2021 January 06 Archive - People's Balita

July 3, 2024
Search in People's Balita
Ang Diyaryong Pinagkakatiwalaan

Archive for January 6th, 2021

Naturukan na ng Covid -19 vaccine ang 100k Tsinoy na nagtratrabaho sa POGO sa Pinas

Posted on: January 6th, 2021 by @peoplesbalita No Comments

WALANG impormasyon si Presidential Spokesperson Harry Roque sa sinabi ni civic leader Teresita Ang-See na may 100,000 Chinese POGO workers na ang naturukan ng bakuna laban sa COVID-19.

“Wala po akong impormasyon kung kung man totoo edi mabuti, 100,000 less possible carriers of the Covid -19 virus,” ayon kay Sec. Roque.

Ukol naman sa kung paano nakapasok ang bakuna at kung sino ang namahala sa pagbabakuna ay sinabi ni Sec. Roque na wala siyang maisasagot dito.

“Wala po akong kasagutan dyan noh. ang masasabi ko lang po .. kung totoo.. Hindi ko kinukumpirma yan noh. that’s hundred thousand less carrier of Covid -19. ‘Yan lang po ang masasabi ko dyan,” ani Sec. Roque.

Nabanggit kasi ni Teresita Ang-See na nabakunahan na di umano ang may 100,000 Tsinoy na nagtatrabaho sa POGO sa Pilipinas.

Samantala, inamin naman ni Philippine Ambassador to China Jose Santiago L. Sta. Romana na hindi pa siya natuturukan ng bakuna laban sa Covid- 19.

“Wala pang access dito to foreigners to get the vaccine noh. But now that there is genneral approval for general used.. if its quite possible in the near future or in the coming.. sometime this year. As of now, we have not yet got the vaccine yet..,” anito.

Garcia pinupuntirya na makaupakan si Pacquiao

Posted on: January 6th, 2021 by @peoplesbalita No Comments

INEKLIPSEHAN halos ni Ryan Garcia ng Estados ang panalong seventh round technical knockout kay Luke Camp Bell ng Great Britain para makamit ang interim World Boxing Council (WBC) lightweight title nitong Linggo sa American Airlines Center sa Dallas, Texas.

Ito’y nang litanyahin niya bago pa magwagi na gustong makabangasan ang dakilang idolo niyang si eight-division world men’s boxing champion Emmanuel ‘Manny’ Pacquiao sa kasalukuyang taon.

Sasagupain pa ng 22-anyos at 5-10 ang taas ang kapwa niya Amerikano na si two-division world champ Gervonta Davis. Pero mas atat pa aniya siyang makaharap ang 42 taon na Pambansang Kamao.

“My dream is I beat ‘Tank’ Davis and then I end up getting a chance to fight Manny Pacquiao before he gets to go. Because he is one of my idols. He is one of those people, I look up to, and I think he is that last great legend that after Muhammad Ali and all the other legends, he is one of those,” wika ng boksingero sa DAZN. “So, it will be an honor to be in the ring with him.”

Pero may dalawang dibisyon ang layo ng timbang nina Pacquiao at Garcia. Isa pa’y malamang na si Conor Anthony McGregor ang malamang na labanan sa taong ito ng Pinoy ring icon. (REC)

Alden at Gabbi, hinirang na Best Actor at Best Actress

Posted on: January 6th, 2021 by @peoplesbalita No Comments

MALAPIT nang manganak sa kanyang third baby si Andi Eigenmann.

Sa kanyang latest post sa social media, nilantad ni Andi ang kanyang nine month baby bump. Excited ang aktres dahil baby boy ang isisilang niya ngayong 2021.

“And just like that, I’m at 36 weeks!! Holiday festivities kept us busy, since we wanted to make sure to make this Christmas as special as we could, for the kids. But as the year ends, I suddenly realise my pregnancy is too!

“Along with welcoming 2021, we will also be welcoming another member of the fam, this time, a little happy island boy. Nothing has been the same, comparing my previous pregnancy to this one.

“No weekly bumpdates, no cool maternity shoot, no interesting/funny preggy stories, no shopping too early, and for baby stuff we don’t need (lol)! (Maybe because it’s baby # 3??)

“This time has been different in so many other ways, but it doesn’t mean we aren’t any less excited because boy, are we thrilled!

“And we are sure to love our little boy just as much as we love our girls!” caption ni Andi sa IG post.

August 2020 nang i-reveal ni Andi na buntis siya ulit sa second baby nila ng fiance na si Philmar Alipayo.

***

HUMAKOT ng maraming parangal ang mga Kapuso stars sa 7th Urduja Heritage Film Awards 2020.

Nagwaging Best Actor si Alden Richards para sa pelikulang Hello, Love, Goodbye kunsaan gumanap siya bilang isang OFW sa Hong Kong.

Si Gabbi Garcia naman ang hinirang na Best Actress para sa pelikulang Last Song Syndrome (LSS) kunsaan katambal niya ang Real life boyfriend na si Khalil Ramos.

Best New Lead Actor naman si Royce Cabrera para sa pelikulang Fuccbois.

Wagi naman ni Kelvin Miranda bilang Best Young Actor para sa thriller film na Dead Kids, ang first Netflix original feature mula sa Pilipinas.

Si Therese Malvar naman ang nanalong Best Young Actress para sa drama film na Distance.

***

ANG Filipino-Canadian voice actor na si Eric Bauza ang magbibigay ng boses sa ilang iconic Looney Tunes character sa sequel ng pelikulang Space Jam.

Pinalabas ang Space Jam noong 1996 at bida rito si Michael Jordan na kinidnap nila Bugs Bunny, Sylvester, Porky Pig at Daffy Duck para labanan ang mga aliens na gustong sakupin ang Looney Tunes World.

Sa sequel na Space Jam: A New Legacy, ang bida ay si NBA star LeBron James.

Si Bauza ang naatasan na magboses sa ilang Looney Tunes characters tulad nila Bugs Bunny, Daffy Duck, Marvin the Martian, Tweety Bird and Pepe Le Pew.

Lumaki sa Toronto, Canada ang 41-year old na si Bauza at naka-base siya ngayon sa Los Angeles. Big fan siya ni Mel Blanc, ang original voice actor sa likod ng mga iconic Looney Tunes characters.

“A dream come true! It was just a lifelong admiration of Mel Blanc and the work that he left behind you know 80 years later were still talking about his performance and what made Bugs Bunny Bugs Bunny,” sey ni Bauza.

Bukod sa pagiging voice actor, isa rin siyang stand-up comedian, brief late-night host, and animation artist. (RUEL J. MENDOZA)

8 Must-watch Movies with FOX Movies this January

Posted on: January 6th, 2021 by @peoplesbalita No Comments

HAVE an incredible Hollywood experience with FOX Movies this January 2021.

Here’s a roundup of 8 exciting and new movies to add to your must-watch movie list:

Volume

The Gentlemen: An American expat tries to sell off his highly profitable marijuana empire in London, triggering plots, schemes, bribery and blackmail in an attempt to steal his domain out from under him.

Starring: Matthew Mcconaughey, Charlie Hunnam, Michelle Dockery, Premiered January 2, 9pm

The Assistant: A searing look at a day in the life of an assistant to a powerful executive. As Jane follows her daily routine, she grows increasingly aware of the insidious abuse that threatens every aspect of her position.

Starring: Julia Garner, Owen Holland, Jon Orsini, Premiered January 4, 9pm

American Woman: A woman raises her young grandson after her daughter goes missing.

Starring Sienna Miller, Christina Hendricks, Aaron Paul, Premieres January 7, 7pm

Inheritance: A patriarch of a wealthy and powerful family suddenly passes away, leaving his daughter with a shocking secret inheritance that threatens to unravel and destroy the family.

Starring Lily Collins, Simon Pegg, Connie Nielsen, Premieres January 9, 9pm

Blumhouse’s Fantasy Island: The enigmatic Mr. Roarke makes the secret dreams of his lucky guests come true at a luxurious but remote tropical resort. But when the fantasies turn into nightmares, the guests have to solve the island’s mystery in order to escape with their lives.

Starring: Michael Pena, Maggie Q, Lucy Hale, Premieres January 23, 9pm

Family: An emotionally stunted aunt struggles with her 13-year-old niece, who wants nothing more than to run away from home and become a Juggalo.

Starring: Taylor Schilling, Kate McKinnon, Jessie Ennis, Premieres January 25, 9pm

Chris Watts: Confessions of a Killer: When Chris Watts tearfully pleaded to television cameras for the safe return of his missing pregnant wife Shanann and their two young daughters, dark secrets loomed just beneath the surface.

Staring Ashley Williams, Sean Kleier, Brooke Smith, Premieres January 28, 7:25pm

The Wretched: A defiant teenage boy, struggling with his parents’ imminent divorce, faces off with a thousand-year-old witch, who is living beneath the skin of and posing as the woman next door.

Starring John-Paul Howard, Piper Curda, Jamison Jones, Premieres January 30, 9pm

PAGMAMAHAL SA MAGULANG, SUSI SA PAGKAKAROON NG MAGINHAWANG BUHAY

Posted on: January 6th, 2021 by @peoplesbalita No Comments

MAHALIN, IGALANG AT ALAGAAN ANG IYONG MGA MAGULANG KUNG NAIS MONG GUMINHAWA AT LUMAWIG ANG BUHAY!

Iyan ang pangako ng Diyos na mababasa sa aklat ng Mga Taga-Efeso 6:1-3

Sabi nga ng ilan, maging maramot ka na sa iba, huwag lang sa iyong magulang.

Isa iyan sa hiwaga ng buhay. Kapag minahal mo ang iyong magulang, tiyak na giginhawa ang iyong buhay!

Napatunayan ko ang pangakong iyan sa Bibliya sa katauhan ng isa kong kaibigan. Isa na ngayon siyang matagumpay na businesswoman. Noong panahon na walang may gusto sa kaniyang mga kapatid na alagaan ang kanilang tatay na may malubhang sakit, buong puso niyang inako ang responsibilidad na alagaan ito. Kahit abala siya sa trabaho ay nagagawa niyang asikasuhin at ibigay ang mga pangangailangan ng kaniyang ama. May punto pa nga na pati love life ay isinakripisyo niya alang-alang sa kaniyang tatay na maysakit. Pero makikita sa pamumuhay niya na siya ay maginhawa. Lahat ng pasukin niyang negosyo ay nagiging matagumpay. Parang ipinu-provide ng langit ang lahat ng kaniyang pangangailangan para matustusan ang mahal na gamot ng kaniyang tatay. Iginugol ng kaibigan kong ito ang malaking bahagi ng kaniyang panahon sa pag-aalaga sa kaniyang ama. Katuwiran niya, hindi ito naging pabayang ama sa kanila. Inaruga niya ang kaniyang ama hanggang sa huling sandali ng buhay nito. At bilang gantimpala, naging matagumpay na negosyante ang aking kaibigan. At hindi lamang iyon, biniyayaan siya ng napakabait at responsableng asawa at masayang pamilya.

Kabaliktaran naman ito ng isa kong kakilala na napaka-sutil na anak. Barumbado ito at kung makasagot at parang hindi magulang ang kausap. Pinagdadamutan rin nito ang kaniyang magulang. Katuwiran niya ay may pamilya na siya kaya hindi niya obligasyon na magbigay sa kaniyang magulang. Siguro ay sunud-sunuran rin sa asawa. Pero kumusta ang buhay niya? Tila ang ilap sa kanila ng suwerte. Magkaroon man siya, pero hanggang doon lang. Sapat lang. At madalas ay kulang. Minalas rin siya sa kaniyang napangasawa.

Sa dalawang sitwasyon na aking nabanggit, malinaw na makikita ang kaganapan ng pangako sa Bibliya.

Mahalin mo ang iyong magulang, at ikaw ay giginhawa sa buhay.

Naging maginhawa ang buhay ng kaibigan kong negosyante dahil naging mabait siya sa kaniyang magulang. Sinuklian ng good karma ang kabutihan niyang ipinakita sa kaniyang amang maysakit. Kabalintunan sa isa kong kakilala na hanggang ngayon ay hirap sa buhay dahil walang pagmamahal sa kaniyang magulang.

Ang hamon, madali lang sabihin na maging mabuting anak, pero mahirap gawin. May mga pagkakataon na talagang makakasagot tayo sa ating mga magulang, lalo na kung ang ating magulang ay immature. Sa ganitong sitwasyon, alalahanin na lang natin na ang ating mga magulang ay naging bata rin at may mga unresolved issues sa kanilang kabataan na nadala nila hanggang sa kanilang pagtanda. Sadyang may mga magulang na masasabi nating “hilaw pa” para maging isang magulang. Ang hamon ay nasa atin bilang mga anak. Kahit gaano pa kasama o ka-iresponsable ang ating magulang, OBLIGASYON AT TUNGKULIN NATIN NA SILA AY IGALANG.

Kapag ako ay nagagalit sa aking magulang, humihinga ako ng malalim o kaya ay kinakagat-kagat ko ang aking dila para mapigilan ko ang sarili ko na makasagot ng pabalang. Kahit minsan ay nasa katuwiran ako, hindi ko pinipilit ang pananaw ko. Hinahayaan ko na lang aking magulang sa kaniyang mga sinasabi. Katuwiran ko, wala namang mawawala sa akin kung manahimik ako. Mas malaki ang mawawala sa akin kung hahayaan ko ang sarili ko na bastusin ko ang aking magulang. Hindi ako perpektong anak, pero isa lang sinisigurado ko—hindi ako sumasagot ng pabalang. Hindi ko rin pinagdadamutan ang aking mga magulang. Hangga’t kaya ko ay ibibigay ko sa kanila. At naniniwala ako na isa iyon sa dahilan kaya maginhawa ang aking buhay. Dahil hindi ako naging barumbadong anak.

Tayo ang kabuuan ng ating mga magulang. Tayo ang totality ng genes, DNA at chromosomes ng ating tatay at nanay. Kung binabastos natin at pinawawalang halaga ang ating mga magulang, para na rin nating winawalang hiya ang ating sarili.

Kaya laging alalahananin ang pangako sa biblya: MAHALIN, IGALANG AT ALAGAAN ANG IYONG MGA MAGULANG KUNG NAIS MONG GUMINHAWA AT LUMAWIG ANG BUHAY! (REY DELEON)

PBA nakaabang sa listahan ng SBP

Posted on: January 6th, 2021 by @peoplesbalita No Comments

Hinihintay na lamang ng pamunuan ng Philippine Basketball Association (PBA) ang listahan ng mga players na iimbitahan para sa FIBA Asia Cup Qualifiers third window sa Pebrero.

Pinag-aaralan pa ng Samahang Basketbol ng Pilipinas (SBP) coaching staff sa pangunguna ni program director Tab Baldwin kung sino ang mga nais nitong isama sa Gilas Pilipinas pool.

Ang mga mapipiling players ay ipapasok sa training camp sa Inspire Sports Academy sa Calamba, Laguna para paghandaan ang third window.

Kaya naman gusto na ni PBA commissioner Willie Marcial na mailabas agad ang listahan para maabisuhan ang mga PBA players na isasama sa pool.

“Hinihintay lang namin ‘yun. Sabi namin, ibigay kaagad sa amin kung sino mga kailangan para makausap namin ‘yung mga players. Kasi lahat nasa bakasyon,” ani Marcial sa programang Power and Play.

Target ng SBP na bumuo ng solidong lineup sa third window dahil matinding laban ang haharapin ng Gilas Pilipinas.

Sasagupain ng Pinoy squad ang Asian power South Korea habang isang beses naman ang Indonesia na magpaparada ng naturalized player at Indonesian-American cager.

Bukod sa pagpili ng mga players, inaasikaso rin ng SBP ang hosting ng third window kung saan nakikipag-ugnayan na ito sa iba’t ibang sangay ng gobyerno.

Kasama ng SBP ang PBA sa pagtataguyod ng bubble sa Clark, Pampanga na parehong venue na pinagdausan ng matagumpay ng PBA Season 45 Philippine Cup restart.

Mas mahigpit na health protocols ang ipatutupad sa Clark bubble upang masiguro na ligtas ang lahat lalo pa’t may mas matinding strain na ang coronavirus disease (COVID-19).

2 HOLDAPER, TIMBOG SA MPD

Posted on: January 6th, 2021 by @peoplesbalita No Comments

BINITBIT ng Manila Police ang dalawang hinihinalang holdaper nang maaresto matapos na nambiktima sa isang service crew ng Mang Inasal sa Paco, Maynila kamakalawa ng hapon.

Kasong Robbery (Hold-up) sa ilalim ng Art. 293 of the RPC, R.A. 10591 (Comprehensive Firearms Law and Ammunitions Law) at llegal Possession of Deadly Weapon ang isinampa laban sa mga naarestong suspek na sina Benito Peralta, 25, binata, isang tricycle driver at Jericho Bernardo, 22 kapwa residente ng Pandacan Manila dahil sa reklamo ni Nerisa Drece, 24, dalaga ng 1386 D. Bugos St., Paco, Manila.

Sa ulat ni Corporal Alexis Ambrocio ng Manila Police District (MPD)-Station 5, dakong alas-2:00 kamakalawa ng hapon nang naganap ang insidente sa kahabaan ng Apacible panulukan ng Romualdez St., Paco kung saan naglalakad habang papatawid ito sa Apacible St., sa kahabaan ng Taft Ave., habang gumagamit ng kanyang cellphone nang lumitaw ang suspek, tinutukan ito ng bail at nagdeklara ng holdap at sinabihang ibigay ang kanyang cellphone na Samsung A21s na nagkakahalaga ng P9,990 at ang kanyang bag na naglalaman ng personal na mga gamit bago sumakay sa kanilang get away na motorsiklo.

Hinabol ng biktima ang mga suspek kasabay ng pagsigaw habang humihingi ng tulong kung saan napansin ng mga operatiba ng Paz PCP na nagresulta sa kanilang pagkakaaresto.

Narekober sa mga suspek ang isang kalibre ng baril, ice pick at tricycle na Kawasaki Barako 175. (GENE ADSUARA)

Sean, nag-audition para maging support pero nakuhang bida

Posted on: January 6th, 2021 by @peoplesbalita No Comments

MASARAP kausap si Sean De Guzman, ang member ng Clique 5, na bida na sa Anak ng Macho Dancer na produced ng Godfather Productions ni Joed Serrano.

Wala siyang iniiwasan na tanong. Game siya sumagot sa kahit na anong tanong. Ready rin siya to share anything about his childhood and his family.

Dahil sa hilig niya sa dancing kaya napasok siya sa Clique 5. When he was younger, sumasayaw siya sa harap ng salamin. Ginagaya niya ang mga dance steps na napapanood niya sa computer. Hiphop ang favorite dance step niya.

Sean describes himself as “matapang” and “risk taker.”

“Sumusugal ako sa isang bagay,” wika ng bagitong actor.

“Kasi po iniwan kami ng father ko kaya siguro naging independent na rin ako. Tinapangan ko ang sarili ko para makabangon sa mga pagsubok sa buhay. ‘Yun po ang nagpatatag sa akin.”

Ano ang naging effect sa iyo as a person nung iwan kayo ng tatay mo?

“Naging matapang ako na lumaban kahit na walang-wala ako kasi noong iniwan kami ng father ko, grade 4 ako noon, mga 9 years old yata. That time na iniwan kami ng father ko, yung mother namin nasa ibang bansa. Walang nag-aalaga sa amin. Kaming magkakapatid (he is second to the eldest) pinaghiwa-hiwalay kami. Parang hinati po kami kasi hindi naman ganoon kayaman ang mga relatives naming,” kwento ni Sean.

Pero hindi ka naman naging malungkot dahil sa experience na iyon?

“May part na malungkot kasi nga sinasabi ko siguro kung di kami iniwan ng father naming, buo pa rin kami. Pero nagpapasalamat din ako dahil sa mga experience na iyon, doon ko nabuo ang sarili ko. Kung hindi ko na-experience yun, siguro wala ako rito ngayon.”

Best trait daw niya as a person ay ang pagiging pasensiyoso niya. Understanding daw siya sa mga tao at bagay-bagay na nangyayari sa paligid niya. Hindi rin siya nagmamadali. Naniniwala siya na if you are willing to wait, darating sa iyo kung ano ang nakatakdang break.

Pero inamin din naman ni Sean na dati ay insecure din siya because of the way he looks. Sobrang payat daw niya noon kaya nagpursige siyang mag-workout to improve his physique. Nagbunga naman ang kanyang effort dahil yummy na siya ngayon.

Masaya naman daw kanyang childhood sa Taguig. Kung minsan daw ay dumadalaw siya sa dati nilang lugar.

Nag-audition siya to get a role as support cast ng Anak ng Macho Dancer. Pero laging gulat niya nang siya ang napili na magbida sa pelikulang dinirek ni Joel Lamangan.

Paano mo inihanda ang sarili mo sa mga daring scenes sa pelikula?

“Talaga pong inaral ko ang script at nakinig sa instructions ni direk Joel. Dinadama ko palagi sa puso ko na si Inno ako. Na yung katotohanan ni Ino ang dapat maipakita sa pelikula. Sa tingin ko naman po ay nagawa ko nang maayos kung ang hinihingi ni Direk Joel for my role,” wika ni Sean.

“Kailangan kasi ipakita ni Ino kasi, kailangan makita na hindi siya handa noong una, na pilit, hindi komportable. First time ko dito na maka-experience na pinapanood ng maraming lalaki, bading, mga matrona.

“As an actor na alam mong pinagnanasaan ka, mahirap siya sa akin kasi hindi naman ako ganun. Naramdaman ko talaga na mahirap pala ang ganitong buhay, na hindi madali. Challenging po talaga ‘yung role.” (Ricky Calderon)

Quiapo Church, nanawagan sa mga deboto na makiisa sa “localized traslacion” ng Poong Hesus Nazareno

Posted on: January 6th, 2021 by @peoplesbalita No Comments

Nanawagan ang pamunuan ng Minor Basilica of the Black Nazarene sa mga deboto ng Poong Hesus Nazareno na makiisa sa “localized traslacion 2021” sa halip na dumagsa sa Quiapo church.

Inihayag ni Rev.Fr. Danichi Hui, Parochial Vicar ng Basilica na ginawang localized ang Traslacion ngayong 2021 bilang pag-iingat sa banta ng corona virus.

Ayon kay Rev. Fr. Danichi Hui, Parochial Vicar ng basilica, humingi ng tulong ang Quiapo Church sa mga simbahan sa Metro Manila at maging sa iba’t ibang lalawigan upang magsagawa ng nobenaryo at mga misa para sa kapistahan ng Mahal na Poong Hesus Nazareno.

“Localize celebration meaning sa mga provinces na pinagdalhan namin ng image ng Nazareno ay magsi-celebrate sila doon ng novena masses at fiesta mass. We also asked some parishes and diocese to celebrate novena,” pahayag ni Fr. Hui sa Archdiocese of Manila – Office of Communications.

Ibinahagi ng pari na kanilang hiniling sa mga lalawigan na may mas maluwag na panuntunan ng community quarantine ang pagsasagawa ng motorcade sa imahe ng Poong Nazareno.

“Bilang isang deboto ang hiling namin ay una sumunod sa mga minimum health protocols (new normal protocols) second, kung pupunta ng Quiapo, alamin muna ang mga entrances at exit points para di maabala,” dagdag pa ni Fr. Hui.

Panawagan naman nito sa mga deboto na may karamdaman na huwag nang pumunta sa simbahan sa halip ay antabayanan at subaybayan na lamang sa social media pages ng Quiapo church tulad ng Facebook, YouTube at Twitter upang makaiwas sa sakit.

Naniniwala ang basilica na sa pamamagitan ng localized traslacion ay mabawasan ang pagdagsa ng mga deboto sa Quiapo Church sa ikasiyam ng Enero lalo’t naitatala taun-taon ang mahigit sampung milyong indibidwal na nakikilahok sa Traslacion.

Ilan sa mga lugar na bibisitahin ng imahe ng Poong Nazareno sa National Capital region ang Hospicio de San Jose; Jan 1, San Lazaro Hospital; Jan 2, Manila Cathedral; Jan 3, Greenbelt Chapel; Jan 4, Manila City Hall; Jan 5, Bureau of Fire Prevention – QC; Jan 6, Manila Police District; and Jan 7, Brgy. 394.

Bukod sa mga parokya sa National Capital Region ay may mga lugar din na bibisitahin ang replica image sa Northern at Southern Luzon.

Libreng bakuna laban sa Covid-19 na ibibigay ng LGUs, welcome sa Malakanyang

Posted on: January 6th, 2021 by @peoplesbalita No Comments

WELCOME sa Malakanyang ang ikinakasa ng pamahalaang lokal ng Maynila, Makati, Pasig, Valenzuela, Navotas at Paranaque na pagbibigay ng libreng bakuna laban sa COVID-19.

Para kay Presidential Spokesperson Harry Roque, nangangahulugan lamang na maraming budget para bumili ng vaccine.

“Well, unang-una .. lahat po ng transaksyon sa mga manufacturer will be government to government. So, wala naman pong mao-order na independent doon sa mga orders na gagawin po ni Vaccine Czar Sec. (Carlito) Galvez. So, let’s just say we welcome the contribution of the LGUs kasi ang ibig sabihin mas marami tayong budget para bumili ng vaccine. At hindi lang iyon manggagaling sa pondo ng national government,” ayon kay Sec. Roque.

Sa ulat, ikinakasa na ng pamahalaang lokal ng Maynila ang pagbibigay ng libreng bakuna laban sa COVID-19 na inaasahang ilulunsad sa mga susunod na buwan.

Dahil dito, hinimok kahapon ni Manila Mayor Isko Moreno ang mga residente ng Maynila na magparehistro para sa libreng pagbabakuna laban sa COVID-19 sa pamamagitan ng www.manilacovid19vaccine.com.

Sinabi ni Moreno na sa pamamagitan ng isang ordinansa na naunang naipasa ng Konseho ng Lungsod ng Maynila na pinamumunuan ni Vice Mayor at Presiding Officer Honey Lacuna at Majority Floor leader Joel Chua ay naging daan ito sa pagkakaloob ng P200 milyon para sa pagbili ng COVID-19 vaccines.

Pinasalamatan naman ni Moreno si Pangulong Rodrigo Roa Duterte at ang National Action Plan vs COVID-19 chief implementer at “vaccine czar” Sec. Carlito Galvez Jr., para sa lahat ng suporta sa pagsisikap ng lungsod ng Maynila na labanan ang COVID-19.

Ayon sa alkalde, ang pamahalaang lungsod ay nakatakdang pumasok sa isang advanced marketing agreement contract upang magreserba ng paunang 400,000 dosage ng mga bakuna para sa 200,000 residente. Prayoridad na maturukan ang mga medical frontliners na susundan ng mga senior citizens bago ang mga mamamayan ng Maynila.

Habang isinasagawa ang pagbabakuna, tuluy-tuloy pa rin aniya ang pagbibigay ng libreng swab at serology testing sa lungsod.

“Libreng COVID-19 vaccine para sa LAHAT ng #ProudMakatizens. Naglaan kami ng P1 Billion para tiyakin na walang gagastusin ang bawat Makatizen na mabibigyan ng bakuna. Libre. Ligtas. Para sa lahat,” ani Mayor Abby Binay sa isang online post.

Ginawa ng alkalde ang anunsyo kasunod ng naunang interes ng lokal na pamahalaan ng Maynila at Paranaque na mamahagi ng libreng vaccine supply sa mga residente.

Ayon kay Binay, naglaan ang city government ng P1-bilyon para sa procurement o pagbili ng vaccine supply.

Ito raw kasi ang una sa mga prayoridad ng lungsod ngayong taon para maprotektahan ang kanyang mga residente mula sa coronavirus.

“Hangad ko na pangalagaan ang kalusugan ng bawat #ProudMakatizen ngayong 2021. Una sa prayoridad natin ang pagbili ng bakuna kontra-Covid at ang pagsasagawa ng mass vaccination para sa buong komunidad.”

“We are aiming for 100% vaccination in Makati.”

Sa ngayon sine-set pa raw ng lokal na pamahalaan ang ilulunsad na online registration system para matiyak na ligtas at accessible sa bawat residente ng Makati ang libreng COVID-19 vaccine.

Nakikipag-coordinate rin umano ang lungsod kay vaccine czar Sec. Carlito Galvez para sa pagbili ng mga bakuna.

“Guidelines for online registration to be announced soon. I want the free COVID-19 vaccine to be available and accessible to ALL Makatizens. Stay safe!”

Batay sa huling anunsyo ng local government, umabot na sa 10,152 ang total confirmed cases ng lungsod. Mula sa kanila, 9,494 na ang gumaling. Habang 376 ang namatay.

Bukod sa Makati City, nag-anunsyo rin ang lokal na pamahalaan ng Valenzuela City ng libreng COVID-19 vaccines. Ayon kay Mayor Rex Gatchalian, P150-million na alokasyon naman ang kanilang ilalaan para mabakunahan ang mga residente.

“Our efforts are meant to augment and supplement the initiative of the national government who will take the lead on this endeavor.”

Pati na ang lungsod ng Navotas na mayroon naman daw P20-million alokasyon pambili ng vaccine supply.

Ayon kay Mayor Toby Tiangco, nagkaroon na ng informal survey sa kanyang mga residente, at karamihan sa kanila ay gustong maturukan ng bakuna basta’t susundin ng LGU ang brand na gusto nilang magamit sa populasyon.

Batay sa huling update ng mga LGUs, umabot na sa 8,531 ang total confirmed cases sa Valenzuela; habang 5,458 naman ang sa Navotas.

Sinabi ni Metro Manila Council head Mayor Edwin Olivarez ng Paranaque, hinihintay pa nila ang tugon ng Food and Drug Administration (FDA) at Department of Health (DOH) ukol sa hiling na guidelines para sa pagbili ng COVID-19 vaccines.

“Some LGUs will be providing budgets so it could help the national government, so the national government can concentrate on provinces, municipalities in the outskirts of Metro Manila,” ani Olivarez sa isang interview. (Daris Jose)