2022 November 10 Archive - People's Balita

November 25, 2024
Search in People's Balita
Ang Diyaryong Pinagkakatiwalaan

Archive for November 10th, 2022

Mas kaunting bilang ng teenage pregnancies dahil sa bigilante, pandemya- POPCOM chief

Posted on: November 10th, 2022 by @peoplesbalita No Comments

TINUKOY ni Commission on Population and Development (POPCOM) officer-in-charge Executive Director Lolito Tacardon na ang masigasig na pagbabantay ng publiko at ang coronavirus disease 2019 (Covid-19) pandemic ang mga dahilan kung bakit bumagsak ang bilang ng teenage pregnancies na naitala sa bansa.

Tugon ito ng POPCOM sa ipinalabas ng University of the Philippines Population Institute (UPPI) na resulta ng 2021 Young Adult Fertility and Sexuality Study (YAFS5), nagpapahayag na ang proporsyon ng mga kabataang kababaihan na may edad na 15 hanggang 19 na naitatalang kagyat na nabubuntis ay bumaba mula 13.7% noong 2013 sa 6.8% ngayong 2021.

“The notable decline in the proportion of young women who have started childbearing can be considered a result of the continuing and collective advocacies, as well as initiatives, of all stakeholders from the national down to the local levels,” ayon kay Tacardon sa isang kalatas.

“While the study was conducted during the pandemic, the reduction in teenage pregnancy numbers implies that young people can make informed and responsible decisions about their sexuality, given an enabling environment,” winika pa nito.

Sinang-ayunan naman ni Tacardon ang natuklasan ng YAFS5 na ang pagbaba sa teenage pregnancies ay maaaring dahil sa pagbaba ng premarital sex engagement, at maging ang pinahusay na paggamit ng contraceptives.

Gayunman, sinabi ni Tacardon na ang Covid-19 pandemic ay nakapagpakita ng extraordinary circumstances nang ang mga kabataan ay napilitan na manatili ng ilang buwan sa loob ng kanilang tahanan at nilimitahan ng gobyerno ang kanilang galaw matapos na magpatupad ng lockdowns dahilan na rin upang maging limitado ang inter-aksyon sa kanilang mga ka-edaran at partners.

Sa kabila ng pagbaba ng bilang ng teen pregnancy at childbearing figures sa iba’t ibang panig ng bansa, sinabi ni Tacardon na mahalaga na ikunsidera na mahigit sa kalahati ng rehiyon ang nakapagtala ng higher rates kumpara sa national average.

Ang Davao ay nakapagtala ng 13.6% habang ang Bangsamoro Regions naman ay mayroong 10%.

“We should not let our guards down, as they gradually return to their normal activities. It should give us more resolve to strengthen and sustain our efforts in providing age-appropriate comprehensive sexuality education and information, as well as access to reproductive health services among adolescents, which we deem will sustain, or further accelerate, the decline in adolescent pregnancy percentages,” ayon kay Tacardon.

Tinawagan naman ng pansin ni Tacardon ang kinauukulang sektor na paigtingin ang kanilang “level of monitoring, vigilance, and actions to keep the causes of pregnancies among teenagers in check.”

Hinikayat naman nito ang mga institusyon at stakeholders na palakasin ang “collective efforts” sa ilalim ng Executive Order No. 141, s. 2021 upang matugunan ang ugat na itinuturong dahilan ng adolescent pregnancies sa pamamagitan ng whole-of-nation approach. (Daris Jose)

Mga benepisaryo, kailangang magpakita ng ID o kasama sa listahan ng barangay

Posted on: November 10th, 2022 by @peoplesbalita No Comments

SINABI ng Department of Social Welfare and Development (DSWD) na kailangang magpakita ng official identification card ang isang aid beneficiary o kaya naman ay kasama sa listahan ng barangay para makatanggap ng cash assistance mula sa gobyerno.

Kasunod ito ng alegasyon ng sinasabing “overly strict rules.”

Sinabi ni DSWD Social Marketing Services Director Marlouie Sulima na hindi na kailangan na magpakita ang mga calamity victims ng proofs of residence, sabay sabing sapat na ang makapagpakita ng isa lamang sa mga nabanggit para makakuha ng ayuda.

“Sa ngayon po ay kinakailangan na lamang magpakita ng ID ng mga residenteng nasa listahan ng mga biktima ng mga kalamidad na ibinibigay ng LGUs upang mabigyan sila ng ayuda,” ayon kay Sulima.

“Kung wala silang maipakitang ID o anumang identification document, sapat na ang listahang ibibigay ng kanilang LGU upang mabigyan ng ayuda,” dagdag na pahayag nito.

Tinuran ni Sulima na ang pagbabawas sa requirements ay isa sa naging direktiba ni Social Welfare and Administration Secretary Erwin Tulfo. (Daris Jose)

CSB, JRU riot sa NCAA

Posted on: November 10th, 2022 by @peoplesbalita No Comments

NAUWI sa rambulan ang laban ng College of Saint Benilde at Jose Rizal University dahilan upang ipatigil ito ng pamunuan ng liga kahapon sa NCAA Season 98 men’s basketball tournament sa The Arena sa San Juan City.

Lamang ang Blazers sa iskor na 71-51.

Kaya naman idineklarang panalo ang Benilde para makuha nito ang ika-10 panalo sa 13 pagsalang.

Nag-ugat ang lahat nang suntukin ni Heavy Bombers cager John Amores ang tatlong players ng Blazers na sina Jimboy Pasturan, Taine Davis at Mark Sangco, may 3:22 pang nalalabi sa ikaapat na kanto.

Kaya naman nagdesisyon na ang NCAA Management Committee na itigil na lamang ang laro para hindi na lumala pa ang kaguluhan at para na rin sa kaligtasan ng mga players, coaches at audience.

Sinang-ayunan ang desisyon nina JRU athletic director Paul Supan at CSB athletic director Dax Castellano.

Nakatakdang magsagawa ang NCAA ManCom ng imbestigasyon upang malaman ang tunay na dahilan ng kaguluhan.

Inaasahang may mapapatawan ng parusa sa oras na matapos ang imbestigasyon.

Dahil dito, bumagsak sa 6-7 ang rekord ang Heavy Bombers.

Nanguna para sa Benilde si Pasturan na kumana ng 18 puntos habang nakalikom naman si Will Gozum ng double double na 15 points at 10 rebounds.

Sa unang laro, ginulantang ng Emilio Aguinaldo College ang University of Perpetual Help System Dalta, 59-53 panalo para masikwat ang kanilang ikalawang panalo.

“BONES AND ALL” TO HOLD PHILIPPINE PREMIERE AT QCINEMA INTERNATIONAL FILM FESTIVAL

Posted on: November 10th, 2022 by @peoplesbalita No Comments

MANILA, November 9, 2022 – MGM Pictures and Warner Bros.’ highly anticipated provocative thriller “Bones and All” from director Luca Guadagnino (“Call Me By Your Name”) is set to make its Philippine premiere at the 10^th QCinema International Film Festival, running from November 16 to 25 in Quezon City.

[Watch the film’s extended trailer at https://youtu.be/4m4CmFXMtnU]

The award-winning film starring Timothee Chalamet, Taylor Russell and Mark Rylance will have festival screenings on Friday, Nov. 18 and Saturday, Nov. 19 at The Block Cinemas – SM North EDSA, both at 8:00PM. Fans and cineastes are encouraged to grab this rare opportunity to watch the film ahead of everyone else. Tickets are priced at only P300 each.

“Bones and All” is a story of first love and a liberating road odyssey of two young people (Chalamet, Russell) coming into their own, searching for identity and chasing beauty in a perilous world that cannot abide who they are.

In September, the film held its world premiere in the 79^th Venice International Film Festival where it received over eight minutes of standing ovation. During the festival’s awards night, Luca Guadagnino was honored with the Silver Lion for Best Director, and the Marcello Mastroianni Award for Best Young Actress went to Taylor Russell.

Last week, “Bones and All” received two nominations in the 32nd Annual Gotham Awards — Taylor Russell for Outstanding Lead Performance, and Mark Rylance for Outstanding Supporting Performance.

With an impressive 88% Tomatometer score at reviews-aggregator site Rotten Tomatoes, “Bones and All” has become one of the most critically-acclaimed films of the year.

In its review, The Hollywood Reporter wrote “Guadagnino’s seemingly divergent interests in romance and horror have never come together quite so ideally as they do here, played out against a constantly moving canvas of small-town America.”

“It’s actors give you something to watch every minute,” praised TIME Magazine, while Entertainment Weekly described the film as “A born provocateur’s faithful ode to a classic cinematic genre, only with human gristle between its teeth.”

Finally, Los Angeles Times raved “There’s real pleasure in `Bones and All,’ an insistent sweetness that somehow both nourishes and cleanses away the horror.”

About “Bones and All”

In “Bones and All,” first love finds Maren (Taylor Russell), a young woman learning how to survive on the margins of society, and Lee (Timothee Chalamet), an intense and disenfranchised drifter, as they meet and join together for a thousand-mile odyssey that takes them through the back roads, hidden passages, and trap doors of Ronald Reagan’s America. But despite their best efforts, all roads lead back to their terrifying pasts and a final stand that will determine whether their love can survive their otherness.

Directed by Luca Guadagnino, “Bones and All” stars Taylor Russell (“Escape Room”), Timothée Chalamet (“Dune”) and Mark Rylance (“Dunkirk”). Based on the novel by Camille DeAngelis, screenplay by David Kajganich.

In cinemas across the Philippines starting November 23, “Bones and All” is distributed in the Philippines by Warner Bros. Pictures, a Warner Bros. Discovery company. Join the conversation online and use the hashtag #BonesAndAll

(ROHN ROMULO)

DAGDAG SAHOD, PINAPAG-ARALAN

Posted on: November 10th, 2022 by @peoplesbalita No Comments

BINABANTAYAN ngayon ng Regional Tripartite Wages and Productivity Boards (RTWPBs) para makita kung kailangan ng panibagong dagdag sahod sa gitna ng pare-parehong pagtaas ng halaga ng mga pangunahing bilihin, ayon kay Labor Secretary Bienvenido Laguesma nitong Martes.

Kasunod ito ng panawagan ng Partido Manggagawa ng P100 across-the-board na pagtaas sa minimum wage sa bansa kung saan binanggit ang 14 na taong mataas na inflation na naitala noong nakaraang buwan.

Ngunit ipinunto ni Laguesma na ang RTWPBs ay naaprubahan lamang ng pagtaas sa minimum wage sa ilang mga rehiyon sa unang bahagi ng taong ito, at ang mga wage order na ito ay naging epektibo lamang sa nakalipas na limang buwan.

Sinabi rin ng kalihim na ang pagtaas ng sahod ay ibinigay sa tranches.

Paliwanag ng kalihim, isang beses lamang sa loob ng isang taon nagkakaroon ng adjustment base sa umiiral na batas.

Pero binabantayan aniya ng RTWPBs ang mga kadahilanan na nagtutulak upang makita kung kinakailangan na magkaroon ng assessment at panibagong adjustment .

Sa kamakailang wage order para sa National Capital Region (NCR) nagbigay ng minimum wage increase ng P33, habang sa Western Visayas ay tumaas ng P110.

Ang ibang rehiyon tulad ng Ilocos, Cagayan Valley, at Caraga ay inaprubahan din ang minimum wages ng manggagawa sa kani-kanilang hurisdiksyon.

Ang inflation sa bansa ay tumama na ng 14 taon na mataas, dahil umabot ito sa 7.7% mula sa 6.9% noong Setyembre.

Nauna ring iniulat ng Philippine Statistics Authority (PSA) na bumaba ang halaga ng P1 sa 85 centavos noong Oktubre.

Aminado ang kalihim na mayroon nang “pagguho” ng tunay na sahod, kung isasaalang-alang ang pagtaas ng mga gastos sa pagkain, kagamitan, at transportasyon.

Gayunman sinabi ni Laguesma na ang mga pangangailangan ng mga manggagawa at kapasidad ng mga employer ay dapat na balanse, sa gitna ng mga panawagan para sa isa pang wage hike. (Gene Adsuara)

Sa kanyang 25 years sa showbiz: ALLEN, ‘di pa nakakasama sina VILMA, MARICEL at SHARON

Posted on: November 10th, 2022 by @peoplesbalita No Comments

NAKAKALOKA si Allen Dizon!

Isa kasi siyang car collector at siya mismo ang nagkuwento sa amin na meron siyang mahigit tatlumpo, yes, tatlumpung kotse!

Lahat ng mga kotse niya ay nasa garahe niya sa bahay niya sa Pampanga.

Bukod dito ay may dalawang restaurant si Allen na nasa NLEX, ang dati pa niyang pag-aari na franchise ng Kenny Rogers Roasters at ang kabubukas lamang na Gerry’s Grill.

Nakakatuwa ring malaman na sa loob ng halos tatlong taon ng pandemya, kahit humina ang Kenny Rogers niya ay hindi ito isinara ni Allen dahil naaawa raw siya sa mga tauhan niya na mawawalan ng trabaho.

Kaya naman sa ngayon na medyo maluwag na ang mga restrictions sa COVID pandemic ay masaya si Allen dahil muling lumakas ang mga negosyo.

Well, sa twenty-five years naman ni Allen sa showbiz ay hindi katakataka na bongga ang kanyang mga naging investments.

Sa ngayon ay lima ang bagong pelikula ni Allen na hindi pa naipapalabas, ang ‘Ligalig’ with Nora Aunor and Snooky Serna, ‘Oras De Peligro’, ‘Walker’, ‘Abenida’ at ‘Pamilya Sa Dilim’.

Sa buong career niya ay nakagawa na siya ng mahigit isandaang pelikula at nanalo na ng forty-eight acting awards dito at sa ibang bansa.

Tatlong aktres ang hindi pa nakakasama ni Allen sa pelikula; sina Vilma Santos, Maricel Soriano at si Sharon Cuneta na “nanay-nanayan” ng entertainment editor nitong People’s Balita na si Rohn Romulo.

***

SA recent face-to-face interview namin kay Jeric Gonzales, kinumusta namin sa binata ang ex-girlfriend niyang si Rabiya Mateo.

“We’re good friends and never naman kaming nag-close ng doors sa isa’t-isa.

“Of course priority namin yung work, yung career pero hindi namin nakakalimutan siyempre yung, of course naging kami and siyempre may possibility pa rin na in the future, puwede pa…”

Na magkakabalikan sila, may chance?

“May chance, may chance,” ang nakangiting sinabi ni Jeric.

Ano ba ang naging dahilan ng hiwalayan nila ni Rabiya?

Natawa muna si Jeric bago sumagot…

“Ang pinaghiwalayan namin, siguro misunderstanding lang, siguro yung priorities naming pareho sa work, sa career, sa life.”

Pero walang third party?

“Wala naman. Kaya naghiwalay kami ng maayos and hindi kami bitter sa isa’t-isa, kaya pag nagkikita kami hindi kami nag-iiwasan, hindi awkward,” nakangiting sinabi pa asa amin ni Jeric.

Sa career nila ay parehong abala ang dalawang Sparkle artists; may Start-Up PH si Jeric at si Rabiya nasa TiktoClock ng GMA.

(ROMMEL L. GONZALES)

Ex-FIFA President Blatter tinawag na isang pagkakamali ang pagiging host ng Qatar sa FIFA World Cup

Posted on: November 10th, 2022 by @peoplesbalita No Comments

TINAWAG na isang malaking pagkakamali ni dating FIFA president Sepp Blatter ang pag-award ng 2022 World Cup sa Qatar.

Kasunod ito sa batikos na kinakaharap ng Qatar dahil sa talamak na pang-aabuso sa karapatang pantao at ang hindi pagkontra sa same-sex relationship ganun din ang hindi magandang trato sa mga migrant workers.

Napakaliit aniya ng bansa para doon gawin ang Football lalo na ang World Cup.

Ang 86-anyos na si Blatter kasi ang siyang nakaupo noon sa FIFA ng i-award sa Qatar ang hosting ng World Cup noong 2010.

Dagdag pa nito Blatter na ibinoto niya ang US noon para maging host at sinisi niya ang dating UEFA president na si Michel Platini dahil sa paglipat nito ng boto sa Qatar.

Sa ginawa noon ng executive committee ng FIFA ay nakakuha ang Qatar ng boto na 14-8 para pumabor sa hosting laban sa US habang ang Russia ay iginawad ang hosting noong 2018.

Nanungkulan si Blatter sa puwesto ng 17 taon at napilitan lamang ito ng bumaba sa puwesto noong 2015 dahil sa alegasyon na paglipat nito ng halagang $2.19 milyon kay Platini.

Magsisimula sa Nobyembre 20 hanggang Disyembre 18 ang torneo kung saan magkakampeon ay makakatanggap ng $42 milyon na premyo, mayroong $40-M ang runner-up, $27-M naman third placer, $25-M sa fourth placer.

Ang makaabot ng Quarterfinals ay mayroong $17-M na premyo, $13-M naman sa Round of 16 at $9-M naman sa Group stage winners.

Jobless rate nitong Setyembre 2022, bumaba

Posted on: November 10th, 2022 by @peoplesbalita No Comments

NAKAPAGTALA ng pagbaba sa bilang ng mga Pilipinong walang trabaho ang Philippine Statistics Authority (PSA) nitong buwan ng Setyembre, ngunit kasabay nito ay nagkaroon din ng pagbaba ang bilang ng mga indibidwal na mayroong trabaho sa bansa batay sa preliminary result ng kanilang isinagawang Labor Force Survey.

Sa ulat ni PSA chief at National Statistician Claire Dennis Mapa, nitong buwan ng Setyembre ay nasa 2.50 million unemployed persons o 5% unemployment rate ang naitala ng kagawaran, mas mababa ito kumpara sa 2.68 million na bilang ng mga indibidwal na walang trabaho o 5.3% na unemployment rate na kanilang naitala noong buwan ng Agosto, at mas mababa pa rin ito sa 4.28 million jobless Filipinos na naitala noong September 2021.

Ngunit sa kabila ng pagbabang ito sa bilang ng mga Pilipinong walang trabaho sa bansa, ay iniulat din ni Mapa na nakapagtala rin sila ng pagbaba sa bilang ng mga indibidwal na mayroong trabaho.

Sa datos, nitong Setyembre ay nakapagtala ng 47.58 million employed Filipinos ang kagawaran, mas mababa sa 47.87 million na naitala noong buwan ng Agosto.

Paliwanag ni Mapa, nakaapekto sa naturang datos ang pagkonti ng labor force participation sa bansa.

Aniya, nitong Setyembre kasi ay bumaba sa halos 500,000 ang labor force participation rate dahil ilan sa ating mga kababayan ang bumalik na rin sa pag-aaral.

Ngunit nilinaw niya na hindi naman daw ito ganoon ka-significant dahil sa ngayon ay nasa 50.08 million pa rin naman ang naitalang bilang ng labor force sa bansa nitong buwan ng Setyembre.

Samantala, sinabi naman ng PSA na kabilang ang manufacturing, wholesale and retail trade, agriculture and forestry, lodging and food services, at transportation and storage ang nakitaan ng biggest gains pagdating sa employment.

Oras ng operasyon ng malls, binago – MMDA

Posted on: November 10th, 2022 by @peoplesbalita No Comments

TULUYAN nang binago ang oras ng operasyon sa mga shopping malls sa Metro Manila nang itakda ito mula alas-11 ng umaga hanggang alas-11 ng gabi, ayon sa Metropolitan Manila Development Authority (MMDA).

Ito ang napagkasunduan ng MMDA at mga mall owners at operators na mag-uumpisa sa Nobyembre 14, 2022 at magtatapos hanggang Enero 6, 2023.

“Starting November 14, malls in NCR will operate from 11am to 11pm instead of their usual operating hours. We have to implement remedial measures to reduce traffic congestion,”ayon kay MMDA Acting Chairman Atty. Romando Artes.

Sinabi ni Artes na sinadya nilang hilingin sa mga mall owners at operators ang adjustment sa operating hours ng mga malls dahil sa inaasahang mas mabigat na trapiko ngayong Christmas season lalo na at nagluwag na sa protocols sa COVID-19 ang gobyerno.

Samantala, isasagawa na lamang ang mga mall sales ng weekends habang ang mga delivery ng mga produkto ay itatakda ng alas-11 ng gabi hanggang alas-5 ng madaling araw na lamang para hindi makadagdag sa bigat ng trapiko.

“Exempted from the regulation are deliveries of perishable goods, restaurants serving breakfast, and groceries,” saad ni Artes.

Pinagsusumite rin ng MMDA ang mga mall operators ng kani-kanilang “traffic management plans” at kung kailan sila magsasagawa ng mall sales at promotional events dalawang linggo bago ang iskedyul nito para mapaghandaan din ang pagtulong ng ahensya sa trapiko. (Daris Jose)

Magulang na di nagbibigay ng sustento sa anak, ipakulong

Posted on: November 10th, 2022 by @peoplesbalita No Comments

NAIS ni Davao City Rep. Paolo Duterte na maipakulong ang mga magulang na nagpabaya at hindi rin nagbibigay ng sustento sa anak o obligasyon na child support.

Sa ilalim ng House Bill 4807 na inihain ng mambabatas kasama ang tatlong iba pa, ipinanukala na mapatawan g parusang pagkakakulong ng 2-4 na taon ang mga magulang na nabigong magbigasy ng suportang pinansiyal sa mga anak at pagultahin ng P100,000 hanggang P300,000.

Ang mga first-time offenders ay maaaring mabigyan ng probation, sa ilalim ng panukala.

Nakasaad din sa panukala na ang halaga ng child support na dapat ibigay ay hindi bababa sa P6,000 kada buwan o katumbas ng P200 kada araw.

Kasama ng mga mambabatas na naghain ng panukala ay sina Benguet Rep. Eric Yap at ACT-CIS Partylist Reps. Edvic Yap at Jeffrey Soriano.

Isinusulong din ng mga mambabatas ang pagkakaroon ng National Child Support Program (NCSP) na siyang tutulong sa pagpapatupad ng child support claims, kabilang na ang paghahanap sa nagpabaya o nag-abandonang magulang.

Tutulong ang NCSP sa pagpapatupad ng Expanded Solo Parents Act (RA 11861) at sa pagbawas ng kaso sa korte lalo na sa mga isyung may kaugnayan sa child support claims.

Pamumunuan ng Department of Social Welfare and Development (DSWD), ang NCSP ay naatasan ding magbuo ng Child Support Register, na magsisilbing database ng child support claims at kaso.

Batay sa isinagawang pag-aaral ng World Health Organization (WHO), sinabi ni Duterte na nasa 15 milyong Pilipino, karamihan ay kababaihan, ay solo parents.

“This proposed law aims to ensure that their kids have sufficient support for their subsistence and other essential needs,” pahayag ni Duterte.

Bukod sa multa, ang mga magulang na hindi nakakapagbigay ng child support ay hindi makakakuha ng passport at maaaring suspindihin, kumpiskahin o i-restrict ang driver’s licenses, professional at occupational licenses, at recreational at sporting licenses ng mga ito.

Ang mga unemployed parents na kailangang magbigay ng child support ay kailangang magpartisipa sa kaukulang work activities o government programs para magawa nito ang kanilang obligasyon. (BISHOP JESUS “JEMBA” M. BASCO)