2021 September 18 Archive - People's Balita

July 3, 2024
Search in People's Balita
Ang Diyaryong Pinagkakatiwalaan

Archive for September 18th, 2021

LALAKI ARESTADO SA PAGBEBENTA NG BARIL

Posted on: September 18th, 2021 by @peoplesbalita No Comments

ARESTADO ang isang lalaki na nagbebenta ng baril sa ikinasang gun bust operation ng mga tauhan ng Manila Police District (MPD) kagabi sa Tondo, Maynila .

Kinilala ang suspek na si Mark Oliver Buenaventura , alyas Mico, 21, binata ng 1987 Almeda St. Brgy 226 Zone 21, Tondo, Manila.

Kilala rin ang suspek na miyembro ng “Tiatco Criminal Gang” na maituturing na district level criminal gangs

Sa ulat ng MPD, alas 7:15 kagabi nang maaresto ang suspek sa kahabaan ng Daang Bakal St , Tondo.

Nagsagawa ng gun buy bust operation ang mga tauhan ng MPD-DPIOU sa pangunguna ni PMaj Carlo Lonosa , hepe ng DPIOU laban sa suspek.

Nag-ugat ang operasyon mula sa impornasyon na natanggap mula sa regular confidential informant na biniripika naman ng pulisya .

Ang suspek ay sangkot din sa “basag kotse”, illegal drug trades, gun running, at robbery hold-up activities sa area ng Tondo, Manila at kalapit syudad.

Kakasuhan ng Comprehensive Laws of Firearms and Ammunitions ang suspek matapos makuha sa kanya ang isang Smith and Wesson .357 Magnum revolver na walang serial number at loaded ng apat na bala.

Nakuha rin sa suspek ang P500 mark money at booodle money na P3,000. GENE ADSUARA

53 lugar sa QC isinailalim sa lockdown, ayuda para sa 2 kumbento ng mga madre ipinadala na matapos ang Covid-19 outbreak

Posted on: September 18th, 2021 by @peoplesbalita No Comments

Nadagdagan pa ang mga lugar dito sa Quezon City na isinailalim sa Special Concern Lockdown dahil sa pagtaas ng bilang ng kaso ng Covid-19.

Ayon kay Quezon City Mayor Joy Belmonte nasa 53 na mga lugar ngayon ang nasa granular lockdown.

Nilinaw ng Alkalde na partikular lugar lamang ang sakop ng SCLA at hindi buong barangay.

Siniguro ng QC LGU na mamahagi sila ng food packs at essential kits para sa mga apektadong pamilya.

Ang mga ito ay sasailalim sa swab testing at mandatory 14-day quarantine.

Batay sa datos ng City Epidemiology Surveillance Unit (CESU) ang siyudad ay mayruong 13,252 active cases mula sa 150,740 na kabuuang bilang na nagpositibo sa lungsod na ngayon ay pinagtutuunan ng pansin.

Ayon sa CESU nasa 90.3% o 136,104 na ang gumaling sa Covid-19 infection.

Batay naman sa datos ng PNP Joint Task Force Covid Shield nasa 59 barangays sa NCR ang nasa ilalim ng granular lockdown kung saan karamihan dito ay sa Quezon City na mayruong 32 barangays.

Tanging ang area ng Manila Police District (MPD) ang walang naitalang barangays na isinailalim sa granular lockdown.

Agad naman na nagpaabot ng ayuda ang lokal na pamahalaan sa pangunguna ng Office of the City Mayor para sa Missionary Sisters Servant of the Holy Spirit sa Barangay Immaculate Concepcion at Religious of the Virgin Mary sa Barangay Kaunlaran.

Saku-sakong bigas, canned goods, vitamins,toiletries, alcohol at facemasks ang binigay para sa mga residents ng nasabing kumbento ng mga madre.

Sa kabuuan, mahigit 100 ang kumpirmadong kaso ng Covid-19 sa dalawang kumbento at may isa namang pumanaw.

Sa ngayon isinailalim na rin sa Special Concern Lockdown ang dalawang kumbento para maiwasan ang pagkalat ng virus.

Kouame naka-focus ngayon sa pagsali sa 2023 FIBA World Cup

Posted on: September 18th, 2021 by @peoplesbalita No Comments

Tiniyak ni Gilas Pilipinas program director Tab Baldwin na maglalaro sa national team si Ange Kouame.

Ito ay matapos ang ilang buwan nang aprubahan ang kaniyang naturalization.

Sinabi ni Baldwin na nagkaroon na sila ng pag-uusap ng adviser ng Ateneo de Manila player na si Arben Santos na makakasama ng Gilas Pilipinas si Kouame sa 2023 FIBA World Cup.

Naka-focus aniya ang 6-foot-11 na Ivorian center sa paglalaro sa FIBA World Cup.

Wala rin aniya itong balak na maglaro sa ibang bansa gaya na ginawa ng ilang mga manlalaro ng bansa.

Magugunitang kinuha ng Australian basketball league ang 7-foot-2 center na si Kai Sotto habang sina Dwight Ramos at Thirdy Ravena ay nasa Japan kasama si Kobe Paras.

Undercards sa Teofimo Lopez vs. George Kambosos fight sa Oct. 4 nakalatag na

Posted on: September 18th, 2021 by @peoplesbalita No Comments

Inanunsiyo ng promotional company na Triller ang iba pang magiging bahagi ng undercard sa mandatory fight sa pagitan nina Teofimo Lopez (16-0, 12 KOs) at George Kambosos (19-0, 10 KOs), na magaganap sa October 4, 2021 sa Hulu Theater ng Madison Square Garden.

Kung maalala una nang itinakda ang banggaan ng dalawa noong June 19, 2021 pero ipinagpaliban matapos na magpositibo sa COVID-19 si Lopez.

Narito ang mga undercards:

Daniel Gonzalez (20-2-1, 7 KOs) vs Petros Ananyan, (15-2-2, 7 KOs), para sa 10-round junior welterweight bout.

Jose Roman (11-0, 5 KOs) vs Cesar Francis (8-0, 6 KOs) sa junior middleweight, eight-rounder

Will Madera (16-1-3, 9 KOs) vs Jamshidbek Najmitdinov (17-1, 14 KOs) sa junior welterweight division

Joe Ward (4-1, 2 KOs) vs Frederic Julian (12-0, 10 KOs) six-round light heavyweight fight

PNP handang humarap sa imbestigasyon ng ICC pero dapat may ‘go signal’ sa presidente – Sec Año

Posted on: September 18th, 2021 by @peoplesbalita No Comments

Tanging si Pangulong Rodrigo Duterte lamang daw ang makapagsasabi kung pahaharapin o hindi ang Philippine National Police (PNP) sakaling ipatawag ng International Criminal Court (ICC) .

Ito ay makaraang simulan na ng ICC ang kanilang imbestigasyon kaugnay ng war on drugs ng pamahalaan.

Ayon kay Department of the Interior and Local Government (DILG) Sec. Eduardo Año, nakahanda naman aniya ang PNP na humarap sa anumang uri ng imbestigasyon.

Gayunman, sinabi ng kalihim na dahil sa chain of command ay nakadepende pa rin kay Pangulong Duterte kung hahayaan niya ang PNP na idepensa nito ang mga akusasyong ibinabato sa kanila.

Siniguro ni Ano na nakahanda ang PNP sa anumang imbestigasyon.

“The PNP is prepared for any investigation but this is a policy matter where only the President has the authority to decide whether to allow a non-local inquiry or not. Hence, we shall abide the guidance of the President,” pahayag pa ni Sec. Año

DEACTIVATED VOTERS MAGPAREHISTRO ULIT

Posted on: September 18th, 2021 by @peoplesbalita No Comments

NANAWAGAN ang Commission on Elections (Comelec) sa mga deactivated voters na i-renew ang kanilang registration bago ang deadline sa September 30.

Ginawa ni Comelec Commissioner Rowena Guanzon ang apela sa higit anim na milyong botante na deactivated na ang kanilang registration dahil sa hindi pagboto ng magkasunod na halalan.

“To reactivate, there is no need to personally appear at the Comelec office. You can do it through sending an email to your respective Election Officers,” sinabi ni Guanzon sa Laging Handa briefing.

Ayon kay Guanzon, ang email addresses ng lahat ng opisina ng Election Officer ay makikita sa Comelec website.

Noong July, iniulat ng Comelec na higit sa 600,000 deactivated voters ang muling nagparehistro upang makalahok sa darating na halalan.

Ilang mambabatas naman ang humihirit pa na palawigin ang voter registration dahil na rin sa pagkakasuspinde ng ilang beses dahil sa mga ipinatutupad na quarantine classifications sa National Capital Region (NCR) at iba pang bahagi ng bansa.

Pdu30, pinayagan sina Duque at Galvez na dumalo sa senate probe hinggil sa umano’y overpriced na pagbili ng medical supplies

Posted on: September 18th, 2021 by @peoplesbalita No Comments

PINAYAGAN ni Pangulong Rodrigo Roa Duterte sina Health Secretary Francisco Duque III at vaccine czar Carlito Galvez Jr. na ipagpatuloy lang na dumalo sa Senate probe hinggil sa di umano’y overpriced na pagbili ng medical supplies.

“Kung tawagin niyo, paulit-ulit na naman, sabagay naumpisahan na kasi, Secretary Duque, I will allow him to go and complete his story,” ayon kay Pangulong Duterte sa kanyang Talk to the People, araw ng Huwebes.

Gayundin ang ibinigay na utos ni Pangulong Duterte kay Galvez.

“Let us allow Gordon show his stupidity. Pabalikin ko sila. Just tell them the plain truth,” anito na ang tinutukoy ay si Senador Richard Gordon na siyang nangunguna sa Senate investigation.

Sa ulat, inatasan ni Pangulong Duterte ang mga miyembro ng kanyang gabinete na kailangan muna nilang kumuha ng clearance mula sa kanya bago dumalo sa Senate investigation kaugnay sa pagbili ng umano’y overpriced pandemic-related supplies.

Sinabi ni Pangulong Duterte, hindi niya kinukuwestion ang otoridad at kapangyarihan ng Senado na magsagawa ng imbestigasyon “in aid of legislation” pero maraming mga iniimbitahang resource persons mula sa Ehekutibo ang inaabot ng ilang oras sa pagdinig at hindi rin nabibigyan ng pagkakataon para ihayag ang kanilang testimonya.

Ayon kay Pangulong Duterte, kung sa tingin nito ay wala namang silbi ang pagdalo ng kanyang Cabinet officials sa Senate hearing maliban sa ipahiya at bastusin ng mga senador sa harap ng publiko, pagbabawalan na silang dumalo sa padinig.

Pwede naman daw ipa-contempt ng mga senador ang hindi sisipot sa kanilang pagdinig pero mayroon daw siyang otoridad sa mga Cabinet officials bilang pinuno ng Executive Department.

KIM, pinakita ang newly renovated condo na favorite secret place at doon nagmumuni-muni

Posted on: September 18th, 2021 by @peoplesbalita No Comments

NAG-SHARE si Kim Chiu sa kanyang mga subscriber ng YouTube channel niya ng favorite secret place niya kunsaan siya pumupunta tuwing gusto niyang mag-isa at makapag-isip-isip.

Pinakita ni Kim ang kanyang newly renovated condo unit niya na kung tawagin niya ay “home away from home”.

Pag-describe ni Kim sa kanyang sanctuary: “Sobrang liit lang ng lugar na ‘to kasi most of the time, ako lang talaga mag-isa dito. Dito ako nagmumuni-muni. Now ko lang talaga ‘to pina-renovate nang hardcore kasi parang napapadalas ‘yung pagtambay ko dito. So gusto ko namang maganda, maayos, malinis.”

Taong 2015 pa raw nabili ni Kim ang condo unit at siya raw ang nag-aayos at naglilinis nito. Kumpleto sa mga kailangan ni Kim ang kanyang condo kaya hindi nakakapagtaka na mas madalas siyang nakatambay dito.

“Parang nababahay-bahayan lang ako. Ako lang talaga mag-isa dito. Ako naglilinis. As an independent girl ako rito. Wala si sissy Kam, though sometimes nandito siya. Wala ‘yung mga angels ko, so ako lang talaga kapag gusto ko ng self-love,” sey pa ni Kim.

Natuto na raw na maging homebody si Kim noong magkaroon ng pandemya. At naging wise daw siya sa pag-invest ng kanyang mga naipong pera mula sa TV shows, movies at endorsements.

“Ngayong quarantine kasi parang pina-realize sa atin na maganda pala sa bahay. Alis tayo nang alis, travel tayo nang travel, tira tayo nang tira ng ibang lugar, pero mas maganda palang mag-invest sa bagay na alam mong sa ‘yo.

“Kasi ito nakuha ko lang ‘to dahil may konti akong natabing ipon, and then naisip ko kung saan ko ‘yun gagastusin. May nakapagsabi sa akin na best investment talaga ng money mo is really to buy a property. So kahit maliit lang siya, tutubo din naman ‘yun.

“Kaysa bumili ng mga car na magde-depreciate din ng konti, might as well buy something for yourself that one day you’ll be really proud of. Proud naman ako dito sa aking small space.”

***

MASAYANG binalita ni Inigo Pascual na kasama siya sa cast ng upcoming American musical drama na Monarch na produced ng Fox Television.

Lumabas na sa website ng Variety ang balitang kasama ang anak ni Piolo Pascual sa naturang Fox country musical:

“Actor and singer-songwriter Inigo Pascual has joined the cast of Fox’s upcoming musical drama “Monarch.

“Pascual is an established recording artist in the Philippines, where he is based. His self-titled debut album made it to No. 1 on Billboard’s Philippines chart. His second album, “Options,” was released in June. On screen, he was most recently seen making a cameo in Jo Koy’s Netflix comedy special “In His Elements.” He has also starred in several Filipino films and television series.

“Pascual is repped by Authentic Talent & Literary Management, Cornerstone Entertainment and Goodman, Genow, Schenkman, Smelkinson & Christopher.”

Makakasama ni Inigo sa show ay sina Beth Ditto, Trace Adkins, Susan Sarandon, Anna Friel at Joshua Sasse. Gaganap siya bilang si Ace Grayson, isang adopted child na nangarap maging isang country star.

Simple lang ang pagbalita ni Inigo sa social media tungkol sa pagkasama niya sa cast ng Monarch. Caption niya ay: “Sorry for keeping it for so long.”

***

DUMADAAN sa health crisis ang Genesis frontman na si Phil Collins.

Sa kanyang interview with BBC Breakfast, ni-reveal ng 70-year old singer na hirap na siyang mag-play ng drums para sa kanilang iconic band. Hindi na raw niya mahawakan ng husto ang mga drumsticks. Kaya ang kanyang anak na si Nicholas Collins ang mag-take over sa drums at siya na lang sa vocals para sa kanilang upcoming reunion tour.

“I’d love to but you know, I mean, I can barely hold a stick with this hand. So there are certain physical things that get in the way. I’m kind of physically challenged a bit which is very frustrating because I’d love to be playing up there with my son,” sey ni Collins.

Sinabi rin ng Grammy and Oscar winning singer na ito na raw ang last tour niya with Genesis.

“We’re all men of our age, and I think to some extent, I think it probably is putting it to bed. I think, yeah, I think just generally for me, I don’t know if I want to go out on the road anymore,” diin pa niya.

Noong ’60s pa nabuo ang Genesis at nakapag-record sila ng 15 studio albums. Nakabenta sila ng higit sa 150 million albums worldwide.

Noong maging solo artist si Phil Collins, naging hit ang singles niyang “Against All Odds”, “One More Night”, “Sussudio”, “A Groovy Kind Of Love”, “Easy Lover”, “Another Day In Paradise”, “Two Hearts”, and “You’ll Be In My Heart” na naging award-winning theme song ng Disney animated film na Tarzan.

Anak ni Collins ang aktres na si Lily Collins na bida ng Netflix original series na Emily in Paris.

(RUEL MENDOZA)

Batang lalaki nalunod sa Navotas

Posted on: September 18th, 2021 by @peoplesbalita No Comments

Nasawi ang isang siyam na taong gulang na batang lalaki matapos malunod sa ilog sa Navotas City, kamalawa ng hapon.

Kinilala ni Navotas police chief Col. Dexter Ollaging ang biktima na si Justine Antonio, 9-anyos ng No. 497 Gov. Pascual, Brgy. Daang-Hari.

Sa inisyal na imbestigasyon nina PSSg Levi Salazar at PCpl Reysie N Peñaranda, dakong ala-1:20 ng hapon, habang naglalaro ang biktima kasama ang kanyang 10-anyos na nakakatandang kapatid na lalaki sa Riverside Estrella Bridge, Brgy. East makaraang bumuhos ang ulan nang madulas umano ang bata mula sa hinahawakan nitong lubid.

Lumubog sa ilalim ng tubig ang biktima at hindi na lumutang na naging dahilan upang humingi ng tulong ang kanyang kuya sa kanilang ama na si Nestor, 56, na agad namang sumisid sa ilog para iligtas ang anak.

Gayunman, nabigo si Nestor na makita ang anak kaya’t humingi sila ng tulong sa mga awtoridad na agad namang nagsagawa ng search at rescue operation ang pinagsamang mga tauhan ng Coast Guard, Bureau of Fire Protection, PNP at Navotas DRRMO.

Bandang alas-7:02 ng gabi nang ma-retrieved ng mga rescuer ang bangkay ng bata at walang external injury sa katawan nito, habang kumbinsido naman ang kanyang pamilya na ito ay isang aksidente. (Richard Mesa)

PAL babayaran ang P570 million na utang sa CAAP

Posted on: September 18th, 2021 by @peoplesbalita No Comments

Nangako ang Philippine Airlines (PAL) na babayaran nila ang kanilang utang sa Civil Aviation Authority of the Philippines na nagkakahaga ng P570 million matapos gawin ang unang bahagi ng bankruptcy proceedings na kanilang inihain sa New Court.

“I asked Department of Transportation (DOTr) Secretary Arthur Tugade to push through with its collection efforts with PAL, including its subsidiary PAL Express,” wika ni Finance Secretary Carlos Dominguez III.

Sa isang ulat na binigay ni Tugade kay Dominguez na ang P570 million na babayaran ng PAL sa CAAP ay ang aeronautical fees at charges, rentals, at kasama ang iba pang serbisyo mula sa CAAP.

Nangako naman ang PAL na hindi sila tatalikod sa kanilang mga obligasyon sa pamahalaan at babayaran nila ang mga accounts upang maging updated hanggang kasalukuyan. Ang pamunuan din ng PAL ay makipaguusap sa CAAP upang magkaron ng reconciling ng mga payables sa CAAP upang maupdate ito mula July 2021 hanggang sa kasalukuyan

“Moving forward, PAL and PAL Express committed to make current all their obligations to CAAP incurred from July 2021 onwards. All obligations prior to July 2021 shall be subject to reconciliation and immediate payment, the terms of which to be agreed between CAAP and PAL,” wika ni Tugade.

Sa ilalim ng Financial Rehabilitation and Insolvency Act ng 2010, ang pamahalaan ay kinakailangan ng alisin ang mga taxes at fees kasama ang penalties, interests at charges na naipataw sa isang kumpanya na sumasailalim sa isang restructuring.

Ayon naman kay Dominguez, ang pamahalaan ay walang balak na hindi singilin ang PAL sa mga utang na nagkapatong-patong mula sa CAAP.

Dagdag pa niya na ang landing fees ay isang ordinary at regular na expenses kahit na ang nasabing flag carrier ay nasa ilalim ng rehabilitation.

“This provision (waiving of charges) does not apply to landing fees, as these are not collected by the national government, but by the CAAP and the Manila International Airport Authority (MIAA). Also, it can be considered that landing fees are ordinary and regular expenses, hence, may be collectible even during the implementation of the rehabilitation,” saad ni Dominguez.

Kamakailan lamang ang PAL ay naghain ng Chapter 11 bankruptcy protection sa New York court na naglalayon na humingi ng approval sa kanilang plano para sa restructuring ng PAL upang malinis ang kanilang may higit na $2 billion na pagkakautang. Kasabay din nito ang kanilang request na babaan ang kanilang fleet capacity ng 25 percent kung saan ito ay magiging 70 aircraft na lamang.

“The airline recently secured the bankruptcy court’s authority to access the first $20 billion of its debtor-in-possession financing worth $505 million,” dagdag ni Dominguez. LASACMAR