2020 November Archive - People's Balita

July 3, 2024
Search in People's Balita
Ang Diyaryong Pinagkakatiwalaan

Archive for November, 2020

PDu30, hinikayat ang publiko na i-report ang korapsyon sa mga ahensiya ng pamahalaan at magbigay ng makatutulong na impormasyon sa awtoridad

Posted on: November 26th, 2020 by @peoplesbalita No Comments

HINIKAYAT ni Pangulong Rodrigo Roa Duterte ang publiko na i- report ang korapsyon sa mga ahensiya ng pamahalaan at magbigay ng makatutulong na impormasyon sa awtoridad.

Sinabi ni Pangulong Duterte na ang mga tipsters ay makatatanggap ng gantimpala mula sa pamahalaan.

Sa public address ni Pangulong Duterte, Lunes ng gabi ay sinabi nito na ang petty graft ay “perpetuated almost everywhere” ng ilang corrupt employees sa gobyerno.

“Iyong mga nasa window ng business permit, ‘yang mga clearances, papahirapan ang tao kaya ang sabi ko sa inyo, if you want to earn money, good money, ‘pag maganda ang kaso, malaki ang lugi sa gobyerno, report it to the person that you trust without giving your name and number,” ayon kay Pangulong Duterte.

“Ang hinihingi ko lang ang opisina at kung magkano, ako na ang mag-follow-up at tsaka ‘yong medyo maliliit, P10,000,” dagdag na pahayag nito.

Binalaan naman ng Punong Ehekutibo ang mga mamamayan na tigilan ang corrupt practices sa ilalim ng kanyang administrasyon.

“Huminto talaga kayo maski ngayon lang. Next administration, fine, balik kayo sa dati, wala akong pakialam pero sa ngayon, ‘wag kayo maghinanakit, ‘wag kayo magalit sa akin kasi ako galit din sa inyo,” anito.

Sa kabilang dako, binasa naman ni Pangulong Duterte ang ilang pangalan mula sa listahan na sinibak at nahaharap sa kasong administratibo dahil sa maling gawain.

Subalit binigyang diin nito na isisiwalat niya ang pangalan ng mga ito sa susunod na linggo.

Bagama’t naisapubliko ang ilang pangalan ng mga kurakot na opisyal at empleyado ay tikom naman ang bibig ng Pangulo sa pangalan ng mga kongresista na sangkot sa corrupt practices na may kinalaman sa proyekto sa kani-kanilang distrito.

Aniya, hindi niya papangalanan ang mga ito dahil nabibilang ang mga ito sa “co-equal branch” ng pamahalaan. (Daris Jose)

2 PH golfers swak sa Olympics

Posted on: November 26th, 2020 by @peoplesbalita No Comments

Maaaring dalawang golfers ang pwedeng ipadala ng Pilipinas sa Tokyo Olympics sa susunod na taon kung mapananatili lamang nila ang kanilang pwesto sa rankings, ayon sa secretary-general of the National Golf Association of the Philippines (NGAP).

Sinabi ni Valeriano “Bones” Floro of NGAP, halos sigurado na sina Bianca Pagdanganan at Yuka Saso na makalalaro sa Tokyo Games sa susunod na taon.

Ito’y matapos silang ma-rank sa Top 60 ng International Golf Federation sa kanilang Olympic Golf Ranking.
Si Saso, sumasabak ngayon sa LPGA sa Japan Tour, ay naka-rank na No. 25, habang si Pagdanganan, na lumalaro naman sa LPGA Tour, ay nasa No. 40.

“Ang kailangan lang natin doon sa dalawang athlete natin is maglaro lang sila ng maglaro,” ani Floro kaugnay sa dalawang sikat na golfer. “Sumali lang sila ng sumali sa mga event nila, and practically pasok na sila.”

Ang qualification period para sa Tokyo Games ay hanggang June 21 para sa men at June 28 para sa women, kung saan ang Top 60 golfers sa bawat kategorya ay papasok sa Olympics.

Pedicab driver buking sa shabu

Posted on: November 26th, 2020 by @peoplesbalita No Comments

Kulong ang isang 42-anyos na pedicab driver matapos mabisto ang dala nitong shabu makaraang masita ng mga tauhan ng Maritime Police dahil walang suot na face mask sa Navotas City.

Kinilala ni Northern Maritime Police Station (MARPSTA) head P/Maj. Rommel Sobrido ang naarestong suspek na si Arnold Barrios alya “Anot” , 42 ng Kadamay St., Market 3, NFPC, Brgy. NBBN.

Sa report ni Major Sobrido kay MARPSTA Chief P/Col. Ricardo Villanueva, dakong 3:30 ng hapon, nagsasagawa ng foot patrol ang kanilang mga tauhan sa pangunguna ni PLT Erwin Garcia sa Kadamay St. Market 3 nang mapansin nila si Barrios na walang suot na face mask kaya’t sinita ito ng mga pulis.

Gayunman, tinangkang tumakbo ng suspek subalit napigilan ito ni Pat. Patrick John Quinto at PSSg Marcelo Agao at nang atasan siya na ilabas ang laman ng kanyang bulsa ay aksidenteng nahulog mula sa loob nito ang dalawang plastic sachets na naglalaman ng hinihinalang shabu na nasa P1,000 ang halaga.

Ayon kay MARPSTA PSMS Nemesio “Bong” Garo II, mahaharap ang suspek sa kasong paglabag sa Comprehensive Dangerous Drugs Act of 2002. (Richard Mesa)

Christmas Tree Lighting ceremony sa Maynila, nagningning sa pamumuno ni Yorme Isko Moreno

Posted on: November 26th, 2020 by @peoplesbalita No Comments

Sinimulan na noong Lunes, Nobyembre 23 ang pagdiriwang ng Kapaskuhan sa Lungsod ng Maynila matapos nating pailawan ang 45-feet Christmas Tree at ang mga parol sa Kartilya ng Katipunan.

Pinailawan din ang mga dekorasyon sa Bulwagang Rodriguez ng Manila City Hall, pati na rin sa National Parks Development Committee, Intramuros Administration, National Museum of the Philippines, Post Office at Bulwagang Rodriguez.

Maraming salamat po kay Mr. Norman Francis Juban Blanco, designer at painter na tubong Angono, Rizal, para sa pagdisenyo ng ating napakagandang Christmas Tree.

Maraming salamat din po sa Chooks-to-Go for turning over 100 packs of chicken na ipinamahagi natin kahapon sa mga nanood ng ating Christmas Tree Lighting ceremony.

Tuloy po ang kasiyahan ng Kapaskuhan sa Lungsod ng Maynila kahit po may pandemya. Ngunit paalala po, panatilihin po natin ang pagsunod sa public health protocols tulad ng pagsuot ng face masks at face shields, pati na rin ang paghuhugas ng kamay.

Maligayang Pasko po sa bawat Batang Maynila.

Manila, God First! (Bishop Jesus “Jemba” M. Basco)

UAAP sa apela ni Aldin Ayo: Status quo!

Posted on: November 26th, 2020 by @peoplesbalita No Comments

Wala pang balak ang UAAP Board na talakayin ang apela ni dating University of Santo Tomas (UST) Aldin Ayo sa kanyang indefinite ban.

Ito ay dahil hinihintay pa ng liga ang resulta ng isinasagawang imbestigasyon ng CHED, DOJ at DILG na siyang magbibigay ng rekomendasyon sa Inter-Agency Task Force (IATF).

“Out of prudence, symmetry, and economy, the Board deemed it best, and since there’s no urgency to act on the issue and we’re not conflicting, we await those findings so we can align,” ani UAAP executive director Rebo Saguisag.

Sa ngayon, may mga mas importanteng bagay na pinagtutuunan ng pansin ang UAAP kabilang na ang pagpaplano para sa susunod na season ng liga.

Kaya naman ayaw madaliin ng liga ang isyu tungkol dito.

Iniimbestigahan si Ayo matapos pumutok noong Setyembre ang Sorsogon bubble sa Bicol na pinamunuan nito kasama ang Growling Tigers.

Nagbitiw bilang head coach ng UST si Ayo noong Setyembre 4.

Sa resulta ng imbestigasyon ng UAAP na ibinase sa report na isinumite ng UST, lumabas na may nagawang paglabag si Ayo kung saan inilagay nito sa panganib ang kaligtasan ng mga student-athletes na kasama sa Sorsogon bubble.

Dahil dito, ipinataw ang indefinite ban kay Ayo.

Naglabas ng sariling report ang PNP Sorsogon na inendorso ni Sorsogon Governor Chiz Escudero para linisin ang pangalan ni Ayo sa anumang paglabas sa quarantine at health protocols.

Ito ang naging batayan ni Ayo para hilingin sa UAAP na bawiin ang indefinite ban.

PAG-ALIS NG MGA DAYUHAN SA BANSA, MAGPAPATULOY HANGGANG KATAPUSAN NG TAON

Posted on: November 25th, 2020 by @peoplesbalita No Comments

INAASAHAN na magpapatuloy hanggang sa katapusan ng taon 2020 ang pag-alis ng malaking bilang ng mga dayuhan sa bansa, ayon sa Bureau of Immigration (BI).

Ayon kay BI Commissioner Jaime Morente na mula January hanggang September 2020, may 1.5 million na nga dayuhan ang dumating sa Pilipinas bago pa man ipatupad ang travel restrictions habang halos 2 milyon na mga dayuhan ang umalis ng bansa sa kahalintulad na panahon.

Ang dahilan ayon kay Morente ay dahil sa epekto ng Covid-19 pandemic na nagresulta sa pagpapatupad ng travel restrictions sa buong mundo.

“Similar to our Overseas Filipino Workers who wished to come home to their families during the pandemic, a lot of foreign nationals left as well,” ayon kay Morente. “A lot of businesses closed, which also affected the foreign community in the Philippines,” dagdag pa nito.

Sa listahan ng mga dayuhang umalis ay nanguna ang Koreans na may 400,000, Americans at Chinese (300,000); at Japanese na 166,000.

Ayon sa datos ng BI, halos 500,000 na mga Chinese national ay narito sa bansa.

Ayon pa sa datos, mula 2013 hanggang 2019, may kabuuang 6.4 million na Chinese nationals ang dumating sa bansa habang mahigit 6.1 million naman ang umalis sa kahalintulad na panahon.

“In 2020, due to the pandemic, for the first time, we’ve seen more departures of foreign nationals than arrivals,” ayon Morente.

Sinabi ni Morente na 188,517 na mga Chinese nationals ang dumating sa bansa mula January hanggang September 2020 habang umabot sa 292,669 na mga Chinese nationals ang umalis naman ng bansa sa kaparehong panahon.

“If we look at the difference of the figures from 2013 to 2020, only 475,129 Chinese nationals from this period are left in the country,” ayon Morente. Pero paliwanag nito na ang nasabing bilang ay hindi sumasalamin sa mga dumating noong 2013.

Dahil dito, ayon kay Morente na malaking epekto ito sa turismo sa bansa.

“The government had made significant strides in improving tourism,” ayon kay Morente. “However, this pandemic proved to counter all previous efforts,” dagdag pa niya.

“You can see the effect,” paliwanag ni Morente. “Areas that were once booming with foreign tourists, workers, or students are now empty. We’re hoping that little by little, the confidence of foreign nationals to visit our country, invest here, work here, or study here be renewed as we work to fight this pandemic,” ayon pa sa BI chief.

Sa kasalukuyan ay hindi oa pinapayagan ang mga turista sa bansa. “We hope that Covid-19 be resolved soon, so we may revive the tourism economy which was badly hit by this pandemic,” pagwawakas ni Morente. (GENE ADSUARA)

NAITALANG KASO NG COVID SA EVACUATION CENTER, INAGAPAN

Posted on: November 25th, 2020 by @peoplesbalita No Comments

NAKIKIPAG-UGNAYAN ang Department of Health o DOH sa lokal na pamahalaan ng Marikina kaugnay sa naitalang kaso ng COVID-19 sa isang evacuation center doon.

Ayon kay Health Usec Maria Rosario Vergeire sa kanyang virtual media forum, agad namang kumilos ang local health safety officer at dinala sa ospital ang evacuee kung saan siya nasuri matapos siyang mahirapang huminga.

Pinuri naman ni Vergeire ang ginawa ng Marikina LGU sa pangunguna ni Mayor Marci Teodoro at sinabing “good practice” dahil agad na inisolate o inihiwalay ang pasyente at dinala sa appropriate facility at pinasalang sa COVID-19 test.

Nang makumpirmang positibo ang evacuee ay agad na nagsagawa ng contact tracing kung saan labing pito ang closed contacts ng nasabing evacuee.

Ayon kay Vergeire, tatlo ay kaanak at labing apat na kapitbahay ang nakasalamuha nito sa evacuation center.

Isinailalim na rin sa RT-PCR ni Mayor Teodoro ang mga close contacts at lumabas naman na lahat ay negatibo.

Gayunman, naka-quaratine pa rin ang mga close contacts ng pasyente habang patuloy silang minomonitor ng Marikina LGU.

Samantala, inaalam pa ng DOH kong may sakit na ang pasyente bago ito dalhin sa evacuation center. (GENE ADSUARA)

PSC sumaklolo sa mga atletang biktima ng bagyo

Posted on: November 25th, 2020 by @peoplesbalita No Comments

Naghahanda na ang Philippine Sports Commission (PSC) upang i-release ang financial assistance sa mga miyembro ng national team na nasalanta ng sunod-sunod na bagyo.

Nakipag-usap na ang PSC sa national sports associations (NSAs) upang malaman kung sino-sinong mga atleta ang naapektuhan ng nakaraang mga kalamidad.

Ayon sa ulat, tumanggap ang ahensya ng mga ulat na maraming atleta at coaches, aabot na ngayon sa 57 mula sa 9 sports, ang nag-evacuate o nawalan ng tahanan dahil sa bagyong nagdala ng malakas na hangin, ulan at baha sa Metro Manila at karatig probinsya.

Kinumpirma ni PSC Chairman William Ramirez na mino-monitor nila ang mga miyembro ng Philippine national team na apektado ng kalamidad at binibilisan na umano nila ang proseso sa pagbibigay ng ayuda o financial assistance.

“It might not be substantial but we will do our best we can to help them,” ani ng sports chief.

“We will have this rolled out the soonest. We are just waiting for the final report from the NSA affairs so we can finalize everything,” pahayag naman ni PSC Executive Director Atty. Guillermo Iroy Jr.

Karamihan sa mga apektadong national athletes at coaches ay mula sa Philippine Canoe-Kayak Dragonboat Federation na naninirahan malapit sa floodways sa Rizal.

Ika-4 na Guinness Book of World Records ni Paeng

Posted on: November 25th, 2020 by @peoplesbalita No Comments

Sa ikaapat na pagkakataon ay muling pinarangalan ng Guinness Book of World Records si Filipino bowling legend Paeng Nepomuceno.

Mula sa dating 118 ay pinalobo ni Nepocumeno sa 133 ang kanyang career tenpin bowling championships para sa record na Most Bowling titles.

Nakamit ng Pinoy bowling legend ang kanyang ika-133 titulo noong 2019 kung saan niya pinagharian ang PTBA Mixed Open sa Quezon City sa edad na 62-anyos.

Si Nepomuceno rin ang naging pinakamatandang Masters champion.

Hanggang ngayon ay hawak pa rin ni Nepomuceno ang Guinness World record bilang pinakabatang World Tenpin bowling champion na ginawa niya noong 1976 Bowling World Cup (BWC) sa Tehran, Iran.

May pinakamarami rin siyang bowling world titles sa tatlong magkakaibang dekada (1976, 1980, 1992, at 1996 Bowling World Cup titles, 1984 World’s Invitational at 1999 World Tenpin Masters) at may pinakamaraming worldwide titles sa loob ng limang dekada.

Iniluklok si Nepomuceno sa Philippine Sports Hall of Fame noong Nobyembre 22, 2018.

PDu30, balik-Davao pagkatapos ng termino sa June 2022

Posted on: November 25th, 2020 by @peoplesbalita No Comments

PLANONG bumalik ng Davao si Pangulong Rodrigo Roa Duterte sa oras na natapos na niya ang kanyang termino sa Hunyo 2022.

Ang pahayag na ito ni Presidential Spokesperson Harry Roque ay tugon sa ulat na di umano’y pilit na pinalulutang ni chief presidential legal counsel Salvador Panelo na ideya na tatakbo bilang vice president si Pangulong Duterte sa kanyang anak na si Davao City Mayor Sara Duterte na tatakbo naman sa pagka-pangulo sa 2022 elections.

“Ang pagkakaalam ko po eh, atat na atat na si Presidenteng matapos ang kanyang termino at gusto na niyang umuwi dito sa Davao,” ayon kay Sec. Roque.

“Iyong Duterte-Duterte tandem po na sinasabi ni Secretary Panelo, iyan po ay kanyang personal na opinyon,” dagdag na pahayag ni Sec. Roque.

Matagal na kasing pinalulutang ni Sec. Panelo ang Duterte-Duterte tandem.

“Pag tumakbo na itong Duterte-Duterte, wala na.Di ba ninyo napapansin? Mula noon ibinigay ko ang ideyang ‘yun na baka tumakbo si Mayor Sara Duterte bilang presidente at si Presidente Duterte tumakbong bise presidente, na puwede naman, may narinig ba kayong reaksyon galing sa kaliwa o galing sa oposisyon? Wala. Wala kasi hindi nila malaman pano mag-re-react. Hindi nila akalain na puwede pala ‘yun,” ayon kay Sec. Panelo.

“Maraming nga…puwede pala tumakbo si presidente ng bise presidente. Puwede . Kasi ang labag lang sa Saligang Batas, ‘yung Presidente na nakaupo after six years tatakbo uli ng presidente, hindi puwede ‘yun. Pero kung tatakbo siya ng ibang position, gaya ng bise presidente puwede ‘yun. Tingnan ninyo si Presidente Gloria Arroyo, ‘di ba tumakbong congessman. Nanalo,” dagdag na pahayag ni Sec. Panelo.

Nauna nang sinabi ni Sec. Panelo na kakain ng alikabok ang magtatangkang lumaban sa “Duterte-Duterte” tandem sa 2022 National Elections.

Aniya, hindi mag-o-overstay si Pangulong Duterte sa Malakanyang at tatapusin niya ang kaniyang termino sa kabila ng mga isyu sa kaniyang kalusugan.

Binigyang diin nito na walang sinumang makatatalo kapag nag-tandem na ang mag-amang Duterte.

Sa katunayan, nangyari na aniya ito nang magsilbi noon si Pangulong Duterte bilang Bise Alkalde ng Davao City habang Alkalde naman si Inday Sara mula 2010 hanggang 2013.

May pagkakataon ding sinabi ni Sec. Panelo kay Mayor Sara na parehas sila ng tatahaking landas ng kanyang ama. (Bishop Jesus “Jemba” M. Basco)