG PEKENG TRAVEL. SWAB TEST RESULT NABUKING

Posted on: September 5th, 2020 by @peoplesbalita No Comments

NABISTO ang isang pagawaan ng pekeng mga dokumento gaya ng IATF ID,quarantine pass, travel authority pass,medical certificate ,swab test at rapid test results mula sa Manila Health Department (MHD) sa isinagawang pagsalakay,kahapon ng umaga sa Sta.Cruz,Maynila.

Kinilala ni PLt.Col John Guiagui,station commander ng Manila Police District-Police Station 3 ang suspek na si

Marilyn Balagtas, 40, na siya umanong nagpapatakbo ng pagawaan ng pekeng dokumento na matagpuan sa panulukan ng Sulu at Remigip Sts. sa Sta.Cruz,Maynila.

Sinalakay umano ang lugar dakong alas 5-ng umaga matapos ang entrapment operation kung saan nasamsam ang mga

computer, printers, at iba’t ibang klaseng mga dokumento na iniimprenta ng suspek.

Sinabi ni Guiagui, natunton nila ang lugar matapos silang may masita ang isang lalaki na may bitbit na pekeng travel authority mula umano sa kanilang istasyon.

Dito na itinuro ng lalaki na di na pinangalan kung saan siya nagpagawa ng pekeng dokumento na binayaran umano niya ng P300.

Nalaman na ang pagawaan ng.mga pekeng dokumento ay dinarayo pa ng mga nagpapagawa.mula sa iba’t ibang lugar.

Kaugnay nito,sinabi ni Balagtas na pinapa-scan lang sa kanya ng mga customer ang mga dokumento at taga-imprenta lang siya.

Sinampahan naman ng kasong falsification and use of falsified document si Balagtas sa Manila Prosecutors Office. (GENE ADSUARA)

PFL team sisipa na sa ensayo

Posted on: September 5th, 2020 by @peoplesbalita No Comments

MAY tatlong Philippine Football League (PFL) team ang magbabalik-praktis na bilang unang hakbang ng liga para sa nalalapit na pagbubukas ng ikaapat na edisyon sa taong ito.

Ang grupo na mga atat nang mag-training camp ayon kamakalawa kina Philippine Football Federation (PFF) presidet Mariano Araneta Jr. at PFL commissioner Mikhail Torre, ay ang United City Football Club, Kaya Football Club at Stallion Football Club.

“They are all looking forward to the resumption of training,” ani Araneta, na siya ring chef-de-mission ng bansa para sa 32^nd Summer Olympic Games 2021 sa Tokyo, Japan.

Ginarantiyahan naman naman ni Torres na nasa ligtas na lugar at kondisyon ang mga manlalaro kikilos.

“It’s a matter of reminding them about the safety of the players and the safety of the venue,” sambit niya.

Pinayuhan ang dalawang organisasyon at opisyale ni Games and Amusement Board chairman Abraham Kahlil Mitra para sa safety protocols na paiiralin sa training camp.

“Each club has their own responsibility to make sure that the players are following safety protocols,” wakas ni Torre. (REC)