IBINAHAGI nina world-renowned Pinay tenpin bowler Olivia ‘Bong’ Coo Garcia at Gymnastics Association of the Philippines (GAP) president Cynthia Carrion-Norton ang mga karanasan sa katatapos na Philippine Sports Commission’s (PSC) women empowerment web series Rise Up! Shape Up.   

Pinamagatan ang ikawalong episode ng dalawang buwan ng serye na “Aging Gracefully: Embracing Life’s Golden Years,” at nakatuon sa dalawang kinukunsiderang “accomplished women’s healthcare” pati sa best lifestyle practices sa kanilang mga taon.

Ikinagalak ni PSC Chairman William Ramirez ang pagdalo ng dalawang opisyal ng sports kung saan giniit niya ang importansiya ng mga kilalang sports figure sa pagiging malulusog, maliliksi at aktibo pa rin pa rin sa kanilang pamumuhay.

“These powerful and decorated women in the sports scene make us proud of their achievements and inspire us to prioritize our health proving that age is just a number,” wika ni Ramirez.

Nangangasiwa sa programa si PSC-Women in Sports Oversight Commissioner Fatima Celia Kiram. Secretary general ng Philippine Bowling Federation (PBF) si Coo, habang pangulo ng Gymnastics Association of the Philippines 9GAP) si Carrion.(REC)

NAGBUKAS na nitong Lunes, Enero 4 ang trade para sa 12 koponan na mga nagpiprepara para sa 46th Philippine Basketball Association (PBA) 2021 Philippine Cup sa darating na Abril 9.

Ipinahayag ni PBA commissioner Wilfrido Marcial, na pinairan ang moratorium sa trade sapul nang mag-Covid-19 nitong Marso 2020 sa bansa.

At malang din aniyang maraming swap ang maganap bago at pagkatapos ng ng 36th PBA Rookie Draft 2021 sa Marso 14.

Ang isa sa mga inaabangan sa pagbabalik ng palitan ng mga manlalaro ay si Christian Jaymar ‘CJ’ Perez ng Terrafirma Dyip, na umuugong na posibleng lumagak sa magbabagong bihis na San Miguel Beer.

Last trade sa propesyonal na liga nitong Pebrero 2020 pa, na naghatid kay John Paul ‘Poy’ Erra sa TNT buhat sa North Luzon Expressway sangkot ang Blackwater Elite.

Nananatiling tikom ang bibig ni San Miguel Corporation Sports Director Alfrancis Chua at Beermen coach Leovino ‘Leo’ Austria nang hingan ng komento kahapon ng People’s BALITA. (REC)

NASA  83 national athletes ng 19 National Sports Associations (NSAs) , sa pangunguna ni 30th Southeast Asian Games PH 2019 Women’s Taekwondo gold medalist Pauline Louise Lopez ang mga sasabak sa mga Olympic Qualifying Tournament (OQT) sa pagnanais na makapag-32nd Summer Olympic Games 2020 sa Tokyo, Japan na inurong ng Hulyo 2021 sanhi Covid-19.

Inihayag kamakalawa Philippine Sports Commission (PSC) Chairman William “Butch” Ramirez na grupo karamihan ay sasailalim na sa mga bubble training sa Inspire Sports Academy sa Calamba City at New Clark Sports Hub sa Capas, Tarlac habang iba’y mga nasa ibayong dagat.

Idinagdag pa ng opisyal na balak ng government sports agency na ipadala sa iba’t ibang OQTs ang 29 na atleta at coaches mula sa tatlong combat sports na taekwondo, boxing at karate makaraan ang 90 na araw na Calambubble training camp sa Laguna.

Gagastusan ang 16 katao ng boxing ng P2M habang ang karate na may walo popondohan ng P1.5M at taekwondo ay may lima na gagastahan ng P1M sa bubble training. Para ang halaga sa  room at lodging, meals, snacks, gym rentals at paggamit sa mga pasilidad.

Ang iba pang mga manlalaro na pa-OQT ay sina karetakas Jamie Christine Lim at Joane Orbon, judoka Junna Tsukii, weightlifter Hidilyn Diaz, marathoner Christine Hallasgo at iba. (REC)

Iginawad ng isang korte ang panalo sa kaso ni NBA Hall of Famer Michael Jordan laban sa isang Chinese sportswear company.

Ang naturang kaso ay may kaugnayan sa “emotional damages” at legal expenses bunsod ng trademark issues.

Ayon sa ulat ng Variety, inatasan ng korte ang Chinese sportswear at shoe manufacturer ng sapatos na Qiaodan na magbayad ng $46,000 (RMB300,000) dahil sa paggamit sa pangalan ni Jordan na walang pahintulot.

Sinasabing ang salitang “Qiaodan” na kapag na-translate ang ibig sabihin ay Jordan.

Dahil dito pinagbabayad din ang kompaniya ng $7,600 (RMB50,000) dahil sa legal expenses para sa kabuuang $53,600 na babayaran.

Binigyang diin daw ng korte na ang paggamit ng salitang “Qiaodan” ay maituturing na panloloko sa mga customers.

Inatasan din ang kompaniya na mag-isyu ng public apology.

Napag-alaman din na umaabot sa 200 trademarks cases kontra sa naturang kompaniya ang nakahain kung saan ang iba sa mga ito ay limang taon na ang nakalipas.

Mula noong taong 2012, naghain na si Jordan ng 80 mga lawsuits.

SINIGURADO ni Philippine Basketball Association (PBA) commissioner Wilfrido Marcial na muling darayo ang mga laro ng propesyonal na liga sa iba’t ibang probinsya kung magkakabakuna na sa  Covid-19 sa taong ito.

“Kapag may vaccine, kahit saan darayuhin ng PBA On Tour,” pahayag ng 59-anyos na komisyoner kamakalawa. “Sana hindi na bubble. Kung may vaccine, ikot na ulit tayo kahit saan sa Pilipinas. Puwede na uli tayo magprobinsya.”

Nakagawian na ng liga ang pagbisi-bisita sa mga lalawigan sa matagal na panahon upang makapaghatid ng saya sa mga nakatira sa malalayong lugar at makita ng personal ang mga paborito nilang koponan at basketbolista.

Kawawakas lang ng 45th PBA 2020 Philippine Cup bubble na binuksan nitong Marso bago natigil din sa nasabing buwan sanhi ng pandemya. Tagumpay ang bubble concept ng all-Pinoy conference nitong Oktubre 11 at natapos ng Disyembre 9 kung saan naghari ang Barangay Ginebra San Miguel via 4-1 win kontra TNT.

Balak magbukas ng liga ng ika-46 na edisyon sa darating na Abril 9 makaraan ang unang aktibidad na ika-36 na taunang Rookie Draft sa Marso 9. (REC)