Umapela ng pondo ang Department of Health (DOH) sa pamahalaan para sa pagsasa-ayos ng kanilang mga pasilidad at ospital sa Bicol region na sinalanta ng mga nagdaang bagyo.

Ayon kay Health Sec. Francisco Duque III, aabot sa P290-million ang kakailanganing pondo para maayos ang pinsalang idinulot ng sunod-sunod na bagyo sa kanilang mga pasilidad.

Kabilang na dito ang DOH-Center for Health Development-Bicol, Retained Hospitals at Treatment and Rehabiltation Centers, LGU Hospitals, Rural Health Units at Barangay Health Stations.

“One of the priorities is to repair the damage of isolation and quarantine facilities sa probinsya ng Albay, Camarines Sur, Camarines Norte aabutin ng P11.2-million,” ani Duque sa situatioin briefing kasama si Pangulong Rodrigo Duterte nitong Linggo.

“We need the money right away kasi this is a basic service thar needs immediate attention and repair is in order.”

Nakapamahagi na raw ang ahensya ng P40-million na halaga ng logistical assistance sa anim na probinsya ng rehiyon, pati na sa Naga City. Ilan sa kanilang ipinamahagi ay mga gamot, hygiene kits, at collapsable water containers.

Naambunan din ng tulong ng nasabing pondo ang mga pasilidad tulad ng Bicol Regional Training Teaching Hospital, Bicol Medical Center, at Bicol Region General Hospital and Geriatric Medical Center.

“Marami na rin tayong nagawa for post-disaster in areas of public health and medical services, nutrition complementing DSWD, and also water and sanitation hygiene services for affected communities, and mental health and psychosocial services.”

Tiniyak ng Health secretary na may sapat din na supply ng gamot ang rehiyon para sa mga binabantayang sakit tuwing panahon ng tag-ulan tulad ng leptospirosis, at iba pang communicable diseases.

Hinimok naman ni Pangulong Duterte ang mga ahensya ng pamahalaan na bilisan ang proseso ng paglalabas ng mga kailangang pondo sa pagbangon ng mga sinalanta ng mga nagdaang bagyo.

“Ang problema lang historically is that government moves slowly, especially the national government… So itong pangyayari, kung mabilisan ninyo, cut the time to something like half or more than.”

Lumagda ang Department of Transportation (DOTr) sa isang kasundaan sa pagitan ng mga kumpanya tulad ng SM Prime Holdings, DM Wesceslao and Associates Inc., at Double Dragon Properties Corp. para sa pagtatayo  ng EDSA busway bridges.

Ang mga bridges ay magkakaron ng concourse na poponduhan ng tatlong nasabing kumpanya. Ito ay magbibigay ng ligtas, maginhawa, at PWD-friendly walkways para sa mga pasahero na gagamit ng EDSA busway stations at ganon din sa mga pedestrians na tatawid ng EDSA.

Magkakaron ng structures na itatayo sa mga strategic locations tulad ng SM Mall of Asia, SM North EDSA, SM Megamall, Macapagal Boulevard sa Aseana City at sa kanto ng EDSA at Macapagal Avenue.

“I underscored the benefits of the facilities and expressed gratitude to the government and private sector partners who have greatly contributed to the project’s realization. This is a very good project with state-of-the art facility of the EDSA Busway Bridge and Concourse,” wika ni DOTr Secretary Arthur Tugade.

Ayon pa rin kay Tugade, ang EDSA bridges ay laking ginhawa sa mga kababayan natin lalo na sa mga senior citizen, may mga kapansanan, at mga buntis sapagkat hindi na sila mahihirapan na mag-akyat-baba sa paggamit ng busway. Malaking bagay din ito para siguraduhing ligtas ang pagtawid at pagsakay ng mga pasahero.

Target ng DOTr na simulant ang proyekto sa susunod na dalawa (2) hanggang tatlong (3) buwan kapag natapos na ang detailed engineering design at nakuha na ang iba pang kailangan permit.            Inaasahang matatapos ang pagtatayo loob ng walong (8) buwan.

Ayon naman kay busway advocate na si Eduardo Yap na ang EDSA bridges ay magkaakaron ng concourse, state-of-the-art architecture na may concierge, ticketing booths at turnstiles para sa automated fare collection system.

Magkakaron din ng ramps at elevators upang gamitin at mabigyan ng accessibility ang mga PWDs, senior citizens, at mga buntis.

Samantala, ang EDSA busway ay isang sistema na gumagamit ng median lane para sa mga Public Utility Buses (PUBs) na tumatakbo mula Monumento sa Caloocan hanggang SM Mall of Asia sa Pasay City sa pagtutulungan ng mga ahensya ng pamahalaan tulad ng Metro Manila Development Authority (MMDA), Department of Public Works and Highways (DPWH), at Land Transportation Franchising and Regulatory Board (LTFRB).

Dahil dito ang EDSA busway ay nakatulong upang mabawasan ang travel mula sa dating 3-3.5 oras mula Monumento papuntang PITX, kung saan ito ay naging 1 oras at 40 minuto na lamang.

“The project will significantly improve the travel time experience of passengers along country’s main thoroughfare,” sabi ni MMDA chairman Danilo Lim. (LASACMAR)

Pinaiimbestigahan ni Pangulong Rodrigo Duterte kay Enrivonment Secretary Roy Cimatu ang umano’y illegal mining na dahilan ng malawakang landslides at pagbaha sa kasagsagan ng bagyong Ulysses sa lalawigan ng Cagayan at Isabela.

Ito ang ipinag-utos ni Duterte sa ginanap na situation briefing sa Cagayan kung saan maaa­ring ang talamak na mi­ning activities umano sa nasabing lalawigan ang dahilan ng pagguho ng mga lupa, kaya nagkakaroon ng landslide doon lalo na tuwing malakas ang buhos ng ulan.

“Kapag maraming butas, maraming tubig na pumapasok sa loob ng lupa. That’s why, kapag ano… landslide. It loosens the soil. So kaya ang mi­ning, maraming butas, yan ang i-control mo,” utos pa ng Pangulo kay Cimatu.

Inatasan din ni Duterte ang kalihim na mag-inventory para makita kung maraming butas ang lupa kung saan dito pumapasok ang maraming tubig dahilan para lumambot.

Tugon naman ni Cimatu, base sa kanyang natanggap na ulat, may 10 indibidwal ang nasawi dahil sa landslides sa kasagsagan ng bagyo, kaya iprinisinta rin niya ang hazard map.

Sa hazard map nakikita umano ang mga lugar kung saan hazard prone para sa landslide at kung saan nangyari ang mga pagbaha.

Paliwanag naman ng kalihim walang permit na ibinigay para magmina sa nasabing lugar maliban na lamang sa small scale mining kaya maituturing itong illegal.

Sinabi pa ni Duterte, na illegal mining ang dahilan kung saan karamihan ay nasawi kaya dapat sampahan ng kaso at maglabas ng cease and desist order para sa mga taong nasa likod nito.

Nauna na ring pinaim­bestigahan ni Duterte ang umano’y quarrying ope­rations sa Guinobatan, Albay na nirereklamo ng mga residente doon matapos silang hagupitin ng bagyong Rolly.

Kaagad namang sinuspinde ni Cimatu ang quarrying operations sa Guinobatan matapos ang bagyong Rolly nang ma­diskubre na bumababa ang tubig-baha mula sa dalisdis ng Bulkang Ma­yon at dumadaan sa tatlong ilog kung saan mayroong 11 quarrying operations. (Bishop Jesus “Jemba” M. Basco)