2020 February 19 Archive - People's Balita

July 3, 2024
Search in People's Balita
Ang Diyaryong Pinagkakatiwalaan

Archive for February 19th, 2020

Navotas City Hall Child-Minding room, binuksan

Posted on: February 19th, 2020 by @peoplesbalita No Comments

BINUKSAN na ng Pamahalaang Lungsod ng Navotas ang child-minding room sa unang palapag ng city hall para masuportahan ang mga nagtatrabahong kawani at mamamayan ng lungsod na mayroong mga anak na walang mapag-iwanan.

Pinangunahan ni Mayor Toby Tiangco, kasama sina Congressman John Rey Tiangco at iba pang opisyal ng lungsod at barangay, ang pagbabasbas at ribbon-cutting ng Navotas City Hall Child-Minding Room. Sa kanyang talumpati, sinabi ni Mayor Tiangco na isa sa mga pangunahing alalahanin ng magulang na nagtatrabaho at walang mapag-iwanan ng kanilang mga anak ay ang pagkakaroon ng maayos at ligtas na lugar para sa kanilang mga anak.

“Sa pamamagitan ng paglalagay ng child-minding room sa city hall, maaari nang magtrabaho ang ating mga kawani at mag-asikaso ng papeles at iba pang concerns ang ating mamamayan nang hindi nag-aalala sa kanilang mga anak,” pahayag pa ni Mayor Tiangco.

Nagpasalamat naman ang mga magulang sa kanilang butihing alkalde dahil sa ipinatayong child-minding room ay payapa ang kanilang loob at makapagpukos sila sa kanilang mga trabaho dahil nasa maayos at ligtas ang kanilang mga anak. (Richard Mesa)

Ancajas vs Rodriguez, kasado na ang sapakan

Posted on: February 19th, 2020 by @peoplesbalita No Comments

ILALABAN at buong tapang na Ipagtatanggol ni reig-ning International Boxing Federation (IBF) super flyweight world champion Jerwin Ancajas ang kanyang titulo laban kay Mexican challenger Jonathan Rodriguez sa Abril.

Ito ang inihayag ni Top Rank Promotions chief Bob Arum kung saan pinag-aaralan pa ng kanyang grupo kung saan gaganapin ang laban.

Si Rodriguez ang parehong boksingerong makakalaban sana ni Ancajas noong Nobyembre 2 sa Carson, California.
Subalit hindi ito natuloy dahil sa problema sa visa ni Rodriguez.

“Yes (it’s Rodriguez). I did not make the match, one of my people made it. Once we finalized everything, we will announce it. I think that fight will most likely by April 11,” ani Arum na tiniyak naman na wala nang magiging aberya sa pagkakataong ito.

Kailangan aniya maplantsa ang lahat ng dokumento bago pa man ang laban partikular na ang visa na naging pangunahing dahilan para makansela ang laban nito kay Ancajas noong Nobyembre.

“We are still finalizing the site. But you know sometime next week or so, everything will come together. We’ve been announcing two fights for every month but at least two or three fights, so we will have that final advise sometime next week,” ani Arum.

Naging kapalit ni Rodriguez si Chilean Miguel Gonzalez kung saan itinarak ni Ancajas ang impresibong sixth-round knockout win noong Disyembre 7 sa Puebla, Mexico.

Marami pang plano si Arum kay Ancajas dahil matapos si Rodriguez, target ni Arum na isabak ang Pinoy boxer kina World Boxing Council super flyweight champion Juan Francisco Estrada ng Mexico, World Boxing Association super flyweight titleholder Khalid Yafai ng Great Britain at World Boxing Organization champion Kazuto Ioka ng Japan para sa isang unification bout.

Ex- Taguig Mayoral at Congressional bet, nahaharap sa kaso

Posted on: February 19th, 2020 by @peoplesbalita No Comments

NAGSAMPA ng kasong sedition o panggugulo ang isang grupo sa magkapatid na Arnel at Allan Cerefica, pawang mga talunang kandidato sa pagka-Mayor at Congressman noon 2019 midterm election.

Bukod sa kasong sedition, iba pang mga kasong kriminal kagaya ng inciting to sedition, illegal assemblies, public disorder at violation of BP No. 880 ang isinampa laban sa magkapatid ng mga miyembro ng Jeepney Operators and Drivers Association (JODA) at Taguig taxpayer sa Taguig City Prosecutor’s Office kaugnay sa serye ng “illegal assemblies and public and tumultuous uprisings” na naganap noong May 14 at 23, 2019.

Ang mga umano’y illegal assembly ay nangyari matapos lumabas ang resulta ng eleksyon kung saan nanguna sina dating Senator Alan Peter Cayetano at Congressman and filmaker Lino Cayetano ng malaking puntos kontra sa Cerafica brothers.

Parehong mga kaso rin ang isinampa laban kay Andre Polo alias Dre Guez Polo, Gloria Polo, Maria Luisa Roja, Oliver Dinco, Atty. Glenn Chong, Theresa Estanislao Reyes, Jheny Perey Orellana, Karen Mercado, Yolly Lacsaron, Daniel Galmarin, Baby Celso, alias Annie Marie, alias Ma. Fatima, alias Florinda at ilan pang mga John at Jane Does.

Sa pagsampa ng kaso, sinabi ng mga complainant na ang magkapatid na Cerafica at ang kanilang grupo ay iligal na pinagbawalan ang Taguig City officials na gampanan ang kanilang mga trabaho nang magkaroon ng iligal na pagtitipon sa mismong kahabaan ng Pedro Cayetano Boulevard, na isang public road, noong May 14. Pawang walang permit ang mga naturang pagtitipon na ikinainis ng mga na-stranded na residente.

Ayon pa sa reklamong isinampa, ang Cerafica brothers ay nagtawag umano ng pagkilos upang ipakita ang galit o “infliction of acts of hate” sa mga public officers, at meron pang mga binitawang mga libelous na salita laban sa gobyerno dahil umano sa dayaan sa 2019 elections.

“The tumultuous nature of the illegal assemblies is readily apparent from the use of loud speakers, blaring of music, honking of horns and loud shouts of respondents John and Jane Does,” ayon sa isang complainant.

“Respondents have committed a series of actual overt acts showing a concerted and systematic criminal design and purpose to perpetrate the crimes charged…,” dagdag pa sa reklamo.

“We understand that where the acts collectively and individually demonstrate the existence of a common design towards the accomplishment of the same unlawful purpose, conspiracy is evident and all the perpetrators will be liable as principals,” saad pa sa kasong isinampa. (Gene Adsuara)

Ateneo student, tumalon mula sa 9th floor ng gusali

Posted on: February 19th, 2020 by @peoplesbalita No Comments

Nagpakamatay sa pamamagitan ng pagtalon mula sa ika-siyam na palapag ng gusali ang isang kolehiyala ng Ateneo de Manila University sa Quezon City noong Lunes ng umaga.

Sa report ni PMSG Julius Balbuena, imbestigador ng Criminal Investigation and Detection Unit ng Quezon City Police District, alas-11:10 ng umaga (Pebrero 17) nang maganap ang insidente sa harapan ng Chachago Milk Tea na matatagpuan sa No. 29 F. Dela Rosa St., Barangay Loyola Heights, QC.

Ayon sa imbestigasyon, sinasabing tumalon mula sa ika-siyam na palapag ng gusali ng Regis Center sa Katipunan Avenue, Loyola Heights ang Ateneo student, base sa nakuhang school ID sa katawan nito.

Batay sa pahayag sa pulisya ng nakasaksing si Eloisa Bondocan, supervisor ng Chachago Milk Tea, nakatayo siya sa labas nang makita niya na may bumagsak sa nakaparadang Toyota FJ Cruiser na may plakang CAF 2385 at pagkatapos ay tumilapon sa semento.

Nang kaniyang alamin kung ano ang bumagsak ay nakita niya ang katawan ng isang babae na umaagos na ang dugo sa ulo at halos magkalasog-lasog ang katawan kaya agad siyang humingi ng saklolo sa kaniyang mga kasamahan.
Masusi pang iniimbestigahan ng mga awtoridad ang nasabing insidente.

DOST turns over e-scooters to Cauayan City for “smarter mobility”

Posted on: February 19th, 2020 by @peoplesbalita No Comments

THE Department of Science and Technology (DOST) has recently turned over seven electric scooters (e-scooters) to the Cauayan City government in Isabela for pilot testing.

DOST Secretary Fortunato de la Peña said the e-scooter project also aims to empower the city’s tourism services aside from being a cleaner mode of transportation. He emphasized the importance of strong partnership amongDOST and its key partners to help make the project viable, and development possible.

“This simply proves that cooperation among partner agencies — the Local Government of Cauayan City, Isabela State University, DOST Region 2, and the University of the Philippines – many significant things can be achieved,” Dela Peña said in Tagalog during the turn-over.

“One of the major challenges we are currently facing is climate change. Excessive carbon dioxide (CO2) emissions from motor vehicles further accelerate this problem, and most people have also accustomed themselves to traveling short distance using cars. Therefore, introducing cleaner modes of transport is necessary to reduce our carbon footprint,” he added.

The Smarter Mobility E-scooter Project h-is designed to develop efficient, affordable, diversified, and healthier transportation means. It also aims to complement existing transit programs, and reducing traffic congestion in population centers.

According to one of the members of the team that developed the Smarter Mobility technology, the e-scooters use Global Positioning System (GPS) technology which tracks down all the units within an established jurisdictioncalled “Geofence,” to prevent them from being stolen. The scooters were first tested within the UP Diliman grounds and can be controlled using an app.

Present during the E-scooter Project’s Memorandum of Agreement (MOA) signing were Cauayan City Mayor Bernard Faustino M. Dy, DOST-R2 – Regional Director Sancho A. Mabborang, Isabela State University President Dr. Ricmar P. Aquino, UP-IEEE Associate Professor Nestor Michael Tiglao, and FILGENIUS Owner Edgardo G. Vazquez.
The MOA signing was witnessed by Secretary de la Peña, DOST USec. forRegional Operations Brenda L. Nazareth-Manzano, Cauayan City Vice Mayor Leoncio A. Dalin, Jr., ISUExecutive Officer Precila C. Delima, and Cauayan City councilors.

Cauayan City is the first declared Smarter City in the Philippines. The Smarter City Program recognizes the use of science and technology to efficiently provide basic services to the people. It has contributed significantly to the attainment of Goal 11 of the United Nations Sustainability Goals. By Enrico Belga Jr./PAPI Secretariat. (Bishop Jesus “Jemba” M. Basco)

4-MAN PH TEAM SA 3X3 WORLD TOUR, BUO NA

Posted on: February 19th, 2020 by @peoplesbalita No Comments

PINABORAN ni Samahang Basketball ng Pilipinas (SBP) president Al Panlilio kahapon (Martes) ang rekomendasyon ng Selection Committee na isalang sa 4-man Philippine Team na sasabak sa FIBA 3×3 Olympic Qualifying Tournament sina Chooks-To-Go 3×3 top player Joshua Eugene Munzon, Alvin Pasaol, Moala Tautuaa at CJ Perez.

Mula sa mahigit 20 player-candidate, napili ng SBP Selection Committee na pinamumunuan ni Executive Director Sonny Barrios, kasama sina coach Jong Uichico, Pat Aquino, Ronnie Magsanoc at Chooks-to-Go 3×3 Director Eric Altamirano, ang apat na magtatangkang makasikwat ng slots para sa Tokyo Games.

Ang 6-foot-4 na si Munzon ang No.1 ranked 3×3 player sa bansa, miyembro siya ng Pasig sa Chook-to-Go Pilipinas 3×3 at naglalaro sa AMA Online sa PBA D-League. Sumabak din ang Fil-Am swingman sa Saigon Heat at Westports Malaysia Dragons sa Asean Basketball League.

Miyembro naman ng University of the East sa UAAP si Pasaol at kasalukuyang naglalaro sa Zamboanga Family’s Brand Sardines sa Maharlikha Pilipinas Basketball League (MPBL).

Bahagi naman ng 30th SEA Games gold medal team ang 6-foot-8 center na si Tautuaa, ang No.1 overall pick sa 2015 PBA Draft, gayundin si Perez, liyamado sa PBA Rookie-of-the-Year award matapos sandigan ang Columbia Dyip.
Ang 3×3 OQT ay nakatakda sa Marso 18-22 sa Bengaluru, India. Kabuuang 20 koponan ang kompirmadong sasabak sa torneo kung saan nakataya ang Tokyo Olympics slots sa mangungunang tatlong bansa.

Inilabas ng SBP ang desisyon kasabay sa pagpupulong nina International Basketball Federation (FIBA) head of 3×3 basketball Ignacio Soriano at Chooks-to-Go Pilipinas 3×3 chief Ronald Mascariñas bilang paghahanda sa hosting ng Manila leg ng World Tour Masters na nakatakda sa Mayo 2-3 sa SM Megamall Fashion Hall sa Pasig City.

“For us, Chooks-to-Go has been having excellent 3×3 activities. Last year, they sent teams in the World Tour,” pahayag ni Soriano sa media conference matapos ang pagpupulong. “So, we believe that it’s a great move to be back here with Chooks-to-Go on our side. 3×3 really belongs here.”

Inilunsad at inorganisa ng Chooks-to-Go ang 3×3 league na kinikilala ng FIBA. Sumabak din ang Team Philippines sa World Tour Masters sa abroad at Challengers league at nag-host ng Super Quest at Manila Challenger.

Bunsod nito, nakakuha ang bansa ng kinakailangang puntos upang magkwalipika sa Olympic Qualifying Tournament sa Marso sa India.

“The main purpose of this is to discuss our preparation for the Manila Masters. We are just so glad that FIBA is strengthening its ties with us,” pahayag ni Mascariñas, pangulo ng Bounty Agro Ventures Inc.

Iginiit ni Mascariñas na tapik sa balikat sa programa ng bansa sa 3×3 ang hosting ng World Tour kung saan darating ang pinakamahuhusay na player sa mundo, kabilang ang reigning World Tour champion Novi Sad of Serbia at World No. 9 Sakiai Guldel of Lithuania.

“It’s really a treat for Filipino basketball fans as the best clubs in the world are playing on our soil. It will also be a huge boost for our points, this time for the Paris Olympics,” aniya. (E. Rollon)

Hall of Famers, sinala ng PSC

Posted on: February 19th, 2020 by @peoplesbalita No Comments

INUMPISAHAN na ng Philippine Sports Commission (PSC) ang pagpili sa mga ilalagak sa 2020 Philippine Sports Hall of Fame kahapon (Martes) ng umaga sa PhilSports Complex sa Pasig City.

Nangunguna sa Philippine Sports Hall of Fame (PHOF) 2020 Committee sina PSC Chairman William Ramirez bilang tagapangulo, at Philippine Olympic Committee (POC) President Abraham Tolentino na tatalakay sa mga nominasyon at pagpili ng mga kandidato.

“We want to get a good lead time since the selection process is an arduous exercise. We have a lot of athletes truly deserving to be enshrined in Hall of Fame,” esplika ni Ramirez nitong Lunes. “We hope to get more nominations this edition.”

Magsasadya rin sa okasyon ang miyembro ng screening na binubuo nina Games and Amusement Board (GAB) Chairman Abraham Mitra, POC Secretary General Edwin Gastanes, Integrated Cycling Federation of the Philippines o PhilCycling Secretary General Avelino Sumagui; University Athletic Association of the Philippines (UAAP) Executive Director Rene Saguisag Jr., at Philippine Olympians Association President Gilian Akiko Guevara.

Ang HOF o Republic Act No. 8757 ang pagkilala sa mga Pilipinong atleta, coach, at trainor na nagbigay ng kanilang buong kakayanan, talino at husay para sa iaangat ng bansa maliban sa pagbibigay dangal at prestihiyo sa lahing Pilipino sa kabuuang ng kanilan career at pagpapakita ng mabuting ugali bilang atleta.

Unang qualification ang nanalo dapat ng gold medal sa Southeast Asian Games, silver medal sa Asian Games o Asian Cup o regional games, bronze medal sa Olympics, o isang world championship title alinman sa professional o amateur sports.

Ilan sa mga nakalipas na taong nahanay na awardees sina boxing legend Gabriel Elorde, chess player Eugenio Torre, tracksters Lydia de Vega Mercado, at bowlers Rafael ‘Paeng’ Nepomuceno, Olivia ‘Bong’ Coo at iba pa. (REC)

Sangley Airport, pinasinayanan ni Duterte

Posted on: February 19th, 2020 by @peoplesbalita No Comments

PINASINAYANAN ni President Rodrigo Duterte ang Sangley Airport development project na may layuning maibsan ang flight delays at air traffic congestion sa Ninoy Aquino International Airport (NAIA) na sa ngayon ay ongoing pa rin ang construction ng bagong commercial airport kung saan ito ay nakikitang magiging isang international hub.

“I vowed to ride my lastflight as President via Sangley to Davao. I am optimistic that the hub will be finished by the time I end my term ni 2022,” wika ni President Duterte.

Ayon sa report, ang mga team mula sa Macro Asia at China Communications Construction Corp., ay siyang sole bidder upang itayo ang $10 billion na Sangley Point International Airport.

Ang 1,500-hectare na master-planned international airport hub ay magkakaroon ng apat na runways, airside at landside facilities na makapagsasakay ng hanggang 130 million na pasahero kada taon.

Itatayo ang bagong terminal building na magbibigay serbisyo sa may 160 na pasahero na mayroong flight information display system, closed circuit television, x-ray, at baggage handling at weight conveyor. Ang runway ng airport ay mas pinaganda at mayroon na itong precision approach path indicator lights at air ground lighting system.

Isa ito sa mga Build, Build, Build project ng administration ni Duterte sa ilalim ng infrastructure program ng pamahalaan.

Sa taong ito, ang Department of Transportation (DOTr) ay nag-allot ng P500 million upang gumanda pa ang drainage system nito, ililipat sa Sangley airport ang NAIA’s General Aviation Area (Gen-Av) at ang hangars nito na sa ngayon ay nakalagay sa NAIA upang ma-decongest ito.

Sa ngayon, ang airport ay 100 percent operational na ginagamit para sa general aviation. Ang nasabing paglilipat ng general aviation ay binigyan ng suporta ng Philippine Airlines (PAL).

“Owners of Gen-Av aircraft have agreed that they will transfer to Sangley as soon as the hangar facilities exclusively for them are built,” sabi ni DOTr Secretary ArthurTugade.

Sa kanyang inaugural speech, binalaan ni Duterte ang mga business groups at individuals na may dealing sa pamahalaan na huwag mag-corrupt ng officials dahil mawawalan sila ng businesses.

Samantala, ang Cavite provincial government ang nag-award para sa initial phase ng project para sa construction ng Sangley Airport sa consortium ng China Communications Construction Co. Ltd at Macro Asia Corp.

Ang MacroAsia Corp., ay isang conglomerate sa ilalim ng kumpanya ni Lucio Tan.

Ayon sa MacroAsia, kanilang dadalahin ang kanilang comprehensive expertise at best practices sa pagtatayo at operasyon ng Sangley Airport. (LASACMAR)

Tuneup game, sineryoso ng NLEX vs SMB

Posted on: February 19th, 2020 by @peoplesbalita No Comments

MASKI na tuneup game lang ang Phoenix Super Basketball Tournament, dadambahin ni Joseller ‘Yeng’ Guiao ang panalo ng kanyang North Luzon Expressway laban sa San Miguel Beer.

Sa mga ganitong tagpo aniya masisilip ang progreso ng team, sa chemistry at sa focus sa laro patungo sa 45th Philippine Basketball Association Philippine Cup 2020 sa parating na Marso 8.

Nagmaneho ang apat Road Warriors ng mga dobleng pigura para lasingin ang Beermen 103-97 nitong Lunes sa Upper Deck Gymn sa Pasig City.

Pabibo sa Road Warriors ang 14 points ni Joseph Ronald Quinahan, may 11 markers sina Kiefer Isaac Ravena at Bong Galanza. May 10 pts. pa si veteran Paul Asi Taulava.

“Any win is a good win, even if it’s in practice,” suma ni Guiao. “Scrimmages like this is basically trying to feel out ‘yung progress as a team, so it’s a good win to beat San Miguel.

Nag-amuyan lang muna ang magkatunggali, magkatrintas sa 45-45 nang pumasok sa break at nasa unahan ang Beermen 76-74 pagtiklop ng three.

Sinalpak ni Kris Porter ang isang three-pointer para iagwat sa 99-96 ang NLEX 1:17 pa, bago sinigurado ni Ken Ighalo ang panalo para sa isa pang basket 101-95, 22 tikada na lang.

Nawalang saysay ang angas na 15 points ni Moala Tautuaa sa San Miguel, at 14 pts. bawat isa nina Terrence, Arwind Santos at Alex Cabagnot. (REC)

‘Pastillas Scheme’, paiimbestigahan ng Immigration

Posted on: February 19th, 2020 by @peoplesbalita No Comments

IPINAUBAYA na ng Malakanyang kay Bureau o Immigration commissioner Jaime Morente ang responsibilidad na alamin ang katotohanan sa sumbong sa senado na diumano, may umiiral na Pastillas scheme sa immigration sa airport.

Lumabas kasi sa pagdinig ng senado na diumano, ang mga Chinese national na pawang mga pogo worker ay binibigyan ng special treatment ng bid personnel kapag dumarating sa paliparan ng bansa, kapalit nito ay ang pakimkim o halagang 10 libong pisong nakabilot sa papel na tila pastillas.

Ayon kay Presidential spokesperson Salvador Panelo na dapat ay hindi lamang ang regular na trabaho ni commissioner Morente ang ginagawa nito, kundi dapat ay inaalam din nito ang mga sumbong ng anomalya o iregularidad sa kanyang mga nasasakupan.

Walang pwedeng gawin sa ngayon ang palasyo hinggil dito dahil wala namang reklamong idinudulog sa kanila.
Kailangan kasing may basehan munang panghawakan ang palasyo bago sila mag imbestiga.

Nakatitiyak naman si Panelo na malamang ay pinagpaliwanag na ni justice secretary Menardo Guevarra si commissioner Morente hinggil sa bagay na ito.

Hindi naman masiguro ni Panelo kung ang mga report ng iregularidad sa bureau of immigration sa airport ay nakarating na sa Pangulo.

Pero sa ngayon, sinabi ni panelo na wala namang sinasabi pa si pangulong Rodrigo Duterte na wala na itong tiwala kay Morente. (Daris Jose)