MAY balitang “asawa” na raw ang tawag ni Rayver Cruz kay Julie Anne San Jose kaya hinihintay na lang ng JulieVer fans kung kelan magaganap ang kasal.

Balita rin kasi na may natagong ipon na si Rayver para sa dream wedding nila ni Julie.

Inamin naman ni Rayver na napag-uusapan na rin nila ni Julie ang kasal. Naghihintay na lang siya ng tamang panahon para sa gagawin niyang proposal.

“Thirty-four na rin naman ako and I’m not getting any younger. And for me, si Julie na talaga ang gusto kong makasama habang buhay,” diin pa ng bida ng GMA Afternoon Prime series na ‘Asawa Ng Asawa Ko.’

Tungkol sa pagtawag daw niya ng asawa kay Julie, ito ang nasabi ni Rayver…

“Nakakatawa kasi alam ko naman na ‘yan na ang itatanong ng lahat sa akin, e, especially doon sa title. Well, siyempre, hindi ko pa siya pwedeng tawaging asawa dahil hindi pa naman kami kasal.

“Mas gugustuhin ko po na ma-surprise si Julie. Kailangan caught off-guard siya. Gusto ko, ako ang pipili ng tamang oras. Gusto ko na ma-surprise siya,” sey pa ni Rayver.

(RUEL J. MENDOZA)

HALOS sabay nagka-Covid ang mga bida ng ‘Linlang’ na sina Kim Chiu at Paulo Avelino, kaya wala sila sa presscon na ginanap sa Dolphy Theatre.

Dahil doon ay bukod tanging sina Diamond Star Maricel Soriano at Race Matias ang nakarating, kasama ang dalawang direktor na sina FM Reyes at Jojo Saguin.
Pero live naman na nakausap ang dalawa via zoom.

Sa kabila ng nangyari sa relasyon nina Kim at Xian Lim na ilang taon din naman ang itinagal, ay positibo pa rin ang pananaw ng Kapamilyang aktres sa larangan ng pag-ibig.

Hindi raw siya dapat mawalan ng pag-asa na sa darating na mga buwan o taon ay makahanap na rin siya ng bagong mamahalin.

Kumbaga, willing pa rin niyang buksan ang puso para sa isang lalaking magiging kapalit ng dating kasintahan.

“Oo naman, hindi na muna sa ngayon, hopefully next months to come, next years to come pala,” napatawa pang sambit ni Kim sa mediacon ng very successful series na “Linlang” sa Prime Video, na mapanood na rin sa mga Kapamilya channels, A2Z, TV5, at iWantTFC starting January 22.

Dagdag pa ni Kim na naniniwala pa rin naman siya sa “love” dahil marami pa rin naman daw na willing magbigay sa kanya noon at very much willing naman daw na tatanggapin niya ito.

***

IPINAGMALAKI ni Race Matias ang ginampanan niyang papel sa “Linlang” ng Dreamscape Entertainment.

Ayon pa sa anak ng dating mayor ng Quezon City na si Herbert Bautista na tuwang-tuwa raw siya dahil halos lahat ng mga nakausap niya ay halos nagagalit sa kanya. Kahit na raw ang Daddy Herbert niya ay naiinis sa karakter niya bilang si Mateo na sobrang loyal sa role naman na ginampanan ni JM de Guzman.

Mula pa rin kay Race ay binanggit niya na mahigit sa kalahati pa ang hindi nagpapanood ng televiewers sa “Linlang”.

Nang tanungin naman si Race tungkol sa balitang relasyon ng ama niya kay Ruffa Gutierrez ay “no comment” siya. Wala raw naman siya sa lugar na manghimasok sa kung sinumang nagpapasaya sa ama niya. Kaya kung saan masaya ang ama ay susuportahan na lang niya.

Hindi pa rin daw niya nami-meet si Ruffa at never pa niyang nakikitang magkasama ang dalawa.

***
AT 47, ay very much in love pa rin ang aktor na si Piolo Pascual sa showbiz career niya.

Isa raw sa wish niya sa bday niya ay ang gumawa pa rin ng maraming projects both sa TV at pelikula. After Metro Manila Film Festival entry niyang ‘Mallari’ na marami ang umaasa na masungkit ni Papa P ang best actor pero napunta sa isang baguhang aktor, ay marami pa rin na nakalinyang magagandang proyekto ang Kapamilyang aktor.

Isa sa pagkakaabalahan ni Piolo ngayon ay ang “Pamilya Sagrado” na pagbibidahan niya.

Star-studded ang serye na ito na kung saan makakasama niya sina Aiko Melendez, Shaina Magdayao, Rosanna Roces, Tirso Cruz III at iba pa.

(JIMI C. ESCALA)

HINDI napigilan ni Jericho Rosales na matawa nang makita niya ang paper dolls nila ng dating karelasyon na si Heart Evangelista.

Sa Instagram stories ni Jericho, biglq itong nag-flashback noong makikita ang koleksiyon ng kanyang kaibigan, kung saan kasama ang paper dolls nila ni Heart. Naka-tag din si Heart sa stories ni Jericho.

Sinabi ni Jericho na fashionista pa rin si Heart kahit nasa paper doll ito.

Hindi makapaniwala si Jericho na gano’n pala ang katawan niya noon at na-immortalize ito sa paper doll. Ayon sa aktor, hindi na raw niya ito kayang ma-achieve ulit.

“Katawan ko ba ‘to? Mukhang dinikit lang ‘yung ulo ko eh,” sabay tawa ni Jericho.

Hirit pa ni Jericho sa video, pa-outfit check din ang kanilang paper dolls. Pinusuan ng fans ang video, lalo’t marami ang nakaka-miss sa paper dolls.

***

ANG HBO drama na ‘Succession’ at ang Hulu dramedy series na ‘The Bear’ ang tinanghal na big winners sa 75th Primetime Emmy Awards.

Napanalunan ng Succession ang six Emmys: Outstanding Drama Series, Outstanding Supporting Actor In A Drama Series (Matthew Macfadyen), Outstanding Writing For A Drama Series, Outstanding Directing For A Drama Series, Outstanding Lead Actor In A Drama Series (Kieran Culkin) and Outstanding Lead Actress In A Drama Series – 2023 (Sarah Snook)

Anim din ang napanalunan ng The Bear: Outstanding Comedy Series, Outstanding Supporting Actress In A Comedy Series (Ayo Edebiri), Outstanding Supporting Actor In A Comedy Series (Ebon Moss-Bachrach), Outstanding Lead Actor In A Comedy (Jeremy Allen White), Outstanding Directing For A Comedy Series, Outstanding Writing For A Comedy Series.

Big winner din ang Netflix series na Beef with 3 wins: Outstanding Limited or Anthology Series, limited series, Outstanding actor in a limited series (Steve Yeun), and Outstanding actress in a limited series (Ali Wong).

Nag-reunion ang cast ng ilang iconic TV shows sa Emmy stage tulad ng Cheers, All In The Family, Martin, Grey’s Anatomy, Ally McBeal at The Sopranos.

(RUEL J. MENDOZA)