2021 February 25 Archive - People's Balita

July 3, 2024
Search in People's Balita
Ang Diyaryong Pinagkakatiwalaan

Archive for February 25th, 2021

300K leak pipes, naayos ng Maynilad

Posted on: February 25th, 2021 by @peoplesbalita No Comments

Umaabot na sa halos 300,000 ng leak pipes ang naayos ng West Zone concessionaire Maynilad Water Services, Inc. (Maynilad) mula nang pangasiwaan ng kompanya ang pagsusuplay ng tubig sa west zone area mula 2007.

Ito ay matapos makumpleto ng Maynilad ang may 22,500 pipe leaks noong 2020 at dahil dito nabawasan ang pagtagas ng tubig na nasasayang dahil sa sirang mga tubo.

Ang Manuel V. Pangilinan-led water company ay naglaan ng may P189 million noong 2020 lamang para maisaayos ang mga pipe leaks na karamihan ay secondary at primary lines sa Quezon City, Parañaque, at Muntinlupa.

Ilan sa mga nadiskubreng leaks ay hindi visible aboveground at nangailangan pa ang kompanya ng paggamit sa state-of-the-art technology tulad ng Sahara® mobile leak detection system para madiskubre ang wasak na tubo ng tubig bago mai-repair.

Ang Sahara® system ay nadedetect ang leaks, naaayos ang trapped gas at structural defects sa linya ng tubig.

“Notwithstanding pandemic-related restrictions, we continue to deploy field personnel to sustain our leak detection and repair activities. The more leaks we are able to repair, the more we can improve water pressure in the pipelines,” sabi ni Maynilad Chief Operating Officer Randolph T. Estrellado.

Sa ngayon ang Maynilad ay nagsusuplay ng malinis na tubig sa may 9.8 million katao sa ibat ibang bahagi ng Metro Manila at karatig lalawigan.

Ads February 25, 2021

Posted on: February 25th, 2021 by @peoplesbalita No Comments

18 pulis nagpositibo sa droga, pinasisibak

Posted on: February 25th, 2021 by @peoplesbalita No Comments

Tiniyak ni Philippine National Police chief, Gen. Debold Sinas na tuluy- tuloy ang paglilinis ng kanilang hanay mula sa mga pulis na sangkot sa iba’t ibang illegal activities.

Partikular na tinukoy ni Sinas ang pagkakasangkot ng mga pulis sa paggamit ng ipinagbabawal na gamot na aniya hindi tamang ehemplo sa publiko.

Ayon kay Sinas, pinasisibak niya sa tungkulin ang nasa 18 tauhan ng PNP na mga nagpositibo sa isinagawang random drug testing mula Enero 1 hanggang Pebrero 20, 2021.

Batay sa datos ng PNP Crime Lab, 17 sa naturang bilang ay mga police officer habang isa naman ang non uniformed personnel (NUP). Isinagawa ang drug testing hindi lang sa National Headquarters kundi pati sa ibat-ibang police regional offices sa buong bansa.

Aniya, ang internal cleansing ay kailangan upang maiahon ang imahe ng PNP. Kailangan na maibalik ang tiwala ng publiko sa pulis.

Sa kabuuan, nasa 80, 507 na mga PNP personnel ang sumalang sa drug test.

Sumasailalim ngayon sa imbestigasyon ang mga pulis na nagpositibo sa drug test.

DIREK EASY, umaming nagka-anxiety bago pinalabas ang ‘Ben X Jim’

Posted on: February 25th, 2021 by @peoplesbalita No Comments

AMINADO si Direk Easy Ferrer na nagkaroon siya ng anxiety bago ang airing ng first season ng Ben X Jim.

Kasi naman ang daming successful na BL series na naipalabas at marami pa ang nakalinya na ipalabas.

Pero ayon sa kanya, nagpick-up naman sila after the episodes kaya he felt relieved dahil magandang feedback about Ben x Jim. Kumbaga, worth it lahat ng effort at energy spent sa series.

Sa tingin ni Direk easy, ang pagiging simple at relatability ng kwento ng Ben X Jim ang main reason kung bakit nag click ito.

Kahit na mga ordinaryong tao ay mine-message siya at sinasabi na fan sila ng show. Hindi lang members ng gay community ang audience nila. Mga nanay, straight guys at mga single women ay naka-relate sa kwento ng BL series.

Ano naman amg kakaiba sa second seasom ng Ben X Jim?

“Season 2 will be more grounded, bittersweet reality of love and consequences of fighting for your love. Plus may mas maraming diverse subplots mula sa ibang characters tulad ng discrimination sa workplace, sexual exploration and positivity, gender reassignment and self validation,” kwento ni Direk Easy.

Tatalakayin din sa show ang May- December love affair and maturity issues, cat fishing, social media toxicity and cancel culture.

Pero kahit na magiging diverse at in depth ang political discussion, magiging relatable pa rin ang kwento.

Dahil successful ang unang season, malaking challenge to make season 2 even better.

Pero naniniwala naman si Direk Easy na malaking tulong sa kwento ang mga bagong characters na idinagdag to make the series more interesting. Pinuri ni Direk Easy ang kanyang cast for being competent in their roles.

***

NAKABIBILIB ang ABS-CBN dahil kahit wala silang franchise ay patuloy pa rin sila sa pagpo-produce ng mga shows for their different platforms.

Patuloy din ang kanilang film arm (Star Cinema) sa paggawa ng pelikula tulad ng Hello Stranger na patok sa streaming platforms.

More than just earning money, sinusunod pa rin ng ABS-CBN at Star Cinema ang kanilang layunin na makapaghatid ng de kalidad na entertainment fare sa kanilang mga loyal viewers and supporters.

Wala man silang franchise, ‘di naman nalilimutan ng network ang pagsisilbi sa bayan thru their shows and movies.

Patuloy pa rin tinatangkilik ang well-loved shows nila tulad ng FPJ’s Ang Probinsyano at Ang Lahat Sa Iyo Ay Akin.

***

NASA Megamall kami the other day and napadaan kami sa may sinehan sa third floor.

Nalungkot kami dahil sarado ang sinehan. Mag-iisang taon nang sarado ang mga cinemas sa buong bansa since nagsimula ang Covid-19 last year.

Nakalulungkot ang nangyari dahil ang isa sa paboritong libangan ng mga Pinoy ang panonood ng sine pero up to now ay hindi ito maibalik dahil sa malamyang pagtugon ng gobyerno sa pandemya.

Kainggit ang ibang bansa na nagbalik na sa normal, in a way, ang buhay nila. May vaccine na sila para sa kanilang mga tao at yung ibang bansa ay nagbukas na ang mga sinehan.

Umaasa pa naman ang lahat na noong February 15 ay papayagan na ang pagbubukas ng mga sinehan but it was deferred to March 15.

Ngayon ang sinasabi ng Malacanang ay hindi sila papayag buksan ang mga sinehan kung hindi pa sisimulan ang vaccination.

Ang entertainment business ang labis na naapektuhan ng pandemya. Sarado ang mga sinehan, mga bars, clubs, karaoke joints, sing-along bars, at lahat na may live entertainment na involved. Mahihirapan makabangon lalo ang entertainment business if the government cannot get their acts together at papaplanuhin what is the best way to address the problem at hand.

Pero kahit na ganito ang sitwasyon ay patuloy pa rin ang umaasa ang mga taong apektado na magiging maayos din ang lahat at muling magbabalik muli sa dating nating nakagawian.

Kaya ‘yung mga mahilig manood ng sine ay umaasa na lamang sa live streaming mga bagong pelikula na ipinalalabas.

Pero we remain hopeful na muling magbubukas ang sinehan, kahit na may mga health protocols na dapat sundin (RICKY CALDERON)

Kai Sotto malaki pa rin ang chance na makasama sa NBA G-League

Posted on: February 25th, 2021 by @peoplesbalita No Comments

Tiwala ang maraming mga basketball experts na hindi pa rin naglalaho ang pangarap ni Kai Sotto na makapaglaro sa NBA-G League.

Ito ay kasunod ng nangyaring aberya ng umuwi ito sa Pilipinas para sana makapaglaro sa Gilas Pilipinas subalit hindi natuloy dahil sa kanselasyon ng FIBA Asia Qualifers ngayong buwan ng Pebrero.

Ayon sa kampo ng 7-foot-3 player na nakabalik agad ito sa Orlando para paghandaan ang nasabing pagasabak sa NBA.

Maglalaro kasi ang koponan nitong Team Ignite sa G League bubble sa Walt Disney Complex kasama nito ang Filipino -American guard na si Jalen Green.

Isa sa mga positibong makakasama pa rin si Sotto sa G League ay Kobe Paras kung saan ipinagtanggol nito ang kapwa basketbolista sa mga negatibong komento dahil sa napipintong paglaho ng pangarap nitong makapasok sa NBA.

PIOLO, puring-puri ng netizens habang may panlalait kina SAM at JOHN LLOYD sa throwback post ni ERIK

Posted on: February 25th, 2021 by @peoplesbalita No Comments

KAALIW naman ang throwback post ni Erik Santos sa kanyang IG account na kung saan kasama niya sa photo sina John Lloyd Cruz, Zanjoe Marudo, Sam Milby at Piolo Pascual.

May caption ito ng, “ASAP ‘08 in Guam! @asapofficial #Throwback .”

OMG, ganun na pala ‘yun katagal at pansin ng netizens na parang si Piolo lang ang walang masyadong pinagbago kumpara sa apat.

Nag-react naman si Papa P sa post na ito ni Erik, sabi niya, “@eriksantos prow!!!! Parang kelan lang.”

Pati si Gary Valenciano ay pabirong nag-comment ng, “Parang giniginaw ka Erik?” “@garyvalenciano actually nag fe-flex po kasi ako Kuya,” pabirong sagot din ni Erik.

Narito naman ang naging reaction ng netizens na kung saan puring-puri talaga nila ni Papa P, habang may konting panlalait kina Sam at JL, at wala yatang nagbigay-pansin kina Zanjoe at Erik.

“Si piolo walang pinagbago.”

“ang hot ni Papa P, then and now!”

“Akala ko 2018, 2008 pa pala to. OMGang tagal na ah, parang kailan lang. I’m feeling nostalgic right now. Char.”

“Oo nga kasi parang walang pinagbago mga itsura nila. Well, except for john lloyd

since 2-3 yrs ago when he “left” showbiz kuno.”

“Ang pangit ni sam milby.”

“Hindi ko nga napansin si JLC, kasama pala sa photo. Sana maibalik niya ayos niya na ganyan, mukhang malinis at malusog. Opinyon Lang po.”

“Yung itsura ni Sam sa likod parang kaklase mo na mahiyan.”

“Si Sam sumikat paglabas ng PBB pero hindi niya na-sustain and wala na siyang kinang ngayon. Cute rin siya dati but now habang tumatanda siya he’s not aging gracefully anymore.”

“sorry, but i still find sam cute hanggang ngayon.”

“gwapo pa din si Sam kahit nag ka edad na.…”

“Ang fresh pa ni JLC dyan.”

“Iba ka talaga Papa P. Edad lang nadagdagan sa iyo pero di ang hitsura.”

“Di Papa P jusko di tumatanda itsura.”

“Cherep ni papa P.”

“Yikes, Puro tanders na pala sila.”

“Lahat ok pa rin, ang papa p walang pinagbago! si jlc lang ang sobrang nalanta na. habilitation ka popoy.”

“Papa P pa din.”

“Piolo lang ang hot.”

(ROHN ROMULO)

Tropa ni LeBron niresbakan ng Heat

Posted on: February 25th, 2021 by @peoplesbalita No Comments

Sa kanilang NBA Finals rematch matapos ang apat na buwan ay niresbakan ng Miami Heat ang nagdedepensang Lakers, 96-94, tampok ang 27 points ni guard Kendrick Nunn.

Tumipa si Jimmy Butler ng 24 points at 8 rebounds para sa Miami (13-17) habang humakot si center Bam Adebayo ng 16 markers at 10 boards.

Naimintis ni guard Alex Caruso ang kanyang long jumper sa huling posesyon ng Lakers kasabay ng pagtunog ng final buzzer.

Nagposte ni LeBron James ng 19 points, 9 assists at 9 rebounds para sa home team na muling hindi nakuha ang serbisyo nina injured starters Anthony Davis at Dennis Schröder.

Sa Memphis, kumamada si Devin Booker ng 23 points kasama ang lima sa franchise-record na 24 three-pointers ng Phoenix Suns (19-10) para sa kanilang 128-97 paggupo sa Grizzlies (13-13).

Sa Charlotte, isinalpak ni Terry Rozier ang isang off-balance jumper sa pagtunog ng final buzzer para sa 102-100 paglusot ng Hornets (14-15) kontra sa Golden State Warriors (16-15).

Sa Chicago, nagpasabog si Zach LaVine ng 38 points sa 122-114 pagsuwag ng Bulls (13-16) laban sa Sacramento Kings (12-17).

Sa Portland, tumapos si Russell Westbrook na may triple-double sa kanyang 27 points, 11 boards at 13 assists para sa 118-111 pagdaig ng Washington Wizards (10-17) sa Trail Blazers (18-11).

Mayor Isko handang magpaturok ng Sinovac

Posted on: February 25th, 2021 by @peoplesbalita No Comments

Handa si Manila City Mayor Isko Moreno na isa sa mauunang magpaturok ng COVID-19 vaccine mula sa Sinovac makaraang mabigyan na ito ng Emergency Use Authorization (EUA) ng Food and Drugs Administration (FDA).

Sa pulong ni Moreno sa mga miyembro ng Manila City Council ipinaalam niya na ang kahandaan na mabakunahan ng naturang Chinese vaccine.

Base sa ulat, ang Sinovac ay may efficacy range na 65.3% hanggang 91.2% ngunit nasa 50.4% efficacy range lamang sa mga health workers na lantad sa COVID-19.

Sa kabila nito, nanindigan si Moreno na basta aprubado na ng FDA at may EUA na ay maaari nang gamitin kahit anong bakuna.

“May karapatan kayong maging choosy. Pwede kayo maghintay ng bakunang type ninyo. Pero para sa akin, basta may EUA gagamitin po natin,” giit ni Moreno. (GENE ADSUARA)

RABIYA MATEO, kailangan nang maghanda kung totoong sa May 9 na ang ‘Miss Universe 2020’

Posted on: February 25th, 2021 by @peoplesbalita No Comments

MATUTULOY ngayong 2021 ang Miss Universe pageant.

Ito ay ayon sa Miss Universe Organization vice-president Shawn McClain na naglabas ng maraming pagbabago sa pageant dahil sa COVID-19 pandemic.

“There’s is a chance we change a bit, change some things about Miss Universe.I can’t say many details now, but changes (in) some parts of the show, some aspects of the competition to make it more a little 2021 as (like) an evolution of Miss Universe.

“We have a ton of people, a huge team thinking, creating the new format, new way of doing things and we are working on that. Now the pandemic brought many negative things, but also many positives.”

Sa bansang Costa Rica raw magaganap ang naudlot na Miss Universe 2020. Tutularan daw nila ang ginawang pag-iingat ng Miss USA 2020 na ginanap noong November 9, 2020 sa Exhibition Centre and the Soundstage at Graceland in Memphis, Tennessee. Nagwagi rito ay si Miss Mississippi Asya Branch.

“We had Miss USA and we learned how to hold an event with strict protocols, how to keep the contestants (in a) safe place, place each group in their own spot, not mix the groups and have everyone wear masks. This is what we are thinking of doing at the end of this year in Costa Rica.”

May report na magaganap ang 69^th edition ng Miss Universe pageant on May 9, 2021, Mother’s Day. Pero wala pang confirmation ang MUO tungkol dito.

Si Rabiya Mateo ang nanalo bilang Miss Universe Philippines 2020 at kailangan na nitong maghanda kung sa May na ang Miss Universe.

Ang current Miss Universe ay si Zozibini Tonzi of South Africa.

***

NAGLABASAN sa social media ang mga #JulieVid shippers matapos mag-post ng mga behind-the-scenes photos ang cast sa set ng upcoming GTV romantic series na Heartful Cafe.

Excited ang netizens sa first on-screen pairing ng Asia’s Pop Diva na si Julie Anne San Jose at Kapuso Hunk na si David Licauco bilang ang mga bidang sina Heart Fulgencio at Ace Nobleza. Hindi pa man daw nagsisimula ang kuwento, kitang-kita na agad ang chemistry ng dalawa.

Sey ng isang fan sa comments section, “Hoooy!!! Kasi naman, e. Bakit kinikilig ako.”

Dagdag pa ng iba, tiyak na aabangan nila ang tambalang ito sa TV. Makakasama rin nila Julie at David ang mga kapwa Kapuso artists na sina EA Guzman, Zonia Mejia, Jamir Zabarte, Ayra Mariano, at Victor Anastacio.

Huwag palalampasin ang pagbubukas ng Heartful Cafe soon sa GTV!

***

PATULOY na dumarami ang fans ng Kapuso teen actress na si Althea Ablan lalo na online!

Matapos ang matagumpay na pagtatapos ng top-rating GMA Afternoon Prime series na Prima Donnas na kinabilangan niya, lalong lumakas ang kaniyang social media presence.

Umabot na sa higit six million followers ang official Facebook page ng aktres. Patok na patok din si Althea sa iba’t ibang platforms tulad ng TikTok, Instagram, at YouTube, kung saan mayroon ng 430,000 subscribers ang channel niya. (RUEL J. MENDOZA)

NBI, NAG-IIMBESTIGA SA MGA FIXERS SA BI

Posted on: February 25th, 2021 by @peoplesbalita No Comments

PINAKIKILOS na rin ng Department of Justice (DOJ) ang National Bureau of Investigation (NBI) upang imbestigahan ang naiulat na bagong modus sa loob ng tanggapan gn Bureau of Immigratuon (BI).

Partikular na ipinag-utos ni Justice Secretary Menardo Guevarra ang mga fixers sa BI na iligal na nagpapasok ng mga Chinese national sa pamamagitanm ng pagproseso ng kanilang pasaporte at visa sa bansa.

“I have directed the NBI to expand its investigation of ‘fixers’ activities at the BI and find out who their cohorts are among the BI personnel, so that appropriate administrative and criminal charges may be filed against them,” ayon kay Guevarra.

Ito ay kasunod ng pagkakadakip ng mga ahente ng NBI sa isang accredited liaison officer na umanoy empleyado ng law firm.

Ito ay sa kabila ng kontrobersya sa BI ukol sa “pastillas scam” na malaking sindikato na nagpapasok ng Chinese nationals kapalit ng pera at maging sex service. Nasa 86 tauhan na ng BI ang nahaharap ngayon sa mga kasong kriminal at administratibo dahil sa pagkakasangkot dito.

Pinasalamatan naman ni BI Commissioner Jaime Morente ang NBI sa isinagawang operasyon at maging si Senador Risa Hontiveros sa kaniyang imbestigasyon ng umano’y bagong modus.

“We fully support the good Senator Risa Hontiveros in her call for an investigation on syndicates that sell fake passports and ‘fix’ documents of illegal aliens,” ayon kay Morente.

“We commend the National Bureau of Investigation’s (NBI) arrest of a travel agent allegedly involved in fixing the documents of three Chinese nationals,” dagdag pa niya.

Sinabi ni Morente na matagal na niyang ipinananawagan ang tulungan ng lahat ng ahensya para tuluyang mapuksa ang sindikato sa BI. Sa kaniyang panig, nagpatupad na siya ng mga aksyon laban sa mga nasangkot sa Pastillas Scam at patuloy na pinalalakas ang kanilang anti-corruption program. (GENE ADSUARA)