DUMALO bilang espesyal na mga panauhin ang tatlong star players ng Philippine Basketball Association (PBA) sa pagbubukas ng bagong renovate na sports complex sa Navotas City, kasabay ng pagdiriwang ng ika-16 na Anibersaryo nito.

Nagtatampok ang bagong ayos na pasilidad ng full-length na basketball court, fully air-condition na mga dugout, at espasyo para sa gym.

Hinihikayat ng tatlong PBA players na sina LA Tenorio, Terrence Romeo, at Paul Lee ang mga Navoteño, lalo na ang mga kabataan, na pumasok sa sports at magpatibay ng aktibong pamumuhay.

“The Navotas Sports Complex bore witness to some of our city’s milestone events. Most notably, this place served as our mega swabbing and vaccination center during the peak of the pandemic,” ani Mayor John Rey Tiangco.

“We have improved the facility to provide a better experience to Navoteños when we hold events here,” dagdag niya.

Samantala, hinihimok naman ni Cong. Toby Tiangco ang mga mamamayan na pangalagaan ang complex para mas matagal itong magamit.

Pagkatapos ng blessing, sumunod ang isang exhibition game sa pagitan ng Team JRT, na binubuo ng mga konsehal ng lungsod, at ng Team DepEd Navotas, na kinabibilangan ng Navotas Schools Division Superintendent Meliton Zurbano at mga guro mula sa iba’t ibang pampublikong paaralan sa Navotas.

Dinomina ng Team JRT ang kompetisyon na may isang puntos na kalamangan, 81-80. (Richard Mesa)

MAY nakikitang progreso si Pangulong Ferdinand Marcos Jr. sa “fishing talks” sa pagitan ng Pilipinas at China sa kabila ng kamakailan lamang na ulat na may isang Chinese navy vessel ang bumubuntot sa BRP Francisco Dagohoy mula Pag-asa Island at pabalik ng Palawan.

Ang nasabing insidente ay nangyari noong Biyernes, June 16,2023.

Sa isang ambush interview sa Quezon City, sinabi ng Pangulo na ang latest na report ay sinundan na lang ng Chinese navy vessel ang BRP Francisco Dagohoy kung saan hindi kagaya dati na hinaharang nito ang mga Filipino na mangingisda.

“So, there’s a little progress there,” ayon sa Pangulo.

Idinagdag pa ng Pangulo, “Bureau of Fisheries and Aquatic Resources (BFAR) has even projected bigger haul for Filipino fishermen due to the improved situation in the area.”

“That is because we are continuing to talk to the Chinese government, President Xi [Jinping], in every way,” ayon kay Pangulong Marcos.

Winika pa nito na nang makipagpulong siya kay  Xi nito lamang Enero ng kasalukuyang taon,  nakatuon aniya siya sa usapin ng pangingisda sa halip na territorial dispute hinggil sa West Philippine Sea (WPS).

“Ang inuna ko talaga noong kami ay nagkita, unahin na lang natin ‘yung ating fisheries. Huwag na natin pag-usapan ‘yung teritoryo dahil hindi naman tayo makakapag-decide ngayon dito na nag-uusap tayo. Unahin natin ‘yung mga fisheries, dahil sinasabi ko, wala namang kasalanan ang mga tao bakit natin paparusahan,” ayon sa Pangulo. (Daris Jose)

SINABI ni Pangulong Ferdinand R. Marcos Jr. na  ilalagay muna niya sa tamang lugar ang “structural changes” sa Department of Agriculture (DA) bago pa bumaba bilang Kalihim ng departamento.

Ito’y upang matiyak ang food security sa bansa.

Sa isang panayam matapos ang formal turnover ceremony, idinaos sa Valenzuela City, ng 20,000 metriko tonelada ng urea fertilizers na dinonate ng Chinese government sa Pilipinas, sinabi ng Pangulo na simula nang maupo siya bilang Kalihim ng DA, nakagawa at nakapaglagay na siya ng ilang substantial changes para tugunan ang mga isyu sa sektor ng agrikultura.

“You know, the truth of the matter is…we have really managed to make some very important structural changes in the Department of Agriculture. So iniisa-isa natin ‘yan. The problem had been during the beginning of this year ay naging crisis lahat ng food supply, food prices, lahat fertilizer prices, et cetera. Kaya napakalaking bagay nitong donation na binigay sa atin ng China,” ayon kay Pangulong Marcos.

Ayon sa Chief Executive, iniisip na niya ang agriculture department na magkaroon ng episyente o mabisang sistema para masiguro ang food security bago bumaba sa puwesto bilang Kalihim ng departamento.

“Kaya’t ang aking hangarin para sa DA ay pag iniwanan ko ang DA by that time, we will have systems in place so that we can guarantee the food supply of the Philippines, number 1; we can guarantee that the prices are affordable; and, number 3, that our farmers make a good living,” ayon sa Punong Ehekutibo.

“Hangga’t matapos natin ‘yun, I suppose you will just have to put up with me as DA Secretary,”dagdag na wika nito.

Bilang kasalukuyang Kalihim ng DA, inilagay na niya sa tamang lugar ang emergency measures para suportahan at tulungan ang mga magsasaka.

“Ngayon, more or less, the prices of the agricultural commodities are beginning to stabilize. Now, we are going to make the structural changes that are important to increase production, number 1; to ensure the food supply of the Philippines, not only rice, but also corn, also fisheries, and livestock,” ayon sa Pangulo.

“So ‘yan ang ating mga ginagawa ngayon para naman hindi na tayo umabot sa krisis na sitwasyon kagaya ng nadatnan natin after the pandemic,” aniya pa rin. (Daris Jose)

NANANATILING normal ang operasyon ng mga power generation plant sa lalawigan ng  Albay.

Sinabi ng Presidential Communications Office, (PCO), wala namang problemang naiulat pa sa ngayon sa Albay kung pag- uusapan ay power supply.

Sa katunayan aniya ay normal ang operasyon ng Tiwi Geothermal plant at ang Bac-man geothermal power plant.

Base sa tinatanggap na ulat ng PCO mula sa Department of Energy (DoE) ay maayos din ang power distribution sa probinsiya.

Sa kabila ng nagkaroon ng power interruption sa Anislag Elementary school na ginagamit na evacuation center, kaagad naman aniyang naibalik ang suplay ng kuryente.

Nabatid na “busted transformer” ang sanhi ng brown out dahil sa overloading.

Samantala, maliban dito ay wala na namang nireport pang insidente ng brown out sa ibang bahagi ng lalawigan. (Ara Romero)

IBINIDA ng economic managers ni Pangulong Ferdinand Marcos Jr.,  sa  Philippine Economic Briefing sa Singapore ang 194 infrastructure flagship projects  na nagkakahalaga ng P8.3 trillion sa ilalim ng Build Better More program ng administrasyong Marcos.

Kabilang dito ang mga proyektong may kinalaman sa physical  connectivity, water resources at agrikultura.

Mahigit kalahati nito ay popondohan ng Official Development Assistance (ODA) habang may  30% naman ay popondohan sa pamamagitan ng  Public-Private Partnerships.

At may bahagi rin ng mga proyekto ay popondohan sa pamamagitan ng Maharlika Investment Fund (MIF).

“We want the Maharlika Fund to be able to finance some of them, not all of them, okay? We have identified another source of funding for this very important infrastructure project that will make a difference in the landscape of the Philippine economy,” ayon kay Finance Secretary Benjamin Diokno.

“We will graduate into an upper-middle-income country soon, maybe in a year or two, and that means we will not be entitled to the same ODA funding so that is another source of funds,” dagdag na wika ni Diokno.

Para naman kay National Economic and Development Authority (NEDA) Secretary Arsenio Balisacan, sinabi nito na ang layunin ng administrasyon na gawing  upper-middle income economy ang bansa ay maaaring makamit sa  2025.

Isa aniya sa tamang daan para makamit ito ay ang mang-akit pa ng mas maraming investors.

“One thing he [President Ferdinand “Bongbong” Marcos Jr.] noticed was that among ASEAN, among our dynamic neighbors, the Philippines has the lowest number of bilateral trade relations. What the president wants is to rapidly expand that,” ani Balisacan.

Sa kabilang dako, sa ilalim ng updated standards ng World Bank, ang isang  upper middle-income economy  ay mayroong gross national income (GNI) per capita sa pagitan ng $4,046 at $12,535.

Taong 2019, ang Pilipinas ay nasa kategorya bilang lower-middle-income country na may GNI per capita sa pagitan ng $1,006 at $3,955.

Samantala, sinabi naman ni  Department of Budget and Management Secretary Amenah Pangandaman  na ang administrasyon ay maglalaan ng sapat na pondo para sa “struggling sectors.”

“We have allocated much of the budget to social transformation, meaning, education will corner 17% of the budget, the health sector will get a boost of 19%, and food security, increased by 30%. Social protection, to ensure no one is left behind in terms of cash assistance and cash programs,” ayon sa Kalihim.

Sa ngayon, hindi pa rin nilalagdaan ng Pangulo ang  MIF bill upang maging ganap na batas na ito,  na mage-establisa sa bansa bilang “first sovereign wealth fund.”

May ilang ekonomista naman ang nagpahayag ng kanilang alalahanin ukol sa panukalang pondo, sinasabing hindi malinaw ang nilalayon nito at mapapansin ang ilang pagkalito hinggil sa kung saan huhugutin ang pondo na gagamtin. (Daris Jose)

INANUNSYO ng Malakanyang na national holiday ang Hunyo 28, 2023 sa buong bansa  bilang pagdiriwang ng Eid’l Adha o  Feast of Sacrifice.

Ang Proclamation No. 258,  may petsang Hunyo 13, 2023 at nilagdaan ni  Executive Secretary Lucas Bersamin, ay nagsasaad na “ang Eid’l Adha  ay isa sa “greatest feasts” ng Islam na ipinagdiriwang ng buong mundo.

“Following the 1444 Hijrah Islamic Lunar Calendar, the National Commission on Muslim Filipinos has recommended that 28 June 2023, Wednesday, be declared a national holiday, in observance of Eid’l Adha,” ang nakasaad sa proklamasyon.

Nakasaad sa Republic Act No. 9849  na  “Tenth day of Zhul Hijja, the Twelfth month of the Islamic Calendar, a national holiday for the observance of Eidul Adha (Eid’l Adha), with a movable date.”

Ang Eid’l Adha  ay ang panghuli sa dalawang kapistahang Islamiko na ipinagdiriwang sa buong mundo bawat taon (ang isa naman ay Eid al-Fitr), at itinuturing bilang nakababanal sa dalawa. (Daris Jose)

SINIGURO ng pamahalaan na gumagana ang makinarya ng gobyerno sa harap ng patuloy na pagbabantay sa aktibidad ng Bulkang Mayon sa Albay gayundin sa Taal at Kanlaon.

Ayon kay DSWD Secretary Rex Gatchalian sa press briefing sa Malakanyang, kumikilos ang lahat ng mga kinauukulang ahensiya ng gobyerno para tugunan ang anumang  pangangailangan ng mga maapektuhang residente ng pinangangambahang pagputok ng bulkan.

Sa katunayan aniya ay tumawag na rin sa kanya si Defense Secretary Gibo Teodoro at nag-alok ng logistics ng kanilang ahensiya.

Bukod dito, nakausap na rin aniya niya si DILG secretary Benhur Abalos at nangakong magpapadala ng mga tauhan ng Metropolitan Manila Development Authority (MMDA).

Samantala, sa pamamagitan ni Abalos, ang royal family ng Arab Emirates ay nagpadala na ng 50 toneladang food items sa bansa. (Daris Jose)

DAPAT na bigyan ng tamang pangangalaga “to the best way possible” ang mga war veterans bilang tanda ng pasasalamat para sa kanilang serbisyo sa bansa.

“One of the essential tasks or jobs of the Secretary of National Defense is to ensure the welfare of our veterans. This is what the President [Ferdinand Marcos Jr.] continues to remind to me and I will strive hard to ensure that they get the best of care, particularly those who cannot care for themselves,” ayon kay  Department of National Defense (DND) Secretary Gilberto “Gibo” Teodoro Jr.  matapos  pangunahan ang ika-125 anibersaryo ng Philippine Independence Day, araw ng LUnes, Hunyo 12, sa  Mausoleo de los Veteranos de la Revolucion (Mausoleum of the Veterans of the Revolution), Manila North Cemetery.

Bilang pagbibigay galang at papuri sa mga bayani, tagapagtanggol at mga makabayan, nag-alay si Teodoro ng bulaklak sa Mausoleo de los Veteranos de la Revolucion kung saan nakalibing ang mga  pumanaw na revolutionaries noong panahon ng  Philippine Revolution taong 1980s at  the Philippine-American War noong 1890s hanggang sa unang bahagi ng 1900s.

Inihalintulad naman ni Teodoro ang kalayaan ng bansa sa isang puno o tao na kailangang patuloy na alagaan at pagyamanin.

“Kailangan, tuluy-tuloy ang pakikibaka, paggamit ng ating mga likas na regalo ng ating Panginoon sa atin, ang ating mga utak, ang ating mga katawan, ang ating pag-iisip, at ambisyon para tuluy-tuloy ang pagsulong ng Republika ng Pilipinas at maging malakas na bansa ito, maging bansa na talagang titingalain sa buong mundo. Iyan palagay ko ang kailangan din nating gunitain ngayon kaalinsabay ng sakripisyo ng ating mga bayani,” paliwanag ni Teodoro.  (Daris Jose)

MALABONG maging dahilan ng pagtaas ng pump prices sa Pilipinas ang naging desisyon ng Saudi Arabia at iba pang miyembro ng Organization of the Petroleum Exporting Countries (OPEC) na tapyasan ang oil production.

Sinabi ni Department of Trade and Industry (DTI) Secretary  Alfredo Pascual sa press briefing sa Malakanyang na  tila isang “defensive strategy” mula sa oil-producing countries ang bagay dahil ang oversupply ay maaaring maging daan para sa pagbaba ng presyo ng langis, idagdag pa na habang ang presyo ng langis ay hindi tumataas, maaari rin ang mga ito na mapigilan na bumaba.

“Eh isang ano ‘to, defensive move para hindi tuluy-tuloy ang pagbaba ng oil, puwede ring hindi magresulta in increase, pero hindi na bababa ng lower level. Kung hindi nga gagalaw ang presyo, eh di neutral,” ani Pacual.

“Kung bumaba pa, baka ma-cut pa uli sila ng production. Gano’n lang naman ‘yon eh, supply and demand, kung mataa ‘yong supply kumpara sa demand, bababa ang price, kung mas mataas ‘yong demand kaysa sa supply, bababa ang price. So ‘yon ang binabalance ng mga producers,” dagdag na wika ni Pascual.

Sinabi pa nito na mayroong epekto sa presyo ng goods kung ang presyo ng langis ay tataas.

Subalit iyon ay kung tataas lamang ang presyo ng langis.

“May impact ‘yan syempre kapag tumaas ang price ng oil pero ang tingin ko nga, baka hindi naman magresulta ng pagtaas overall pero mame-maintain lang where it is para hindi na bumaba,” aniya pa rin. (Daris Jose)

KINILALA ni Vice President Sara Duterte ang “institutional support”  ni dating Vice President Leni Robredo, para sa Office of the Vice President (OVP).

Sa katunayan, pinapahalagahan ni Duterte ang kontribusyon ni  Robredo sa  “Pasidungog,” isang OVP thanksgiving event para sa mga  partners nito  na ang papel at gampanin ay “significant impact in expanding the scope and enriching the socioeconomic programs” ng  OVP sa buong taon.

Hindi naman dumalo si Robredo sa nasabing event, subalit si Angat Buhay Executive Director Raphael Magno ang tumanggap ng plaque para sa kanya.

Maliban kay Robredo, pinagkalooban din ni Duterte ng plaques ang 432 local at private entities, government agencies, at mahahalagang personalidad para sa kanilang kontribusyon sa mga programa ng OVP.

“We are here because of our shared aspiration for our fellow Filipinos — especially those who have been pushed against the wall by poverty and the cycle of violence that comes with it,” ayon kay Duterte.

“We are here because of our mutual trust and respect — and our shared sense of collective responsibility to ensure the overall welfare of our people,” dagdag na wika nito.  (Daris Jose)