• March 18, 2025
  • Search in People's Balita

  • Ang Diyaryong Pinagkakatiwalaan

 

Archive for February 8th, 2025

SMURF IT UP! WATCH THE NEW “SMURFS” TRAILER NOW

Posted on: February 8th, 2025 by Peoples Balita No Comments
La la la-la la la, sing a happy song. La la la-la la la, smurf the whole day long. Watch the new trailer for Smurfs, directed by Chris Miller (Shrek the Third, Puss in Boots) and featuring an all-star cast that includes Rihanna, James Corden, Nick Offerman, Daniel Levy, Amy Sedaris, Natasha Lyonne, Sandra Oh, Octavia Spencer, Nick Kroll, Hannah Waddingham, Alex Winter, Maya Erskine, Billie Lourd, Xolo Maridueña, with Kurt Russell and John Goodman.
Watch the trailer: https://youtu.be/ONYqbQJmHc0?si=Hgbh-PgJiioLU69o
Synopsis: When Papa Smurf (John Goodman) is mysteriously taken by evil wizards, Razamel and Gargamel, Smurfette (Rihanna) leads the Smurfs on a mission into the real world to save him. With the help of new friends, the Smurfs must discover what defines their destiny to save the universe.
SMURFS features an all-star voice cast including Rihanna, James Corden, Nick Offerman, JP Karliak, Daniel Levy, Amy Sedaris, Natasha Lyonne, Sandra Oh, Octavia Spencer, Nick Kroll, Hannah Waddingham, Alex Winter, Maya Erskine, Billie Lourd, Xolo Maridueña, with Kurt Russell and John Goodman.
Paramount Animation Presents A Ty Ty and Jay Brown Production “SMURFS.”
Produced by Jay Brown, Ty Ty Smith, Robyn Rihanna Fenty, Ryan Harris, p.g.a.
Based on the Characters and Works of Peyo, Written by Pam Brady and directed by Chris Miller.
Smurfs opens in Philippine cinemas July 16, 2025. Join the conversation with the hashtag #SmurfsMovie and tag @paramountpicsph
(Photo and Video Credit: “Paramount Pictures International”)
(ROHN ROMULO)

Nakaganap na bilang ‘Diyos’ at ’Satanas’: PEPE, pinapangarap na makasama sina NORA, MARICEL at VILMA

Posted on: February 8th, 2025 by Peoples Balita No Comments
NATANONG si Pepe Herrera kung sino ang pinapangarap niyang makasama sa pelikula.
Sagot niya, “Marami po. Nora Aunor kasi magaling siya, e. Dolphy, kaso wala na po siya e. Vilma Santos kasi parang magkasing-galing sila ni Nora and then, Maricel Soriano po.
“Sa mga lalaki naman, ang gusto ko pong makatrabaho, una sa lahat ay si Noni Buencamino, marami po ha pero yung mga una ko lang na maiisip.”
Hindi pa niya nakakasama si Noni?
“Nakasama na rin po, nakasama na po pero hindi mahabang eksena. Pangalawa po ay si Lav Diaz, pangatlo ay si Ronnie Lazaro po.”
Bakit si Lav e direktor iyon?
“Napanood ko po siyang aktor sa isang pelikula, e.”
Samantala, ang role niya sa pelikulang ‘Sampung Utos Kay Josh’ ay si Satanas.
At may lumabas na balitang nagalit ang ama niya dahil dito.
“Hindi naman po siya yata nagalit kasi po hindi naman siya sumigaw, parang nagtampo yata,” sabi ni Pepe.
Bakit siya nagtampo?
“Kasi meron po kaming parehas na paniniwala, meron din po pagkakaiba, kaya minsan we just agree to disagree with respect.”
Sa pelikulang ‘Rewind’ nina Marian Rivera at Dingdong Dantes ay siya si Lodi o si God, ngayon naman ay siya si Satanas, saan mas nahirapan si Pepe?
“Wala, hindi po ako nahirapan sa parehas kasi magaling po akong aktor e.”
Parang ang hirap i-portray ng papel ni Satanas, banggit namin kay Pepe.
“Sa karanasan ko hindi naman po kasi iba-iba po kasi yung interpretation ng mga pelikula at mga direktor sa Satanas.
“May mga pino-portray na Satanas na nakakatakot, may Satanas na pino-portray na pilyo, may Satanas na pino-portray na mapang-akit, may Satanas na pino-portray na siraulo.
“Doon po yata ako sa siraulo.”
Hindi raw siya nagkaroon ng second thought na gampanan ang naturang papel?
“Hindi po, wala po. Hindi po ako nagdalawang-isip. “Gusto niyo po bang malaman kung bakit?
“Kasi po bilang isang tao na namumuhay ayon sa palagay ko, gustong mangyari ng ating may likha para sa ating lahat, naniniwala po ako na kailangan bilang isang artista gampanan ko po ang buong sakop ng buhay at kabilang buhay.
“Para maunawaaan natin ng husto kung ano nga ba yung tama o mali, yung maitim sa puti, yung mainit sa malamig at alam niyo na po kung ano pa yung iba.”
Natanong si Pepe kung madasalin ba siya?
“Ay opo,” pakli niya, “idol ko si Papa Jesus, born Catholic, yes.”
Nagdasal ba siya bago niya ginampanan si Satanas?
“Palagi po akong nagdadasal, sa araw-araw hindi ko po mabibilang kung ilang beses ako nagdadasal.
“Basta pag nararamdaman kong gusto kong magdasal at kailangan kong magdasal sa isang araw kesyo nagda-drive ako, kesyo umiihi ako, kesyo kumakain ako, kesyo tumatae ako, kesyo bago ako matulog, kahit ano pang ginagawa ko, nagdadasal po ako.”
Hindi naman nag-manifest sa kanya in any way ang spirit ng devil habang ginagawa niya ang pelikula?
“Malakas po kasi yung pananalig ko sa Diyos.”
Sila ni Jerald Napalos ang mga bida sa ‘Sampung Utos Kay Josh.’
Pareho sila ni Jerald na komedyante at magaling umarte, was there a time na parang nagkakaroon sila ng competition?
“Sabi po nila minsan hindi raw po yun naiiwasan pero kung ako tatanungin ninyo ayoko
po nun, collaborative po ako, e.
“So sabi nila minsan nakakasapaw ako dahil ang lakas ng personality ko, e what can I do kung ganun talaga ako, di ba?
“Pero yung mga kaibigan ko po alam nila ito na, ‘Uy si Pepe talaga’, si Jerald, kung may role siyang gusto at gusto ko rin, kayang-kaya ko pong ipaubaya yun sa kanya kasi mahal ko po siya.”
Sa direksyon ni Marius Talampas at panulat ni Sherwin Buenvenida, palabas pa ngayon sa mga sinehan ang ‘Sampung Utos Kay Josh’ mula sa Viva Films at Studio Viva.
(ROMMEL L. GONZALES)

First time na makakasama sa movie si Barbie… EUGENE, balik-teatro na sa musical na ‘Into The Woods’ kasama si LEA

Posted on: February 8th, 2025 by Peoples Balita No Comments
BAGONG BFFs na ngayon sina Barbie Forteza at Eugene Domingo.
Pareho nilang paborito ang sport na tennis at nag-enjoy sila sa laro nila.
“Ang saya saya!!! Thank you for giving me time this morning!!” comment ni Uge sa pinost ni Barbie sa Instagram.
First time na magkasama ang dalawa sa Netflix film na ‘Kontrabida Academy’ na dinirek ni Chris Martinez.
Hindi siguro aware sina Barbie at Uge na nagkasama na sila noon sa “Bangungot” episode ng ‘Shake, Rattle & Roll 9’ in 2007.  Wala nga lang silang eksenang magkasama.
Si Barbie ang gumanap na batang Roxanne Guinoo sa flashback scene at si Uge naman ang nagbibigay babala tungkol sa bangungot sa present day Roxanne.
After ng two movies sa 50th MMFF (‘Espantaho’, ‘And The Breadwinner is…’), babalik sa theatre si Uge via the musical ‘Into The Woods’ in August kasama si Ms. Lea Salonga.
Natapos naman ni Barbie ang psychological horror na ‘Penthouse 77’ ni Derick Cabrido. Kasama niya rito sina Euwenn Mikaell, Rosanna Roces and Gina Pareño.
(RUEL J. MENDOZA) 

Matindi ang pinagdaanan bilang Father Rhoel: McCOY, naiyak dahil kailangang ihian at duraan sa mukha

Posted on: February 8th, 2025 by Peoples Balita No Comments
TWENTY five years na pala ang nakalipas nang maging laman ng balita noong March 20, 2000, ang pagbihag ng Abu Sayyaf Group (ASG) sa paring si Father Rhoel Gallardo ng Claret School of Tumahubong, kasama ang ilang estudyante at mga guro mula sa iba’t-ibang paaralan sa mga bayan ng Sumisip at Tuburan, Basilan.
Matinding paghihirap ang pinaranas sa kanila ng mga terorista.
Sa taong ito ipakikita ng pelikulang “In Thy Name” kung ano ang naganap sa kabundukan kung saan sila dinala. Ito ay mula sa direksyon ni Ceasar Soriano, kasama si Rommel Galapia Ruiz. Si Mccoy De Leon ang gaganap bilang si Father Rhoel.
Sa loob ng 44 na araw hanggang maganap ang madugong labanan sa pagitan ng militar at ng mga terorista, nagpamalas si Father Rhoel ng matinding pananampalataya sa Diyos para magbigay pag-asa sa kanyang mga kasamahan, partikular na sa batang si Reylios.
Si Father Rhoel ay ipinanganak noong November 29, 1965 at naordina bilang pari noong 1994. Kahit likas na tahimik, nagpupursigi siyang maging kapalagayang loob ang mga tao. Talagang inilaan niya ang kanyang buhay para maglingkod, kaya naman siya mismo ang nagpalagay sa parokya sa Basilan kahit ito’y delikado. Nangako siyang hindi iiwan ang komunidad ano man ang mangyari.
Nagkuwento naman si McCoy na matinding pinagdaanan sa pagganap bilang Father Roel.

Nabanggit ni direk Cesar Soriano są mediacon ang torture scene na dapat iihian si McCoy ng mga Abu Sayyaf. Para hindi siya maihian ng iba, kaya siya na lang ang umihi sa kanyang sarili. 

Pero ang mas matindi sa ginawa sa kanya ay ‘yung duraan siya ni Mon ng sarili nitong plema.

“‘Yun talaga ang tumatak sa akin, ang eksena namin ni Kuya Mon na dinuruan niya ako,” pag-amin niya.

“Pagka-dura sa akin, ang nasa isip ko, grabe ‘yun trabaho ko. After ng scene na ‘yun, actually hindi ako pinaiiyak ni direk Rommel, pero dumapa na lang ako at naiyak talaga ako ng totoo, at ang iyak ko as McCoy ‘yun, hindi iyak ni Fr. Rhoel, dahil hindi ko naman alam kung paano siya umiyak. 

“Pero ang iyak na ‘yun parang totoo na ako na ‘yun, na sabi ko, bakit ko ginagawa ito at aabot sa duduraan ako sa mukha.  Pero ang sarap sa feeling na na-sacrifice ko ang ganu’ng bagay pero ang resulta nagampanan ko ng maayos ang trabaho ko,” 

Si JC De Vera ay si Khadaffy Janjalani, kapatid ni Abdurajak Abubakar Janjalani na siyang bumuo ng Abu Sayyaf noong 1991.
Si Mon Confiado ay si Abu Sabaya, ang spokesperson ng mga Abu Sayyaf na kilala sa kanyang kalupitan sa mga bihag. Sinasabing nagka-interes si Abu Sabaya sa isang guro na kanilang bihag.
Si Jerome Ponce ay si Second Lieutenant Herbert Dilag, 23 anyos, at isang Igorot mula sa Kalinga.
Si Yves Flores ay si First Lt. Andrew Bacala, ang 24 taong gulang na commanding officer ng ika-24 Special Forces Company.
Si Soliman Cruz ay si Principal Rey Rubio ng Claret School of Tumahubong. Siya ay malapit na kaibigan at katiwala ni Father Rhoel.
Si Aya Fernandez ay si Teacher Theresa. Ang pag-aaruga niya sa kanyang mga estudyante ay hindi lamang sa loob ng paaralan.
Si Kenken Nuyad ay si Reylios, ang batang sidekick ni Father Rhoel.
Si Cassy Lavarias ay si Emylin, isa ring batang bihag na naging ka-eskwela ni Reylios.
Si Alex Medina ay si Teacher Rosebert na nagsisilbing “comic relief” sa kanilang masalimuot na buhay.
Si Elora Españo ay si Teacher Lydda, asawa ni Rosebert. Pareho silang nagtuturo sa Sinangcapan Elementary School.
Si Kat Galang ay si Teacher Anabelle, ang malumanay na best friend ni Teacher Theresa, pero nang kunin ni Abu Sabaya si Theresa, lumabas ang tapang niya.
Kasama rin sa pelikulang ito sina Ynez Veneracion bilang si Teacher Gemma, Martin Escudero bilang si Isnilon, JM Soriano bilang si Abu Jandal, Ana Abad Santos biang si Raquel Gallardo, ang ina ni Father Rhoel, Richard Quan bilang si Dominador Gallardo, ama ni Father Rhoel, Gold Aceron bilang si Dong Gallardo, kapatid ni Father Rhoel, Aaron Villaflor bilang si Captain Sabban, Pen Medina bilang MNLF Commander Talib Congo, at John Estrada biang si BGen. Narciso Abaya.
Mababasa sa iba’t ibang sanaysay ang taimtim na pagdarasal ni Father Rhoel sa buong panahon ng pagkakabihag. Hinikayat niya ang lahat na ‘wag mawalan ng pag-asa. Ito ay makikita sa 90-second teaser na pinalabas nito lamang nakaraang Linggo. Itinaas ni Father Rhoel ang lahat ng kanilang paghihirap sa awa ng Diyos.
Ngayong Jubilee Year of Hope, ‘wag palampasin ang “In Thy Name” sa mga sinehan simula ngayong Ash Wednesday, March 5, 2025. Handog ng GreatCzar Media Productions at Viva Films.
(ROHN ROMULO)

Curling team ng bansa makakaharap ang Chinese Taipei para sa semifinals qualifiers ng Asian Winter Games

Posted on: February 8th, 2025 by Peoples Balita No Comments

NANINIWALA ang Philippine Olympic Committee (POC) na makakapasok sa semifinal round ng curling mixed doubles ang pambato ng Pilipinas sa nagpapatuloy na 2025 Asian Winter Games sa Harbin, China.

Matapos kasi na talunin ng curling team na sina Kathleen Dubberstein at Marc Pfister ang Kazakhstan 11-2 nitong Huebes ay pasok na sila sa semis qualifiers.

Makakaharap ng Pilipinas ang curling team na mula sa Chinese Taipei ngayong araw ng Biyernes.

Nasa pangalawang puwesto ang Pilipinas sa Group B na mayroong apat na panalo at isang talo habang ang China ay nasa unang puwesto na mayroong limang panalo at wala pang talo.

 

TNT pasok na rin sa semis matapos talunin ang Eastern 109-93

Posted on: February 8th, 2025 by Peoples Balita No Comments

PINAUWI na ng TNT Tropang Giga ang guest team na Eastern Hong Kong 109-93.

Dahil sa panalo ay nag-martsa na ang TNT sa semifinals ng PBA Commissioners cup sa laro na ginanap sa Ninoy Aquino Stadium sa Lungsod ng Maynila.

Pinangunahan ni Rondae Hollis-Jefferson ang Tropang Giga na mayroong 31 points, 15 rebounds, apat na assists at tatlong steals.

Habang mayroong 18 points, apat na rebounds si Rey Nambatac at 15 points naman si Poy Erram.

Nagtabla pa sa 70-all ang laro sa third quarter hanggang tuluyang nakaabanse ang TNT at nakuha ang kalamangan.

Hindi naman umubra ang 24 points ni Hayden Blankley at 16 points, walong rebounds naman ni Cameron Clark para sa Eastern.

Trump tuluyan ng pinagbawalan ang mga atletang transgender na sumali sa mga sports ng mga kababaihan

Posted on: February 8th, 2025 by Peoples Balita No Comments

PIRMADO na ni US President Donald Trump ang executive order sa pagbabawal sa mga transgender athletes na sumali sa mga pang-babaeng sports.

Sinabi nito na ang giyera sa sports na pambabae ay tapos na dahil ito ay para lamang sa mga tunay na kababaihan.

Dagdag pa nito na kanilang ipagtatangol ang tradition ng mga babaeng atleta kung saan hindi nila papayagan ang mga kalalakihan na talunin, sugatan o dayain ang mga babae sa kanilang sports.

Inatasan din nito ang kaniyang gobyerno na hindi nila bibigyan ng pondo ang paaralan na pinapayagan ang mga transgender athltetes na sumali sa womens team.

DILG Remulla, binalaan ang mga BFP personnel na nagbebenta ng fire extinguishers

Posted on: February 8th, 2025 by Peoples Balita No Comments

BINALAAN ni Interior and Local Government Secretary Jonvic Remulla ang mga tauhan ng Bureau of Fire Protection (BFP) na nagbebenta ng fire extinguishers sa mga business owners na kumukuha ng fire safety clearances.

 

 

Sa isang kalatas, sinabi ni Remulla na nakahanda niyang sibakin ang mga BFP personnel na mapapatunayang may ginagawa at sangkot sa corrupt practices.

 

 

“Bawal magbenta ng fire extinguisher ang mga fire marshal at kung may ganon ireport n’yo kaagad sa akin at tatanggalin ko ‘yan on the spot,” ang sinabi ni Remulla.

 

 

“Galit na galit ako doon…Kalokohan ‘yan e. Bakit mo papahirapan ang negosyo? Nagbibigay ng trabaho ‘yan tapos gusto mo pagkakitaan lang,” dagdag na wika nito.

 

 

Sinabi pa ni Remulla na noong siya ay isang gobernador ng Cavite, pinagalitan niya ang mga fire personnel na sangkot sa illegal practices kabilang na ang pag-endorso ng mga kontratista para sa fire sprinklers.

 

 

Base sa BFP Memorandum Circular 2016-016, ang mga fire personnel ay pinagbabawalan na maugnay sa pagbebenta ng fire extinguishers at pag-endorso ng ‘manufacturers, dealers, o suppliers’ ng fire fighting equipment.

 

 

Nanawagan naman si Remulla sa mga local chief executive na hikayatin ang mga business owners na maghain ng reklamo laban sa mga pasaway at tiwaling BFP personnel.

 

 

“Mayors, please encourage business owners to file an ARTA complaint. Kung ma-delay pa more than one week, mag-file ng ARTA complaint, and I will personally see to it na ma-discipline sila,” aniya pa rin.

 

 

Sa ilalim ng Republic Act No. 11032 o Ease of Doing Business Law, dapat na ipalabas ng BFP ang Fire Safety Evaluation Clearance (FSEC) at Fire Safety Inspection Certificate (FSIC) sa mga negosyo sa loob ng pitong araw ng trabaho. (Daris Jose)

PBBM, nagtalaga ng bagong hepe ng Dangerous Drugs Board

Posted on: February 8th, 2025 by Peoples Balita No Comments

ITINALAGA ni Pangulong Ferdinand R. Marcos Jr. si dating Interior and Local Government Undersecretary for Peace and Order Oscar Valenzuela bilang bagong pinuno ng Dangerous Drugs Board (DDB).

 

Ang appointment ni Valenzuela ay inanunsyo ng Presidential Communications Office (PCO) sa isang Facebook post, araw ng Biyernes.

Base sa listahan ng mga bagong presidential appointees na ipinalabas ng PCO, si Valenzuela ay magsisilbi bilang chairperson at permanenteng miyembro ng DDB.

 

 

Pinalitan ni Valenzuela si Catalino Cuy na naupo bilang DDB chair mula pa noong 2018.

Sa bisa ng Republic Act 9165 o Comprehensive Dangerous Drugs Act of 2002, ang DDB ay nagsisilbi bilang policy-making and strategy-formulating body sa drug prevention and control.

Ang mandato ng DDB ay i-develop at i- adopt ang isang komprehensibo, integrated, unified at balanseng national drug abuse prevention at control strategy.

 

 

Si Valenzuela ay miyembro ng Philippine Military Academy “Marangal” Class of 1974.

Nahawakan din niya ang mga pangunahing tungkulin bilang isang dating police officer, nagsilbi bilang Police Assistant Regional Director for Operations ng Autonomous Region in Muslim Mindanao (ARMM) at Police Provincial Director sa Ilocos Norte.

 

 

Nang magretiro mula sa Philippine National Police, si Valenzuela ay naging pinuno ng National Terrorism Prevention Office of the Anti-Terrorism Council Program Management Center at chairperson ng Asia Pacific Economic Conference Counter-Terrorism Working Group.

Pinangunahan din niya ang Philippine Delegation sa White House Summit on Countering Violent Extremism sa Washington D.C. noong 2015.

 

 

Bilang dating Local Government Undersecretary for Peace and Order, sinuportahan ni Valenzuela ang iba’t ibang programa ng National Anti-Drug Strategy, kabilang na ang Philippine Drug Enforcement Agency’s Anti-Drug Advocacy Program. (Daris Jose)

VP Sara, tiniyak na “okay” siya matapos ang impeachment: Ipinaubaya na sa mga abogado ang impeachment complaint

Posted on: February 8th, 2025 by Peoples Balita No Comments

TINIYAK ni Vice President Sara Duterte, araw ng Biyernes na “okay” siya matapos ihain ang impeachment complaint laban sa kanya.

Sa ngayon ay kinonsulta na niya ang kanyang mga abogado sa bagay na ito.

 

 

“Ang tanging masasabi ko na lamang sa puntong ito ay God save the Philippines.” ang sinabi ni VP Sara.

“Bukod dito, nais ko na lang ipaabot ang aking taos pusong pasasalamat sa mga kababayan na patuloy nagdarasal, sumusuporta, nagtitiwala at patuloy na nagmamahal sa akin. Manalig kayo dahil sa taong bayan ang tagumpay,” ang sinabi pa rin ni VP Sara.

Sinabi pa ni VP Sara na nagsimula na siyang maghanda para sa impeachment proceedings simula pa noong November 2023, nang ilantad ni House Deputy Minority Leader and ACT Teachers party-list Rep. France Castro ang planong sampahan siya ng reklamo.

“So, November of 2023, there were already lawyers doing their work for the impeachment. We leave it to the lawyers,” ang sinabi ni VP Duterte.

“I’m okay,” diing pagtiyak ni VP Sara.

Si Duterte ay in-impeach ng Mababang Kapulungan ng Kongreso araw ng Miyerkules para sa “violation of the constitution, betrayal of public trust, graft and corruption, and other high crimes”.

 

 

Kailangan na magpulong ng Senado para litisin si VP Sara. Kapag napatunayang nagkasala, aalisin siya mula sa puwesto at pagbabawalan na tumakbo sa anumang public office.

“I have not talked to my friends in the Senate,” ang sinabi ni VP Sara.

Nauna rito, sinabi ni Pangulong Ferdinand Marcos Jr., na walang papel ang Ehekutibong sangay ng pamahalaan sa 4th impeachment complaint na isinampa laban kay Vice-President Sara Duterte.

 

 

Sa press conference ni Pangulong Marcos sa Kalayaan Hall, sa Palasyo ng Malakanyang, araw ng Huwebes, Pebrero 6, sinabi ng Chief Executive na malabong makialam ang Malakanyang sa usaping ito dahil constitutional mandate aniya ng Kongreso ang ituloy ang impeachment complaints.

 

No, the executive cannot have a hand in the impeachment. Walang role ang executive sa impeachment. Of course, did we discuss it with the Speaker, did we discuss it with the other congressmen? Of course. And that tinatanong, anong plano ninyo? Ano ba talagang gusto ninyong gawin? And the – nandito na ito, hindi na namin maiwasan,” diing pahayag ng Pangulo.

(Daris Jose)

People's Balita.
All rights reserved. © Copyright 2025.