INALIS na ng lungsod ng Quezon City ang suspension order nito na nagpahinto sa construction ng Quezon Memorial Station ng Metro Rail Transit Line 7.

Sinabi ni Mayor Joy Belmonte na inalis na niya ang cease at desist order na kanilang binigay noong Pebrero 18 matapos na magbigay ang contractors ng isang revised na design ng Quezon Memorial Station kung saan inalis na ang paglalagay ng isang mall sa nasabing heritage site.

Ayon kay Belmonte, ang bagong plano ay isang “win-win” solution sa pagitan ng San Miguel Corporation (SMC) at ng lungsod ng Quezon City kung saan sa bagong plano ay inalis na ang obstructed view ng pylon na isang national landmark na siyang nagsisilbing simbolo ng mga nagdaang dekada.

“There will be no obstructions at the burial site of President Manuel Luis Quezon. Aside from that, there will be open space for residents because there will be no mall,” ayon kay Belmonte.

Ang dating planongpagtatayo ng 11,000 square meter na building ay naging isang above ground structure na lamang na isang utility room na may taas na 6 or 7 meters at naging 426 square meters na lamang.

“The proposed floor area of the building was five times more than that indicated in the permit and clearance for the project. The design change was approved without consultation with the city government,” dagdag ni Belmonte.
Ang halt order ay tinanggal ayon sa Department of Transportation (DOTr) matapos ang lungsod ng Quezon City at environment at heritage advocates ay pumayag na sa bagong design ng Quezon Memorial station na siyang binigay ng SMC at EEI Corp.

“What this exercise shows is that when the national government, local government and the private sector work together and cooperate, all with the same obsession – all for transparency and development – things will be solved and improved swiftly,” sabi ni DOTr Secretary Arthur Tugade.

Nagbigay naman ng assurance sa Quezon City government at mga stakeholders ang SMC na kanilang susundin ang redesigned at final plan ng Quezon Memorial station.

Ang MRT 7 ay ang P63 billion na proyekto na ginagawa ng SMC na mabakabawas ng travel time mulasa Manila papuntang Bulacan.

Ang MRT 7 ay ang 23-kilometer railway na may 13 stations na siyang magdurugtong sa San Jose Del Monte, Bulacan at North avenue sa Quezon City namakakabawassa travel time mula Manila hanggang Bulacan. Inaasahang ang travel time ay magiging 34 minutes na lamang.

Kung maging operational ang MRT 7, ito ay inaasahang makapagsasakay mula 300,000 hanggang 850,000 na pasahero kada araw at mayroon itong room capacity pa para sa expansion upang makapagsakay pa ito ng mas marami sa darating na panahon. (LASACMAR)

KAHIT na may ipinatutupad na suggested retail price (SRP) sa baboy, manok at iba pang agricultural products, may mga vendor sa Metro Manila ang napag-alamang hindi sumusunod.

Gayunman, ayon sa Department of Agriculture (DA), bibigyan pa rin ng pagkakataon ang mga nagtitinda na makapagpaliwanag kung bakit mas mataas ang kanilang presyo lalo na sa baboy.

Batay sa itinakda ng ahensiya ng gobyerno na nauna nang inilabas, P190 per kilo ang SRP para sa pigue at kasim ng baboy, P130 per kilo sa fully dressed chicken, P162 per kilo sa bangus, P120 per kilo sa tilapia at P130 per kilo sa galunggong.

Nagtakda rin ng SRP para sa bawang na P70 kada kilo para sa imported at P120 kada kilo para sa local; P95 kada kilo naman ang pulang sibuyas at P50 kada kilo ang refined sugar.

Babala sa mga susuway, sa ilalim ng Price Act, ang mga magmamanipula sa presyo ng mga produktong pang-agrikultura ay mahaharap sa parusang pagkakakulong at multa.

Tama lang na may SRP lalo na sa mga pangunahing bilihin, sa pamamagitan nito ay napoprotektahan ang mga mamimili mula sa mga abusado.

Pero, paano naman ang mga tindero na umaaray sa presyo na kanilang nakukuha mula sa kanilang mga supplier?
Madalas na reklamo lalo na ng maliliit na negosyante ay kung paano nila maipapasa ang produkto sa itinatakdang presyo kung sila naman ang malulugi?

Kaya mainam talagang magkaroon din ng pag-uusap sa pagitan ng mga opisyal ng gobyerno, mga negosyante at vendor at sana ay magkaroon din ng kinatawan ang mga konsiyumer para naman may direktang kaalaman sa kung paano nagtatakda, nagtataas o nagbababa ng presyo ng mga bilihin.

PUMIRMA ng ordinasa si Manila Manila City Mayor Francisco “Isko Moreno” Domagoso para sa pagpapatayo ng isang sementeryo para sa mga namatay na Muslim na residente ng Maynila sa Manila South Cemetary.

Sa ilalim ng Ordinasa No. 8608, tinawag nitong Manila Muslim Cemetary na may inilaan na P49,300,000 para sa pagpapaayos ng isang bagong sementeryo at suportado dito sina Vice Mayor Honey Lacuna-Pangan, Majority Floor Leader Joel Chua, Second District Councilor Darwin “Awi” Sia at miembro ng Manila City Council.

Sa bagong sementeryo, kabilang dito ang pagpapatayo ng Cultural Hall gayundin ang paglalagay ng isang plantilla para sa mga bagong personnel na magtratrabaho sa ilalim ng Muslim Cemetery Division.

Ang itatayong Manila Muslim Cemetery na sakop ng 2,400 square meters ay magsisilbing exklusibong lugar para sa interment at paglilipat ng labi ng mga namatay na Muslim na residente ng Maynila.

“It is hereby declared the policy of the City Government of Manila to confer recognition to the Muslim community in Manila with their inherent cultural attributes and customary traditions, especially in terms of caring for the remains of their departed, by defining a burial ground in the South Cemetery and a special body intended to manage [it],” nakasaad sa ordinansa.

Papatakbuhin ito at may kontol ang Manila Health Department (MHD).

Paliwanag ni Domagoso na pinirmahan ang nasabing ordinasa para kilalalanin ang kultura at kaugalian ng Manila’s Muslim community.

“Ito ay isang tanda ng ating paggalang sa kasaysayan ng ating minamahal na lungsod na noon ay pinamumunuan tayo ng ating mga kapatid na Muslim, mga Rajah, mga Sultan,” ayon kay Domagoso.

“Sa ganitong paraan lamang, muling naipaalala kung paano nagsimula ang Lungsod ng Maynila bago pa dumating ang mga kastila,” dagdag pa nito. (Bishop Jesus “Jemba” M. Basco)