2020 October 29 Archive - People's Balita

December 22, 2024
Search in People's Balita
Ang Diyaryong Pinagkakatiwalaan

Archive for October 29th, 2020

Pagbati bumuhos sa pagreretiro ni UFC champion Khabib Nurmagomedov

Posted on: October 29th, 2020 by @peoplesbalita No Comments

BUMUHOS ang pagbati sa desisyon na pagreretiro ni UFC fighter Khabib Nurmagomedov.

Isinagawa nito ang pagreretiro ng talunin niya si Justin Gaethje sa UFC 254 na idepensa ang kaniyang lightweight title.

Mayroon na itong malinis na career record na 29-0.

Isa sa dahilan ng pagreretiro niya ay matapos na pumanaw ang ama nito na si Abdulmanap noong Hulyo dahil sa COVID- 19. Isa kasing trainor at coach nito ang ama at ayaw na niyang lumaban dahil sa pagkawala ng ama.

Ilan sa mga nagbigay ng pagpupugay ay si Conor McGregor na nagsabing maganda ang peformance na ipinakita ni Khabib.

Tinalo kasi ni Khabib si McGregor noong 2018.

Tinawag naman na Jon Jones na isang makasaysayang fighter si Khabib.

Nagpahayag din ng pagpupugay sina UFC heavyweight champion Stipe Miocic, British fighter Darren Till.

PDu30, muli na namang dinepensahan si Sec. Duque

Posted on: October 29th, 2020 by @peoplesbalita No Comments

SA hindi na mabilang na pagkakataon ay muli na namang ipinagtanggol ni Pangulong Rodrigo Roa Duterte si Health Secretary Francisco Duque III.

Nahaharap kasi si Sec. Duque sa alegasyon ng korapsyon.

Si Duque, chairman ng board of state medical insurer PhilHealth kung saan ang mga opisyal ay inakusahan sa Senate hearing ng pambubulsa ng P15 billion ng state funds.

Sinabi ng isang whistleblower na si Sec. Duque di umano ang “Godfather” ng PhilHealth mafia.

“Si Duque, walang nanakaw kung pera ang pag-usapan. Maybe some other things, there might be some other thing pero corruption, pera? Wala,” ayon kay Pangulong Duterte.

Binasura naman ni Pangulong Duterte ang makailang ulit na panawagan na magbitiw na sa puwesto ang Kalihim.

“For what? Secretary Duque was not a part of PhilHealth. As a matter of fact, he was not even reporting,” ayon sa Pangulo.

Si Duque, isa ring PhilHealth board chair ay kabilang sa mga opisyal na inirekomenda ng Senado na sampahan ng kasong irregularities sa state insurance agency

Sa kabila ng paulit-ulit na pagtatanggol ni Pangulong Duterte kay Sec. Duque, sinabi ng Malakanyang na nananatiling “open-minded” ang Chief Executive

“As a lawyer, he (Duterte) is also open-minded to the fact na mayroon siyang binuong task force, mayroon po talagang kapangyarihang mag- imbestiga ang Senado at kung mayroon pong ebidensya, titingnan ni Presidente ang ebidensya,” ang pahayag ni Sec. Roque.

“By way of precedent with the Morales incident, hindi niya ina-absolve, hindi niya dini-discourage ang mga pag-iimbestiga,” aniya pa rin.

Sa kabilang dako, nagpahayag naman ng kumpiyansa si Pangulong Duterte kay dating PhilHealth president at CEO Ricardo Morales subalit sa kalaunan ay hiniling niya rito na magbitiw dahil sa alegasyon ng korapsyon na nalantad sa Senate investigation. (Daris Jose)

‘SINISTER’, THE SCARIEST MOVIE ACCORDING TO VIEWERS’ HEART RATES

Posted on: October 29th, 2020 by @peoplesbalita No Comments

WE have different tastes in horror movies.

Some people need a compelling story to go with the scares, while others just appreciate the thrills and tons of jump scares. Some would enjoy the gore, and others would prefer to skip them.

This is why naming the scariest movie of all time will probably conjure a lot of debates. But through a science experiment, one horror movie rose above the others, and it is the 2012 film Sinister.

This film by Scott Derrickson follows the true- crime writer Ellison Oswalt who is desperate to release the next bestseller. He gets obsessed with a series of family murders and child kidnappings and vows to solve it. But when he finds a box of films featuring the families’ deaths, he would realize that a sinister supernatural force is at play here– and his fam- ily might just be the next victims.

So how did the experiment name Sinister as the scariest film? BroadBand Choices –a tool that compares broad- band deals– conducted The Science of Scare project and came up with that conclusion.

First, they rounded up the 50 scariest films based on critic’s lists and Reddit recommendations. Then with a 5.1 surround sound setup, they showed the films to 50 people whose heart rates are being monitored. Sinister gave the viewers’ hearts the highest BPM (beats per minute) while watching the movie; specifically 86 BPM which is far from the average 65 BPM heart rate.

In second place is James Wan’s Insidious which also topped the charts when it comes to jump scares, fetching the highest spike from the viewers’ heart rates. It is followed by the films The Conjuring, Hereditary, Paranormal Activity, and It Follows.

Check out the full list. (ROHN ROMULO)

Pagbili ng mga bagong sasakyan ng DepEd, walang mali -Sec. Roque

Posted on: October 29th, 2020 by @peoplesbalita No Comments

PARA sa Malakanyang ay walang mali sa ginawang pagbili ng Department of Education ng mahigit na 166 bilang ng mga bagong sasakyan, kabilang na ang 88 truck.

Ang katwiran ni Presidential spokesperson Harry Roque ay matagal na itong planong bilhin ng pamahalaan.

“Lahat ng napo-procure sa taong itong eh, matagal na iyong nasa drawing board. Itong pagbili ng transportasyon ng DepEd, 2016 pa iyan na-identify na pangangailangan ng DepEd at ngayon lang iyan nabili nga ano pero iyan ay included sa 2019 budget,” ayon kay Sec. Roque.

Bago pa aniya dumating ang pandemya ay naaprubahan na ang nasabing budget.

Naniniwala si Sec. Roque na mahalaga rin ang mga sasakyan para magamit ng DepEd engineers na gumagawa at nag- iinspeksyon ng mga classroom, maging para sa module distribution.

Bukod pa sa gagamitin din aniya ito ng regional offices ng DepEd para makaikot sa mga komunidad ngayong panahon ng pandemya. (Daris Jose)

NCR at 6 na lugar, mananatili sa ilalim ng GCQ

Posted on: October 29th, 2020 by @peoplesbalita No Comments

MANANATILI sa General Community Quarantine (GCQ) ang National Capital Region, Batangas, Iloilo City, Bacolod City, Tacloban City, Iligan City at Lanao del Sur.

Ito ang inihayag ni Pangulong Rodrigo Roa Duterte sa kanyang taped message para sa bagong quarantine classification para sa Nobyembre 1 hanggang 30.

Sinabi ni Pangulong Duterte na ang mga panukalang proposed community quarantine classifications ay nananatiling ‘subject to appeal’ mula sa concerned local government units.

Nauna rito, kinumpirma ni Presidential Spokesperson Harry Roque na pupulungin ni Pangulong Duterte sa Davao City ang mga miyembro ng Inter-Agency Task Force on Emerging Infectious Diseases (IATF) para talakayin ito.

Aniya, rerepasuhin ng IATF ang rekomendasyon ng mga mayor ng Metro Manila na panatiliin sa GCQ ang Metro Manila hanggang sa katapusan ng taon.

Umiiral ang GCQ sa NCR mula pa noong Hunyo.

Samantala, mas marami nang negosyo at establisimyemento ang pinayagang mabuksan bilang bahagi ng unti-unting pagbubukas ng ekonomiya. (Daris Jose)

Del Monte, Roosevelt baka mayroong ibang paraan na mabigyan ng parangal si FPJ nang walang paglabag sa batas

Posted on: October 29th, 2020 by @peoplesbalita No Comments

SA unang public consultation ng Committee on Tourism ng Quezon City Council tungkol sa resolution na imbes na Del Monte Avenue ay Roosevelt Avenue na lang ang gawing FPJ Ave ay nagpadala ng pahayag ang National Historical Commission kay Chairperson Coun. Candy Medina na nagsasabing THE PROVISIONS OF REPUBLIC ACT NO.10066 (National Cultural Heritage Act of 2009) THAT FORBIDS THE RENAMING OF DEL MONTE AVENUE IN QUEZON CITY, ALSO APPLIES TO ROOSEVELT AVENUE. Dagdag pa dito na BY VIRTUE OF ITS LONG USAGE AND BEING MORE THAN 50 YEARS OLD, ROOSEVELT AVENUE IS CONSIDERED A HISTORICAL STREET NAME AS PER RA10066, AND THEREFORE IT CANNOT BE RENAMED. Nilagdaan ito ni Dr. Rene Escalante, Chairman.

Upang mabasa ang kabuuang sulat ay nakapost po ito sa LCSP dahil ito naman ay ipinamahagi noong public hearing at nasa record na ng committee. Ibig sabihin DEL MONTE MAN O ROOSEVELT AYON SA BATAS AY HINDI DAPAT PALITAN.

Pero bakit may panukala pa rin na Roosevelt “na lang” ang palitan imbes n sa Del Monte. May political commitment ba dito at kahit mismong batas ay kayang palusutan para dito? Magiging masaya kaya si FPJ na ipangalan sa kanya ang isang kalsada samantalang may pag LABAG SA BATAS?

Bakit hindi tayo maghanap ng karangalan para kay DA KING na hindi mamamantsahan ang kanyang pangalan. Wala na bang ibang paraan? May mungkahi po ako na baka po mapakinggan at makatulong sa ating mga konsehal.

Sa Kongreso ay binawi na nila Cong. BH Herrera at Cong Onyx Crisologo ang pagsuporta sa Del Monte na mapalitan to FPJ matapos na inayawan ito ng mga taga Del Monte mismo. Marahil ay pwedeng bawiin ang MISMONG BILL at hindi lang ang pagsuporta dito. Mahalaga ang pagbawi ni Cong. Crisologo dahil Distrito niya mismo ang usapin dito.

Kaya habang hindi pa naipapasa sa Senado ay bawiin na sa House of Representatatives kung maaari. Pag walang House version ay hindi maaring maging batas DEL MONTE O ROOSEVELT man ang palitan. Pero hanggat may pasadong Bill sa House at naipasa ito sa Senado at pinalitan ang Del Monte ng Roosevelt ay maaring maihain sa Presidente at malagdaan upang maging batas. Pero teka anong silbi ng sinabi ng National Historical Commission na labag sa batas ito?

Wala bang bigat ang opinyon ng National Historical Commission para sa mga mambabatas natin?

Marahil ay hindi naman ganoon ang mangyayari kung may ibang paraan para mabigyang parangal si FPJ ng hindi lalabag sa batas. Ilang mungkahi ay pagpapangalan sa isang paaralan ng FPJ High School of Arts.

O kaya ay isang monumento katulad sa Maynila o kalyeng wala pang pangalan na ginagawa ng DPWH sa build build build program nila. O kaya ay yung mga kalsada sa “numero” o “generic” ang mga pangalan. Maaring konsultahin ulit ang NHCP at ang mga taga West Avenue.

Dahil yun dating South Avenue ay ginawang Timog Avenue? Wala sino man ang tututol na bigyan parangal si DA KING pero dapat naayon sa batas. Dahil mismo si FPJ ay hindi papayag sa gawaing ILLEGAL. Ngunit kung sasagasaan lang ang ano mang kalye for “political accomodation” o pangakong pulitikal, marahil ay hindi parangal kay FPJ ang nais gawin kundi pamumulitika? (Atty. Ariel Enrile-Inton)

PH Football League, tuloy na ang pagsisimula matapos maantala dahil kay Quinta

Posted on: October 29th, 2020 by @peoplesbalita No Comments

TULOY na tuloy na ang pagsisimula ng bagong season ng Philippine Football League (PFL) sa araw ng Miyerkules sa PFF National Training Center sa Carmona, Cavite.

Nakansela ang nasabing pagsisimula ng bagong season nitong Linggo dahil sa pananalasa ng bagyong Quinta.

Kasama rin na nagpaantala ng pagsisimula ay ang pagpositibo sa coronavirus ng ilang mga manlalaro.

Dahil dito ay sumailalim sa antigen test ang mga manlalaro, coaches at staff sa Seda Nuvali, Santa Rosa, Laguna na lumabas na negatibo sila lahat.

Tiniyak naman ni Philippine Football Federation (PFF) president Mariano “Nonong” Araneta na masusunod ang health and safety protocols kapag tuluyan ng magsimula ang liga.

NBA TARGET ANG MULING PAGBABALIK SA DEC. 22

Posted on: October 29th, 2020 by @peoplesbalita No Comments

UNTI-UNTI nang inilalatag ng NBA ang pagsisimula ng kanilang 2020-2021 season sa pamamagitan nang pagbubukas sa Dec. 22 ng taong kasalukuyan.

Ang naturang impormasyon ay ipinaabot na rin ng liga sa mga Board of Governors.

Sinasabing magkakaroon ng 72-games kung saan mauuna ang mga laro, tatlong araw bago ang kapaskuan.

Gayunman kailangan pa rin daw na ikumpirma ang petsa dahil sa kokunsultahin din ang National Basketball Players Association.

Kung maalala kamakailan lamang ay namayani ang Los Angeles Lakers sa championship game kontra sa Miami Heat sa pamamagitan ng isinagawang NBA bubble sa Florida.

Hindi pa rin lusot ang mga board members dahil magkakaroon ng hiwalay na asunto laban sa mga ito

Posted on: October 29th, 2020 by @peoplesbalita No Comments

INAPRUBAHAN na ng House Committees on Public Accounts at Good Government and Public Accountability ang committee report ng ginawang imbestigasyon patungkol sa isyu ng graft and corruption sa PhilHealth.

Ayon kay Public Accounts Chairman Mike Defensor, aprubado na ang committee report “subject to amendments” dahil ipapasok pa ang mga irerekomendang panukala ng mga mambabatas para sa pagsasaayos ng sistema ng PhilHealth.

Kasama sa mga rekomendasyon ay ang pagsasampa ng kasong kriminal kina Health Secretary Francisco Duque III at dating PhilHealth President Ricardo Morales dahil sa iligal na pagre-release ng pondo sa sinuspindeng Interim Reimbursement Mechanism (IRM).

Kasama rin sa mga pinakakasuhan sina Labor Secretary Silvestre Bello III, Social Welfare Secretary Rolando Bautista, Budget Secretary Wendel Avisado, Finance Secretary Carlos Dominguez III dahil ang mga ito ay miyembro ng PhilHealth board.

Bago ang nangyaring pag-apruba sa committee report ay nagkaroon muna ng botohan sa omnibus motion ni Good Government and Public Accountability Chairman Jose Antonio Sy-Alvarado kung saan inaabsuwelto ang PhilHealth Board members sa lahat ng mga kasong isinampa ng mga komite laban sa PhilHealth.

Kabilang dito ang pag-absuwelto sa mga miyembro ng PhilHealth board sa implementasyon ng All Case Rate System.

Ang mga kasapi naman ng executive committee na pangunahing in-charge sa pagpapatupad ng all case rate system ang siyang makakasuhan.

Sinabi naman ni Defensor na hindi pa rin naman lusot ang mga board members dahil magkakaroon naman ng hiwalay na asunto laban sa mga ito.

Magkagayunman, ibinasura ng panel ang mosyon kasabay ng pag-apruba sa committee report na isasalang pa sa amendment. (Ara Romero)

2 criminology students kulong sa P120K marijuana

Posted on: October 29th, 2020 by @peoplesbalita No Comments

REHAS na bakal ang kinasadlakan ng dalawang criminology student matapos masakote sa buy-bust operation at mahulihan ng higit P.1 milyon halaga ng pinatuyong dahon ng marijuana sa Caloocan City, kahapon ng madaling-araw.

Kinilala ni Northern Police District (NPD) P/Brig. Gen. Ronaldo Ylagan ang mga naaresto na sina Sebastine Kyle De Leon, 20, 345 Batasan St., Brgy137 Zone 12, Balut, Tondo, Manila; at Nazzer Meraji, 22, ng 584- 110 San Andres, Brgy 704, Zone 77, Malate, Manila.

Ayon kay Gen. Ylagan, nadakip ang dalawa ng mga operatiba ng District Drug Enforcemen Unit (DDEU) sa pangunguna ni P/Capt. Ramon Aquiatan Jr. sa isinagawang buy- bust operation sa harap ng of Mercury Drug Store sa Bonifacio Monument Circle, sa kahabaan ng EDSA, Caloocan City bandang ala-1 ng madaling-araw.

Nakumpiska sa mga suspek ang tinatayang isang kilo ng pinatuyong dahon ng marijuana na nagkakahalaga ng P120,000, buy-bust money na kinabibilangan ng isang tunay na P1,000 bill at 29 piraso ng P1,000 boodle boodle money, isang cell phone at isang pulang bag.

Mahaharap ang mga suspek sa kasong paglabag sa Comprehen- sive Dangerous Drugs Act of 2002. (Richard Mesa)