Metro Archive - People's Balita

July 28, 2024
Search in People's Balita
Ang Diyaryong Pinagkakatiwalaan

Archive for the ‘Metro’ Category

Crane operator, 2 pa timbog sa P136K shabu sa Valenzuela

Posted on: October 31st, 2022 by @peoplesbalita No Comments

NASAMSAM sa tatlong hinihinalang drug personalties, kabilang ang isang crane operator ang mahigit P.1 milyon halaga ng shabu matapos malambat sa isinagawang buy bust operation ng pulisya sa Valenzuela City.

Kinilala ni Valenzuela police chief Col. Salvador Destura Jr, ang naarestong mga suspek bilang si Ariel Ibañez alyas “Arjay”, 34, Jose Dasigan alyas “Duds”, 46, crane operator, kapwa ng Brgy. Ugong at Jose Garry Pre, 50, carpenter ng Novalichez Quezon City.

Ayon kay Col. Destura, dakong alas-3:30 ng madaling araw nang magsagawa ang mga operatiba ng Station Drug Enforcement Unit (SDEU) sa pangunguna ni PLT Joel Madregalejo ng buy bust operation sa No. 5175 Maya St., Ugong kung saan isang undercover police ang nagawang makipagtransaksyon ng P500 halaga ng shabu kay Ibañez.

Matapos tanggapin ang marked money mula sa police poseur-buyer kapalit ng isang plastic sachet ng shabu ay agad dinamba ng mga operatiba si Ibañez, kasama ang kasabwat nitong si Dasigan at si Pre na nakuhanan naman ng isangsachet ng hinihinalang shabu.

Nakumpiska sa mga suspek ang humigi’t kumulang 20 gramo ng hinihinalang shabu na may standard drug price P136,000, buy bust money, P600 recovered money at dalawang cellphones.

Ani PCpl Christopher Quiao, nahaharap ang mga suspek sa kasong paglabag sa RA 9165 o ang Comprehensive Dangerous Drug Act of 2002. (Richard Mesa)

Kelot isinelda sa pananaksak sa kapitbahay sa Valenzuela

Posted on: October 31st, 2022 by @peoplesbalita No Comments

REHAS na bakal ang kinasadlakan ng 29-anyos matapos pagsasaksakin ang kanyang kapitbahay makaraan ang kanilang mainitang pagtatalo sa Valenzuela City.

Ayon kay Valenzuela police chief Col. Salvador Destura Jr, nahaharap sa kasong frustrated homicide ang suspek na kinilala bilang si Marc Ale Canuto, 29 ng Dela Cruz, Dulong Tangke, Brgy. Malinta.

Lumabas sa imbestigasyon ni PCpl Raquel Anguluan, mataas umano ang boses ng suspek na nanita dahil may nakaharang na bisikleta sa kanyang daanan nang umuwi ito sa kanilang bahay.

Tinangka siyang awatin ng kapitbahay na si Jay, 38, subalit nauwi ang dalawa sa mainitang pagtatalo hanggang sa maglabas ng isang improvised knife si Canuto at inundayan ng apat na saksak sa tiyan ang biktima.

Kaagad isinugod ang biktima sa Valenzuela Emergency Hospital at kalaunan ay inilipat sa Valenzuela Medical Center kung saan siya patuloy na ginagamot habang naaresto naman ang suspek ng rumespondeng mga tauhan ni Sub-Station 4 commander PCpt Ronald Sanchez at narekober sa kanya ang ginamit sa pananaksak na isang improvised knife. (Richard Mesa)

10 arestado sa P292K shabu sa Valenzuela

Posted on: May 9th, 2022 by @peoplesbalita No Comments

NASAMSAM sa sampung hinihinalang sangkot sa ilegal na droga ang halos P.3 milyon halaga ng shabu matapos maaresto sa magkakahiwalay na drug operation ng pulisya sa Valenzuela City.

Ayon kay P/Lt. Joel Madregalejo, hepe ng Station Drug Enforcement Unit (SDEU) ng Valennzuela police, dakong alas-3:30 ng madaling araw nang matimbog ng mga operatiba ng SDEU sa pangunguna ni P/Lt. Doddie Aguirre sa buy bust operation sa East Service Road, Brgy. Paso De Blast dakong alas-3:30 ng madaling araw si Glen Perciano, 41 at Philip Wayne Matthews, 24, matapos bintahan ng P500 halaga ng shabu si PCpl Maverick Jake Perez na umakto bilang poseur-buyer.

Ani PCpl Pamela Joy Catalla, nakuha sa mga suspek ang humigi’t-kumulang 18 grams ng hinihinalang shabu na may standard drug price P122,400, marked money, P1,200 cash, dalawang cellphones at coin purse.

Nauna rito, dakong alas-4:30 ng hapon nang madakma din ng kabilang team ng SDEU sa buy bust operation sa Galas St., Brgy. Bignay si Jhovinal Mosa alyas “Boga”, 40, (miyembro ng Rodriguez Drug Group) matapos bintahan ng P500 halaga ng shabu ang isang police na umakto bilang poseur-buyer.

Nakumpiska sa kanya ang tatlong transprent plastic sachets na naglalaman ng nasa 11 grams ng hinihinalang shabu na may standard drug price P74,800, buy bust money at coin purse.

Habang nasakote din ng isa pang team ng SDEU sa buy bust operation sa Blk 1 Lot 6 Galas St., Northville 2, Brgy. Bignay dakong alas-8:00 ng umaga si John Michael Macario,18, at Jocelyn Abocot, 38.

Ayon kay PSSg Ana Liza Antonio, nakuha sa kanila ang tatlong transparent plastic sachets na naglalaman ng nasa 10 grams ng hinihinalang shabu na may standard drug price P68,000 at P500 marked money.

Sa Brgy. Ugong, naaktuhan ng pang-apat na team ng SDEU sa pangunguna ni P/Lt. Madregalejo na sumisinghot umano ng shabu sina Arnold Estrada alyas “Buboy”, 53, asawa niyang si Rona Estrada, 55, Arjay Martinez “Perry”, 36, Khim Claire Vergara alyas “Claire”, 22 at Avelino Dantes “Abling”, 60, sa loob ng isang bahay sa No. 1134 A. Bernardino St., dakong alas-10:40 ng umaga.

Narekober sa kanila ang isang plastic transparent plastic sachet na naglalaman ng nasa 4 grams ng hinihinalang shabu na may standard drug price P27,200, cellphone at ilang drug paraphernalias. (Richard Mesa)

22 nadakma sa drug operation sa Valenzuela

Posted on: April 18th, 2022 by @peoplesbalita No Comments

UMABOT sa dalawampu’t dalawang hinihinalang drug personalities, kabilang ang tatlong bebot ang nasakote ng pulisya sa magkahiwalay na drug operation sa Valenzuela City.

Ayon kay PLT Joel Madregalejo, hepe ng Station Drug Enforcement Unit (SDEU) ng Valenzuela police, dakong alas-6:50 ng umaga nang magsagawa ang mga operatiba ng SDEU sa pangunguna ni PLT Doddie Aguirre ng buy bust operation sa Herrera St., Brgy. Marulas na nagresulta sa pagkakaaresto kay Harvi Sangil, 33 at Junearch Salazar, 26.

Ani PSSg Ana Liza Antonio, nakuha sa kanila ang humigi’t kumulang 6 grams ng hinihinalang shabu na may standard drug priceP40,800, marked money na isang tunay na P500 bill at dalawang P1,000 boodle money at cellphone.

Dakong 1:20 ng madaling araw nang madakma din ng kabilang team ng SDEU sa buy bust operation sa Road 6, No. 3279, Teachers Village, Brgy. Gen. T De Leon sina Oswaldo Sarmiento, 50, Ricky Ruebela, 37, Jonard Abogado, 27, Robert Ibanez, 53, at Reynaldo Venadas, 57.

Sinabi ni PCpl Christopher Quiao, narekober sa mga suspek ang nasa 2 grams ng hinihinalang shabu na may standard drug price P13,600, P500 marked money, P980 cash, dalawang cellphones at coin purse.

Nauna rito, alas-11:15 ng gabi nang maaktuhan ng isa pang team ng SDEU sa isinagawang validation na sumisinghot amano ng shabu sa loob ng isang walang numerong bahay sa Dahlia St , Brgy. Ugong sina Reneboy Santos, 42, Renaldo Casador Jr, 30, Warren Galguerra, 31, Shiela Mae Cabradilla alyas “Yam-Yam”, 31 at Roan Villavelez, 33.

Nabatid kay PSMS Fortunato Candido, nasamsam sa mga suspek ang isang transparent plastic sachet ng hinihinalang shabu, cellphone at ilang drug paraphernalias.

Habang natimbog din ng kabilang team ng SDEU sina Jaime Valera, 48, (AWOL BJMP personnel), Kimberly Claire Sawal, 28, casino agent, Joel Sebastian, 33, Joshua Abidan, 24, Niño Rogales, 44, German Pereda Jr, 51 at Cesario Sawal, 49, matapos maaktuhang nagsa-shabu sa 11D-10 Camus Cmpd., Gumamela St., Brgy. Gen. T. De Leon bandang alas-11:15 ng gabi sa isinagawang validation.

Ayon kay PSSg Carlos Erasquin Jr, nakumpiska sa mga suspek ang isang unsealed transparent plastic sachet na naglalaman ng hinihinalang shabu na nasa P1,360 ang halaga at ilang drug paraphernalias.

Sa Brgy. Palasan, naaktuhan rin ng mga tauhan ng Valenzuela Police Sub-Station 5 na sumisinghot ng shabu sa loob ng Polo Catholic Public Cemetery alas-2:15 ng hapon sina Jullius William Tecson, 24, Angelo Mariano, 31 at Jude Serito, 23.

Sabi ni PCpl Glenn De Chavez, nakuha sa mga suspek ang isang transparent plastic sachet ng hinihinalang shabu, nakabukas na plastic sachet ng hinihinalang shabu, P700 cash, coin purse, dalawang cellphones at ilang drug paraphernalias. (Richard Mesa)

Riot napigilan, 2 teenagers tiklo sa Molotov bomb sa Malabon

Posted on: March 23rd, 2022 by @peoplesbalita No Comments

NAGAWANG mapigilan ng mga awtoridad ang magaganap sanang riot ng grupo ng mga teenager dahil sa mabilis na pagresponde ng mga ito na nagresulta sa dalawang 18-anyos na lalaki sa Malabon City, kahapon ng madaling araw.

Kinilala ni Malabon police chief Col. Albert Barot ang naarestong mga suspek na sina Mark Jordan Blas alyas “Egloy”, 18, construction worker ng 69 Gulayan, Concepcion at John Mark Diaz alyas “Jamak”, 18 ng Sitio 6, Gulayan, Catmon.

Batay sa imbestigasyon nina PSSg PSSg Mardelio Osting at PCpl Renz Marlon Baniqued, nakatanggap ang mga tanod ng Barangay Potrero ng impormasyon hinggil sa ginagawang paghahanda ng grupo ng mga suspek ng riot sa Durian St. at Mc Arthur Hi-way Brgy. Potrero.

Agad humingi ng tulong ang mga tanod sa Malabon Police Sub-Station 1 na kapwa mabilis rumesponde sa nasabing lugar kung saan naaktuhan ng mga ito ang mga suspek na gumagawa ng Molotov cocktail bomb na nagresulta sa pagkakaaresto sa kanila dakong alas-2:20 ng madaling araw.

Gayunaman, nagawang makatakas ng iba pang kasamahan ng mga suspek matapos magtakbuhan sa iba’t-ibang direksyon nang mapansin ang pagdating mga awtoridad.

Kakasuhan ng pulisya ang mga naarestong suspek ng paglabag sa RA 9516 in relation to Omnibus Election Code of the Philippines. (Richard Mesa)

P13.8 M SHABU, NASABAT SA ISANG HABAL-HABAL DRIVER SA BUY BUST SA CAVITE

Posted on: March 3rd, 2022 by @peoplesbalita No Comments

DUMAYO pa ang isang habal-habal na driver sa Cavite upang magdeliver ng mahigit P13 milyon halaga ng shabu na nagresulta sa kanyang pagkakaaresto sa isang buy bust operation sa Bacoor City, Cavite Martes ng hapon.

Kinilala ang suspek na si Jay-r Fuenteveros y Banal, alias “Panget”, nasa wastong edad ng Hermanos Compound, Bicutan, Parañaque City

Sa ulat, dakong alas-12:00 kamakalawa ng hapon nang nagsagawa ng buy bust operation ng pinagsamang pwersa ng Philippine Drug Enforcement Agency (PDEA) IV-A Cavite PO, PDEA IS, PDEA RO-NCR, AFP, Cavite DEU at Bacoor City Police Station sa Pulong Mabilog St., Brgy Molino IV, Bacoor City, Cavite kung saan target ang suspek.

Ayon kay Asst Regional Director Billy Viray, PDEA IV-A, ang pagkakaaresto sa suspek ay bunsod sa tip ng kanilang confidential informant kung saan nagsagawa ng surveillance sa area na nagresulta sa pagkakaaresto sa suspek

Ayon sa suspek, hindi niya umano alam na droga ang laman ng dala niya sa kanyang habal-habal na idi-deliver sa isang tao sa Cavite at binayaran lamang siya ng P1,000 kapalit ng kanyang pagde-deliver.

Narekober sa suspek ang dalawang kilo ng hinihinalang shabu na may street value na P13,800,000 na nakalagay sa tea bag.

Kasong paglabag sa Sec 5 at 11, Article ii ng RA 9165 ang kinakaharap ng suspek. (GENE ADSUARA)

SUSPEK SA PAGPATAY SA SCAVENGER, ARESTADO

Posted on: February 14th, 2022 by @peoplesbalita No Comments

ARESTADO sa isinagawang follow-up operation ng mga tauhan ng MPD-Station 1 ang tatlong suspek sa pagpatay sa isang 15 anyos na scavenger sa Tondo,Maynila .

Ayon kay MPD-PIO P/Major Philipp Ines, MPD-PIO, kasong murder ang kinakaharap ngayon ng mga suspek na sina Ellan Crisostomo,22, miyembro ng Commando gang; John Andrey Villanueva,21 at si Prince Jack Cabigao, 18,kapwa miyembro gn Sputnik gang at pawing mga taga Tondo.

Napag-alaman na nagtungo sa tanggapan ng nasabing istasyon ng pulisya ang testigong si Renante Balladares na siyang nakakita sa pangyayari nang mabaril at mapatay ang biktimang si Reymart manlangit, 15 anyos sa kahabaan ng Mel Lopez Blvd., malapit sa kanto ng Jacinto St., Tondo upang magbigay ng impormasyon hinggil sa mga suspek.

Agad namang ikinasa ang joint follow up operation ng mga tauhan ng Smokey Mountain PCP at MPD-Station 1 na nagresulta ng pagkakadakip sa tatlong suspek sa eskinita sa Varona St., Tondo.

Narekober sa mga suspek ang isang .357 caliber revolver , .38 caliber revolver ,mga bala at butcher knife.

Nakatakdang iharap sa Manila City Prosecutors Office ang mga suspek para sa Inquest proceedings. (GENE ADSUARA)

Mobile vaccination team sa Navotas, muling iikot

Posted on: February 14th, 2022 by @peoplesbalita No Comments

INANUNSYO ng Pamahalaang Lungsod ng Navotas na muling mag-iikot sa mga barangay ang kanilang vaccination team simula sa February 14, 2022.

Ayon kay Mayor Toby Tiangco, ang mobile vaccination team ay mag house-to-house para magbakuna ng booster na Astrazeneca sa bedridden na mga residente ng lungsod.

Aniya, para mapuntahan ng vaccination team ay kailangan ipalista ang pangalan ng babakunahan, address, at contact details sa kanilang Barangay, mag Text JRT Globe: 0915-2601385, Smart: 0908-8868578, Sun: 0922-8888578 at sa Navoteno Ako Facebook page.

Hanggang February 10, 2022, umabot na sa 21,020 ang kabuuang bilang ng Covid cases sa lungsod, 49 dito ang active cases, 20,338 ang mga gumaling at 633 naman ang binawian ng buhay dahil sa naturang virus.

Muling paalala ng alkalde, ituloy-tuloy lang ang pag-iingat at pagsunod sa safety at health protocols para dire-diretso na rin ang pagbaba ng mga kaso.

“Kung dire-diretso na ang pagbaba ng bilang ng mga nahahawaan ng sakit, mas luluwag na ang mga patakaran at mas marami na rin ang makakabalik sa trabaho. Kaya pagsumikapan po nating tapusin ang COVID-19 para balik-trabaho at eskuwela na ang karamihan,” pahayag niya. (Richard Mesa)

Sekyu kalaboso sa panghahablot ng cellphone

Posted on: January 24th, 2022 by @peoplesbalita No Comments

BAGSAK sa kulungan ang isang security guard matapos hablutin ang bag na may laman cellphone ng 18-anyos na binata sa Valenzuela City, kamakalawa ng gabi.

Kinilala ang naarstong suspek na si Reynaldo Catada, 45, security guard at residente ng Road 3, Lingahan St., Brgy., Malanday na nahaharap sa kasong Robbery Snatching.

Sa imbestigayon ng pulisya, habang nakatayo malapit sa kanilang bahay sa Road 3, Lingahan St., Brgy., Malanday ang biktimang si John Lei Espenida, 18, (pwd), dakong alas-11 ng gabi nang sapilitang agawin ng suspek ang kanyang bag na may laman cellphone na nasa P7,900 ang halaga.

Tinangkang manlaban ng biktima para mabawi ang kanyang bag subalit, hindi niya kinaya ang lakas ng suspek at nauntog sa pader na naging dahilan upang magkaroon siya ng minor injury sa braso.

Matapos nito, mabilis na tumakas ang suspek dala ang bag habang nireport naman ang insidente kay PSMS Roberto Santillan at Pat Dina ng Sub-Station 6 na nagsasagawa ng Oplan Gaulagad sa lugar, kasama ang Barangay Tanod ng Malanday.

Sa isinagawang follow-up operation ng mga pulis sa pangunguna ni PSMS Santillan ay agad namang naaresto ang suspek at nabawi ang bag at cellphone ng biktima. (Richard Mesa)

JOLLIBEE BINONDO, NILOOBAN

Posted on: January 24th, 2022 by @peoplesbalita No Comments

NILOOBAN ng hindi nakilalang salarin ang isang sangay ng fast food chain sa Binondo, Maynila kamakalawa ng kagabi.

Sa ulat ng MPD-PS 11, alas 11:30 ng gabi ng pasukin ng suspek ang Jollibbee fastfood chain sa Quintin Paredes St., Binondo, Maynila.

Nakasuot ang suspek ng facemask, short, T-shirt ,may katamtamang pangangatawan at may taas na 5’4.

Sa imbestigasyon, natuklasan ang panloloob sa Jollibbee kaninang umaga lamang ganap na alas 7 nang pumasok ang store manager na si Hasnah Ali.

Agad umanong napansin ni Ali na bukas na ang kanilang opisina at nang silipin ang kuha ng CCTV sa loob ng establisyimento, nakita ang suspek na sapilitang binuksan ang fire-exit Kung saan siya pumasok.

Agad na nagtungo sa opisina at pwersahan din itong binuksan at naghanap ng maaring makukulimbat pero iniwan ang cash vault ng buo saka umalis.

Gayunman, nang magsagawa ng inventory ang general manager at store manager, nadiskubre na may limang coin bags ang nawawala.

Tinatayang aabot sa P37,500 ang nawawalang pera o kinita ng tindahan.

Patuloy naman ang imbestigasyon ng pulisya sa insidente at follow up operation para sa ikadarakip ng suspek. GENE ADSUARA