ISINIWALAT ni Defense Secretary Delfin Lorenzana na tutol ang China sa planong repasuhin o rebyuhin ang 70-year-old defense treaty sa pagitan ng Pilipinas at Estados Unidos.
Ito kasi ang nagbibigkis sa Estados Unidos na ipagtanggol ang Maynila mula sa pananalakay kabilang na ang pinagtatalunang South China Sea.
‘While the US welcomes the idea of revisiting the MDT, an outside party does not. When I first broached the idea of revisiting the MDT, the former Chinese ambassador came to me and said, ‘Please do not touch the MDT. Leave it as it is,’” ang naging pahayag ni Lorenzana sa virtual forum habang ipinagdiriwang ang ika-70 anibersaryo ng Mutual Defense Treaty (MDT) sa pagitan ng Pilipinas at Estados Unidos.
Hindi naman pinangalanan ni Lorenzana ang Chinese envoy. Nang maupo si Pangulong Rodrigo Roa Duterte sa pagka-pangulo noong 2016, ang China’s ambassador to the Philippines ay i Zhao Jianhua.
“One thing is clear: The Chinese are not in a hurry for any resolution that is not in its favor,” ani Lorenzana sabay sabing “China knew that any aggression will trigger the MDT.”
Ang Pilipinas at China ay kapuwa sangkot sa “years-long territorial disputes” sa South China Sea, partikular na sa southern part na tinatawag na Spratlys.
Inulit naman ni Lorenzana ang kanyang posisyon para sa komprehensibong pagrerepaso sa MDT, tinukoy nito ang bagong regional security challenges at ang malawak na territorial claims ng China sa katubigan kabilang na ang lugar na pag-aari ng Pilipinas.
“Amending the defense pact, would ensure that the Philippines and the US could better respond to China’s “grey zone” and “cabbage” tactics of aggressively pressing its claims over the waters, where Chinese maritime militia have been intimidating smaller claimants,” ayon sa Kalihim.
Maliban sa Pilipinas, ang iba pang gobyerno gaya ng Vietnam, Malaysia, Brunei at Taiwan ay umaangkin din sa maliit na bahagi ng katubigan.
Matatandaang napanalunan noong Hulyo 12, 2016 ng Pilipinas ang makasaysayang arbitration case nito kontra sa dambuhalang China sa United Nations-backed Permanent Court of Arbitration (PCA) sa The Hague, Netherlands.
Pumanig ang PCA sa Pilipinas at base sa kanilang hatol, eksklusibo sa bansa ang lahat ng yamang-dagat na matatagpuan sa West Philippine Sea.
Ibinasura din nila ang hirit ng Beijing na ito ang may-ari ng aabot sa 90 porsiyento ng South China Sea sa ilalim ng umano’y “9-dash line.”
Lumabas ang hatol sa pagpasok ng administrasyon ni Pangulong Rodrigo Duterte, at simula noon ay nag-iba ang ihip ng hangin at tila naging mas mabait pa ang gobyerno ng Pilipinas sa China. (Daris Jose)
ANG pinagmamalaking pambato ng Cebu City na si Beatrice Luigi Gomez ang nagwagi at nag-uwi ng korona ng Miss Universe Philippines 2021 noong gabi ng September 30 sa Panglao, Bohol.
IPINAG-UTOS na ni Foreign Affairs Secretary Teodoro Locsin Jr., araw ng Huwebes, Setyembre 30, sa Department of Foreign Affairs (DFA) ang paghahain ng diplomatic protests laban sa China dahil sa patuloy na presensiya nito at ng iba pang mga aktibidad sa West Philippine Sea.
SINABI ni Pangulong Rodrigo Roa Duterte na maaari siyang magpunta sa Estados Unidos para pasalamatan ito sa pagsu-supply sa Pilipinas ng ilang milyong COVID-19 jabs.
Nilagdaan ng Department of Transportation (DOTr) at Spain-based design consultant IDOM Consulting, Engineering, Architecture SA ang isang consultancy contract para sa detalying architectural at engineering design na itatayong Metro Rail Transit Line 4 (MRT4).
HINDI pinalad makapasok sa Magic 5 ng Miss Universe Philippines search si Kirsten Danielle ‘Kisses’ Delavin. 
SHOOT sa kulungan ang isang mag-live-in partner matapos makuhanan ng mahigit P.3 milyon halaga ng shabu sa isinagawang buy-bust operation ng pulisya sa Valenzuela City, Biyernes ng umaga.
INANUNSIYO ng Bureau of Immigration (BI) na ipapatupad nila ang resolusyon ng Inter-Agency Council for the Management of Emerging Infections Diseases (IATF) ang updated na listahan ng mga red, yellow at green na mga bansa.
UMABOT sa P1.28 bilyon halaga ng shabu ang nasamsam sa pagkakaaresto mg tatlong hinihinalang tulak sa isinagawang buy bust operation Biyernes ng umaga.