MARAMI ang nalungkot at naawa para kay Miss Universe Myanmar 2020 Thuzar Wint Lwin dahil hindi na raw ito makababalik sa kanyang bansa pagkatapos niyang magsalita tungkol sa mga nagaganap sa kanilang bansa sa US media.

Nakahanda na raw ang arrest warrant niya kapag dumating siya sa Myanmar.

Kabahagi si Thuzar sa mga nagpoprotesta laban sa military coup kaya ang national costume niya ay may kasamang banner na “Pray for Myanmar”. Ito ang nagpanalo sa kanya as Best National Costume. Nakapasok din siya sa Top 21.

Nag-disguise daw siya para makatawid sa immigration para makarating sa US. Pero pagdating sa US, nawala lahat ng pina-check-in niyang bagahe, kasama na ang national costume.

Tinulungan siya ng mga kababayan niya sa US sa replacement ng national costume na isang ethnic Chin origin. Kaya laking tuwa niya na siya pa ang nanalo ng National Costume Award.

Kasama na rito ang pagkuwento niya sa media ng mga nangyayari sa kanyang mga kababayan.

“The soldiers patrol the city every day and sometimes they set up roadblocks to harass the people coming through…In some cases, they fire without hesitation. We are scared of our own soldiers. Whenever we see one, all we feel is anger and fear,” kuwento niya sa New York Times.

Dagdag pa niya: “Thousands have been arrested and violence increased as security forces used water cannons, rubber bullets, and live ammunition to disperse protesters. Over 300 individuals have reportedly been killed and the youngest victim was a seven-year-old little girl.

“Our people are dying and being shot by the military every day. I would like to urge everyone to speak about Myanmar. As Miss Universe Myanmar since the coup, I have been speaking out as much as I can.”

***

SA pamamagitan ng kanyang programang Wowowin-Tutok To Win, nakalikom ang TV host na si Willie Revillame ng higit sa P8 million na ido-donate sa nasunog na Philippine General Hospital.

Nalungkot si Willie nang mapanood niya ang video kunsaan maraming mahihirap na pasyente ng PGH ay kunsaan-saan lang nakapuwesto. Merong sa may parking lot, sa may kalsada at sa corridor. Kabilang na rito ang mga sanggol na may sakit at kailangang operahan.

Ilan sa mga ito nga ay COVID-19 patients na wala pang mapaglagyan dahil sa nasunog na parte mg building ng PGH.

Kaagad na nagbigay ng P1 milyon si Willie para sa PGH. Sunod ay tinawagan niya ang tatlong kaibigan niya na sponsors ng kanyang programa. Mabilis na nagbigay ang mga ito ng tig-isang milyong piso para sa mabilis na pagbangon ng PGH.

Pero naliitan si Willie sa P4 million na donation nila sa PGH kaya ginawa niyang P5 million ang donasyon ng ‘Wowowin’ kaya umabot sa P8 million ang total donation sa PGH.

Nais ni Willie na bumalik agad sa normal ang operasyon ng PGH dahil maraming mga matatanda at bata na umaasa sa serbisyong medical ng naturang ospital.

***

MAGIGING tatay na ang Riverdale star na si KJ Apa dahil buntis na ang kanyang girlfriend na si Clara Berry.

Pinost ng aktor sa Instagram ang hazy picture noong Wednesday, May 19, kunsaan nasa sofa silang dalawa at kita ang pregnant belly ni Clara.

Matagal nang nagsasama sina KJ at Clara simula noong maging official ang relasyon nila noonv February 2020. Sumunod pa si Clara sa Vancouver kunsaan nagsu-shoot si KJ ng Riverdale. 

(RUEL J. MENDOZA)

LAST Monday, nag-post uli si Dingdong Dantes sa kanyang Instagram account sa ginagawa niyang daily work-out na sinimulan niya noong Febuary this year.

At 40, gusto talagang ma-maintain ni Dingdong ang malusog at hindi lang basta magandang pangangatawan.

Sa post ng Kapuso Primetime King, may ibinahagi siya sa pagtatanong ng panganay na anak na si Zia Dantes, tungkol sa ginagawa niyang pagwo-workout araw-araw na nasa ika-15th week na.

“I make it a point to try and engage in any physical activity every morning.

“Because of the routine, Zia would ask, ‘Dad, why do you work out most days even while we are all still sleeping?’” panimula ng asawa ni Marian Rivera.

Dagdag paliwanag pa ng award-winning actor tungkol sa pagtatanong ni Zia.

“That genuine question deserves nothing but a sincere response. I told her, ‘…it’s because I want to be healthy for you and our family. I want to live longer and see you achieve your goals and dreams when you grow up.’

“‘I want to be able to carry you comfortably even when you’re…35.”

Sa pagtatapos pa ni Dingdong, pinasalamatan niya ang ate ni Sixto.

Sey pa niya, “During that conversation, I forgot to thank Ate Z because her curiosity reminded me of the reason why I am doing all of these.

“Sometimes, we get misaligned from our objective, but what’s definite is that HE uses beautiful messengers to get us back on track.”

Samantala, naalala namin na maging si Marian ay hindi nagpapahuli sa pagwo-work, sa vlog ni Aiko Melendez na #AikonTalks, natanong nga si Marian kung paano niya nami-maintain ang sexy body kahit may Zia at Sixto na sila ni Dingdong.

“Hindi lang ako nakaka-post, may mga nagri-request, kaya ita-try kong I-post.

“Kasi pagod na pagod ako, basang-basa sa pawis, parang nahihiya ako minsan na I-post ‘yun, parang wag na lang.”

Pag-amin pa ni Marian sa kanilang pagwo-workout ni Dong.

“Sabi ko nga, minsan nag-uusap kami ni Dong. Nagwo-workout kami hindi para sumeksi, ang goal namin ngayon ay maging healthy para sa mga anak namin.

“Atleast magawa pa rin namin, masabayan pa rin namin kahit malaki na sila, na kaya pa namin masabayan sila kahit matanda na kami ni Dong.

“Kaya kailangan na maging healthy kami para sa pamilya namin.”

(ROHN ROMULO)

FEELING namin, hindi na rin magtatagal at magsasalita na rin ang mag-asawang Max Collins at Pancho Magno sa totoong estado ng relasyon nila.

Si Pancho ay kasalukuyang napapanood sa GMA Telebabad na First Yaya at si Max naman, ang dating pinagbidahang serye na Innamorata ay muling mapapanood at ipalalabas sa GMA Afternoon Prime after ng Karelasyon simula sa Lunes, May 24.

Bukod dito, magsisimula na rin siya ng lock-in taping para sa bagong serye kasama sina Carla Abellana at Rocco Nacino, ang To Have and To Hold.

Halos tatlong taon pa lang nang ikasal silang dalawa noong December 2017 at wala pang isang taon ang anak nila na si Skye, pero ilang buwan na rin na napapansin nga ng mga netizens na tila hindi na sila magkasama sa kanilang mga social media accounts.

Ang dami na rin nagtatanong talaga kung hiwalay na ba silang dalawa, pero parehong dedma lang sina Pancho at Max sa mga nagtatanong.

Kaya siguro, kapag humarap na sila sa press, kahit via online lang ito, posibleng yun na ang time na masasagot na nga nina Pancho at Max ang tanong kung hiwalay na nga ba sila.

***

TINULDUKAN na ni Jak Roberto dahil para rito, nahanap na niya ang kanyang “the one.”  

At ito nga ay walang-iba kung hindi ang kanyang girlfriend na si Barbie Forteza.

Going stronger ang kanilang relasyon kunsaan, nag-celebrate sila ng kanilang ika-4^th year anniversary as girlfriend/boyfriend.

Sabi ni Jak sa kanyang Instagram post ng pagbati, “Too many to mention mahal ko. Pero lahat ng trip natin pareho, kaya siguro umabot din tayo ng apat na taon, at hanggang ngayon wala akong masabi kundi ikaw ang THE ONE, salamat sa pag intindi at salamat sa lahat ng binibigay mo saking suporta, mapatrabaho man yan o kung ano mang mga plano ko satin! Mahal na mahal po kita Madam! Happy 4th Anniversary!!!”

Punong-puno rin naman ng pagmamahal ang pagbati ni Barbie sa boyfriend.

Sey naman ni Barbie, “Four years.
“Four years na kitang kasama.
“Four years na tayong nagtatawanan.
“Four years na tayong nagdadamayan at nagtutulungan sa problema.
“Four years na tayong nagsspicy noodles.
“Four years na tayong masaya.
“FOUR YEARS NA AKONG MASAYA.
“Sana FOUREVER na.”

Aba, mukhang sa solid na relasyon nila, ‘di nga malayong sila na ang “the one” at “forever” ng isa’t-isa.

 (ROSE GARCIA)