2020 August 10 Archive - People's Balita

December 13, 2024
Search in People's Balita
Ang Diyaryong Pinagkakatiwalaan

Archive for August 10th, 2020

P18 bilyong piso, nawawala kada araw – Malakanyang

Posted on: August 10th, 2020 by @peoplesbalita No Comments

HINDI na naitago pa ng Malakanyang ang kaakibat na hindi magandang epekto kung patatagalin pa ang modified enhanced community quarantine (MECQ) lalo na sa National Capital Region.

Ito’y sa kabila ng wala pa namang pasiya sa kung ano ang susunod na quarantine protocol na ipatutupad sa Agosto 18.

Sinabi ni Presidential spokesperson Harry Roque, dito pa lamang sa Metro Manila kasi ay nasa P18 bilyong piso na ang nawawala sa kada araw dahil sa MECQ.

Bagama’t mismong si Pangulong Rodrigo Roa Duterte ang nagsabing ang pinakamabisang paraan para mapababa ang numero ng virus ay patagalin ang MECQ o kaya ang ECQ, hindi na aniya talaga kakayanin pa ito ng ekonomiya.

Bukod aniya sa wala nang mapagkukunan pa ng ayuda ay baka naman mamatay na ang mga tao kung hindi maghahanap buhay sakalit tumagal pa ang MECQ.

“Kung ang tao naman ay hindi makakapagtrabaho, baka mamatay dahil sa kawalan ng hanapbuhay. So, unless si Dr. Leachon po ay pupuwedeng magbigay ng ayuda sa lahat ng nais niya na mapasailalim pa sa MECQ ng dalawang linggo, eh hindi na po talaga kakayanin,” ayon kay Sec. Roque.

Sa ilalim kasi ng MECQ ay limitado pa din ang pagbubukas ng komersiyo habang tigil din ang operasyon ng pampublikong transportasyon na ang tinatamaan ay mga tsuper ng jeep.

Giit ni Sec. Roque, kailangang magtrabaho para mabuhay na siya namang ginagawa na rin ng iba pang mga bansa.

“Kaya nga po ang mensahe po ng ating Presidente, matagal pa po itong COVID, iyan na po ang sinasabi ng WHO, kinakailangan po mabuhay tayo despite and in spite of COVID,” ani Sec. Roque.

” Kinakailangang ingatan po natin ang ating buhay para po tayo ay makapaghanapbuhay. Kaya po nating gawin iyan at ginagawa naman po iyan ng buong daigdig. At hindi lang naman po Pilipinas ang nagkaroon ng surge, 70% po ng mga bansa sa buong daigdig ay nagkaroon ng surge; 70% ng buong daigdig, lumalaban, pinu-pursue po ang pang-araw-araw na buhay nila despite and in spite of COVID,” dagdag na pahayag nito. (Daris Jose)

Semi-bubble sa pro cage league – GAB

Posted on: August 10th, 2020 by @peoplesbalita No Comments

INIREKOMENDA ni Games and Amusements Board (gab) chairman Abraham Kahlil Mitra na mag-semi-bubble para makapag-workout at practice ang professional basketball teams sa mga lugar na kaunti lang ang kaso ng coronavirus gaya NG Batangas, Bataan at Quezon. Ipinaliwanag ng opisyal kamakalawa na puwedeng makapag-ensayo o ehersisyo ang mga mga nasa Philippine Basketball Association (PBA) at maging ang Philippine Football League (PFL). Ang mga lugar na nasa General Community Quarantine o mas mababa ang quarantine status ay mas maluwag base sa inaprubahan na Joint Administrative Order ng Department of Health, GAB at Philippine Sports Commission, Department of Health at Inter-Agency Task Force (IATF) on Emerging Infectious Disease. ”Of course, hindi ito gaya ng (National Basketball Association (NBA) bubble na halos worth $1.5B but the pro teams can enter in a semi bubble as approved by the provisions of the JAO,” aniya. (REC)

Marathon trivia

Posted on: August 10th, 2020 by @peoplesbalita No Comments

Lihis po muna ako sa running tips na ilang araw ko tinalakay.

Ilang trivia sa marathon sa ating bansa noong dekada 80 ang gusto kong i-share sa inyo dear readers.

Alam po ba ninyo ng mga panahong iyon ay wala pang curfew o cutoff time sa mga full-marathon o 42.195-kilometer race?

Hindi pa kasi ma-traffic sa Metro Manila ng mga taong 1980-1989.

At kakit kulelat sa karera ng time na iyon, para ka ring big winner o champion. Sikat din ba!

Bilang last runner na tatawid ng finish line, kasabay mo ang isang motor (hagad) at ambulance with matching wangwang (wee! wee!).

Para ring bida .

Sa isang takbo ng papa ko sa Quezon City Subukan Full-Marathon, kinuwento niya sa akin na nagdrama siyng nahimatay pag-cross ng finishline. Gusto niya kasing maranasan ding balutin ng makapal na kumot at ilublob sa drum na puno ng malamig na tubig.

Sabi niya masarap. Para siyang nasa ‘cloud nine’

***

Patuloy po nating ipanalangin na may matuklasang gamot o iniksiyon para sa Covid-19 pandemic para makabalik na ang lahat sa dati, pati po ang sports events.

Ingat po tayo araw-araw, panatilihing masigla an gating katawan.

***

Kung may na is po pala kayong itanong o gusto ninyong mag-reaksiyon, mag-email lang po kayo sa jeffersoncogriman@gmail.com

Hanggang bukas po uli mg aka-People’s BALITA.

God bless us all! (REC)

PhilHealth record, puno ng ‘super centenarians’ at ‘minor senior citizens?’

Posted on: August 10th, 2020 by @peoplesbalita No Comments

Hindi napigilan ng ilang senador na mairita sa palpak na record at iba pang anomalya sa PhilHealth na lumitaw sa ikalawang araw ng pagdinig sa mataas na kapulungan ng Kongreso.

Lumutang din sa pagtatanong ni Sen. Francis Tolentino ang isyung may ilang benepisaryo na maituturing nang “super centenarian” dahil umaabot ang mga ito sa edad na 120 o higit pa.

Kung totoo umano ito, mapupunta na ang titulo sa Pilipinas, na bansang may pinakamaraming matatanda na nabuhay pa noong panahon nina Apolinario Mabini, Pangulong Emilio Aguinaldo at US General Arthur MacArthur.

Pero lalo pang nagulantang ang mga mambabatas nang matuklasang pati mga maliliit na bata ay nakalista rin bilang senior citizens.

“Kaya ko ito binabanggit kasi baka magka-problema tayo ‘pag ipinatupad na ang national ID system dahil maraming kukunin sa PhilHealth records. You should be doing the cleansing right now,” wika ni Tolentino.

Depensa naman ni PhilHealth Senior Vice President Dennis Mas, nasa proseso na sila ng paglilinis ng kanilang record, pero hindi ito madali dahil kailangan ng proper validation bago mag-alis o magdagdag ng entry.

Naniniwala si Senate President Vicente “Tito” Sotto III na dahil sa mga nalantad na kapalpakan ng PhilHealth officials sa hearing, agad na aalisin ni Pangulong Rodrigo Duterte ang mga opisyal na may kapabayaan.

“The President said last night that he will go hard on these PhilHealth officials. We expect no less than that,” wika ni Sotto.

Legal department ng PHILHEALTH, kailangang unahing linisin sa korapsyon -Sec. Roque

Posted on: August 10th, 2020 by @peoplesbalita No Comments

KUMBINSIDO si Presidential spokesperson Harry Roque na kailangang unahing linisin ang Legal Department ng PHILHEALTH kung gustong masugpo ang korapsiyon sa ahensiya.

Ayon kay Roque, nasa nasabing departamento ang problema gayung batay sa binuong batas sa PHILHEALTH, hindi lang nagsisilbing investigator, piskal kundi executioner din ang legal department.

Aniya kung nais matakpan ang isang anomalya, magagawa ito sa nasabing departamento.

“Well, iyong sinusulong po natin iyong Universal Health Care sa 17th Congress, sinabayan din natin ng imbestigasyon sa mga korapsyon sa PhilHealth. At ang naging conclusion ko mismo ‘no bilang awtor ng Resolution, ang problema talaga sa PhilHealth ay nasa legal department,” ayob kay Sec. Roque.

“Kasi nga doon sa batas na bumuo ng PhilHealth, iyong legal department ang siyang investigator, a fiscal, huwes at saka executioner. At dalawang taon ang nakalipas, iyong GCG, iyong parang nagbabantay sa mga government-owned corporation, binigyan ng ‘zero’ na grado ang PhilHealth kasi doon sa dalawang taon na iyon, sa dami-daming mga kaso na dapat naaksyunan, ‘zero’ ang output ng legal department. So kung ikaw talaga ay magtatakip ng mga anomalya diyan, talagang ang—yayariin mo talaga, diyan sa legal department,” dagdag na pahayag nito.

Sinabi ni Sec. Roque na matagal na niyang sinabi kay PHILHEALTH President Ret Gen Ricardo Morales na dapat nitong malinis ang nasabing departamento lalo pa’t ito umano ang nagtataguyod ng accountability.

“At mula’t mula pa, bago pa si General Morales, sinabihan ko na siya na kinakailangan talaga linisin niya ang legal department na iyan dahil sila talaga iyong nagpo-promote ng accountability. At kapag hindi gumagana iyong legal department, wala talaga – puro korapsyon iyan!,” ayon kay Sec. Roque.

Sa kabilang dako, tinukoy naman ni Sec. Roque si PHILHEALTH Senior Vice President Jojo del Rosario bilang isa sa mga nasa legal department na naging dahilan para mabasura ang reklamo nuon sa Wellmed scam na nasangkot nuon sa ghost dialysis patients controversy.

“Opo, siya pa rin po. Siya po ngayon ang head diyan. Siya po ay Senior VP at siya rin po ang gumawa o nagpa-file ng complaint laban sa WellMed na na-dismiss ng regional trial court; at sa aking tingin, mali. Ito po si Atty. Jojo Del Rosario,” ayon kay Sec. Roque. (Bishop Jesus “Jemba” M. Basco)

‘Face shield scam’ iniimbestigahan na

Posted on: August 10th, 2020 by @peoplesbalita No Comments

Iniimbestigahan na ng PNP Anti-Cybercrime Group (ACG) ang mga reklamo tungkol sa “face shield online scam.”

Ito’y matapos magsilabasan sa social media ang mga post sa FB page, group at marketplace ng mga naghahanap ng daang libo at milyon na suplay ng face shield para ibenta.

Ayon sa ACG, nai-refer na nila sa kanilang Cyber Financial Unit ang nasabing asunto at kasalukuyang ginagawan na ng aksiyon.

Inaalam din nila kung may nagmamanipulate sa demand sa face shield gayundin sa presyo nito.

Siniguro ng ACG na mananagot sa batas ang mga nananamantala sa kasalukuyang sitwasyon.

Pinaalalahanan naman ng PNP ACG ang publiko na mag-ingat at suriin munang maigi ang mga pinapasok na online transactions.

Para sa mga may reklamo, maaring magtext o tumawag sa numerong 0998-598-8116 o pumunta sa website na http://acg.pnp.gov.ph at i-click ang e-complaint icon. (Ara Romero)

Tolentino nais mag-USTe

Posted on: August 10th, 2020 by @peoplesbalita No Comments

ISA sa mga gumawa ng pangalan sa Ateneo de Manila University Lady Eagles sa University Athletic Association of the Philippines (UAAP) women’s indoor volleyball ang player na si Katrina Mae ‘Kat’ Tolentino. Pero kung pagkakataong makapamili ng iba pang mapaglalaruan bukod sa ADMU-Quezon City, sa University of Santo Tomas Golden Tigresses ang pangarap ng Premier Volleyball League (PVL) star. “Maybe, I will say UST as a safe answer,” lahad ng 25 taong gulang, 6-2 ang tangkad na dalaga sa Tiebreaker Vodcast: So She Did!” nitong Martes ng gabi. Nasa pangalawa aniya ang España-based squad dahil marami sa angkan niya, lalo na ang kanyang mga magulang ang mga nagsipag-aral din sa naturang pamnatasan. “Because that’s where my parents went, so that’s safe and a lot of like, my relatives went to UST,” talak pa ng Fil-Canadian na, isa sa key player ng Katipunan-based team at napabilang sa 2014 Ateneo Fab Five. Dumagit si Tolentino ng isang championship sa UAAP Season 81 2019 bago binulilyaso ang Season 82 nitong Marso ng COVID-19. Kasalukuyang nasa Vancouver muna ang balibolista at nakatakdang bumalik sa ‘Pinas para maglaro sa Choco Mucho Flying Titans sa 4th PVL 2020. (REC)

Marcial: PBA hihinto sa FIBA

Posted on: August 10th, 2020 by @peoplesbalita No Comments

BALAK ipagpatuloy ng International Basketball Federation (FIBA) ang delayed windows ng 2021 Asian Cup qualifiers sa darating na Nobyembre’t Pebrero. Kung hindi pa kontrolado ang coronavirus disease 2019 sa November, hahataw ang mga laro sa FIBA sa kaagahan ng papasok na 2021 para matapos ang torneo ng bago matapos ang Agosto. Pinag-aaralan na ng Philippine Basketball Association (PBA) ang options kapag natuloy ang pinaplano ng world governing cage body. “Most of the national team members are pros, so there’s a big chance the PBA would have to stop action once the players take leave for them to play with Gilas,” lahad ng isang league source kahapon. Magmamadali ang PBA na tapusin ang 45th Philippine Cup sa Enero, kung maihahabol ang pagbabalik ng mga laro ng kahit gitna ng Oktubre. Naipahayag na sa nakalipas na linggo ni PBA commissioner Wilfrido Marcial na Marso o Abril ang susunod na 46th PBA 20201 season. Pero sa kasalukuyan kailangan munang tapusin ang PH Cup na natigil noong Mar. 11 dahil sa pandemiya.(REC)

ADVERTISING INSTALLER SINAKSAK NG KAINUMAN

Posted on: August 10th, 2020 by @peoplesbalita No Comments

NASA malubhang kalagayan ang isang 36-anyos na advertising installer matapos saksakin ng kanyang kainuman makaraan ang mainitang pagtatalo sa Malabon city, kamakalawa ng gabi.

Si Crispelito Cebreno ng Sitio 6 Dumpsite, Brgy. Catmon ay isinugod ng kanyang live-in partner sa Lorenzo Ruiz General Hospital bago inilipat sa Tondo Medical Center kung saan ito inoobserbahan sanhi ng saksak sa kaliwang bahagi ng katawan.

Ayon kay Malabon police chief P/Col Jessie Tamayao, kaagad namang naaresto ng rumespondeng pulis ang suspek na si Rolando Vinluan, 55 subalit hindi narekober ang patalim na ginamit sa pananaksak sa biktima.

Sa imbestigasyon nina P/SSgt. Ernie Baroy at P/SSgt. Jose Romeo Germinal II, alas-8:20 ng gabi, nag-iinuman ang biktima at ang suspek sa loob ng bahay ng huli nang mauwi ang dalawa sa mainitang pagtatalo hanggang sa magsuntukan ang mga ito.

“Palaging nagkakaroon ng pagtatalo ang mga iyan kapag nag-iinuman, tapos naaayos naman pero kapag nag-inom ulit, nauungkat yung kanilang mga lumang pinagtatalunan,” ani Sgt. Baroy.

Nang maramdaman ng suspek na natatalo siya sa suntukan ay kumuha ito ng patalim at inundayan ng saksak sa katawan ang biktima.

Sa kabila ng tinamong saksak, nagawang makatakbo ng biktima palabas hanggang sa makahingi ng tulong sa kanyang live-in partner. (Richard Mesa)

DATING COMELEC CHAIRMAN, SIXTO BRILLANTES, PUMANAW NA

Posted on: August 10th, 2020 by @peoplesbalita No Comments

PUMANAW na si dating Commission on Election (Comelec) Chairman Sixt Brillantes.

Ayon kay Comelec Spokespeson James Jimenez, pumanaw si Brillantes dakong alas-11:08 ng umaga ngayong Martes, August 11.

Namuno itong Comelec Chair noong Enero 2011 hanggang Pebrero 2015 .

Sa kasagsagan ng pandemiya, si Brillantes ang iniulat na tinamaan ng sakit na COVID-19.

Sa ngayon ay wala nang iba pang detalyeng ibinahagi ni Jimenez ngunit inaasahan maglalabas ang Comelec ng detalye hinggil sa pagpanaw ng dating Comelec Chair.

Napag-alaman na si Brillantes ay magdiriwang ng kanyang kaarawan sa darating na Agosto 14. (GENE ADSUARA)