DAPAT lamang na ipawalang-bisa ng Commission on Elections (Comelec) ang mga pirma sa People’s Initiative na nakuha kapalit ng pera.

“Well, pagka-binayaran ‘yung signature, hindi tatanggapin ng Comelec ‘yun. So walang magandang mangyayari,” ayon kay Pangulong Ferdinand Marcos Jr., sa isang panayam matapos ang opisyal na paglulunsad ng Lung Transplant Program ng Lung Center of the Philippines (LCP) at National Kidney and Transplant Institute (NKTI) sa Quezon City.

Binasura naman ng Pangulo ang napaulat na signature-buying para sa naturang kampanya, sinabi na may napaulat na may ilang benepisyo na matatanggap para makaakit ng mga botante na pumirma.

Itatanong aniya  sa mga miyembro ng Kongreso kung tama ang napaulat na ito.

“So, ang pagkakaalam ko hindi naman, wala namang ganoon. Ang sinasabi hindi bayaran ng cash, kundi nangangako ng kung anu-anong benefits. Tinitignan namin, sabi ko, “itinanong ko sa  ating legislation, totoo ba ‘yan?,” aniya pa rin.

Tinugunan din ng Chief Executive ang suhestiyon na suspendihin ng mga ahensiya ang kanilang social services programs upang hindi magamit sa pangangalap ng pirma para sa people’s initiative.

Sinabi ng Pangulo na hindi niya magagawang pigilan o ihinto ang implementasyon ng kahit na anumang serbisyo lalo pa’t maraming mga Filipino ang nangangailangan ng tulong.

“Hindi naman nagbago ‘yung mga release natin, constant pa din. Hindi naman maganda din ‘yun kasi may mga nangangailangan talaga,” ayon sa Chief Executive.

Sa halip aniya ay hayaan ang Comelec na gawin ang trabaho nito pagdating sa balidasyon ng mga pirma.

“We just let Comelec do their job and their work to validate the signature. And if there’s suspicion na may ganoon nga ay hindi talaga mabibilang ang mga signature na ‘yun,” ayon sa Pangulo.

At upang maikonsiderang mahalaga ang people’s initiative, ang bawat congressional district ay kailangan na makakalap ng pirma ng 3% ng registered voters nito. (Daris Jose)

HINDI bababa sa 27 barko ang ipinadala ng China sa West Philippine Sea (WPS) na isang “major maritime militia rotation”, ayon sa isang maritime security expert.

Ipinadala ang nasa 27 barko ilang araw matapos magkasundo ang Pilipinas at China na bawasan ang tensyon sa rehiyon sa pamamagitan ng diplomasya.

Napaulat na sinabi ni retired United States Air Force Col. Raymond Po­well na ang kaganapan ay isang rotation ng mga militia ships.

“I think it’s a rotation so other [Chinese] militia ships who’ve been on station for a while will head home once they’re had a little overlap,” ani Powell sa ulat.

Nauna rito, nag-convene ang Manila at Beijing sa kanilang ika-8 Bilateral Consultation Mechanism (BCM) meeting sa Shanghai at pumayag na pahupain ang tensyon.

Ayon sa Chinese fo­reign ministry, nagkasundo ang magkabilang panig “na ang pagpapanatili ng komunikasyon at diyalogo ay mahalaga sa pagpapanatili ng maritime na kapayapaan at katatagan.”

Kamakailan ay pinuna ng China ang Pilipinas matapos na batiin ni Pa­ngulong Ferdinand Marcos Jr. ang president-elect ng Taiwan na si Lai Ching-te. (Daris Jose)

INABSWELTO ng Sandiganbayan si Sen. Jinggoy Estrada sa kasong pandarambong kaugnay ng pangungurakot ng P183 milyon mula sa kanyang Priority Development Assistance Fund (PDAF) o pork barrel — pero maaari siya makulong ng 12 taon.

Ito ang inanunsyo ng anti-graft court ngayong Biyernes matapos umabot ng halos 10 taon ang kasong Hunyo 2014 pa inihain.

“WHEREFORE, in light of the foregoing premises, the Court finds accused Jose ‘Jinggoy’ P. Ejercito Estrada and Janet Lim Napoles NOT GUILTY of Plunder based on reasonable doubt,” wika ng Sandiganbayan.

“It was imperative for the prosecution to establish its case with that degree of proof which produces conviction in an unprejudiced mind, with evidence which stqands or falls on its merits, and which cannot be allowed to draw strength from the weakness of the evidence of the defense.”

Aniya, naabswelto sina Estrada at Napoles — ang diumano’y utak ng pork barrel scam na si Janet Lim Napoles — matapos bigong mapatunayan ng prosekusyon na nagkamal ng milyun-milyong nakanaw na yaman ang mga nabanggit.

Gayunpaman, napatunayang nagkasala si Estrada sa isang count ng “direct bribery” at dalawang counts ng “indirect bribery,” ayon sa Sandiganbayan.

Dahil diyan, maaari siyang makulong nang hanggang walo hanggang siyam na taon para sa unang conviction at dalawa hanggang tatlong taon sa ikalawa. Pwede pa niya itong iapela.

“He [Estrada] is also ordered to pay a fine of Php3,000,000.00,” dagdag pa ng korte kaugnay ng direct bribery.

“He is also sentenced to suffer the penalties of suspension and public censure, with the accessory penalties of suspension from public office, from the right to follow a prifession or calling, and that off perpetual special disqualification from the right of suffrage.”

Aniya, napatunayan kasi ng prosekusyon na na may P262 milyong halagang Special Allotment Releases Orders (SAROs) mula sa kaban ng bayang nailipat sa ilang non-governmental organizations ni Napoles habang ghost o fictitious ang mga PDAF projects.

P1 milyon dito ay napunta kay Estrada habang P9.87 milyon naman ang napunta sa dati niyang aide na si Pauline Labayen.

Isa ang senador sa mga inginuso ng dalawang state witnesses kaugnay ng kaso, kabilang na ang diumano’y utak ng pork barrel scam na si Janet Lim Napoles. Una nang napatunayang guilty si Napoles dito.

Napatunayan ding guilty si Napoles ng limang counts ng corruption of public officials at inuutusang magbayad ng P29.62 milyon. Kailangan din niyang i-indemnify ang gobyerno ng Pilipinas ng P262.03 milyon na may 6% interes per annum.

Nagpasalamat naman si Jinggoy sa naging desisyon ng korte ngunit takang-taka kung bakit raw siya naging guilty para sa bribery at indirect bribery. Wala raw kasing ganitong charges sa information sheet.

“I did not receive any money. I would like to thank the magistrates of the Sandiganbayan that after a decade, my case has been resolved. It took almost 10 years but still, I am very, very thankful. This is a vindication of my name,” wika niya sa ulat ng ABS-CBN.

“Kahit matagal, maganda naman ‘yung results. Maganda ‘yung kinalabasan.”

Dati nang nakulong sa Philippine National Police Custodial Center si Jinggoy bago makapagpiyansa noong 2017.

Maliban kay Estrada, ilan pa sa mga idinidiin sa kaso sina Sen. Bong Revilla Jr. at dating Sen. Juan Ponce Enrile.

Ang PDAF scam ay isang multi-million peso scandal kaugnay ng discretionary funds ng mga mambabatas, bagay na idineklarang labag sa 1987 Constitution ng Korte Suprema. (Daris Jose)

TINITIMBANG na mabuti at masusing pinag-aaralan ng Malakanyang ang rekomendasyon ni Health Secretary Ted Herbosa kay Pangulong Ferdinand Marcos Jr. na suspendihin ng implementasyon ng premium rate increase ng Philippine Health Insurance Corporation’s (PhilHealth) ngayong 2024.

“The President is studying the request,” ayon kay Communications Secretary Cheloy Garafil nang hingan ng reaksyon sa naging pahayag ni Herbosa.

Nauna rito, nagpadala si Herbosa kay Pangulong Marcos ng recommendation letter, araw ng Martes na nagbibigay-diin na ang nasabing hakbang ay walang makabuluhang epekto sa financial standing ng PhilHealth kung ang pagtaas ng premium rate ay maaantala.

“If ever the President will agree to the contribution, my recommendation is to start from where we stopped, not the current 5%. If we stopped at 2% or 3% increase, we start at where it was suspended. That for me is the logical way to lift suspension. We don’t jump to a very high [rate] kasi kawawa ang mga tao,” ayon kay Herbosa.

“My position is that, I think PhilHealth has enough money to actually continue to give benefits. It will not be hurt by delaying the increase in premium. I need to see good actuarials on this one. You need to have a science-based policy. Hindi ‘yung whim na itataas mo lang . There are other things that are supporting health care,” dagdag na wika nito.

Iniugnay ng Kalihim ang posisyon niyang ito para mapanatili ang suspensyon ng premium hike sa gitna ng tumataas na presyo ng mga pangunahing bilihin.

“Nagtataasan kasi [ang presyo ng] lahat ng bilihin eh, so it is the right time to actually already fill in. I know PhilHealth is healthy with a very good reserve and a very good investment,” ang pahayag ni Herbosa.

Sa ulat, muling ipinaalala ng PhilHealth na itataas na sa 5% ang premium rate ng kontribusyon para sa taong 2024.

Kung matatandaan sa nakalipas na taon nasa 4% lamang ang premium rate na nagiging kontribusyon ng bawat empleyado.

Ayon kay PhilHealth President Emmanuel Ledesma Jr., sa loob ng 13 taon, nito lamang December 2023 sila nagtaas ng premium rate para sa kada buwan na kontribusyon.

Aniya, malaki ang maitutulong ng pagtaas ng premium rate ng kontribusyon para sa mga miyembro at empleyado nito dahil sa makukuhang benefit sa bawat mangangailangan ng serbisyo ng PhilHealth.

Kung noon ay nasa ₱400 lamang ang kontribusyon ng bawat empleyado ngayon ay nasa ₱500 to ₱5,000 na kada buwan na ang kontribusyon para sa mga sumasahod ng ₱10,000 to ₱100,000 o basic pay kada buwan.

Samantala, tiniyak naman ng PhilHealth na magagamit ng mga empleyado at mapupunta sa tama ang mga kontribusyon ng bawat empleyado para maihatid sa kanila ang iba’t-ibang serbisyo na ino-offer ng Philhealth. (Daris Jose)

ITINANGGI ni Department of Labor and Employment (DOLE) Secretary Bienvenido Laguesma na gina­gamit ang kanilang Tulong Panghanapbuhay sa Ating Disadvantaged/Displaced Workers (TUPAD) program kapalit ng pagpapapirma para sa “people’s initiative” na magtutulak sa pag-amyenda sa Konstitusyon.

Kasunod ito ng mga pagbubulgar ng ilang mambabatas na ginagamit umano ang TUPAD para mapapirma ang mga benepisaryo sa isinusulong na charter change (Chacha).

“Hindi po puwede na ipangako po ‘yan dahil mayroon pong proseso—nagkakaroon ng profiling kung eligible ka, at dapat masunod din ‘yung mga requirements sa documentation ng ating Commission on Audit,” paliwanag ni Laguesma.

Nagpahayag din siya ng kalungkutan na nadadawit ang TUPAD sa mga ali­ngasngas sa Chacha gayung layunin nito na makapagbigay ng hanapbuhay sa mga kababayan na dumaranas ng hirap.

Iginiit ng kalihim na may mga “safeguards” na nakalagay sa programa para sa maayos na implementasyon nito, kabilang ang ebalwasyon sa mga benepisaryo at koordinasyon sa mga regional offices at mga lokal na pamahalaan.

“Ito po ay cash-for-work, hindi po ito ‘yung dole out lamang – ito po’y pinagtatrabahuhan at mayroong minimum at maximum period at lagi po ang sweldo rito ay bumabatay sa exis­ting na minimum wage sa anuman pong rehiyon na mayroong programa ang DOLE na TUPAD,” ayon pa sa Laguesma.

“Hindi pahihintulutan ng DOLE na kami’y maging kasangkapan sa mga gawaing hindi naman angkop sa batas,” dagdag pa ng kalihim.

Nagbabala siya sa sinuman na mapapatunayan na ginagamit ang TUPAD sa ibang layunin ay ididiskuwalipika sa paggamit ng pondo ng programa. (Daris Jose)

NAGHAIN ng mosyon ang iba’t ibang transport groups sa pangunguna ng Pasang Masda sa Supreme Court (SC) upang ipakita ang kanilang suporta sa PUV mo­dernization program.

Pinangunahan ni Pasang Masda president Ka Obet Martin ang paghahain ng “motion for intervention” na layon ding harangin ang petisyon para sa temporary restraining order (TRO) na inihain ng PISTON sa SC.

Bukod kay Martin, kasama rin sa naghain ng mos­yon ang grupong ALTODAP sa pamumuno ni Libay de Luna, ACTO ni Boy Vargas, at LTOP ni Lando Marquez Sr, at iba pang transport groups.

Ayon sa mga intervenors, inihain nila ang mosyon dahil sila ang lubos na maapektuhan kung anuman ang maging aksyon ng Korte Suprema sa petisyon.

Ipinaliwanag ng mga transport group na layon ng modernisasyon na ma­ging kumportable ang mga pasahero at mas maging sistematiko ang pampublikong transportasyon sa pagkakaroon ng mga pasilidad tulad ng garahe, fleet management systems kabilang ang Automatic fare collection system (AFCS) at GPS, cash/finance management systems.

Bukod dito, magkakaroon din ng mas maayos na labor standards para sa mga drivers, operators, at transport workers.

“Wherefore, it is most respectfully prayed that the intervenors be allowed to intervene in this action and the attached opposition-in-intervention be admitted,” ayon sa mosyon.

Kinontra ni Martin ang sinasabi ng mga kontra sa modernisasyon na magkakaroon ng krisis sa transportasyon at overpriced na presyo ng mo­dern jeeps. Iginiit niya na marami nang suppliers at halos P1 milyon kada unit na lamang ang presyo ng mga modern jeeps.

Hindi rin umano mawawala ang “iconic jeeps” dahil sa may mga manufacturer na gumagawa na ng disenyo nito na mo­dern jeep basta ayon sa Phi­lippine national standards. (Daris Jose)

GAGAWIN lahat ni bagong Finance Secretary Ralph Recto ang kanyang makakaya para mapagtagumpayan ang target ng gobyerno na makakolekta ng P4.235 trillion na buwis ngayong taon.

Ang pangako na ito ni Recto ay kanyang inihayag matapos ang panunumpa niya sa kanyang bagong tungkulin sa harap ni Pangulong Ferdinand R. Marcos Jr. bilang Kalihim ng Department of Finance (DOF) sa isang seremonya sa Palasyo ng Malakanyang.

“[I would] make sure that money is spent wisely, the idea is to stretch every peso, including acting faster on investment,” ayon kay Recto.

Sinasabing ang revenue target para sa 2024 ay nauna nang na-project ng Development Budget Coordination Committee.

Bilang bagong Kalihim ng DoF, sinabi ni Recto na susundin nito ang National Development Plan na nilikha ng administrasyong Marcos at titiyakin ang patuloy na implementasyon ng macrofiscal framework.

Ginarantiya naman ni Pangulong Marcos ang kakayahan ni Recto, sabay sabing ito’y mayroong “true understanding of how the Philippine economy works.”

“In terms of what Secretary Ralph has to offer, I think there is no need to enumerate that,” ayon sa Pangulo kung bakit niya pinili si Recto para mamuno sa nasabing departamento.

“He has a true understanding of our economy. He has a true understanding of how our Philippine economy works. And I think that is the quality that he will bring to this,” aniya pa rin.

Binanggit din ni Pangulong Marcos ang karanasan ni Recto bilang dating director general ng National Economic and Development Authority at isang mambabatas.

Binigyang diin na mayroong “so many new ideas and new commitments” si Recto para i-transform ang ekonomiya ng bansa.

Aniya pa, si Recto ay mayroong “remarkable” career in public service and excelled in various roles within the government, would be a “major player” in sustaining the country’s economic growth, reaching the medium-term fiscal target, and achieving developmental goals.”

Samantala, nakipagpulong naman si Pangulong Marcos sa economic team para pag-usapan ang mahabang listahan ng mga pangunahing proyekto na naglalayong pagbutihin pa ang ekonomiya ng Pilipinas.

“The policies remain the same. The fiscal discipline will remain the same. However, we are again, as I said, looking to see if there are any new ways to handle that,” ayon kay Pangulong Marcos.

“We actually sat down a few days ago and made a list of priorities, in terms of specific projects, in terms of the development of the proposals that were made during the trips that we made abroad. There is not just one. There are several,” aniya pa rin.

Kumpiyansa namang inihayag ni Pangulong Marcos na malaki ang maitutulong ni Recto para “devise strategies that will tame inflation through a bastion of responses ranging from plugging supply gaps to injecting nonmonetary measures so that prices will be stable.”

Aniya pa, mapakikinabangan ni Recto ang kanyang impluwensiya bilang dating mambabatas sa Kongreso para tiyakin na maipapasa ang mga batas na “accelerate growth, draw in investments, and create better jobs while raising funds that will be invested back for human and physical capital formation.”

“Many of the measures that make tax regimes more efficient, easy to administer and to comply with, and equitable are in the advance stages in both Houses of Congress,” ayon pa rin sa Pangulo. (Daris Jose)

IPINAGMALAKI na inulat ni Pang. Ferdinand Marcos Jr. na tuluyan ng nakabangon ang Pilipinas mula sa epekto ng Covid 19 pandemic at maging sa epekto ng Russia-Ukraine war at tensiyon sa Middle East.

Ginawa ng Pangulo ang pahayag sa pagharap nito sa mga miyembro ng diplomatic corps sa isinagawang taunang “Vin D Honneur” (van do ner) sa Palasyo ng Malakanyang.

Binigyang diin ng chief executive na back in business na ang bansa sa gitna nh gumagadang lagay ng ekonomiya at ang pagpapabilis sa paggamit ng pondo ng gobyerno.

“These, we hope to address in support of various partners and stakeholders. I continue to enjoin the diplomatic corps to work closely with us in identifying areas where we can pursue joint and collective endeavors and initiatives. It is with confidence that I announce that the Philippines has… I could say [has] gotten back [on] its feet from the reeling effect of the pandemic and the subsequent shocks that we have suffered from the Ukraine war and now from the conflict in the Middle East,” pahayag ni Pang. Ferdinand Marcos.

Binigyang diin ng Presidente na may mga hakbang na ipinatutupad ang gobyerno para ma kontrol ang inflation.

Patunay dito ang naitalang 3.9% inflation na naitala nitong buwan ng Disyembre.

Bumaba rin ang employment rate nuong buwan ng Nobyembre na nasa 3.6%.

Ayon sa Pangulo ang Pilipinas ay mapapabilang sa fastest growing economy da Asya.

” The Philippines is touted to become one of the fastest-growing economies among major Asian countries in 2023 as forecasted by multilateral organizations such as the ADB (Asian Development Bank), the ASEAN + 3 Macroeconomic Research Office, World Bank and the International Monetary Fund (IMF),” dagdag pa ni Pang. Marcos. (Daris Jose)