What have you that you did not receive?
- July 3, 2024
-
Search in People's Balita
Ang Diyaryong Pinagkakatiwalaan
Archive for February 5th, 2021
Masterlist ng mga babakunahan ng COVID -19 vaccine, inihahanda na
KINUKUHA na ngayon ng Department of Health (DoH) ang lahat ng mga pangalan ng health workers sa buong bansa.
Ito’y bilang paghahanda ng pamahalaan sa nalalapit na pagtuturok ng bakuna kontra Covid-19.
Sinabi ni Testing Czar Secretary Vince Dizon, may ginagawa ng koordinasyon ang DOH sa iba’t ibang pagamutan ganundin sa Local Government Units (LGUs) pati na sa mga probinsiya para sa masterlist ng mga medical workers lalo na sa mga nakatalaga sa health facilities na ang hawak ay COVID cases.
“As explained briefly by Secretary (Carlito) Galvez earlier, the Department of Health is coordinating with the various hospitals and the various local government units and provinces to get the master list of all health workers especially in the health facilities that cater the most COVID cases,” ayon kay Dizon.
Pagtiyak ni Dizon, ready na for roll out ang pagbabakuna sa sandaling dumating na first batch ng bakuna ngayong Pebrero.
“So iyon ang uunahin ‘no, iyong mga ospital and medical facilities na pinakamaraming mga hina-handle na COVID cases. So nagawa na iyon ng Department of Health, and ready for rollout na iyan kapag dumating ang ating mga first batch of vaccines ngayong February,” aniya pa rin.
Batay sa priority list ng gobyerno, una sa listahang mabakunahan ang mga health care workers na susundan naman ng indigent senior citizen, pangatlo ang iba pang senior, pang-apat ang natitirang indigent population at ang huliy mga sundalo at pulis. (Daris Jose)
Pilipinas, may sapat na kakayahan para gamutin ang mga posibleng tamaan ng UK variant ng Covid -19
TINIYAK ng Malakanyang na may sapat na kakayahan ang Pilipinas para gamutin ang mga magkakasakit o mahahawaan ng UK variant ng Covid -19.
Ito ang dahilan ani Presidential Spokesperson Harry Roque kung bakit binawi na ng gobyerno ang travel ban sa ilang mga bansa na una nang nakitaan ng bagong variant ng virus.
Aniya, sapat din aniya ang mga protocol na ipinatutupad ng Inter-Agency Task Force (IATF) at ng mga lokal na pamahalaan kung saan makaraan ang limang araw na quarantine ng mga pumapasok o umuuwi ng Pilipinas ay saka sila magpapa-test at isasailalim sa 14 na araw na mandatory quarantine.
Aniya pa, nagpatupad lamang ng travel restriction sa ilang mga bansa na mayroong new variant, dahil kinakailangan munang masiguro na mayroong kumpletong kakayahan at kaalaman ang Pilipinas para gamutin ang mga magkakasakit.
Samantala, binigyang diin ng Malakanyang na hindi lahat ng mga dayuhan ay puwedeng makapasok ng bansa kasunod ng ginawang pagbawi ng gobyerno sa ipinatupad nitong travel ban sa mahigit tatlumpong (30) bansa na nakitaan ng UK variant ng Covid-19.
Kabilang lamang sa mga dayuhang pinapayagan na makapasok ng Pilipinas ay iyong mga mayroong hawak na treaty trader’s visa at investor’s visa.
Ani Sec. Roque, base sa datos ng gobyerno, kakaunti lamang ang bilang ng mga foreigners o dayuhan na may hawak ng ganitong uri ng mga visa.
Giit ng Kalihim, hindi pa rin pinahihintulutan ng gobyerno na pumasok ng Pilipinas ang mga turistang dayuhan. (Daris Jose)
ANG PAGSUOT NG FACE MASK SA PRIVATE CARS
Maraming motorista ang nagtatanong Sa Lawyers for Commuters Safety and Protection (LCS) kung ano ba ang polisiya sa pagsuot ng face mask sa private cars. May hinuhuli raw kahit mag-isa lang ang driver.
Naglabas ng MC 2020-2185 ang LTO noong May 12, 2020 – Guidelines in the Enforcement of Regulations issued by DOTr relative to the operation of Land Transportation in GCQ Areas. Sa Article III Sec 4 (b) nakasaad na all drivers and passengers of private and government vehicles must wear face masks at all times. Dito nagkalituhan dahil may mga hinuling driver kahit walang pasaherong sakay. Nilinaw naman ito ng LTO na kapag ang driver ay mag-isa lang at walang pasahero ay pwede naman ng walang suot na mask. Pero kapag may pasahero mandatory na may mask silang suot – ang pasahero at driver. Sa ngayon ay mas mataas ang penalty sa hindi pagsusuot ng mask:
- first offense ay isang libong piso P1000.
- second offense ay P2,000. at,
- third offense ay P3,000.
- fourth offense ay cancellation na ng driver’s license.
Ano naman daw ang violation? Isang motorista ang tinikitan sa expressway dahil sa hindi pagsuot ng mask ng Reckless Driving at ang penalty na binayaran niya ay P2,077. Bakit reckless driving?
Dahil sa Article IV Administrative Sanctions, Ground Procedure Sec 7 in relation sa JAO na ‘non-compliance’ with sanitary measures will be considered as reckless driving.
Ang bigat! Pero paano naman ang rider ng motor na naka helmet? Mag face mask pa ba siya? At pag walang face mask ay reckless driving baa ng kaso?
Bagamat tama lang ang paghihigpit sa pagsunod sa mga health protocols mukhang mabigat naman na i-konsidera na reckless driving ang hindi pag suot ng mask at ma-penalize ng malaking halaga.
At sana ang mga enforcers alam nila kung kailan at paano dapat ipatupad ang mga ito. (ATTY. ARIEL INTON)
Pagbabalik ng limited face-to-face, hindi sapilitan- CHeD
HINDI magiging sapilitan at magiging boluntaryo lamang ang mga gustong pumasok na mga mag-aaral sa pagbabalik ng limited face-to-face classes para sa medical and allied courses.
Nilinaw ni Commission on Higher Education Chairman Prospero De Vera na walang sapilitan sa bagay na ito.
Kahit aniya inaprubahan ni Pangulong Rodrigo Roa Duterte ang resumption ng limited face-to-face classes para sa medical and allied courses ay hindi pipilitin ang mga mag-aaral na ayaw mag-face-to-face at kailangan silang bigyan ng alternatibo ng kanilang mga pamantasan o unibersidad.
Sadya lamang aniyang may mga subjects kasi na kailangan talaga ang mga estudyante ay maka-interact lalo na sa mga pasyente kaya’t isinulong ang pagpapatupad nito.
Subalit, tanging sa mga pamantasan o unibersidad na nasa ilalim ng MGCQ at GCQ ang saklaw ng kautusan at magiging limitado lamang ito para sa mga estudyanteng may edad 20 taong gulang pataas.
Aniya, kinakailangan ding mag-apply ang isang eskwelahan na nais magpatupad ng limited face-to-face classes para sa medical and allied courses sa kanilang CHED offices at ito ay idadaan sa ebalwasyon para mabatid kung pasado sa pamantayan ng Inter-Agency Task Force (IATF). (Daris Jose)
JANINE, mana lang kay PILITA ‘pag natuloy na maging ‘Valentina’
SA ginanap na virtual mediacon ng Dreamscape Entertainment para kay Janine Gutierrez, natanong ang newest Kapamilya actress tungkol sa bali-balitang pagganap niya bilang Millennial Valentina na magiging kontrabida ni Jane de Leon na tuloy na tuloy ang paglipad sa Darna TV Series.
Sagot ni Janine, “It’s so interesting for me, kasi, of course, I’m a fan of Darna, I’m a fan of all the old films.”
“Actually, parang may napanood ako before na ‘yun lola ko parang nag-Valentina.”
Ang tinutukoy ni Janine ay ang pagganap noon ni Ms. Pilita Corrales bilang Valentina sa 1994 movie version ng Viva Films na Darna: Ang Pagbabalik na pinagbidahan ni Anjanette Abayari.
“Siyempre, flattered ako na nakikita ako ng ibang tao na mapasama sa ganoong klaseng proyekto. But I don’t know, we’ll see,” dagdag pa niya at may paglilinaw wala pa talagang offer o kino-consider siya sa naturang iconic role.
Dahil sa ngayong regular siyang mapapanood sa ASAP Natin ‘To at excited siya sa teleserye na gagawin sa Dreamscape Entertainment at posible rin mag-guest siya sa FPJ’s Ang Probinsyano ni Coco Martin.
May gagawin din siyang movie under ABS-CBN Films/Star Cinema.
Kung may dream project siya sa kanyang pagiging Kapamilya, ay makasama sina Liza Soberano at Enrique Gil dahil aminadong LizQuen fan siya at gustung-gusto niya si Liza.
Hopefully magkaroon siya ng chance na makasama at LizQuen at hindi niya ‘yun palalampasin.
Samantala, tiningnan namin ang comment ng netizens kung sakaling siya na nga ang gaganap na Millennial Valentina at nagsasabi na bagay din kay Ivana Alawi.
“Bagay naman. Tutal ayaw na ni Ivana. Masaya na siya sa YT.”
“Realtalk shes not interesting and the project darna as well.”
“I was actually expecting it will be Ivana to play Valentina.”
“Cguro na umay na c ivana kc nasobrahan sa hype ung darna.. nung 2018 pa kasi ano na??”
“Di bagay si Ivana mag valentina. Mashado siya maliit.’
“If ever from bida naging kontrabida. Unfortunately wala pang sumikat na Valentina na naging bida later. Good luck Janine.”
“Alessandra De Rossi was Valentina for Angel Locsin.”
“Mas maganda pa si Valentina kesa kay Darna if ever.”
“Sure ako mauuna pa lumabas yung VOLTES V ng GMA7 than Darna na yan. Nawala na yung interes ng tao dahil sa sobrang tagal ipalabas not to mention na starlet pa yung magiging Darna walang solid fan base. Parang jinx na yung Darna sa abs-can kasi ilang beses na nagpalit ng artista and directors.”
“Bagay sa kanya, matangkad and matapang ang mukha.”
“Mas bagay kay Ivana mas palaban ang dating, parang lambutin si Janine.”
“Eto ung klasmeyt mong di na inform.. di kpa nanuod ng serye nya sa gma no?”
“Masyado maliit si Ivana. Nagulat ako nung mapanood ko siya sa isang show parang 4’11 lang height niya. Parang hindi convincing na makikipaglaban she’s very tiny.”
“Not a fan of Ivana, but she can do both Valentina and Darna, like why not? Haha! Mabait kasi si ate girl, tapos yung awra nya seductive like valentina.”
“to be honest, wala bang bata bata kesa kay janine?”
“O diba mana sa lola! Baka nakalimutan nyo uy nag Valentina si Pilita! Pwede! (ROHN ROMULO)
Fernandez, Tolentino may pulong para sa SEA Games
NAKATAKDANG makipagtalakayan si Philippine Sports Commission (PSC) Commissioner Ramon Fernandez kay Philippine Olympic Committee (POC) President Abraham Tolentino sa Biyernes, Pebrero 5 kaugnay sa preparasyon ng bansa para sa 31st Souhteast Asian Games 2021 sa Nobyembre 21-Disyembre 2 sa Hanoi, Vietnam.
Itinalagang chef de mission ng nasabing 11-nation, biennial sportsfest , ipinahayag nitong Miyerkoles ni Fernandez, na pokus sa usapan nila Tolentino ang nalalapit na kompetisyon at kahilingan sa gobyerno na makapag-bubble training na rin ang mga atleta.
Aminado ang CDM na blangko pa siya sa sports at events at playing venues, bilang ng mga manalalarong bubuo sa pambansang delegasyon at ang magiging paghahanda ng ‘Pinas na pangkalahatang nagtatanggol na kampeon.
Sa ngayon, top three finish ang pinupuntirya ng PSC at POC para sa bansa sa nakatakdang palaro. (REC)
KISSES, may plano na mag-join sa Miss World Philippines 2021
MAY plano pala si Kisses Delavin ng All-Access to Artists na mag-join sa Miss World Philippines 2021.
Kaya naman excited ang kanyang mga fans and followers sa balitang ito. Alam kasi nilang bago pa nag-join si Kisses sa Pinoy Big Brother noon, beauty queen na siya sa kanilang province sa Masbate.
Bagay daw kay Kisses ito dahil ngayon pa lamang may advocacies na siya sa pagtulong sa kanyang mga kapwa, tulad nang pagtulong niya nang magkaroon ng malakas na lindol noon at naapektuhan ang mga kababayan niya sa Masbate.
Kaya wait na lamang ang mga fans ni Kisses sa announcement ng kanyang agency.
***
NGAYONG babalik na ang Bida Kids singing competition na Centerstage, nawala na ang pag-aaalaala ng host nito na si Asia’s Multimedia Star Alden Richards, na baka hindi na ito ituloy ipalabas ng GMA Network.
Aware kasi si Alden na bawal lumabas ang mga bata, lower than 15 years old, na siya pa namang age ng mga contestants ng show, bilang isang health protocols.
Kaya nagpasalamat siya nang malaman niyang tuloy na ito at magpi-perform na lamang ang mga bata sa kani-kanilang tahanan, sa tulong ng production team ng show, sa pamamagitan ng virtual set na itinayo para sa show.
Kahit ang co-host ni Alden na si Betong Sumaya at mga judges na sina Soul Diva Aicelle Santos, musical director Mel Villena at Concert Queen Pops Fernandez ay natuwa nang malamang tuloy na ulit ang airing ng Centerstage.
“Iyon nga lamang hindi na namin sila makakausap nang personal,” sabi ni Alden.
“Alam naming umaasa ang mga bata na matutupad din na muli nilang ipakita ang kanilang talent, kaya mabuti na lamang at GMA found a way.”
Mapapanood na ang Centerstage simula sa Sunday, February 7 sa GMA-7 pagkatapos ng Daig Kayo Ng Lola Ko.
***
NASA 33rd weeks of pregnancy na si international singer-stage actress Rachelle Ann Go-Spies at sa latest vlog niya, nai-share niya na naghahanda na siya sa nalalapit niyang pagsisilang sa first baby nila ng asawang si Martin Spies.
Thankful si Rachelle sa kanyang pagbubuntis na hindi siya nakaranas ng kung anu-anong pinagdadaanan ng isang naglilihi. Hindi siya nag-crave ng kung anu-anong pagkain, basta mahilig daw lamang siyang kumain nang kumain.
Ready na rin siya sa delivery ng kanilang baby, pero ang dasal niya sana ay hindi siya magsisilang by caesarean section. Regular daw naman siyang pinupuntahan ng midwife niya sa house nila in London for check-up.
Ipinakita rin ni Rachelle ang mga gamit ng magiging baby nila na sina-shopping na nila ngayon ni Martin, may isang baby crib doon na gagamitin sa gabi para makasama nila sa bedroom nila ang anak, biro niya ‘tiny’ lang kasi ang room nila at hindi kasya ang malaking crib.
Tinatapos pa rin daw nila ni Martin ang nursery room ng baby at ipakikita niya ito sa susunod niyang vlog. Secret pa ang gender ng baby na isisilang niya by March. (NORA V. CALDERON)
‘Unpregnant’ Premieres in Asia Exclusively On HBO and HBO GO
HBO Max and WarnerMax’s original feature film, Unpregnant, adapted from the young adult HarperCollins novel of the same name, will premiere in Asia for the first time on 6 February at 9pm exclusively on HBO GO and HBO.
Starring Haley Lu Richardson (“Split”; “Five Feet Apart”) and Barbie Ferreira (HBO’s “Euphoria”), the film offers a mix of humour and grounded human emotion as it tackles complicated friendships and the difficult road to adulthood.
Seventeen-year-old Ivy League-bound Veronica (played by Richardson) never thought she would want to fail a test – that is, until she finds herself clutching a piece of plastic with a giant plus sign glaring back at her. With conservative parents, an incompetent boyfriend, no car and a promising college-bound future now disappearing before her eyes, Veronica considers a decision she never imagined she would have to make.
She makes a never-taken-lightly decision and turns to the only person who will not judge: her ex-best friend and legendary misfit Bailey (played by Ferreira). They embark on a 1,000 mile hilarious road trip to New Mexico over three days where they discover sometimes the most important choice you will make in life is who your friends are.
The film also stars Alex MacNicoll (“Thirteen Reasons Why”; “The 5th Wave”), Breckin Meyer (“Clueless”; “Garfield”), Giancarlo Esposito (“Breaking Bad”; “The Jungle Book”), Sugar Lyn Beard (“Mike and Dave Need Wedding Dates”; “Sausage Party”), pop star Betty Who, Mary McCormack (“Private Parts”; “Deep Impact”), Denny Love (“Chicago P.D.”), Ramona Young (“Legends of Tomorrow”; “Blockers”) and Kara Royster (“Supernatural”; “Faking It”).
From Berlanti Schechter Films and PICTURESTART, the film is directed by Emmy® winner Rachel Lee Goldenberg (“Valley Girl”, “The Mindy Project”), who also wrote the screenplay with authors Hendriks & Caplan, Jennifer Kaytin Robinson (“Someone Great”), and William Parker.
Unpregnant is adapted from a book of the same name by authors Jenni Hendriks (“How I Met Your Mother”) and Ted Caplan (music editor for “The Hate U Give”; “The Greatest Showman”).
Watch trailer below: https://www.youtube.com/watch?v=WFLhX8OIOC0&feature=emb_logo
Stream or download Unpregnant on HBO GO. Download the app at the App Store or Play Store on your device and enjoy a free trial. You can also access HBO GO via Cignal or at https://www.hbogoasia.com/. HBO GO can be accessed via Android TV, Apple TV, LG TV and Samsung Smart TV – and comes with AirPlay and Google Cast functionality. (ROHN ROMULO)
Paiiraling sistema para sa PBA nakabitin pa ngayon – Marcial
WALA pangpasya ang Philippine Basketball Association (PBA) kung anong paraan sa torneo ang paiiralin para sa ika-46 na edisyon ngayong 2021 simula sa Philippine Cup sa Abril 9.
Nabatid kahapon professional cage league commissioner Wilfrido ‘Willie’ Marcial, na pagbabatayan pa ng PBA Board of Governors o team owners reperesentative ang magiging diskarte sa Covid-19 sa bansa sa mga susunod na buwan sa bubble, semi-bubble o closed circuit.
Unang Gawain ng unang Asia’y play-for-pay hoop ang virtual 36th PBA Rookie Draft 2021 .
“Hindi pa napag-uusapan (ng Board) ang system,” bigkas ni Marcial. “Tingnan natin by March o April.”
Ihininto ang nakaraang season 45 noong Marso 11 nang nakakaisang laro pa lang ng Mar. 8.
Pero naisalba pa rin ang Philippine Cup sa itinayong bubble sa Clark, Angeles, Pampanga noong Oktubre-Disyembre.
Sa Quest Hotel sa Clark Freeport patungong Angeles University Foundation Gym sa kalapit na Angeles City lang ang biyahe paroo’t parito ng mga manlalaro at mga opisyal. Pagkaraan ng praktis at laro, balik na ulit ng hotel ang mga player. (REC)