2021 March 24 Archive - People's Balita

July 3, 2024
Search in People's Balita
Ang Diyaryong Pinagkakatiwalaan

Archive for March 24th, 2021

Ilang kaso ng UK variant at South African variant naitala sa Navotas

Posted on: March 24th, 2021 by @peoplesbalita No Comments

Inanunsyo ni Navotas City Mayor Toby Tiangco na may sampung kumpirmadong kaso ng B.1.1.7. o UK variant ng COVID-19 sa lungsod at isa naman ang merong B.1.351 o South African variant, ayon sa pinakahuling report ng Department of Health.

Ayon kay Tiangco, kabilang sa mga barangay na may ganitong mga kaso ang Brgy. Bagumbayan South, Daanghari, Navotas East, Navotas West, NBBS Kaunlaran, San Jose at Sipac Almacen.

Lahat aniya ng mga pasyente ay naka-isolate na at ang kanilang mga close contacts ay natukoy at naka-isolate na rin.

Sabi ng alkalde, ang mga variant na ito ay mas madaling naipapasa kaya maaaring isa ito sa mga sanhi ng mabilis na pagdami ng mga kaso ng COVID-19 sa lungsod kaya’t kailangan aniya ang dobleng pag-iingat.

“Kung bata pa at malakas ang katawan, hindi man natin iindahin ang sakit kung tayo ang mahahawaan, maaari namang severe o critical ang epekto nito sa ating mga mahal sa buhay na matatanda na o may sakit”, ani Mayor Tiangco.

“Protektahan natin ang ating kalusugan dahil kaugnay nito ang pagprotekta natin sa ating kabuhayan. Kailangan natin ang malusog na pangangatawan para makapaghanapbuhay para matustusan ang pangangailangan ng ating pamilya. Mag-ingat po at sumunod sa safety protocols para hindi mahawaan o makahawa sa iba,” paalala niya. (Richard Mesa)

Mga gym, spa at internet cafe, sarado sa susunod na 2 linggo- Sec. Roque

Posted on: March 24th, 2021 by @peoplesbalita No Comments

INANUNSYO kahapon ni Presidential Spokesperson Harry Roque na sarado sa susunod na 2 inggo ang mga gym, spa at internet cafe.

Ani Sec.Roque, alinsunod sa guidelines o alituntunin na ipinalabas ng Department of Trade and Industry (DTI) na mayroon aniyang kapangyarihan ang mga LGUs na isara ang gyms, spas at internet cafes.

“Isang mahalagang anunsyo po. ..ang DTI po kahapon ay nagsabi na bagama’t hindi po kasama sa mga ipinagbabawal na negosyo ang gyms, spas at internet cafes, mayroon pong colatilla sila. Sarado po sa susunod na 2 linggo ang mga gyms, spas at internet cafes,” ayon kay Sec.Roque.

Sinabi pa ni Sec. Roque na nagbotohan na ang mga Metro Manila (MM) mayors at napagkasundan na sarado nga sa susunod na 2 linggo ang gym, spa at internet cafe.

Bukod dito, inanunsyo rin ni Sec.Roque ang bulletin o advisory mula sa St. Lukes sa BGC at QC, PGH, Makati Med., Asian General at Medical City.

“Kahapon po sinabi natin na .. ine-engganyo natin ang mga pribadong ospital na itaas hanggang 30% ‘yong kanilang mga Covid bed allocations. 30% sa pribadong sektor at 50% sa mga gobyernong ospital. Iyong mga anunsyo po na napuno na.. na inisyu ng mga pribadong ospital.. puno na po iyong mag-Covid bed allocations nila. Hindi naman po ibig sabihin na ang ospital mismo ang napuno na. Mayroon pa po silang espasyo para sa mga non-Covid patients,” ayon kay Sec.Roque. (Daris Jose)

Pinatutupad na NCR Plus bubble, hindi nangangahulugan ng kawalan ng ayuda ng gobyerno

Posted on: March 24th, 2021 by @peoplesbalita No Comments

SINABI ni Presidential Spokesperson Harry Roque na ang ipinatutupad ngayon na polisiya na National Capital Region (NCR) Plus bubble ay hindi nangangahulugan na kawalan na ng ayuda ng pamahalaan.

Ang NCR Plus bubble ay polisiya na naglilimita sa galaw ng essential travel subalit hinahayaan ang mga negosyo na mag-operate sa gitna ng pagtaas ng kaso ng Covid -19.

“Hindi naman po sa kawalan ng ayuda ‘yan. Kung talagang kinakailangan, nothing is etched in stone, kung talagang kinakailangan at ito’y hindi maging sapat eh baka konsiderasyon pa rin iyan,” ayon kay Sec. Roque.

“Pero sa ngayon po, talagang kinikilala na natin ang problema ng pagkagutom na magreresulta kapag sinarado po natin ang ekonomiya. So pigilan natin ang mobility pero hayaan nating maghanapbuhay ang lahat,” dagdag na pahayag ni Sec. Roque.

Ang mga restaurants ay nananatiling bukas sa NCR Plus areas, subalit ang diners ay kailangan lamang ng 50% ng kanilang kapasidad.

Ipinagbabawal naman ang businesses at religious gatherings nang lagpas sa 10 katao.

Ani Sec. Roque na ang mga nasabing restriksyon ay hindi pangkaraniwan lalo pa’t 90% ng COVID-19 cases ay asymptomatic o mild COVID-19 cases.

“At ang anyo naman po ng COVID-19 ay maski ikaw ay tamaan, gaya ko asymptomatic, pupuwede pa ring magtrabaho huwag lang sana manghawa ng iba; so puwedeng magtrabaho in isolation ‘no,” lahad ni Sec. Roque. (Bishop Jesus “Jemba” M. Basco)

LGus, kasama na sa A4 priority list na matuturukan ng covid 19 vaccine

Posted on: March 24th, 2021 by @peoplesbalita No Comments

KASAMA na ang mga opisyal ng local government units (LGU) sa “A4” priority na matuturukan ng Covid-19 vaccine.

Makakasama ng mga ito sa priority list ang iba pang frontline personnel sa essential sectors kabilang na ang uniformed personnel at nasa working sectors.

“A4 po ata ha, but I could be wrong, pero kasama na sila sa A priority ,” ayon kay Sec. Roque.

Sinabi ni Sec. Roque na ang iba pang opisyal ng pamahalaan gaya ng mga Cabinet members ay mananatili sa “B2” category.

“Well, I think not all government officials will have priority. In fact, doon kami sa ‘B’, matapos iyong unang priority,” aniya pa rin.

Nilinaw ni Sec. Roque na hindi lahat ng government officials ay kasama sa priority list ng pamahalaan.

“There will be priority for government workers ‘no. Pero sa ngayon po, hindi pa po kasama ang lahat ,” ang pahayag ni Sec. Roque.

Sa ngayon ay may 1,634 provincial governors at city at municipal mayors at 42,046 barangay chairpersons sa buong bansa.

Ani Sec. Roque, marami pang opisyal ng pamahalaan at manggagawa ang nahawaan ng Covid-19.

Umaasa naman si Sec. Roque na ikukunsidera ng interim National Immunization Technical Advisory Group (iNITAG) na pag-aralan ang inclusion o pagsasama sa iba pang government officials sa priority list.

“Pinag-aaralan naman po siguro iyan ng ating mga miyembro ng NITAG kasi mayroon talagang mga taong front-liners within government service na hindi ‘health’ at kasama po iyong opisina namin ‘no dahil we provide information at this critical time of a pandemic,” dagdag na pahayag ni Sec. Roque.

Para sa inisyal na vaccination rollout, gumagamit ang pamahalaan ng donated vaccines mula Chinese drugmaker Sinovac at COVAX facility.

Sumipa naman ang vaccination program ng gobyerno para sa frontline healthcare workers noong Marso 1.

Inaasahan naman na darating sa bansa sa second quarter ng taon ang bulto ng vaccine doses. (Daris Jose)

Namataang Chinese militia vessels sa Julian Felipe Reef hindi magiging dahilan na maulit ang 2012 Scarborough Shoal standoff- Sec. Roque

Posted on: March 24th, 2021 by @peoplesbalita No Comments

KUMBINSIDO ang Malakanyang na ang di umano’y naispatan na Chinese militia vessels sa Julian Felipe Reef (Union Reefs) sa West Philippine Sea ay hindi magiging dahilan para maulit ang 2012 Scarborough Shoal (Bajo de Masinloc o Panatag) standoff.

Higit 200 Chinese maritime militia vessels kasi ang natuklasang namamalaot sa isang bahagi ng West Philippine Sea.

Batay sa report ng Philippine Coast Guard, na ipinadala sa National Task Force for the West Philippine Sea, tinatayang 220 maritime militia vessels ng Beijing ang naka-angkla sa Julian Felipe Reef noong March 7.

Tiwala si Presidential Spokesperson Harry Roque na mapipigilan ng matibay na ugnayan sa pagitan ng Pilipinas at China na mangyari muli ang naturang insidente.

“I don’t think so po dahil mayroon po tayong malapit na pagkakaibigan. Lahat naman po ay napag-uusapan sa panig ng mga magkakaibigan at magkapit-bahay , ayon kay Sec. Roque.

Samantala, ipinaubaya na ng Malakanyang sa Department of Foreign Affairs (DFA) ang pagkilos sa usapin nang pagpasok ng nasa 220 militia vessels ng China sa Julian Felipe Reef na nasa loob ng Exclusive Economic Zone (EEZ) ng Pilipinas.

Ang katuwiran ni Sec. Roque, nakatuon ang kanilang pansin sa COVID-19 pandemic.

Kinumpirma ni Sec. Roque na naghain na ng diplomatic protest si Foreign Affairs Secretary Teodoro Locsin, kagabi, Marso 21.

“Well, naprotesta na po ‘yan ng DFA matapos makumpirma ni National Security Adviser Hermogenes Esperon,” ayon kay Sec. Roque.

“Hinahayaan ko muna sa kanila. Nakatutok po tayo sa COVID,”

Laban ni Holyfield at Tyson hindi na matutuloy

Posted on: March 24th, 2021 by @peoplesbalita No Comments

Tinapos na ng kampo ni boxing legend Evander Holyfield ang usapin na magkakaroon sila ng laban ni Mike Tyson.

Ayon kay Holyfield na hindi kinagat ng kampo ni Tyson ang usapin na ikatlong paghaharap sana nila.

Ayaw aniya nilang masayang ang oras nila na patuloy na panghikayat na humarap si Tyson.

Unang sinabi kasi ng kampo ni Holyfield na tiyak na makakakuna ng $25 milyon si Tyson sa kanilang laban subalit ito ay hindi tinanggap.

Magugunitang ibinunyag ng 54-anyos na si Tyson na ito ay lalaban muli sa darating na Mayo 29 subalit hindi naman nito binanggit kung sino ang makakalaban nito.

Huling nagharap ang dalawa noong 1997 ng kagatin ni Tyson ang tenga ni Holyfield.

Gonzaga sa PSA awards

Posted on: March 24th, 2021 by @peoplesbalita No Comments

Maraming nagserbisyong atleta bilang frontliners mula nang magka-Covid-19 noong isang taon na ang upang matulungan ang bansa at ang mga mahihirap na labis na naapektuhan ng pandemya.

Bilang pagkilala sa kanilang sakripisyo at kawanggawa, ilan sa kanila pagkakalooban ng ‘Special Recognition’ sa virtual San Miguel Corporation-Philippine Sportswriters Association (SMC-PSA) Annual Awards Night sa Sabado, Marso 27 sa TV5 Media Center sa Mandaluyong.

Ang special citation ay parte sa 2020 honor roll nang pinakamatagal na media organization sa bansa na pinamumunuan ng pangulo na si Tito S. Talao, sports editor ng Manila Bulletin, sa event na ihahatid ng SMC at mga suportado ng Philippine Sports Commission (PSC) at Cignal TV.

Ilan sa tatanggap ng nabanggit na award sina Southeast Asian Games gold medalist Nikko Bryan Huelgas at Maria Claire Adorna ng triathlon, nationalmen’s indoor volleyball coach Dante Alinsunurin at national players Jessie Lopez at Ranran Abadilla;

University of Santo Tomas Tigresses mentor Emilio Reyes, Jr., at national women’s volleyball team member Jovelyn Gonzaga na mga itinaya ang kanilang buhay para magsilbi sa bansa sa panahon na kailangan ng tulong ng karamihan. (REC)

P6.8 milyon halaga ng shabu nasamsam sa buy bust sa Caloocan

Posted on: March 24th, 2021 by @peoplesbalita No Comments

Tinatayang nasa P6.8 milyon halaga ng shabu ang nasabat ng mga awtoridad sa isang construction worker matapos maaresto sa isinagawang buy bust operation sa Caloocan city, kahapon ng madaling araw.

Kinilala ni Caloocan police chief Col. Samuel Mina Jr. ang naarestong suspek na si Masod Hadji Karim alyas “Bossing”, 36, (Pusher), Construction Worker ng Riverside, Phase 12, Brgy. 188, Tala.

Sa report ni Col. Mina kay Northern Police District (NPD) Director PBGEN Nelson Bondoc, dakong 4:40 ng madaling araw nang magsagawa ang mga operatiba ng Station Drug Enforcement Unit (SDEU) sa pangunguna ni PMAJ Deo Cabildo, kasama ang 6^th MFC RMFB-NRCPO sa pangunguna ni PMAJ Vilmer Miralles at PDEA Northern District Office sa pangunguna ni IAV Joel Villorente ng buy bust operation sa bahay ng suspek.

Kaagad sinunggaban ng mga operatiba ang suspek matapos bentahan ng isang medium plastic sachet ng shabu na nasa P50,000 ang halaga si PCpl Noel Sison na nagpanggap na poseur-buyer.

Nakumpiska sa suspek ang tinatayang nasa 1,000 grams (1 klg.) ng hinihinalang shabu na may DDB standard value P6,800,000. 00, buy-bust money na binubuo ng 2 piraso ng tunay na P1,000 bills at 48 piraso ng P1,000 Boodle/money.

Ayon kay Col. Mina, ang operation ay nag-ugat sa isang impormasyon na inihiyag ng isang Regular Confidential Informant (RCI) sa SDEU at matapos ang isang linggong validation ay nakumpirma na tama at maaasahan ang ulat.

Kaugnay nito, pinuri ni NCRPO RD PMGEN Vicente Danao Jr. ang Caloocan Police sa ilalim ng pangangasiwa ni Col. Mina at NPD sa ilalim ng pangangasiwa ni PBGEN Bondoc dahil sa matagumpay na drug operation na nagresulta sa pagkakaaresto sa suspek at pagkakakumpiska sa illegal na droga. (Richard Mesa)

YORME ISKO, TUMANGGING PAG-USAPAN ANG PULITIKA

Posted on: March 24th, 2021 by @peoplesbalita No Comments

TUMANGGI muna ni Manila Mayor Francisco ‘Isko Moreno’ Domagoso na pag-usapan ang pulitika dahil nakatutok ito sa pagtugon sa pagtaas ng kaso ng COVID-19 sa bansa.

Ito ay matapos siyang hingan ng komento hinggil pagsama sa kanya sa listahan sa mga posibleng kandidato para sa 2012 election ng bagong tatag na electoral coalition 1Sambayan.

“Wala akong tamang sagot o maling sagot d’yan because this is politics and I don’t like entertaining that question.” anang alkalde sa panayam sa isang programa.

Paliwanag ng alkalde hindi niya ramdam ngayon na pag-usapan ang tungkol sa pulitika ngayong ang ulat ng Department of Health ay nasa 8,019 na ang bagong kaso ng COVID-19 .

“Never muna akong sasagot patungkol diyan dahil I would rather address the 8,000 infections. How can we participate [in the effort] to lessen 8,000 infections in the country?” giit pa ni Domagoso.

Sa Maynila aniya ay nasa 600 ang bagong kaso sa nagdaang mga araw ang kanilang tinutugunan.

. “So, dito muna ako sa pandemic with all honesty. And I swear to God, I would rather focus and dedicate all my time and effort [here],” dagdag pa nito.

Pinasalamatan naman ng alkalde ang pribadong sektor sa pagsuporta sa pagsisikap ng pamahalaang lungsod para labanan ang pandemya dulot ng COVID-19 at para sa ekonomiya.

Ilang mga barangay na rin ang kinailangang isailalim sa granural lockdown sa kautosan na rin ni Domagoso dahil sa pagtaas ng kaso sa mga barangay. (GENE ADSUARA)

Animam, SHU nagreyna

Posted on: March 24th, 2021 by @peoplesbalita No Comments

NAKADALE na naman ng isang kampeonato si Jack Danielle Animam sa kanyang playing career nang pangunahan ang pamamayagpag ng Shin Hsin University sa 2020-21 University Basketball Alliance championship nitong LInggo sa Taiwan.

Dinispatsa ni Animam at ng SHU ang National Taiwan Normal, 70-51, sa finals sa Taipei Arena kung saan nanalanta ang Philippine national player o Gilas Pilipinas Women member ng 18 points, 20 rebounds at four assists.

Ito ang ikalawang sunod kampeonato ng Shin Hsin sa liga, na rito’y naglalarong import ng nasabing kolehiyo ang 22-anyos, may taas na 65 at isinilangng sa Bulacan na basketbolista.

Kakabida lang din ni Animam sa National University Lady Bulldogs na nag-six-peat crown sa 82nd University Athletic Association of the Philippines 2019-20 women’s hoop din. (REC)