• July 3, 2024
  • Search in People's Balita

  • Ang Diyaryong Pinagkakatiwalaan

 

Archive for August, 2020

DILG kumilos na rin vs brgy. chairman at treasurer na nasangkot sa sex scandal

Posted on: August 28th, 2020 by @peoplesbalita No Comments

Kinumpirma ni Department of the Interior and Local Government (DILG) Undersecretary for Barangay Affairs Martin Diño na ilang mga residente ang naghain ng reklamo mula sa Dasmarins, Cavite laban sa kanilang barangay kapitan at barangay treasurer na nasangkot sa sex scandal.

 

Ayon kay Diño, bago pa man mag-resign ang opisyal na tinaguriang Kapitan Estil, nag-utos na raw siya ng imbestigasyon ukol sa iskandalo.

 

Una rito, nag-trending sa social media ang sex scandal nina kapitan at tresurera.

 

Batay sa kuwento, hindi raw kasi akalain ng barangay chairman ng Barangay Fatima Dos na naka-on na pala ang zoom video at naka-focus sa kanya.

 

Sinasabing ang pag-uusapan sana sa zoom video ng iba pang mga barangay officials ay sa isyu sa pagharap sa problema sa COVID pandemic.

 

Pero bago ang zoom meeting, makikita sa kumalat na video na sumimple muna si kapitan at tresurera at kitang-kita sa iba pang mga naka-monitor sa zoom video ang ginagawa nilang pribado sanang gawain.

 

Samantala, kinumpirma naman ng presidente ng association of barangay captains (ABC) na si Jorge Magno na nag-resign na nga si kapitan dahil sa iskandalo.

 

Humingi na rin ng paumanhin si kapitan at si tresurera lalo na at kapwa rin sila may sariling mga pamilya.

 

Nilinaw naman ni Usec. Diño na bagamat nakaligtas na si kapitan sa kasong administratibo matapos mag-resign, hindi pa naman lusot sa gagawing inventory at pag-iimbestiga ng DILG sa liquidation sa pondo ng barangay kung meron mang mga paglabag.

 

Samantala, kinumpirma rin naman ni DILG undersecretary at Spokesperson Jonathan Malaya na nadismaya rin siya nang makarating ang impormasyon.

 

Malinaw aniya na paglabag ito sa Code of Conduct and Ethical Standards of Public Officials and Employees.

 

“If true, this is unbecoming of an elected government official. Tinitiyak po naming iimbestigahan ang insidenting ito at pananagutin ang barangay captain ng kung anong karampatang parusa ng batas sa inasal niya,” ani Usec. Malaya. “The DILG under the leadership of Secretary Eduardo M. Año does not condone nor tolerate such obscene behaviour of any local government official who is expected to conduct himself in a manner befitting his public office.”

 

Sinabi pa ni Usec. Malaya, inatasan na nila ang ipinadalang DILG investigation team na tapusin ng maaga ang imbestigasyon upang malaman ang rekomendasyon kung nararapat bang kasuhan ang mga ito sa Office of the Ombudsman at sa Sangguniang Panlungsod of Dasmariñas.

 

Nanawagan din ang DILG sa Dasmariñas City government na disiplinahin ang naturang kapitan.

WNBL, NBL mga propesyonal na

Posted on: August 28th, 2020 by @peoplesbalita No Comments

KAPWA mga propesyonal na liga na ang Women’s National Basketball League (WNBL) at National Basketball League (NBL) nang bendisyunan ng Games and Amusement Board (GAB) nitong Miyerkoles.

 

Dahil rito, ang WNBL ang magiging unang women’s pro basketball league sa bansa, naunahan pa ang matagal nang plano ng Philippine Basketball Association (PBA).

 

Nasa pitong koponan ang kasalukuyang naglalaro sa WNBL kung saan nangunguna ang mga national cager na sina Janine Pontejos, Afril Bernardino at Gemma Miranda.

 

Ang NBL na ang ikalawang men’s pro hoops league kasunod ng PBA. (REC)

DOH: ‘Karamihan ng namamatay sa COVID-19 sa Pilipinas, edad 60-69’

Posted on: August 28th, 2020 by @peoplesbalita No Comments

Nilinaw ng Department of Health (DOH) na hindi nagbago ang demographics o populasyon ng mga namamatay dahil sa COVID-19 sa bansa.

 

Pahayag ito ng ahensya matapos lumabas ang ulat tungkol sa ilang kaso ng COVID-19 deaths sa mga kabataan.

 


Ayon kay Health Usec. Maria Rosario Vergeire, nasa hanay pa rin ng matatanda at may iba pang iniindang sakit ang bilang ng karamihan sa mga namamatay na kaso ng COVID-19 sa estado.

 

“Demographics are still the same ‘pag tiningnan natin yung deaths natin, nandoon pa rin tayo na mas malaki yung porsyento ang mga namamatay among our elderlies and those with commorbidities.”

 

“Kung titingnan natin yung disaggregation according to age, makikita natin na talagang marami pa rin don sa ‘aged group,’ ibig sabihin mga matatanda.”

 

Paliwanag ni Vergeire, bumaba pa sa 1.28% ang katumbas ng bilang ng mga batang edad 10-taong gulang pababa ang namamatay sa COVID-19 nitong August 25. Mas mababa ito sa 1.43% deaths ng naturang age group noong July 31.”

 

Sa huling tala ng DOH, pinakamataas ang COVID-19 deaths ng mga Pilipino na nasa pagitan ng edad 60 hanggang 69-years old na nasa 28%. Sumunod ang 70-79 age group na 22.58%.

 

“The younger age group, although mayroon tayong numero mga namamatay sa kanila, pero hindi pa ganoon kadami para masabing nagbago na ang demographics ng pagkakamatay due to COVID-19 dito sa ating bansa.”

 

Kung maaalala, sinabi ng World Health Organization – Western Pacific kamakailan na malaking bilang ng infected sa COVID-19 sa rehiyon ay nasa pagitan ng edad 20 hanggang 40 years old.

Babaeng nagsasayaw sa kaarawan ng isang opisyal ng PHILHEALTH sa Region 4-B, iimbestigahan

Posted on: August 28th, 2020 by @peoplesbalita No Comments

IPINAUBAYA na ng Malakanyang sa Task Force  kung anong legal na hakbang ang dapat ikasa hinggil sa lumabas na video ng  isang babaeng sumasayaw na naka- under wear lang sa birthday party ni PhilHealth Regional Vice Presidente Region 4-B Paolo Johann Perez.

 

Ayon kay Presidential spokesperson  Harry Roque bahala na ang Task Force na pinabuo ni Pangulong Rodrigo Roa Duterte kay  Justice Secretary Menardo Guevarra kung anong asunto ang dapat isampa at kung sino ang dapat idemanda.

 

Ang task force na binuo ni Sec. Guevarra ang siyang mangunguna sa imbestigasyon sa mga anomalya sa PhilHealth.

 

Ang mga miyembro ng  task force ay ang Office of the Ombudsman, Commission on Audit, Civil Service Commission, Office of the Executive Secretary, Palace Undersecretary Melchor Quitain, at ang Presidential Anti-Corruption Commission.

 

Sinabi ni Sec. Roque na saklaw ng trabaho ng Task  Force ang pagsilip sa insidente na una na ring nasilip ng Senado.

 

“Alam ninyo po, ang Palasyo naman po ay mayroon na pong task force na binuo at we will be guided by the findings of the task force.
At mayroon naman pong investigation conducted by the Senate as a whole. Iyong mga ebidensiyang nakalap po doon ay tinitingnan din po ng Palasyo. So, pinauubaya na po muna for the time being ng Palasyo sa task force na binuo mismo ng Presidente kung anong mga kaso na dapat isampa at kung sino ang dapat idemenda,” ayon kay Sec. Roque.

 

Makikita sa video na nakaupo sa office chair at napapalibutan ng mga kasamahan nito ang opisyal, habang sinasayawan ng isang babae.

 

Kaugnay nito’y una na umanong iginiit  ni Perez na pinigilan niya ang programa at sa halip ay sinabihan ang kanyang mga staff na kumain na lamang. (Daris Jose)

‘Hinahanap ni Duerte na next PhilHealth chief, magaling sa ‘legal at accounting’

Posted on: August 28th, 2020 by @peoplesbalita No Comments

Posibleng may bago na umanong PhilHealth president at chief executive officer ngayong linggo.

 

Ito ang kinumpirma ni Health Secretary Francisco Duque III.

Ayon kay Duque, sa ngayon ay puspusan na ang paghahanap daw ng Pangulong Rodrigo Duterte sa ipapalit sa nag-resign na Philippine Health Insurance Corporation (PhilHealth) president at CEO Ricardo Morales.

Sinabi pa ni Duque, na tumatayong chairman ng PhilHealth board, ang hinahanap daw ngayon ng Office of the President ay magaling pagdating sa pamamahala sa pinansiyal na aspeto.

 

Kabilang pa raw sa katangian na nais nila ay may background sa legal at sana ay maalam din sa accounting.

 

Kung maalala una nang naghain ng kanyang medical leave si Morales pero nitong nakalipas na araw ay pinakiusapan daw ng Presidente na mag-resign na lamang.

 

“Si Pangulo right now is already looking for a replacement,” ani Duque sa isang press briefing sa Laguna sa pagbubukas ng mega quarantine facility. (Bishop Jesus “Jemba” M. Basco)

PDU30 tinanggap na ang pagbibitiw ni Morales

Posted on: August 28th, 2020 by @peoplesbalita No Comments

Tinanggap na ni Pangulong Rodrigo Duterte ang pagbibitiw ni Philippine Health Insurance Corp. (PhilHealth) president at CEO Ricardo Morales, ayon kay Health Secretary Francisco Duque III.

 

“Tinanggap po natin at ni Pangulo ang kanyang pagbibitiw sa pwesto dahil po sa kanyang kalusugan. Alam po ng lahat na siya po ay may cancer, ito pong lymphoma,” saad ni Duque sa isang press conference sa Calamba, Laguna.

 

Nabatid na ipinasa ni Morales ang kanyang pagbibitiw sa puweto nitong Miyerkules, Agosto 26 na kinumpirma naman ni presidential spokesperson Harry Roque at Senator Christopher “Bong” Go.

Matatandaang sinisisi si Morales ng mga whistleblower sa pag-apruba ng mga overpriced na IT system maging ang pagbibigay ng pondo sa mga pinapaborang ospital.

Samantala,hindi pa rin abswelto sa imbestigasyon si Philhealth president at CEO Ricardo Morales kahit nagbitiw na ito sa pwesto.

Mismong si Justice Sec. Menardo Guevarra ang nagtiyak na tuloy-tuloy ang imbestigasyon ng Task Force Philhealth ukol sa sinasabing talamak na katiwalian sa Philhealth.

Ayon kay Guevarra, sa pangunguna ng Department of Justice katuwang ang iba pang ahensya ng pamahalaan ay umuusad pa rin ang pagsisiyasat ng Task Force Philhealth.

Sa katunayan, ang aniya’y “quiet investigation” ng task force ay maayos ang itinatakbo bagama’t may ilang resource persons sila na hindi nagsasabi ng buong katotohanan o hindi kumpleto ang pahayag.

Sa kabila nito, umaasa ang task force na makakabuo sila ng mga kaso laban sa mga taong responsable o may pananagutan.

Ito ay kahit nananatili pa sa posisyon o wala na sa pwesto ang mga taong sangkot sa isyu ng korapsyon sa Philhealth.
Samantala, naniniwala si Guevarra na ang taong may sapat na karanasan sa “financial management” at malalim na kaalaman sa batas ang nararapat na mamuno sa Philhealth, kapalit ni Morales.

Mainam din aniya na ang magiging bagong pinuno ng Philhealth ay may “charisma” para maka-inspire ng mga tao sa Philhealth upang muling maibalik ang tiwala at respeto ng publiko sa ahensya.

 

Inihayag din ng Malacañang na simple lang ang kuwalipikasyong hinahanap para mapamunuan ang PhilHealth na nababalot ng kontrobersya kaugnay sa umano’y mafia ng korupsyon.

 

Pahayag ito ni Presidential Spokesman Harry Roque matapos magsumite na ng resignation letter si Morales.

 

Sinabi ni Sec. Roque, dapat ay may kasanayan sa pamamalakad ng isang tanggapan o managerial skills ang sinumang mamumuno sa PhilHealth.

 

Ayon kay Sec. Roque, maliban sa naturang kuwalipikasyon, mahalaga din na ang lider ng tanggapan ay marunong magbantay sa kaban ng bayan.

 

Kung hindi hindi umano ito magagawa, talagang mauubos ang resources ng PhilHealth dahil na rin sa personal na interes.

 

“Wala pa naman pong vacancy diyan. Pag-usapan lang natin pag nagkaroon na ng vacancy. Pero ang Presidente dati ko na sinasabi zero tolerance po ‘yan para sa korapsyon. Dapat malinis, walang bahid ang pagkatao. Dapat po may managerial skills at dapat marunong magbantay ng kaban ng bayan dahil kung hindi babantayan talagang pong napakalakas ng tempasyon para ubusin yang kaban ng bayan para sa personal na interes,” ani Sec. Roque. (Daris Jose)

3 NBA games kinansela

Posted on: August 28th, 2020 by @peoplesbalita No Comments

Hindi  itinuloy ang nakatakdang tatlong laro sa NBA playoffs games kahapon, (August 27)  matapos magpahayag ng boycott ang mga koponan bilang protesta sa umano’y nagaganap na krimen kontra sa mga Black-American.

 

Ayon sa ulat, kinansela ang laro ng Milwaukee Bucks vs Orlando Magic, Los Angeles Lakers vs Portland Blazers at Oklahoma City Thunder vs Houston Rockets bilang protesta sa umano’y walang kwentang pamamaril ng kapulisan kay Jacob Blake, isang American-African mula sa Kenosha, Wisconsin.

 

Sa ipinagpalibang laro ngayong araw, target sanang tapusin ng Bucks ang round 1 ng playoffs kontra Magic habang target din ng Lakers na umusad na sa semis at gibain na ang Blazers habang magsasagupa ang Thunder at Rockets na tabla sa serye.

 

Unang nagpahayag ng boycott sa laro ang Bucks na sinundan ng suporta ng mga team sa NBA bilang pagpapakita ng pagkadismaya sa nagaganap na krimen kontra sa mga Black-American.

 

Sinundan ito ng Lakers bilang pagpapakita ng pagkadismaya sa nagaganap na krimen kontra sa mga negro.

 

Ililipat na lang ang mga kinanselang laro sa ibang araw, ayon sa NBA. Hindi  itinuloy ang nakatakdang tatlong laro sa NBA playoffs games kahapon, (August 27)  matapos magpahayag ng boycott ang mga koponan bilang protesta sa umano’y nagaganap na krimen kontra sa mga Black-American.

Ayon sa ulat, kinansela ang laro ng Milwaukee Bucks vs Orlando Magic, Los Angeles Lakers vs Portland Blazers at Oklahoma City Thunder vs Houston Rockets bilang protesta sa umano’y walang kwentang pamamaril ng kapulisan kay Jacob Blake, isang American-African mula sa Kenosha, Wisconsin.

Sa ipinagpalibang laro ngayong araw, target sanang tapusin ng Bucks ang round 1 ng playoffs kontra Magic habang target din ng Lakers na umusad na sa semis at gibain na ang Blazers habang magsasagupa ang Thunder at Rockets na tabla sa serye.

Unang nagpahayag ng boycott sa laro ang Bucks na sinundan ng suporta ng mga team sa NBA bilang pagpapakita ng pagkadismaya sa nagaganap na krimen kontra sa mga Black-American.

Sinundan ito ng Lakers bilang pagpapakita ng pagkadismaya sa nagaganap na krimen kontra sa mga negro.
Ililipat na lang ang mga kinanselang laro sa ibang araw, ayon sa NBA.

TRICYCLE DRIVER BINARIL SA MUKHA

Posted on: August 28th, 2020 by @peoplesbalita No Comments

PINASOK sa loob ng kanilang bahay at malapitang pinagbabaril sa mukha sa harap mismo ng kanyang live-in partner ang isang tricycle driver hindi kilalang suspek subalit himala itong nakaligtas sa lamatayan sa Malabon City, kamakalawa ng gabi.

 

“Parang may sa pusa, siyam yata ang buhay,” pahayag ni Malabon police homicide investigator P/MSgt. Julius Mabasa sa panayam sa kanya sa telepono matapos bisitahin si Albert Micabalo, 27 ng 21 Atis Road, Brgy. Potrero sa MCU hospital makaraang isugod ng kanyang live-in partner na si Shella Manjares.

 

Ayon kay Mabasa, alas-8:30 ng gabi, nasa loob ng kanilang bahay ang biktima at kanyang bahay live-in parther nang sapilitang pasukin ng hindi kilalang gunman na nakasuot ng itim na t-shirt, bull cap at face mask saka walang sabi-sabing pinagbabaril sa mukha si Micabalo bago mabilis na tumakas sa hindi matukoy na direksyon.

 

Sa pahayag ni Manjares at mga kaanak ni Micabalo kay Mabasa at P/SSgt. Ernie Baroy na walang kaaway ang biktima at hindi nila alam ang motibo sa pamamaril sa kanya.

 

Ani Mabasa na nagawa niyang makausap ang biktima bago siya sumailalim sa operasyon at sinabi sa kanya na ang tanging taong nakalaban niya ay isang babae sa kanilang barangay na nagkalat ng mapanirang-puri at mapanirang salita laban sa kanyang live-in partner.

 

Sinabi naman ni Malabon police chief P/Col. Jessie Tamayao na ang biktima at walang criminal record o nasangkot sa ilegal na aktibidad. (Richard Mesa)

3 HULI SA AKTONG NAGSA-SHABU

Posted on: August 28th, 2020 by @peoplesbalita No Comments

KULONG ang tatlong sangkot umano sa illegal na droga kabilang ang isang bebot matapos mahuli sa akto ng mga pulis na sumisinghot ng shabu sa Caloocan city.

 

Kinilala ni Caloocan police chief Col. Dario Menor ang naarestong mga suspek na si Pibrico Lunday, 27, Jeffrey Milanes, 37, at Khim Claire Vergara, 20, pawang ng East Libis St. Brgy. 160 ng lungsod.

 

Alas-4:15 ng madaling araw nang respondehan ng mga tauhan ng Caloocan Police Sub-Station 6 sa ilalim ng pangangasiwa ni P/Capt. Brian Ramirez ang tawag sa telepono mula sa isang concerned citizen hinggil sa nagaganap umanong pot-session sa Blk 4 East Libis St. Brgy. 160.

 

Pagdating sa lugar, nakita ng mga pulis ang mga suspek na sumisinghot ng shabu subalit, nang mapansin ng tatlo ang pagdating ng mga parak ay tinangka ng mga ito na tumakas.

 

Gayunman, nagawang silang maaresto nina PCpl Sherol De Vera at PCpl Joseph Suriaga kung saan nakumpiska sa kanila ang aabot sa 18.7 gramo ng hinihinalang shabu na may standard drug price na P120,000 ang halaga at drug paraphernalias.

 

Kakasuhan ng pulisya ang mga suspek ng paglabag sa Comprehensive Dangerous Drugs Act of 2002 sa Caloocan City Prosecutors Office. (Richard Mesa)

CHED nakiisa sa PSC, DOH, GAB; sumunod tayo sa guidelines

Posted on: August 28th, 2020 by @peoplesbalita No Comments

Nakiisa ang Commission on Higher Education (CHED) sa Philippine Sports Commission (PSC), Games and Amusements Board, at Department of Health sa pagpapanatili ng kaligtasan at kalusugan  ng student-athletes sa gitna ng the coronavirus disease 2019 pandemic.

 

“Safety of our students is the topmost concern,” ani CHED chairman Prospero De Vera at hinimok ang lahat ng atleta na sumunod sa ipinatutupad na guidelines at safety protocols kaugnay sa pagdaraos ng sports.

 

Nag-ugat ang pahayag na ito makaraang umuugong ang usapin sa dalawang collegiate team na University of Santo Tomas (UST) at National University (NU).

 

Buhat pa noong quarantine, inabisuhan na ni De Vera ang mga estudyante sa kolehiyo na manatili na lamang sa kani-kanilang tahanan.

 

Pinasalamatan ni PSC National Training Director Marc Velasco  si  De Vera at siniguro ang buong suporta ng ahensiya sa kaligtasan at kalusugan ng mga atleta.

 

“The PSC will always push to uphold the issuances regarding sports and physical activity and we are happy that CHED is a steady partner when it comes to sports in universities and colleges,” ani  Velasco.

 

Samantala, sa isang pagpupulong, sinabi ni University Athletic Association of the Philippines (UAAP) executive director Rebo Saguisag at Season 83 president Nonong Calano na nakatakda ang UST na tapusin ang imbestigasyon sa kanilang basketball squad.

 

“The fact-finding committee is wrapping up their investigation and will; be forwarding the result to the rector’s office tomorrow.

People's Balita.
All rights reserved. © Copyright 2024.