DAHIL sa pagkamatay ni former President Noynoy Aquino, kumalat sa social media ang balita na tatakbo raw na presidente si Kris Aquino next year.

Siyempre fake news iyan. Noon pa man ay sinabi na ni Kris na wala siyang balak pumasok sa politics.

If we know Kris, hindi siya tatakbo dahil wala naman siyang balak maging politico.

Isa pa, marami siyang health issues so we believe na mas gugustuhin niya na alagaan ang kanyang sarili at maging healthy para sa kanyang dalawang anak.

Besides, hindi man siya pumasok sa politics, pwede pa rin naman siyang makatulong sa mga Pilipino in her own capacity bilang celebrity.

     ***

UNANG project ni Erich Gonzales under Dreamscape ang La Vida Lena which started airing last night sa Kapamilya Channel.

Ito rin ang unang project ni Erich ginawa niya under the new normal – na naka-lockdown ang taping nila sa isang location. It is a new experience for her at inamin naman ng dalaga na medyo nanibago siya sa set-up.

“Siyempre aware naman kami na dapat kaming sumunod sa safety protocols. Naka-face mask at face shields kami pag walang take. We also practice physical distancing. Nakakapanibago noong una pero ngayon ay sanay na rin kami,” sabi pa ng lead actress ng La Vida Lena.

Every role is a challenge kaya pag may bagong serye siya, Erich makes it a point to study her role well and strive to make it different from the last role that she did.

Tungkol sa revenge itong serye pero kahit na nagawa na niya ang ganitong tema in the past, kailangan may bagong input na maibabahagi si Erich sa kanyang role.

“Malaking tulong ang aking mga director in fleshing out the character that I am portraying.”

Tinatalakay din ng La Vida Lena ang karma kaya tinanong si Erich what is her view on karma.

     “What goes around comes around. Mas maganda na gumawa ka nang mabuti. It is best to plant seeds of goodness. You reap what you sow. Mag-focus ka sa mga bagay na positive ang dating at yung mas makatutulong,” pahayag ng dalaga.

First time ni Erich na makatrabaho ang kanyang mga leading man na sina Kit Thompson, Carlo Aquino at JC De Vera. Naging maganda naman ang working relationship nila on the set.

***

KUNG fan kayo ni Arjo Atayde, pagkakataon na ninyo mapanood ang much-talked series niya sa iWant na Bagman.

Ipalalabas na kasi sa Netflix ang seryeng prinodyus ng Dreamscape for iWant simula July 9.

Ang series na ito sa iWant ang nagbigay kay Arjo ng award as Best Actor sa Asian Academy Awards (AAAs) 2020 last December 4.

Ang kanyang portrayal bilang barber-turned-henchman-turned-governor sa social-political statement piece, tinalo ni Arjo ng mga kalaban na sina Luo Jin (China), Manoj Bajpayee (India), Miller Khan (Indonesia),  Bront Palarae (Malaysia), Anthony Wong (Hong Kong),  Kha Ra (Myanmar), Zhang Yao Dong (Singapore), Prin Suparat (Thailand) at Ching-Ting Hsia (Taiwan).

Bago napiling best in the region, si Arjo ang napili as national winner sa Pilipinas by AAA’s jury members sa Best Actor Category.

Arjo was also submitted for consideration by ABS-CBN’s Dreamscape Entertainment and iWant, now known as iWantTFC, in the local race.

Ito ang unang panalo ng Pilipinas sa AAA. Chance ninyo na ito para mapanood ang award-winning performance ni Arjo sa Netflix.

(RICKY CALDERON)

MULING pumirma ng network contract si Christian Bautista sa GMA-7 noong June 24.

Siyempre, masaya si Christian na tuloy-tuloy pa rin ang tiwala at suporta sa kanya ng network.

Aware si Christian na unlike him, marami rin dating Kapuso na hindi na ni-renew ng Kapuso network.  Pero sabi nga ni Christian, kaibigan daw niya ang mga ito at alam niya ang feeling ng nagta-transfer.

Para sa kanya, usually raw, after meeting and some thoughts, minsan may ibang plans or direction na rin ang artist kaya minsan hindi na natutuloy.

Pero aniya, sa part niya, nakaka-humble raw na feeling at very grateful siya sa GMA.

Nang tanungin namin ito if he will remain to be a loyal Kapuso na, as long as he’s still needed daw ng network.

Sa ngayon, napapanood pa rin si Christian bilang regular ng All-Out Sundays at magsisimula na  ngang muli ang The Clash season 4 at ginagawa rin nila ang VIU original na Still kasama si Julie Anne San Jose.

***

MAGKASUNOD lang halos ang birthday ni John Lloyd Cruz at ang anak naman niya kay Ellen Adarna na si Elias Modesto.

     Ika-3^rd birthday na ni Elias. Three days apart lang ang birthday ng mag-ama. At sa birthday ni Elias kasama ang kanyang daddy John Lloyd, present din sa celebration ang ngayo’y manager na ni Lloydie na si Maja Salvador at ang boyfriend nito na si Rambo Nuñez.

Si Maja ang nagpu-post sa kanyang Instagram ng mga naging ganap sa birthday ni Elias at sa bawat picture at video, makikita kung gaano ka mapag-alaga at gaano kasaya si John Llloyd bilang Tatay.

Ang mommy naman ni Elias na si Ellen ay hindi rin nagpahuli, meron din itong sariling selebrasyon para sa birthday ng anak, kasama siyempre ang kanyang fiancée na si Derek Ramsay.

Parehong Spiderman ang theme ng intimate birthday party ni Elias kaya walang duda na at 3 years old, into Spiderman ang hilig ng bagets.

At least, sa ipinapakita nga nina John Lloyd at Ellen, may kanya-kanya man silang buhay ngayon, pero hindi nila pinapabayaan ang anak at masuwerte rin si Elias na ang daming nagmamahal dito.

***

HINDI lang yung kuwento ng pagiging batang ama since at 17 naging tatay na si Buboy Villar sa panganay niyang anak.

Yung ang aga-aga niyang nakipag-live-in sa ina ng mga anak niya na isang Amerikana.

May mga tumaligsa rin sa kanila noon, lalo na kay Buboy na sinasabi ngang hindi magandang ehemplo, lalo na sa mga bata o kabataan.

Pero ang maganda rito, napanindigan niya ang lahat ng pinasok na situwasyon. At ngayon, magkahiwalay man sila ng nanay ng mga anak na si Angilyn Gorens, nagta-trabaho lang daw sila para sa future ng mga anak nila.

At inamin ng ani Buboy na pinaka-masakit na pinagdaanan ang paghihiwalay nila.

    “Siyempre, masakit. Yun ang pinaka-masakit na nangyari,” sey niya.

     “Siya ang nanay ng mga anak ko. Mag-aapat na taon kami. Siya ang pinaka-matagal na relasyon ko.  Minahal ko siya ng sobra-sobra. Pero siyempre, bata pa nga kami. Marami pa kaming mga dapat pa na matutunan.”

     Nagpapasalamat pa rin daw siya dahil kung hindi raw nangyari sa kanya yung chapter niya sa ina ng mga anak, hindi rin daw niya alam kung ano ang eksena ng buhay niya ngayon.

     “Kaya tine-take ko po lahat ng nangyayari sa akin good or bad, thank you pa rin. Mas natuto ako.”

Ang daming mapupulot na magagandang learnings at insight sa interview na ito ni Toni Gonzaga sa kanyang You Tube account kay Buboy.  Lalo na ang mga young father o kahit sinong magulang.

At ngayon daw, kung ano ang hindi niya na-experience dati sa kanyang tatay, yun ang ipinararanas niya sa dalawang anak, na present siya sa mga ito.

Lumaki raw si Buboy na alcoholic ang tatay niya. Nabubugbog sila at at nanay niya halos gabi-gabi. To the point na lumulusot ang ulo ng ina niya sa wall na kahoy dahil sa natatamong gulpi sa ama.

Galit daw siya dati sa tatay niya pero na-forgive niya raw ito ng maging isa na rin siyang ama.

(ROSE GARCIA)