MAIPAPAKITA na ng Pilipinas sa international community ang kakayahan ng pamahalaan na protektahan ang karapatan ng bawat mamamayang Filipino.

Nakatakda kasing dumating si United Nations Special Rapporteur (UNSR) on freedom of opinion and expression Irene Khan sa bansa, araw ng Martes, Enero 23.

Pangungunahan ni Undersecretary Ernesto Torres Jr., executive director ng National Task Force to End Local Communist Armed Conflict (NTF-ELCAC) ang pag-welcome kay Khan.

“This visit provides an excellent opportunity for NTF-ELCAC and other government agencies to engage with the Special Rapporteur and highlight the government’s efforts in protecting and promoting the rights of every human being in the country,” ayon kay Torres.

Looking forward naman ang task force na magdaos ng “constructive dialogue and collaboration” kay Khan, nakatakda kasing manatili si Khan sa bansa hanggang Pebrero 2 bunsod na rin ng imbitasyon ng gobyerno sa kanya na obserbahan ang kalagayan ng “freedom of expression” sa Pilipinas.

“With this visit, we aim to foster an environment where diverse viewpoints can coexist while upholding the principles of truth, respect for human rights, and ethical journalism,” ayon pa rin kay Torres.

Sa ulat, inimbitahan ni Khan, gamit ang kanyang X account (dating Twitter) ang civil society, human rights organizations, media organizations, experts at academics, at Iba pang interesadong stakeholders at indibiduwal na ibahagi ang anumang impormasyon o nalalaman ukol sa national normative framework kaugnay sa freedom of opinion at expression sa Pilipinas kabilang na ang right to information, regulasyon na may kinalaman sa disinformation at hate speech, at kanilang implementasyon.

Bubungkalin din ni Khan ang media freedom sa pamamagitan ng pag-identify sa national laws, regulations and practice hinggil sa “independence, freedom, pluralism and diversity ng print at broadcast media” at maging ang kaligtasan ng mga journalists at media workers.

Bahagi pa rin ng agenda nito ay ang idetermina ang kalagayan ng internet freedom sa bansa at kung paano ipinatutupad ang batas at kasanayan ukol sa “digital communications, privacy in communications at access to digital communications.”

Magdaraos din siya ng talakayan kasama ang iba’t ibang “civic organizations, religious groups, indigenous peoples at marginalized communities” upang makuha ang pananaw ng mga ito sa kalagayan ng vulnerable sectors.

Para kay Torres, ang NTF-ELCAC, minsan ng naging kontrobersiyal matapos akusahan ng pagre-red-tag sa leftist groups at dissenters, ngayon ay “advocates the whole-of-nation approach to attain lasting peace” as it is “committed to upholding the rule of law and strongly condemns all forms of abuse or violence against women and children.”

“The National Task Force is also dedicated to transparency and responsible communications focusing mainly in disseminating accurate and reliable information, countering false narratives, and combating disinformation to protect the Filipino people from the threats of terrorism and violent extremism,” ding pahayag ni Torres. (Daris Jose)

IDINEKLARA ni Pangulong Ferdinand R. Marcos Jr. na isang special non-working day sa buong bansa ang Pebrero 9, 2024 bilang pagdiriwang ng Chinese New Year.

Tinintahan ni Pangulong Marcos ang Proclamation 453 nito lamang Enero 18, nagdedeklara ng nationwide holiday para mabigyan ng pagakakataon ang mga Filipino na ipagdiwang ang Chinese New Year at i-enjoy ang mas mahabang weekend.

“The declaration of 09 February 2024, Friday, as an additional special non-working day throughout the country will give the people the full opportunity to celebrate the Chinese New Year and enable our countrymen to avail of the benefits of a longer weekend,” ang nakasaad sa proklamasyon.

Sa ilalim ng Proclamation 453, inatasan ang Department of Labor and Employment (DOLE) na magpalabas ng kaukulang circular para sa implementasyon ng proklamasyon para sa pribadong sektor.

Matatandaang noong, Oktubre 11, 2023, nagpalabas si Pangulong Marcos ng Proclamation 368, nagdedeklara sa Feb. 10, 2024, bilang special non-working day sa buong bansa para sa pagdiriwang ng Chinese New Year.

Ang Chinese New Year ay ang tradisyonal na pagdiriwang ng mga Tsino sa pagpasok ng bagong taon batay sa sinusundan nilang lunar calendar.

Sa Pilipinas, tinawag itong Chinese New Year kung saan dati’y ipinagdiriwang lamang ng mga Tsino-Pilipino at nakasentro sa Binondo, isa sa mga pinakalumang Chinatown sa bansa. (Daris Jose)

NAKIISA si Pangulong Ferdinand R. Marcos Jr. sa milyon-milyong deboto ng Señor Sto. Niño sa pagdiriwang ng Sinulog Festival kasabay ng paghikayat sa mga ito na i-translate ang kanilang pananampalataya sa gawa at ipalaganap ang pag-asa, pagmamahal at saya sa iba.

Sa naging mensahe ng Pangulo, umaasa ito na mananatiling nagkakaisa ang mga deboto ng Holy Child na mapagtagumpayan at pasiglahin ang socio-economic growth sa kanilang lungsod at mas i-develop pa ang pagpapaunlad sa industriya sa Cebu.

“To the millions of devotees, I urge you to translate your faith into action so that you may spread the message of hope, love and joy to others. Most importantly, always pray for spiritual strength and fortitude to overcome whatever challenges and difficulties that may lie ahead,” ayon sa Pangulo.

“Looking forward, I ask all of you to work hand in hand with this administration in maximizing all of the opportunities that will come before us in this New Year,” dagdag na pahayag nito.

Pinaalalahanan naman ng Pangulo ang mga deboto na mangyaring gabayan sila ng kanilang pananampalataya at inspirasyon ng bayanihan spirit para manatili ang kamalayan ng kanilang “Catholic at social obligations” para makamit ang hinahangad na tadhana tungo sa “Bagong Pilipinas that opens a better and more abundant life for all Filipinos.”

Nagpaabot naman ng kanyang pagbati ang Pangulo sa mga Cebuano, nakiisa sa mga ito sa pagdiriwang ng Sinulog Festival, idinaraos tuwing buwan ng Enero upang ipakita ang kanilang debosyon sa Holy Child, Señor Sto. Niño.

Samantala, binigyang diin ni Pangulong Marcos ang event bilang “one of the grandest and most colorful festivities in the Philippines” kung saan ang lahat ng mga Filipino anuman ang antas ng pamumuhay ay nagpapahayag ng kanilang labis na pasasalamat para sa mga himala, biyaya at hindi mabilang na tagumpay na ipinagkaloob sa kanila sa mga nakalipas na taon.

Para sa Pangulo, ito rin aniya ay isang “avenue to pray for good health, protection and prosperity in the year ahead.”  (Daris Jose)

MANANATILING “top rice importer” ngayong 2024 ang Pilipinas sa buong mundo.

Ito ang naging pagtataya ng United States Department of Agriculture (USDA).

Sa pinakabagong ulat ng USDA, inaasahang aangkat ang Pilipinas ng 3.8 milyong metriko toneladang bigas ngayong taon.

Ang China naman ang “second” top rice importer, sumunod ang Indonesia, European Union, Nigeria, at Iraq.

Sinasabi pa rin sa ulat na nakikitang tataas naman ang rice imports ngayong taon ng mga bansang gaya ng Afghanistan, Angola, Bangladesh, China, Democratic Republic of the Congo, Cuba, Ethiopia, Iran, South Korea, Liberia, Libya, Madagascar, Malaysia, Mexico, Nepal, Pilipinas, Saudi Arabia, Sierra Leone, United Arab Emirates, United Kingdom, United States, at Yemen.

Sa kabilang dako, ayon naman sa data ng Bureau of Plant Industry na may petsang Enero 11, nag-angkat ang Pilipinas ng 3.6 milyong metriko tonelada ng bigas, bahagyang mas mababa noong 2022 na may 3.8 metriko tonelada.

Nauna rito, sinabi naman ni Agriculture Secretary Francisco Tiu Laurel Jr. na plano ng pamahalaan na i-secure ang rice trade agreement nito sa Vietnam noong panahon na nag- state visit si Pangulong Ferdinand Marcos Jr.

Samantala, tinitingnan din ng Pangulo ang pag-angkat ng bigas mula sa Cambodia para mapanatili ang suplay ng bigas sa gitna ng nagbabadyang epekto ng El Niño.

Winika naman ng Malakanyang na target ng Cambodia na makakuha ng 1% share ng market ng imported rice sa Pilipinas ngayong taon. (Daris Jose)