2021 February 10 Archive - People's Balita

November 16, 2024
Search in People's Balita
Ang Diyaryong Pinagkakatiwalaan

Archive for February 10th, 2021

Gobyerno handa na sa pagbabakuna

Posted on: February 10th, 2021 by @peoplesbalita No Comments

Tiniyak kahapon ng Malacañang na nakahanda na ang gobyerno sa gagawing pagbabakuna laban sa COVID-19 sa susunod na linggo.

Ayon kay Presidential Spokesperson Harry Roque, ang unang batch ng bakuna mula sa COVAX facility ay darating sa kalagitnaan ng Pebrero.

Ilang tulog na lang aniya ay magsisimula na ang vaccination drive na napaghandaan naman ng gobyerno.

“Ilang tulog na lang, mga kaibigan, at dadating na ang unang batch ng ating bakuna. Ready or not, handang-handa po ang ating gobyerno para magsimula ang ating vaccination drive itong ika-15 ng Pebrero,” ani Roque.

Nilinaw din ni Roque na maisasagawa kaagad ang pagbabakuna isa o dalawang araw pagkatapos dumating ng suplay sa bansa.

“It’s just a matter of when the plane carrying the Pfizer vaccines will actually land in NAIA (Ninoy Aquino International Airport),” ani Roque.

Ang mga health workers ang nangunguna sa listahan ng mga bibigyan ng bakuna.

Aabot sa 10 milyong doses ng COVID-19 vaccine ang makukuha ng Pilipinas sa COVAX facility sa unang quarter ng taon kabilang na ang 117,000 doses ng Pfizer vaccine.

NAVOTAS’ COVID RESPONSE PINURI NI DUQUE

Posted on: February 10th, 2021 by @peoplesbalita No Comments

Pinuri ni Health Secretary Francisco Duque III ang Pamahalaang Lungsod ng Navotas sa matagumpay na pagtugon kontra Coronavirus Disease 2019 pandemic.

Si Duque at Cabinet Secretary Karlo Nograles, kabilang sa mga miyembro ng COVID-19 Vaccine Coordinated Operations to Defeat Epidemic (CODE) Team na bumisita sa Navotas Polytechnic College upang suriin ang cold room a vaccination center ng lungsod.

“Navotas City is worth acknowledging and recognizing because of its success in its COVID-19 pandemic response.” Pahayag ni Duque sa kanyang talumpati.

Sinabi ni Duque na ang lungsod ay mayroong 2% positivity rate, 3.4% na mas mababa kaysa sa national positivity rate. Nagtala din ito ng pinakamababang kaso ng fatality rate na 1.7%, kumpara sa 2% national fatality rate.

Nabanggit din ng health secretary na ang lungsod ay nagtala ng 1.53% average na daily attack rate sa huling dalawang linggo, -17.5% na dalawang linggong growth rate, at zero healthcare utilization rate.

Ipinakita ng City Health Office ang Navotas’ vaccination rollout plan na layon nitong ma-inoculate ang 107,000 karapat-dapat mabakunahan sa 20 vaccination sites at target na bakunahan ang 100 indibidwal kada araw bawat site.

“We have conducted a series of dry runs to keep our vaccination teams ready for any eventuality. We want our rollout safe and smooth that’s why we also study the vaccination procedures of other countries so we may learn from their experiences,” ani Mayor Toby Tiangco.

Samantala, sinabi ni Cong. John Rey Tiangco ang plano ng lungsod na tugunan ang mababang kumpiyansa sa bakuna.

“The city government has invited health experts to educate Navoteños about COVID-19 vaccines. We hope that as we correct misconceptions, we will also be able to allay their fears and eventually convince them to get vaccinated,” pahayag niya. (Richard Mesa)

Bayanihan 3 ni Speaker Velasco, malabong iendorso ni PDu30

Posted on: February 10th, 2021 by @peoplesbalita No Comments

NGAYON pa lamang ay nagpahiwatig na ang Malakanyang na malabong iendorso ni Pangulong Rodrigo Roa Duerte ang pagpapasa ng P420-billion stimulus package na ipinanukala ni House Speaker Lord Allan Velasco na tinawag bilang Bayanihan 3.

Sinabi ni Presidential Spokesperson Harry Roque, sa kasalukuyan, ang P4.5-trillion 2021 National Budget at ang P165-billion Bayanihan to Recover as One (Bayanihan 2) law ay sapat na para itustos ng pamahalaan sa gitna ng COVID-19 pandemic.

“Well, we appreciate the policy initiatives of Speaker Velasco. Pero ang consistent position po natin diyan ay mayroon po tayong sapat na fiscal stimulus ngayon sa ating annual budget at ipinapatupad pa po natin iyong Bayanihan 2,” ayon kay Sec. Roque.

“Pero siyempre po, we appreciate the filing of Bayanihan 3 dahil kung kulang po talaga, then we will of course resort to Bayanihan 3. Sa ngayon po, tingnan po muna natin kung anong mangyayari sa pagpapatupad ng 2021 budget at iyong pagpapatupad pa rin ng Bayanihan 2 na extended po hanggang taon na ito,” dagdag na pahayag ni Sec. Roque.

Sa ulat, nagpahayag ng suporta ang 115 kongresista ang para sa isinusulong na Bayanihan 3 na may P420 Billion na pondo.

Si House Speaker Lord Allan Velasco kasama si Marikina Rep. Stella Quimbo ang main authors nito sa ilalim ng House Bill 8682 o ang Bayanihan to Arise As One Act.

Pinakamalaking bahagi ng Bayanihan 3 ay mapupunta sa panibagong round ng ayuda sa ilalim ng Social Amelioration Progam o SAP Cash aid ng DSWD na may P108-B budget.

Ayon kay Speaker Velasco, hindi raw sumapat ang ayudang dala ng Bayanihan 1 at 2 dahilan kaya isinusulong nila sa Kamara ang bagong Bayanihan bill.

Hindi si Velasco ang naunang naghain ng Bayanihan 3 bill sa Kongreso.

November 2020 nang ihain ni Congresswoman Quimbo ang bersyon niya ng panukala, at nakaraang taon din ng ihain nina House Majority Leader Martin Romualdez, Ways and Means Chair Joey Salceda at AAMBIS-OWA Rep. Sharon Garin ang bersyon nila ng Bayanihan 3.

Pero ayon sa House Speaker, dahil sa matinding epekto ng pandemya sa ekonomiya ay dapat matugunan ng gobyerno ang pangangailangan ng mga apektadong sektor.

Ani Velasco, “Government must therefore take the lead to promote business and consumer confidence and social welfare. Increased, well-targeted spending is a vital step to achieving these goals.”

Inilatag naman ni Quimbo kung saan maaring kunin ang pondo sa Bayanihan 3.

Panawagan naman ng mambabatas na sana’y suportahan ng Palasyo ang Bayanihan 3 at sertipikahan itong urgent ni Pangulong Duterte. (Daris Jose)

PDu30, pinakiusapan ang mga NPA na huwag harangin ang mga bakuna laban sa COVID-19

Posted on: February 10th, 2021 by @peoplesbalita No Comments

SINABIHAN ni Pangulong Rodrigo Roa Duterte ang mga manggagawa ng pamahalaan na tiyakin na magiging maayos ang delivery ng COVID-19 vaccines sa oras na dumating na ito sa bansa.

Sa public address ng Pangulo, Lunes ng gabi ay sinabi nito na hindi dapat buksan ng Bureau of Customs ang containers na may lamang bakuna.

Idinagdag pa ng Punong Ehekutibo na kailangan na mag-provide ang PNP ng police escorts upang masiguro na mabilis ang delivery sa storage facilities.

“Ang trabaho ninyo Customs is magtingin. You have no business na buksan yan. I am not allowing anybody there sa airport na magbukas,” diing pahayag ni Pangulong Duterte.

“Then ‘yung loading, transport… The PNP should provide escorts to ensure the fastest way for the vaccines to arrive in their storage at saka even in the matter of transporting it form one facility to the other,” dagdag na pahayag ng Pangulo.

Sinabi pa ng Pangulo na pangungunahan nina Defense Secretary Delfin Lorenzana, Health Secretary Francisco Duque III at vaccine czar Carlito Galvez Jr. ang pagtiyak ng “smooth transport” at distribusyon ng bakuna sa mga mamamayan.

Samantala, siniguro naman ni Galvez kay Pangulong Duterte na mayroong police escort kapag dumating na ang COVID-19 vaccines sa bansa at nai-byahe sa ibang lugar.

“From aircraft, dadalhin sa naghihintay na truck then from there, we already coordinated with the (Department of the Interior and Local Government) and chief (Philippine National Police) na talagang mayroon pong mobile escort,” anito.

“At gagawa po tayo ng special lane para at least pagpunta po sa (Research Institute for Tropical Medicine), very minimal po ‘yong time and then doon na po i-inspect sa storage facility so ‘yong stability po ng mga vaccine will be maintained,” aniya pa rin.

Sinabi pa ni Galvez na magsasagawa sila ng dry run upang makita kung may depekto sa pamamahagi ng mga bakuna.

Samantala, umaapela naman si Pangulong Duterte sa Communist Party of the Philippines (CPP) na payagan ang libre at ligtas na pagbyahe o pagdadala ng mga bakuna partikular na sa mga lugarr kung saan mayroong “degree of influence” ang mga ito.

“As I have said, the money belongs to the Filipino people. The credit goes to no one. Sa inyo ‘tong mga Pilipino. Pera ninyo ito so natural lang na kayong mga members ng CPP and the allied NPA, NDF, or whatever, kindly observe the rules of humanity,” ayon sa Pangulo.

Tinitingnan naman ng Pilipinas na pangasiwaan ang COVID-19 vaccines sa frontline healthcare workers sa susunod na Lunes, Pebrero 15 lalo pa’t target ng pamahalaan na mabukanahan ang 1.4 million indibiduwal sa isang buwan.

“We did our assignment and we are waiting for vaccines to arrive and to immediately implement the required mandate and that is pabakunahan lahat, we will do it as fast as the vaccines would come in,” ang pahayag ni Pangulong Duterte.

“As fast as we receive them we distribute them, but you must have the facility to ensure the integrity of the vaccines,” dagdag na pahayag nito.

Minaliit naman ni Pangulong Duterte ang pangamba ng publiko hinggil sa posibleng korapsyon sa pagbili ng bakuna.

Giit ng Pangulo, ang perag gagamitin na pambili ng bakuna ay hawak ng lending institutions gaya ng World Bank.

“I would like to repeat, itong pambayad natin sa bakuna hiniram natin ito sa . . . World Bank wala kasi tayong pera. Ngayon pagdating sa bayaran kung tapos na lahat, ang manufacturers like Pfizer magkolekta sila hindi sa atin, dun sila magkuha ng pera sa World Bank, so walang corruption dito kasi walang hinahawakan kung sinuman dito na bilyon,” paliwanag ng Pangulo.

“Ganun ang sitwasyon kaya masakit sa amin na basta na lang sweeping allegations about corruption, ‘yun ang pakiusap ko lang din sa members ng Congress,” aniya pa rin. (Daris Jose)

Tabal sumuko na sa 32nd Summer Olympic Games

Posted on: February 10th, 2021 by @peoplesbalita No Comments

TAAS kamay na si 2016 Rio de Jainero Olympian marathoner Mary Joy Tabal sa iniurong sa darating na Huly 23-Agosot 8 dahil sa COVID-19 na 32nd Summer Olympic Games 2020 sa Tokyo, Japan.

Ito ang binunyag ng 30th Southeast Asian Games Philippines 2019 silver medalist at dating pambato ng Philippine Athletics Track and Field Association (Patafa) sa isang pnayam sa kanya sa telebisyon nitong isang araw lang.

“Ni-let go ko na ‘yung 2020 Tokyo Olympics if talagang go na siya for this year since all my postponed races dated from 2020 to 2021 are still on hold. Wala akong ma-join na confirmed marathon competitions na pwedeng mag-earn ng points going to Tokyo Olympics,” bulalas ng 31 taong-gulang, 4-11 ang taas at tubong Cebu na mananakbo.

Pero binigyang-diin naman ng unang Pinay marathon runner at six-time National MILO Finals queen, na kakayod pa siya ito sa iba’t ibang mga karera at puntirya ang 33rd Sumer Olympic Games 2024 sa Paris, France.

Nagbabalak na ring magpatala ang dalaga sa kasintahan niyang sundalo. (REC)

Ads February 10, 2021

Posted on: February 10th, 2021 by @peoplesbalita No Comments

FIRST Trailer for ‘Split’ Director’s New Film ‘Old’ Teases Time-Twisting Terror

Posted on: February 10th, 2021 by @peoplesbalita No Comments

MANY of us seem to have a fear of growing old, and the feeling that time’s running out for us.

And it seems that director M. Night Shyamalan will be exploring this fear in his upcoming film, Old.

Its first trailer has been released which gives us a first glimpse at this mysterious each where people age faster.

Check out Old‘s trailer below: https://www.youtube.com/watch?v=eB1m-WogYeg&feature=emb_logo

Inspired by the graphic novel Sandcastle by Pierre Oscar Lévy and Frederik Peeters.

This summer, visionary filmmaker unveils a chilling, mysterious new thriller about a family on a tropical holiday who discover that the secluded beach where they are relaxing for a few hours is somehow causing them to age rapidly … reducing their entire lives into a single day.

M. Night Shyamalan, known for the films The Sixth Sense, Split, andGlass, directed which is set for release in July this year. The film stars Gael García Bernal, Vicky Krieps, Alex Wolff, Ken Leung, and Nikki Amuka-Bird.

For more information and updates, visit the Old movie’s website and follow its social media pages on Facebook, Twitter, and Instagram. (ROHN ROMULO)

TOP 1 MOST WANTED NG NPD, ARESTADO

Posted on: February 10th, 2021 by @peoplesbalita No Comments

Matapos ang mahigit dalawang taon pagtatago, naaresto na ng mga awtoridad ang Top 1 most wanted person ng Northern Police District (NPD) sa Caloocan City.

Sa report ni District Special Operation Unit (DSOU) head PLTCOL Allan Umipig kay Northern Police District (NPD) Director P/BGen. Nelson Bondoc, kinilala ang naarestong suspek na si Benjamin Servano, 42.

Ayon kay PSSg Allan Ignacio Reyes, alas-12:30 ng hapon nang madakip ang suspek ng pinalakas na Intelligence Driven manhunt operation ng NPD DID, kasama ang team ng RUI-IG-NCR, DID-NPD at DMFB-NPD sa pangunguna ni P/Major Amor Cerillo sa ilalim ng pangangasiwa ni PLTCOL Umipig sa kanyang bahay sa Block 6 Lot 36 Tawilis St. Dagat-Dagatan, Caloocan city.

Inaresto ang suspek sa bisa ng warrant of arrest na ipinalabas ni Hon. Rodolfo P. Azucena Jr. Presiding Judge ng RTC Branch 125 ng Caloocan city dahil sa kasong Murder na walang inirekomendang piyansa.

Si Servano ay itinuturing na top 1 most wanted ng NPD matapos mapatay nito si Edgardo Buco noong December 30, 2018 makaraang barilin niya ang biktima sa Kawal St. Brgy. 28, Caloocan city.

Ayon sa suspek, nagkaroon ng pagtatalo sa pagitan nila ng biktima at pinagbantaan umano siya nito na papatayin na naging dahilan upang inunahan niya itong patayin. (Richard Mesa)

DAGDAG KAPAPASIDAD SA SIMBAHAN PARA SA VACCINATION WALANG PINAG-USAPAN

Posted on: February 10th, 2021 by @peoplesbalita No Comments

WALA umanong napapag-uasapan kung may kahilingan ang Catholic Bishops Conference of the Philippines (CBCP) na dagdagaan ang kapasidad ng mga simbahan para sa vaccination program ng pamahalaan.

Ayon kay Manila Vice Mayor Honey Laguna-Pangan sa ginanap na virtual forum ng Department of Heatlh (DOH) , ang napag-uasapan lamang aniya ng pamahalaang lungsod ng Maynila sa pangunguna ni Manila Mayor Isko Moreno Domagoso kasama si Bishop Broderick Pabillo ay ang iniaalok na mga simbahan at mga eskuwelahan na maaring gawing vaccination sites.

Ito ay kasunod umano ng panawagan na dagdagan ang kapasidad sa simbahan .

Sinabi pa ni Laguna-Pangan na wala namang nabanggit si Bishop Pabillo sa kanila na humihiling sila na taasan o dagdagan ang kapasidad sa simbahan.

Ang 50% capacity na ibinigay naman aniya sa kanila ay tolerable naman vaccination program dahil kaya naman aniyang ipatupad ang health protocol .

Napag-usapan lamang aniya na tutulong ang Simbahan kung saan bubuksan ang kanilang mga schools at churches para makatulong sa vaccination site para sa lungsod ng Maynila.

Sinabi naman ni Health Usec Maria Rosario na kailangan pa ring dumaan sa IATF ang mga ganitong bagay .

Ayon kay Vergeire, kapag may nagre-request na mga sector para magkaroon ng kaunting kaluwagan sa itinalagang pamantayan ng IATF ay kailangan munang dumaan sa proseso.

Kailangan lamang umanong magsumite ng request letter sa IATF upang matalakay ng mga opisyal. (GENE ADSUARA)

Caballero swak sa 2021 World Indoor Rowing

Posted on: February 10th, 2021 by @peoplesbalita No Comments

PINAGWAGIAN ni Melcah Jen Caballero ang kapapalaot na Asian Continental Qualifier women’s 500-meter race sa 1 minute at 40.6 seconds clocking magmartsa sa 2021 World Rowing Indoor Championships sa Pebrero 27.

May halos isang buong bangka ang inilamang ng 23-anyos na Bikolanang naninirahan sa Camarines Sur laban sa pumangalawa’t pumangatlo sa kanyang sina Soaad Alfaqaan ng Kuwait at Puttharaksa Negree ng Thailand na mga nagposte 1:43.2 at 1:14.3 oras.

Dinaos na online at indoor na may rowing machine na nakakabit sa race system, pinagdiinan ni Caballero na hindi tsamba ang pagdaklot niya ng dalawang gold medal sa 30th Southeast Asian Games Philippines 2019 women’s lightweight single sculls at women’s double sculls katerno si Joanie Delgaco.

Nasa kukote rin ng Pinay rower sa ngayon na makahabol pa sa Olympic Qualifying Tournament sa Asian & Oceania Continental Qualification Regatta sa Tokyo, Japan sa Mayo 5-7 o sa Final Qualification Regatta sa May 16-18 sa Lucerne, Switzerland.

Sa kasaysayan, wala pang nag-qualify na Pinay sa sport sa Summer Olympic Games. Pero may dalawang Pinoy na, sila ay sina Edgardo Maerina sa 1988 Seoul Games at Benjamin Tolentino Jr. sa 2000 Sydney Olympics. (REC)