- December 23, 2024
-
Search in People's Balita
Ang Diyaryong Pinagkakatiwalaan
Archive for October 12th, 2020
Latest photo ni ANGEL, pinagpiyestahan na naman ng netizens
NAGBA-VIRAL ang latest picture ni Angel Locsin na kuha ng isang netizen nang makasabay nitong magsimba o magpunta sa simbahan ang aktres.
In fairness sa kumuha ng picture, natuwa ito na nakita si Angel at gandang-ganda rito. Hindi niya binaggit o binigyan man lang ng pansin kung chubby o tila mas nadagdagan pa ang timbang ng actress sa huling larawan nito na lumabas.
Pero hindi sa mga netizens na talagang pinagpipiyestahan at gulat na gulat sa weight gain ni Angel.
May nagsabi pa na, “Never in my wildest dreams na maiisip ko na tataba ng ganyan si Angel. Sobrang shocked ako dahil mas lalo pa siya tumaba ngayon! She used to be the sexiest woman in her generation and never ko talaga naisip na papayagan ni Angel na lumaki siya ng ganyan.”
Pero dahil sa magagandang bagay at ginagawa ni Angel para sa kanyang mga kababayan, may mga tumutuligsa man dahil sa weight gain niya, marami pa rin ang nagtatanggol rito at nagsasabing kung tumaba man ito, lutang na lutang pa rin ang ganda. (Rose Garcia)
DUTERTE PINAKIUSAPAN SA PAGBABALIK-SABONG
INAPELA ng isang mambabatas kay Pangulong Rodrigo Duterte na pabalikin na ang gamefowl industry o cockfighting sa mga general community quarantine na lugar sa kapuluan.
Sang-ayon kamakalawa kay Ako Bisaya party-list Rep. Sonny Lagon, lumiham siya sa Punong Ehekutibo upang makiusap na payagan na ang mga pasabong na Malaki ang makakatulong sa pagbibigay ng trabaho at pagbangon sa ekonomiya ng bansa.
“I take the liberty of reiterating our collective appeal to his Excellency’s sense of compas- sion for the resumption of cock- fighting in general quarantine areas in the country subject to applicable health and safety pro- tocols which the IATF may prescribe under the new normal,” wika ng congressman sa kanyang sulat na may petsang Oktubre 6 at pinadala na sa Malacañang Palace sa San Miguel, Maynila.
Hinirit ni Lagon, na ligtas nam- ing buksan na ang sabong sa mga GCQ area at payag nman ang mga stakeholder na magpatupad ng kinakailangang patakaran upang matiyak ang kaligtasanng mga mananabong sa Covid-19.
Nasa bilyong piso na rin aniya ang naglaho sa gamefowl, feeds industry at veterinary products sector dahil sa pandemya. (REC)
Slaughter pinagsabihan ni Baldwin
BAGO pa magsabi sa Samahang Basketbaol ng Pilipinas (SBP) upang muling makapaglaro sa Gilas Pilipinas, dapat munang tuldukan ang sabit sa Philippine Basketball Association (PBA) mother ballclub, Barangay Ginebra San Miguel Gin Kings.
Iginiit ito Biyernes ni SBP Program Director Thomas Anthony (Tab) Baldwin kay BGSM free agent Gregory William (Greg) Slaughter na nagbalik na sa bansa ilang araw ang nakalilipas mula sa mahigit kalahating taong training at bakasyon sa Estados Unidos.
Pero maaring nakikipag-ayos naman na ang 32-taong-gulang, may taas na pitong talampakang Fil-Am center.
Sa huling Instagram post niya, nag-goodluck si Slaughter dating kakamping si Japeth Paul Aguilar pa-Clark Freeports and Special Economic Zone bubble na sinagot naman ng huli sana’y muling makasama sila sa pagbabasketbol.
Pagkatulong sa Gin Kings na mapaulo sa trono ng 44th PBA PBA Governors’ Cup nitong Enero, hindi pumirma ng bagong kontrata sa crowd favorite ang higante.
Nag-Tate kaya isinama ni coach Earl Timothy (Tim) Cone sa 15-man lineup ng Ginebra para sa nagbukas na kahapong 45th PBA Philippine Cup 2020 eliminations sa Clark, Angeles City, Pampanga. (REC)
Seniors puwedeng mag-mall, grocery kahit anong oras
KAHIT anong oras ay maaaring lumabas ang mga senior citizens para pumunta sa mga malls at groceries upang bumili ng mga pangunahing pangangailangan
Nilinaw ito ni Presidential Spokesperson Harry Roque matapos iginiit ni National Commission of Senior Citizens Chair Atty. Franklin Quijano na dapat ilaan ang alas-9 hanggang alas- 11 ng umaga ng mga malls at groceries para sa mga senior citizens.
“Unang-una, hindi po pinagbabawalan lumabas ang ating mga seniors para bumili ng kanilang necessities. Pupuwede po silang pumunta sa mga malls, sa groceries kahit anong oras,” ani Roque.
Hindi na aniya kailangang aprubahan pa ito ng Inter-Agency Task Force (IATF) dahil hindi naman pinagbabawalan ang mga senior citizens na lumabas.
Nauna rito, sinabi ni Quijano na maraming senior citizens ang nagre-reklamo dahil hindi sila pinapapasok sa mga groceries at malls. (Ara Romero)
Animam iba’t iba ang naramdaman
NAGSADYA na nitong Huwebes si Gilas Pilipinas women member Jack Danielle Animam sa Taiwan para maglarong basketbol bilang reinforcement.
Nitong Miyerkoles ng gabi napasakamay ng 21-year-old, 6- foot-5 center ang kanyang Taiwanese visa para maging import sa Shih Hsin University na lumalahok sa Taiwan’s Univer- sity Basketball Association.
“Mixed emotions — masaya, excited, malungkot, at kinakabahan,” pahayag ng dalagang basketbolista na double gold medal winner sa 30th Southeast Asian PH 2019 at nagkampeon sa 2016 Southeast Asian Basket- ball Association o SEABA Championship for Men. “Pero mas nangingibabaw ‘yung excitement.” (REC)
KIM, pwede na talagang pumalit sa puwesto ni KRIS
“IBA ‘to, nakakatakot ‘to! Sure na, kahit ako nagda-dubbing kami ni direk, ‘sabi ko, direk, sakit na ng heart ko, labas muna tayo!,” pasabog na rebelasyon ni Kim Chui sa ginanap na virtual mediacon ng pelikulang U-Turn na idinirek ni Der- rick Cabrido kumpara sa Ghost Bride at The Healing.
“Parang ako, hindi ko kayang panoorin, matatakutin kasi ako, so iba ‘yung dating nitong pelikula, iba.
“If napanood mo ‘yung past movies ko, ito na ‘yun, sagad na ‘to. Ito na ‘yung rurok (kakatakutan) hindi ko alam kung may aangat pa ‘to,” kuwento ni Kim.
Reporter sa online ang karakter ni Kim sa U-Turn bilang si Donna na para sumikat siya ay may ginawa siyang bagay na sa bandang huli ay apektado ang pamilya at personal niyang buhay.
Realidad ang kuwento ng pelikula, “totoo ‘to (kuwento) kasi ‘yung iba, tradisyon kasi ‘yun like The Healing parang manggagamot hindi naman natin normal na nakikita ang mga manggagamot sa road (daan) lalo na sa siyudad, unless pumunta ka ng probinsya.
“Yung Ghost Bride, hindi mo rin mami-meet ang ghost bride kung wala kang kakilala.
“Unlike itong U-Turn, lagi nating ginagawa like sa work, lagi tayong gumagawa ng mga headline para sumikat tayo. Some journalist or nagra-write up ang headline nila ay (pasabog) siyempre kailangan para basahin. So lagi tayong nakaka-encounter ng may iba fake news, may iba may dagdag news.
Nakuwento ni Kim na ang The Healing at Ghost Bride ay hindi niya nakikita o katabi ang mga multo dahil kaharap niya camera kapag umaarte siya. Hiwalay na kuha raw ang mga iyon.
“Itong U-Turn, sobrang nakakatakot kasi ngayon lang ako gumawa na kaharap ko mismo ang multo, ganito kalapit kaya nakakatakot talaga,” kuwento ng aktres.
Tinawag na Millennial Horror Queen si Kim, “Ate Kris (Aquino) will always be the horror queen, siyempre siya talaga ang nag-iisa at walang makakagalaw no’n. Meron lang kong millennial nadagdag na word.
“So, sa ibang barangay ako. Ibang distrito po ako. Pero lahat ‘yun ‘queen’ pero mas malayo na ‘yung siyudad niya sa siyudad ko.”
Anyway, mapapanood na ang U-Turn na mula sa Star Cinema at line produce ng Clever Minds Inc sa Oktubre 30 live streaming via KTX.ph, iWant TFC app at website or pay-per-view via Cignal and Sky Cable sa halatang Php150.00.
Bukod kina Kim at Tony Labrusca ay kasama rin si JM De Guzman, Miel Espinosa, Jojit Lorenzo, Alex Medina, Jerry O’hara, Simon Ibarra, Mercedes Cabral, Almira Muhlach, Sky Quizon, Via Antonio, Martin del Rosario, Cris Villonco at Cris Villanueva. (Reggee Bonoan)
PSC P387-M ang utang sa SEAG
KINALAMPAG sa P387M na utang sa iba’t ibang supplier sa pagdaos ng 30th Southeast Asian Games PH 2019 noong Nobyembre 30-Disyembre 11, 2019.
Siniwalat ito nitong Martes pagdinig sa Senado sa Pasay City sa panukalang 2021 budget ng Philippine Sports Commission (PSC) at ng Games and Amusement Board (GAB).
Ipinahayag ni PSC Executive Director Guillermo Iroy, Jr., na nakakatanggap sila ng mga demand letter mula sa iba’t ibang mga supplier na sumisingil ng utang nila o ng pamahalaan sa nabanggit na halaga.
Pinakisuyo na na aniya ng PSC ang nasabing halaga sa Department of Budget and Management (DBM) upang mabayaran ang mga supplier sa lalong madaling panahon.
“In fact there are many too many demand letters we received. Some senators have also received letters from suppliers. We expect that this P387M will soon be released by the DBM,” bulalas ni Atty. Iroy.
Orasaniyang mai-release na ang nasabing pondo ng DBM, kaagad nilang ipapasa ang nhalaga sa Philippine Southeast Asian Games Organizing Committee (PHISGOC), na aayosng mga mga utang sa bawat supplier.
Nasa P6-B ang dapat na badyet ng ng gobyerno sa 11-nation, biennial sportsfest. Pero nasa P1.4B lang naipaluwal na ni PSC Chairman William (Butch) Ramirez kay PHISGOC President at Chief Operating Officer Ramon (Tats) Suzara.
Buhat ang P1B sa Office of the President o kay Pangulong Rodrigo Duterte.
Mabayaran na sana ang mga supplier sa lalong madaling panahon dahil kawawa rin ang ilang mga kompanya sa panahon ng Covid-9 na may pitong buwan na sapul nang tumama sa bansa nitong Marso. (REC)
Pamalit sa Campus Journalism Act of 1991, inihain sa Kamara
PANAHON na para sa bagong batas na magtataguyod sa press freedom ng mga estudyante sa mga pampubliko at pribadong paaralan.
Sa House Bill 7780 o Student Journalists’ Rights Act of 2020 na inihain ni Agusan del Norte Rep. Lawrence Fortun, layon nitong itakda ang hindi kinayang gawin ng Campus Journalism Act of 1991 or Republic Act 7079.
“Maraming butas ang R.A. 7079. Puro generic ang mga probisyon at hindi klaro kung paano mapipigilan ang pagsupil sa mga karapatan ng student journalists. Layon ng House Bill 7780 na gawing diretsahang tugunan ang mga pagkukulang ng R.A. 7079,” ani Fortun.
Halimbawa aniya ay ang funding source ng student publications sa public schools. Sa maintenance and operating expenses budget dapat ng paaralan pondohan ang student publications, hindi mula sa savings.
“Sa ganitong paraan, siguradong may pondong mapagkukunan ang student journalists at kanilang advisers,” dagdag ng mambabatas.
Nakapaloob sa House Bill 7780 na 30 araw mula sa simula ng klase, nalipat na dapat ang pondo para sa student publication sa editors ng pahayagan. Tatlumpung araw din ang taning para mabuo ang editorial board.
Inasinta rin ng panukala ang komposisyon ng editorial board ng student publications, limitadong papel ng faculty adviser, at mga bawal gawin dahil sa censorship. Nakalista ang mga prohibited acts.
Ipinagbabawal sa panukala ang “prior review” at “prior restraint” ng mga opisyal o guro ng paaralan at dahil diyan hindi kailangan ang clearance o approval ng sinumang opisyal o guro ng eskuwelahan. Bawal din na hadlangan ang student journalists para hindi nila magamit ang mga pasilidad at kagamitan nila sa kanilang nakatakdang opisina sa kampus. Bawal hadlangan ng paaralan ang distribusyon ng student publications mula sa labas ng paaralan.
Nakasaad pa na maaaring dumulog sa Department of Education, Commission on Higher Education, or sa korte para sa mga reklamo at kaso tungkol sa campus journalism. (Ara Romero)
MERYL STREEP, JAMES CORDEN, AND NICOLE KIDMAN STAR IN ‘THE PROM’
MERYL Streep, James Corden, Nicole Kidman, Keegan-Michael Key, and Kerry Washington in The Prom, a joyous adaptation of the beloved Broadway musical — directed by Ryan Murphy.
The Prom premieres December 11 on Netflix.
Dee Dee Allen (three-time Academy Award winner Meryl Streep) and Barry Glickman (Tony Award winner James Corden) are New York City stage stars with a crisis on their hands: their expensive new Broadway show is a major flop that has suddenly flatlined their careers. Meanwhile, in small-town Indiana, high school student Emma Nolan (newcomer Jo Ellen Pellman) is experiencing a very different kind of heartbreak: de- spite the support of the high school principal (Keegan-Michael Key), the head of the PTA (Kerry Washington) has banned her from attending the prom with her girl- friend, Alyssa (Ariana DeBose).
When Dee Dee and Barry decide that Emma’s predicament is the perfect cause to help resurrect their public images, they hit the road with Angie (Academy Award winner Nicole Kidman) and Trent (Andrew Rannells), another pair of cynical actors looking for a professional lift. But when their self-absorbed celebrity activism unexpectedly backfires, the foursome find their own lives upended as they rally to give Emma a night where she can truly celebrate who she is.
Directed by Ryan Murphy and also starring Tracey Ullman, Kevin Chamberlin, Mary Kay Place, Logan Riley, Nico Greetham, Sofia Deler, and Nathaniel J. Potvin, The Prom is the spectacular, big-hearted film adaptation of Chad Beguelin, Bob Martin and Matthew Sklar’s award-winning, Tony-nominated Broadway musical. Screenplay by Bob Martin and Chad Beguelin; the film is produced by Ryan Murphy, Dori Berinstein, Bill Damaschke, Alexis Martin Woodall and Adam Anders. (Rohn Romulo)