2021 January 30 Archive - People's Balita

December 23, 2024
Search in People's Balita
Ang Diyaryong Pinagkakatiwalaan

Archive for January 30th, 2021

Nietes muling aakyat sa ruwedang parisukat

Posted on: January 30th, 2021 by @peoplesbalita No Comments

PAGKALIPAS nang mahigit dalawang taong tengga sa banatan sanhi ng Coronavirus Disease 2019, muling papanhik sa ring si four-division world men’s professional boxing champion Donnie ‘Ahas’ Nietes.

Isa ang Visayan fighter at dating ALA boxing stable member sa nilulutong slugfest card sa Dubai, United Arab Emirates sa parating na Abril 3 ng bago nilang promoter na MTK Global.

Huling nakipag-umbagan ang 38-taong-gulang, may taas na 5-3 at tubong Murcia Negros Occidental noong Disyembre 31, 2018 at nakaalpas via split decision win kay Kazuto Ioka ng Japan para iuwi ang World Boxing Organization (WBO) super-flyweight title.

Ang dati at kasalukluyan niyang kakuwadrang beteranong si Albert Pagara’y isasalang din sa nalalapit na boxing card.

Kapapanalo lang ni Pagara kay Virgil Puton noong Dis. Ng nakalipas na taon.

Ihahayag sa mga susunod na linggo ng MTKG ang mga makakaupakan ng dalawang boksingerong Pinoy. (REC)

Gilas, sa Qatar na tutungo para sa February window ng FIBA qualifiers

Posted on: January 30th, 2021 by @peoplesbalita No Comments

Idaraos na sa Doha, Qatar ang mga laro ng Gilas Pilipinas para sa ikatlo at huling window ng 2021 FIBA Asia Cup qualifier.

Kung maaalala, napilitan ang Pilipinas na umatras sa hosting ng mga laro ng Group A at C sa Clark, Pampanga dahil sa travel ban na ipinataw ng pamahalaan.

Ayon kay Al Panlilio, presidente ng Samahang Basketbol ng Pilipinas, hindi mababago ang petsa ng mga laro ng Pilipinas ngunit makikipag-ugnayan pa rin sila Qatar Basketball Federation para sa final schedule.

“We would have loved to host Groups A and C in Clark but things beyond our control made it necessary to adjust our plans and we thank everyone for their flexibility,” saad ni Panlilio sa isang pahayag.

“The games will be played within the same timeframe but we’ll be communicating with the Qatar Basketball Federation for the final schedule as there might be necessary adjustments since they are now hosting 12 teams,” dagdag nito.

Kasama ng Pilipinas sa Group A ang Korea, Thailand, at Indonesia.

Maliban sa Group A, sa Doha na rin gaganapin ang mga laro ng Group B na kinabibilangan naman ng Japan, China, Chinese Taipei, at Malaysia.

Nakatakda namang gawin ang huling window ng qualifiers mula Pebrero 17 hanggang 23.

Kelot nagbigti dahil sa depresyon

Posted on: January 30th, 2021 by @peoplesbalita No Comments

Isang lalaki ang nagpasyang magpakamatay sa pamamagitan ng pagbigti dahil sa depresyon sanhi umano ng pagkakaroon ng broken family sa Malabon city.

Kinilala ang biktima na si Jomar Urbano, 24, ng No. 8 Mabolo Road, Brgy. Potrero.

Ayon kay Malabon police homicide investigators P/SSgt. Jeric Tindugan at P/Cpl. Renz Marlon Baniqued, dakong 1 ng hapon, papasok sana sa banyo ang 8-anyos na pamangkin babae ng biktima upang umihi.

Subalit, laking gulat na lamang ng bata nang makita niya ang kanyang uncle na nakabigti sa loob ng banyo gamit ang isang lubid.

Kaagad niyang sinabi sa kanyang mga kaanak ang natuklasan saka i-nireport ng mga ito sa pulisya ang insidente.

Sa isinagawang imbestigasyon, gumawa ng isang waiver ang mga kaanak ng biktima na naniniwala sila na walang naganap na foul play sa pagkamatay ni Urbano. (Richard Mesa)

Giit ni Sec.Andanar: media workers, iprayoridad din sa pag-roll out ng Covid-19

Posted on: January 30th, 2021 by @peoplesbalita No Comments

IGINIIT ni Presidential Communications Operations Office (PCOO) Secretary Martin Andanar ang pangangailangan na iprayoridad ang mga media workers sa pag- rollout ng Covid-19 vaccine sa oras na maging available na ito.

Sinabi ni Sec. Andanar na kailangan din na ikunsidera bilang mga front-liners ang mga media workers.

“Front-liners ‘yan. Kahit anong mangyari, ang media ay araw-araw nand’yan nagbabalita at kailangan ng kababayan natin na mayroong nagsasalita na nagsasabi sa kanila kung ano’ng gagawin ,” ayon kay Sec. Andanar.

Nauna na kasing inanunsyo na ang first batch ng bakuna ay inaasahang darating sa Pilipinas sa ikatlo o ika-apat na linggo ng Pebrero.

Ipa-prayoridad ng pamahalaan ang mga medical at government front-liners, mahihirap na pamilya at vulnerable sectors para sa bakuna.

Sa kamakailan lamang na Pulse Asia survey, lumabas na 47 porsiyento ng Filipino ay umaayaw nang mabakunahan dahil sa safety concerns. Kaya nga, nais na tugunan ito ng pamahalaan sa pamamagitan ng information drives.

Ani Sec. Andanar, isa itong malaking hamon sa gobyerno para baligtarin ang sentimyento ng mga Filipino hinggil sa kaligtasan ng bakuna.

“Talagang kailangan natin mabaliktad ‘yung 47 percent na ‘yun sapagkat ayon kay Presidente [Duterte] ay kailangan talagang mabakunahan ang ating mga kababayan para tayo ay magkaroon ng isang lipunan na puwede na ulit mangarap at puwedeng makipag-compete sa ibang ekonomiya ,’ aniya pa rin.

Sinabi pa ni Sec. Andanar na makapaghahatid din ito sa pagbangon ng ekonomiya sa pamamagitan ng pagpayag sa pre-Covid-19 programs at projects na maisulong.

Ang PCOO, kasama ang Philippine Information Agency (PIA), ay naglunsad kamakailan ng Explain, Explain, Explain Town Hall Meeting, na layuning ipabatid sa local government units (LGUs) at sa publiko ukol sa proseso na isinagawa ng pamahalaan para ipatupad ang National Covid-19 Vaccine Roadmap.

“Lahat ng ahensya ng gobyerno ay katuwang natin sa pag-disseminate ng mga balita patungkol dito sa vaccine. Kailangan kasing malaman ng mga kababayan natin ang bawat stage ng plano ni Secretary Galvez. Hindi naman tayo lalabas lang doon at bibili ng vaccine This vaccination program is the largest vaccination program that the government will undertake, not only in the Philippines but in the entire world,” lahad ni Sec. Andanar. (Daris Jose)

Trains na gagamitin sa LRT 1 Cavite Extension dumating na

Posted on: January 30th, 2021 by @peoplesbalita No Comments

Ang unang batch ng fourth-generation trains na galing sa Spain at Mexico na gagamitin sa operasyon ng Light Rail Transit Line 1 Cavite Extension ay dumating na sa bansa.

“The train’s arrival marks the realization of the Light Rail Transit Line 1 (LRT1)’s Cavite extension project, which is eyed for partial operability this year,” wika ni Department of Transportation (DOTr) Secretary Arthur Tugade.

Ayon sa kanya 19 na taon na ang nakaraan ng ang proyekto ito ay simulan kung kaya’t ang administrasyon ni President Duterte ay nagpursiging matapos ito.

Mayroon kabuohang 120 na bagong bagon na tinatawag na light rail vehicles o LRVs ang ibibigay sa LRT-1 na isang proyekto na pinondohan ng pamahalaan ng Japan sa ilalim ng Japan International Cooperation Agency (JICA).

Sinabi naman ng Japanese embassy na ang proyektong ito ay magiging bahagi ng proyekto upang pagbutihin ang kapasidad ng transit system sa Metro Manila kung saan kasama ang suporta para sa pagpapalawig ng LRT line 1 at LRT Line 2.

“By procuring new LRVs, rehabilitating existing facilities, constructing line extension, and expanding current depots, the said project aims to improve the capacity of the LRT and deliver a safer, more reliable, and punctual railway system to commuters in the capital,” ayon sa DOTr.

Ang 11.7-kilometer na Cavite extension ay isang proyekto na ginagawa ng Light Rail Manila Corp., isang consortium na kasama ang Metro Pacific Light Rail Corp., AC Infrastructure Holdings Corp., at Macquarie Infrastructure Holdings (Philippines) PTE Ltd, na siyang private operator ng LRT 1.

“The project is expected to service and benefit 800,000 passengers daily by cutting down travel time between Baclaran and Bacoor from one hour and 10 minutes to just about 25 minutes once completed,” dagdag ng DOTr.

Mula sa Baclaran stations, walong (8) stations ang idadagdag at ito ay ang mga sumusunod: Redemptorist, MIA, Asiaworld, Ninoy Aquino, Dr. Santos, Las Pinas, Zapote at Niog kung saan magiging 28 na lahat ang stations mula sa dating 20 stations.

Ayon kay Tugade, magkakaron ng partial operability ang LRT 1 Cavite extension mula sa Baclaran hanggang Dr. Santos stations sa darating na December.

Pinahayag ng Department of Transportation (DOTr) na ang first phase ng Light Rail Transit Line 1 (LRT1) Cavite extension ay higit ng 50 percent na kumpleto.

“The LRT 1 Cavite Extension is now more than halfway to completion of the partial operability section until Sucat station, as we report an overall progress rate of 51.61% as of December 31,” wika ng DOTr.

Ang mga activities na ginagawa na ngayon sa proyekto ay ang bored piling, pier/portal column works at foundation works.

Kasama sa mabilis na pagtatayo ay ang pagpapalawak ng dating depot station sa Baclaran at ang pagtatayo rin ng bagong building para sa satellite depot sa Zapote station. (LASACMAR)

Lopez kapitbahay si Morente sa ‘Calambubble’ training

Posted on: January 30th, 2021 by @peoplesbalita No Comments

TULUNGAN ang ‘magkapitbahay’!

Kapwa naka-quarantine sina sports stars Pauline Louise Lopez ng taekwondo at Michelle Morente ng volleyball sa Inspire Sports Academy sa Calamba, Laguna kaya naging magkasundo ang isa’t isa.

Habang ‘nakapiit’ sa hotel bilang paghahanda sa susunod nilang mga kompetisyon, naging magkatabi lang ang kwarto ng dalawa kaya nag-abutan ng mga pagkain.

Sa Instagram story nitong makalawa ng 30th Southeast Asian Games gold medalist women’s taekwondo, pinasalamatan ng 25-anyos na balibolista ang pinagkaloob na snacks ng jin.

“Hi neighbor,” caption ng 24 na taong gulang nasi Lopez.

Naka-isolation area ang dalawang manlalaro dahil sa pagbabakasyon sa Estados Unidos.

Pa-Olympic Qualifying Tournament sa mga susunod na buwan ang combat sport athlete sa misyong makahabol pa sa 32nd Summer Olympic Games sa Tokyo, Japan sa Hulyo. (REC)

KC, quiet lang sa isyu pero dawit dahil isa sa naki-party na in-organize ni TIM

Posted on: January 30th, 2021 by @peoplesbalita No Comments

KAHIT na nagpaliwanag na ang socialite at businessman na si Tim Yap sa ginawa niyang party sa Baguio City, tila mas dumarami ang haters niya.

Huwag raw kasing gawing excuse ni Tim na porke’t nakapag-swab at negative ito, may right na mag-party at mag-organize ng mass gathering.

Maraming nagagalit na mga netizens at tinatawag itong napaka-irresponsible at feeling privilege. Na kapag celebrity raw, sinasabing for tourism ang ginagawang pagpapa-party pero kapag mahirap ang nag-party, mga pasaway.

Idinidiin si Tim na dahilan daw sa mga bagong positive cases ngayon sa Baguio na mariing itinanggi ng huli. Na hindi raw sila ang dahilan at lahat sila na nandoon sa party ay tested negative.

Anywway, quiet lang si KC Concepcion sa isyung ito, pero dawit ang pangalan niya dahil isa siya sa naki-party talaga at evident ito sa mga naging social media post niya.

***

NAGSALITA na raw ang dating GMAAC artist na si Lindsay de Vera sa pagkaka-link niya sa Kapuso Primetime King na si Dingdong Dantes at sa isyung buntis ito at buong ningning na itinanggi ito.

Tama lang naman na linawin niya ang isyu kahit na marami rin naman ang hindi naniwala talaga at naisip ang pagiging fake news nito.

Obvious din naman kasi na may gusto talagang sumira sa maayos at masayang pagsasama ng mag-asawang Dingdong at Marian Rivera. Pero yun lang, mukhang mas lalo pang pinatatag ng pandemic ang samahan ng dalawa, along with their two beautiful children na sina Zia at Sixto.

Another thing, although if ever e, good news naman, pero sorry to disappoint din yung mga nag-assume na ang blind-item na may magandang actress na buntis kaya dedma lang silang mag-asawa sa isyu at halos lahat, si Marian ang hula.

For sure, welcome addition ang baby number 3 sa pamilya Dantes. Pero yun nga, false alarm ang hula ng karamihan na si Marian ang tinutukoy sa blind-item.

Busy lang ito ngayon sa pag-aasikaso ng mag-ama niya, sa kanyang businesses at mga endorsements.

***

HALOS mag-iisang taon din na nawala sa ere ang kiddie singing search na Centerstage ng GMA-7.

Natatandaan pa naming na isa ito sa huling show na binisita naming bago ideklara na lock down na ang Metro Manila.

Isa ito sa mga shows ni Alden na huling ginawa niya bago mag-ecq (enhanced community quarantine) na ngayon ay nagawan na ng paraan ng production kung paano magpapatuloy na hindi mako-compromise ang safety, lalo na at mga bata ang involved.

Kaya masaya si Alden bilang host ng show, gayundin ang iba pang kasama niya rito tulad ni Betong Sumaya at mga judges na sina Pops Fernandez, Aicelle Santos at Mel Villanueva sa muling pagbabalik nito.

Alam daw nila na isa sa challenging talaga kung paano makakabalik ang Centerstage dahil mga bata at bawal na bawal pa silang lumabas, much more, mag-taping ang mga ito. Pero sobrang nagulat at na-impress daw ang lahat sa ginawa ng production at sa bagong look din ng show na makikita ng mga manonood once na umere na itong muli sa February 7.

Nakausap nga namin si Alden sa naging zoom media conference at masasabing ito rin ang bago niyang binalikang programa sa 2021.

Kinamusta rin namin siya kung ano na ang mga plano niyang ngayong taon na simula naman ng bagong dekada niya sa career.

“Ako po talaga, gusto ko lang mag-pursue sa career in-terms of acting. Parang yun po ang focused ko this year and hopefully, kung magkaroon ng different opportunities like project with international outfit, yun ang mga kinokonsider ko po.

“Pero for now, naka-focus muna po ako sa mga currently gagawin ko po rito sa atin. Yung TV series po, yung movie rin po at the same time at yung comeback po ng ‘Centerstage’, ‘All Out Sundays’ po at ‘Eat Bulaga’, so tuloy-tuloy pa rin po siya.”

Sinigurado rin ni Alden na gagawa siya ng teleserye this year kaya naisip tuloy namin, mukhang hindi pa rin yata mangyayari na maisisingit nga ni Alden ang lovelife sa kabisihan pa rin niya. (ROSE GARCIA)

IAN, ‘happily married’ kaya pikon na pikon sa tsikang hiwalay na dahil kay SUE

Posted on: January 30th, 2021 by @peoplesbalita No Comments

FOR the first time, sumagot na si Ian Veneracion sa kumalat na balitang hiwalay na sila ng asawang si Pam Gallardo

Last 27 January, may cryptic post ang aktor sa kanyang Instagram account ng, “I don’t want to normalise people exploiting our personal lives for their entertainment.

“I don’t need to defend myself from the lies of perverts.”

May caption ito na halatang pikon na pikon sa tsismis, “Once upon a time I was pissed”, at may hashtag na #happilymarried.

Ang pinagmulan nito ay isang ‘blind item’ tungkol sa isang guwapong aktor na nakipaghiwalay daw sa asawa dahil may ka-affair ang starlet na ayon sa BI ay nagpi-flirt sa kanya.

Marami agad ang nag-assume na si Ian at ang co-star nito sa TV5 sitcom na Oh My Dad! na si Sue Ramirez na boyfriend naman ni Javi Benitez, na anak ng businessman and Negros Occidental politician na si Albee Benitez.

Hanggang ngayon ay nananamihik sa isyu si Sue dahil may sarili siyang isyu na hinaharap, ang pagkalat ng fake nude photo nila ni Maris Racal na kanilang kinondena.

Ipinagtanggol naman ito ni Javi dahil may nagtanong na netizen kay Sue kung kamusta naman ang ‘secret relationship’ nila ni Ian.

Na sinagot naman ni Xavi nang, “Hindi starlet si Sue at hindi siya ganyang babae. Mali hula n’yo kaya itigil n’yo na ‘yan.”

Ipinagtanggol naman si Ian ng kanyang avid fans sa kanyang IG post at ilan dito ay nag-comment:

“This should put an end to those nasty rumors and unfounded speculations.”

“don’t waste your time on those Satanic people who are trying to destroy your name…bahala na Karma nila.”

“we ur loyal fans never beleive those publicity because we know that u are a good family man…and we are here to support u through ur journey..no one can put a good man down.”

“In so many yrs of his career in show business, never was he involved in any scandal or tsismis of that sort.”

“I always admire , like and respect you Ian for being a good family man. Despite of your good looks and talents you remain humble and take care of your family.Forever Ian and Bea fan!”

“Salamt nmn sumagot kana papa ihh masyado n kc marmi mga cnsabi ang mga tao..dito lng kmi nka support sayo papa ihh beaian.”

“I am so angry about this. Grabe tong mga talonang to.They are full of jealousy Sir Ian, as they go down, you be soaring to the highest. God Bless You More.’

“We support you Papa Ian. you don’t owe anyone an explanation. Kaya maraming nagmamahal sayo because of your credibility in the industry. Mahal ka namin Ian Veneracion.”

“Don’t mind them po. stay safe always! I know your family is safe guarded by you.

“Sir Ian as a human being, natural Lang ang Magalit,..mga mukong na to, magkalat na walang basihan Sama Ng budhi…..Mabuhay Ka Sir, ang asawa at mga anak mo.God will make you Stronger.”

“Don’t mind them kasi alam naman ng Mga Tao na matino ka at maayos ang Family mo… ganyan talga mga tao kumita lang ng pera kahit puro sila sinungaling at chismosa!!!God bless you and Your Family Ian.”

“And this is one of the reasons why we support u, one of your best qualities that others rarely has, especially nowadays, of being a loyal and always loving husband.. God bless always Papa Ian.”

“You are one in a billion. A very dedicated family man! Your fans will always support you and will never believed rumors. All the best to you and your family!” (ROHN ROMULO)

Manuel, Alaska Milk nagpapataasan ng ihi

Posted on: January 30th, 2021 by @peoplesbalita No Comments

PAREHONG nagmamatigasan sa isa’t isa si Victorino ‘Vic Manuel at ang Alaska Milk kaya wala pa ring nangyayari sa inisyal na usapan para sa contract extension ng Aces baller patungo sa pagbubukas 46th Philippine Basketball Association (PBA) 2021 Philippine Cup sa Abril 9.

Maaaring ikunsidera ng 33 taong-gulang, 6-4 ang taas na forward at nasa kuwadra ni veteran players agent Danny Espiritu, na mag-sit out na lang muna o hintayin ang implementasyon sa taong ito ng ‘tunay’ na unrestricted free agent ng propesyonal na liga.

Hindi kumakagat ang 11 iba pang mga koponan sa hiling ng incoming nine-year pro veteran na i-trade siya ng gatas.

Ito’y dahil sa mabigat din ang hinihirit ng Uytengsu franchise, isa na rito ang North Luzon Expressway na tumalikod dahil sa ang hinihinging kapalit ay Kiefer Isaac Ravena. (REC)

NCR at Davao City, mananatili sa ilalim ng GCQ; CAR at 6 na iba pa, isinailalim din sa GCQ para sa buong buwan ng Pebrero- Sec. Roque

Posted on: January 30th, 2021 by @peoplesbalita No Comments

MANANATILI sa ilalim ng General Community Quarantine (GCQ) classification ang National Capital Region (NCR) at Davao City simula sa darating na Lunes, Pebrero 1 hanggang Pebrero 28, 2021.

Bukod sa NCR at Davao City ay isinailalim din sa GCQ ang mga lalawigan ng Batangas at Cordillera Administrative Region na kinabibilangan ng Abra, Apayao, Benguet, Baguio City, Ifugao, Kalinga, at Mountain Province para sa Luzon; Tacloban City para sa Visayas; Davao del Norte, Lanao del Sur at Iligan City para sa Mindanao.

Ang Santiago City, Ormoc City, at iba pang lugar ay isinailalim naman sa Modified General Community Quarantine (MGCQ).

“Binigyan na po tayo ng pahintulot ng ating Presidente para ianunsyo ang quarantine classifications mula mula February 1 hanggang 28 ng taong ito. The abovementioned risk-level classifications will take effect starting Monday, February 1 until February 28, 2021,” ayon kay Sec. Roque.

“Uulitin ko po, nasa ilalim po ng GCQ ang mga sumusunod: ang NCR, ang CAR, kasama ang Abra, Apayao, Benguet, Baguio, Ifugao, Calinga, Mountain province; ang Batangas province, ang tacloban City, ang davao city, ang davao del norte, ang lana del sur, at ang iligan city. lahat po ng iba pang lugar sa Pilipinas ay mapapasailalim sa modified general community quarantine,” dagdag na pahayag ni Sec. Roque.