• December 23, 2024
  • Search in People's Balita

  • Ang Diyaryong Pinagkakatiwalaan

 

Archive for January 7th, 2021

Fajardo babalik na sa Season 46

Posted on: January 7th, 2021 by @peoplesbalita No Comments

Lalong lalakas ang tsansa ng San Miguel Beer na mabawi ang korona sa Philippine Cup dahil magbabalik-aksyon na si six-time MVP June Mar Fajardo.

 

Nakakuha na ng clea­rance si Fajardo mula sa kanyang mga doktor para muling makapag-ensayo at makapaglaro sa susunod na season ng liga.

 

Kaya naman asahan ang mabangis na Beermen sa oras na muli itong tumuntong sa court sa pagbubukas ng PBA Season 46 sa Abril 9.

 

Sumailalim ang 6-foot-10 Cebuano sa ilang buwan na rehabilitasyon matapos magtamo ng leg injury habang nag-eensayo noong Pebrero 2020.

 

“We’re expecting him to play next conference or this season. Dr. George Canlas said may go signal na siya to play,” ani SMC sports director Alfrancis Chua sa prog­ramang The Chasedown.

 

Wala si Fajardo sa Clark bubble noong PBA Season 45 Philippine Cup.

 

Malaking kawalan ito na isa sa dahilan para mahubaran ng titulo ang Beermen na yumuko sa quarterfinals kontra sa Meralco.

 

Inaasahang madaragdagan pa ng puwersa ng Beermen sa susunod na season sa oras na makarekober si ace guard Terrence Romeo sa kanyang injury.

Isiniwalat ni Chua na malaki na rin ang improvement ni Romeo na nagpapagaling sa kanyang shoulder injury na inaasahang tuluyan nang gagaling sa oras na magbukas ang liga sa Abril 9.

‘May batas po’: Maynila walang kukunsintihin sa smuggled COVID-19 vaccine use

Posted on: January 7th, 2021 by @peoplesbalita No Comments

Kahit kaliwa’t kanan na ang mga matataas na opisyal ng gobyernong ipinagtatanggol ang paggamit ng hindi rehistradong mga bakuna laban sa coronavirus disease (COVID-19), nanindigan ang pamahalaang lungsod ng Maynila kinakailangan ang otorisasyon ng Food and Drug Administration (FDA) bago ito iturok ninuman.

 

 

“Bawal na bawal yan. Walang presidente, walang mayor, walang senador na magsasabing [okey lang kahit na walang FDA approval]. Hindi po, may batas po,” ani Manila Mayor Francisco “Isko Moreno” Domagoso, Lunes.

 

 

“Kaya yang mga tolongges na yan pati ilang senador na nagsasabi na hindi kailangan ng FDA, eh kailangan po, huwag natin hikayatin yung mga ilegal.”

 

 

Ito ang sinabi ni Domagoso matapos sabihin ni Pangulong Rodrigo Duterte na naibigay na ang bakuna ng Sinopharm, isang ‘di rehistradong gamot, sa ilang sundalo. Lumabas na ring ginamit na ito maging sa mga kawani ng Presidential Secrutiy Group (PSG).

 

 

May miyembro din ng Gabinete na nabakunahan, ayon kay Interior Secretary Eduardo Año. Hindi naman niya pinangalanan ang opisyal na nabakunahan ng hindi pa aprubado na bakuna.

 

 

Ang palasyo ng Malacañang, kung saan naroroon ang tanggapan ng presidente, ay nasa loob ng Lungsod ng Maynila.

 

 

Ika-28 ng Disyembre lang nang sabihin ni presidential spokesperson Harry Roque na “walang iligal” sa paggamit ng mga naturang bakuna, lalo na’t ang ipinagbabawal ng batas ay ang pagbebenta at pagpapamahagi nito. Iligal pa rin ang pagpapasok nito sa bansa, ayon sa Republic Act 9711, o FDA Act of 2009.

 

 

“Ang ipinagbabawal ay benta. Wala pong bumili ng mga bakuna na naturok sa ating kasundaluhan. Hindi po ipinagbabawal ang pagturok maski hindi pa rehistrado, ‘wag lang ibenta, ‘wag i-distribute. Basahin po natin ang FDA law,” ani Roque, na isang abugado.

 

 

Nakuha pang pagpugayan ni chief presidential legal counsil Salvador Panelo ang mga miyembro ng PSG na nauna nang magpaturok ng COVID-19 vaccines kahit ‘di rehistrado at ipinuslit lang sa Pilipinas, sa dahilang ginawa raw nila ito para protektahan si Duterte.

 

 

“The Presidential Security Group’s action, aside from being legally valid, is consistent with — and pursuant to — its duty of securing the life of the president at all cost,” ani Panelo.

 

 

“Instead of being criticized, these sentinels of the President should be commended for putting their lives on the line.” (Gene Adsuara)

Bagong 25-year ABS-CBN ‘franchise renewal bill’ inihain ni Sotto sa Senado

Posted on: January 7th, 2021 by @peoplesbalita No Comments

Halos walong buwan matapos ipatigil ng National Telecommunications Commission (NTC) ang operasyon ng Kapamilya Network, isang bagong panukalang batas mula sa Senado ang naglalayong maibalik sa himpapawid ang ABS-CBN.

 

Ito ay matapos ihain ni Senate President Vicente “Tito” Sotto III — na kilalang TV host sa karibal na GMA-7 — ang Senate Bill 1967, ngayong ika-4 ng Enero, Lunes.

 

“The bill seeks to renew the franchise of ABS-CBN Corporation granted under Republic Act No. 7966, which is set to expire in March 2020, to another twenty-five (25) years from the date of effectivity of this Act,” ayon sa panukala.

 

“ABS-CBN’s wide reach to Filipinos, alongside with the undeniable advantages of broadcast media relative to mass communication, definitely calls for the immediate renewal of the network’s franchise.”

 

Matatandaang nag-expire ang prangkisa ng ABS-CBN noong ika-4 ng Mayo, 2020 matapos bigong makapagpasa ng batas para mapanatili ito sa ere.

 

Tuluyang naibasura sa komite ng House of Representatives ang nasabing prangkisa noong ika-10 ng Hulyo, 2020 matapos bumoto ang nasa 70 mambabatas kontra rito, habang 11 lamang ang pumabor.

 

Dahil dito, libu-libong manggagawa ng ng istasyon ang nawalan ng trabaho sa pagkakawala ng ilang television at radio stations na affiliated sa ABS-CBN.

 

Bukod pa riyan, itinuturing din ito ng ilan bilang pag-atake sa malayang pamamahayag, bagay na naglilimita ngayon sa libreng impormasyon ng mga television viewers.

 

Ang ilan tuloy sa mga Kapamilya stars, nagsilipatan sa TV5 o ‘di kaya’y patuloy sa pagtratrabaho sa ABS-CBN shows na ipinalalabas sa A2Z Channel 11.

 

Marami sa ngayon ang hindi naaabot ng mass media information sa pamamagitan ng telebisyon, lalo na’t ABS-CBN lang ang nasasagap sa ilang liblib na lugar — bagay na naglalagay sa kanila sa peligro tuwing may kalamidad gaya ng bagyo.

 

“ABS-CBN is the Philippines’ largest entertainment and media network operating various platforms including domestic television, radio networks, worldwide OTT, and online platforms,” ayon kay Sotto.

 

“In September, ABS-CBN is still the top choice of viewers in the Philippines as its viewers nationwide prefer to catch relevant news and inspiring TV series on ABS-CBN as the network registered an average audience share of 45%, or 14 points higher than GMA’s 31%, based on the date from Kantar Media.”

 

Taong 2018 nang makaalitan ni Pangulong Rodrigo Duterte ang istasyon matapos aniya hindi maiere ang ilan niyang patalastas noong 2016 presidential elections, dahilan para sabihin niyang hindi niya ipare-renew ang prangkisa ng network kung siya ang masusunod.

 

Pebrero 2020 nang humingi ng tawad tungkol doon si ABS-CBN president at CEO Carlo Katigbak, bagay na tinanggap naman na raw ni Duterte. (ARA ROMERO)

Bubble training ng national athletes sisimulan ngayong Enero

Posted on: January 7th, 2021 by @peoplesbalita No Comments

Sisimulan na ngayong Enero ang pagsasanay ng national athletes sa isang bubble setup sa Inspire Sports Academy sa Calamba, Laguna.

 

Ayon kay Philippine Sports Commission (PSC) commissioner Ramon Fernandez, makakababalik na sa ensayo ang mga atleta partikular na ang mga naghahangad na makasikwat ng tiket sa Tokyo Olympics.

 

“The bubble training that we are going to do will start this first week of January to really prepare for the Tokyo Olympics,” ani Fernandez sa programang Power and Play.

 

Matagal tagal nang hindi nakapag-ensayo ang mga atleta dahil sa coronavirus disease (COVID-19) pandemic kaya’t kani-kanyang paraan ang mga ito para mapanatili ang magandang kundisyon.

 

Kaya naman malaki ang maitutulong ng bubble trai­ning upang magkaroon ng pormal na training at mga kagamitan para maibalik ang perpektong porma.

 

Ilang qualifying tournaments para sa Olympics ang nakalinya ngayong taon kung saan sasalang ang ilang boxers, karatekas at iba pang atletang magtatangkang humirit ng slot sa Tokyo Games.

 

Sa kasalukuyan, may apat na Pinoy pa lamang ang nakasisiguro ng tiket sa Tokyo Olympics — sina gymnast Carlos Yulo, pole vaulter EJ Obiena, at bo­xers Eumir Marcial at Irish Magno. Umaasa si Fernandez na madaragdagan pa ito.

‘Late submission’: Ilang COVID-19 testing laboratories, sinuspinde – DOH

Posted on: January 7th, 2021 by @peoplesbalita No Comments

Isang laboratoryo na humahawak ng COVID-19 testing ang sinuspinde ng Department of Health (DOH) dahil sa patuloy umano nitong paglabag sa mandato na mag-submit ng mga datos sa itinakdang deadline ng ahensya.

 

Hindi pinangalanan ng ahensya ang pasilidad, pero sinabi ni Health Usec. Maria Rosario Vergeire na isa sa malalaking laboratoryo ang napatawan ng naturang parusa.

 

“We were able to suspend the license of one of big laboratories last December 29 (2020) because of its continuous non-compliant to our reportorial requirement,” ani Vergeire sa isang media forum.

 

“We will refer to our legal office muna, and if they say that we can, then we will be able to provide you (the name of the suspended laboratory).”

 

Bukod sa nasabing pasilidad, apat na laboratoryo pa raw ang nangangambang patawan ng suspensyon.

 

“Mayroon pang apat na ready for issuance kami ng suspension for these laboratories which are continuously non-compliant.”

 

Katuwang ng Health department ang local government units sa pagkalampag sa mga laboratoryo. Pero binigyang diin pa rin ng opisyal ang mga babala ng Inter-Agency Task Force sa maaaring kaharapin ng mga pasilidad na lalabag sa mandato ng kanilang mga lisensya.

 

Umapela si Usec. Vergeire sa mga laboratoryo na maging tapat sa kanilang tungkulin na mag-report ng mga datos ukol sa mga hinahawakang COVID-19 tests.

 

Sa mga nakalipas na buwan, laging nag-uulat ang DOH ng bilang ng mga laboratoryo na hindi nakakapag-submit ng report sa COVID-19 Data Repository System (CDRS).

 

“Kahit tayo ay nasa pandemya, kung talagang hindi namin kayo mahihikayat na tumugon sa hiling ng ating gobyerno ay hindi rin namin kayo mapapayagan na magtuloy kayo ng operations because these are requirements for your license to be sustained.”

 

Inamin ng Health spokesperson na nagkaroon ng technical glitch kamakailan ang CDRS, pero hindi daw ito maituturing na dahilan kung bakit mababa ang bilang ng mga bagong kaso na inireport ng mga laboratoryo sa gitna ng holiday season.

 

“Sandali lang nagka-glitch, naayos naman agad. This did not affected our number so much. Ang nakaapekto talaga ay non-operational laboratories during the holiday and health seeking behaviour of individuals.”

 

“Now we expect yung normalcy babalik na at tayo ay makakakita na ng trend ng mga kaso as all labs will be operational today.”

 

Sa huling tala ng DOH, 154 na ang lisensyadong RT-PCR laboratories sa bansa. Habang 43 ang licensed GeneXpert laboratories. (Bishop Jesus “Jemba” M. Basco)

DINISMIS na agad ng Megastar na si Sharon Cuneta ang pagkukumpara sa kanila ng panganay na anak na si KC Concepcion ng ilang netizens.

Posted on: January 7th, 2021 by @peoplesbalita No Comments

Dahil sa magkasunod na Instagram post ni Sharon na naka-swimsuit siya habang nakaupo sa pool.

 

Size 10 na raw siya at matagal na raw na hindi niya nae-experience ang ganitong size. Pero during her payat days, size 6 raw siya at nagpa-panic na kapag nagiging size 8 siya.

 

Puring-puri naman ng netizens si Sharon at nagiging inspirasyon ngayon, lalo na ng mga matataba.

 

So yun na nga, tinatawag na “hot” si Sharon ngayon at dahil nabanggit nito na parang gusto niyang gayahin ang mga pose ni KC, may nag-comment na mas hot pa raw si Sharon sa anak, lalo na nga at ito ang original.

 

Sinagot ito agad ni Sharon ng ‘wag naman at baka magtampo.

 

***

 

ITINULOY pa rin ng Kapamilya actor na si Ejay Falcon ang taunang pagtulong o pagbibigay niya sa mga kababayan niya sa Mindoro.

 

Nakita namin nang mag-post ang girlfriend ni Ejay na si Jana Roxas nang naging gift-giving nila. Kaya kinamusta namin si Ejay. Nakauwi na raw sila ngayon mula sa Mindoro kunsaan, doon sila nag-New Year kapiling ang pamilya ni Ejay.

 

Dalawang beses pa lang nakakauwi ng Mindoro si Ejay mula ng magkaroon ng COVID-19. Nakauwi raw siya noong medyo nagluwag ng August at ngayon ngang New Year, kaya mas meaningful pa na nakasama niya ang pamilya niya.

 

Taunang ginagawa ni Ejay ang pagsi-share ng blessing sa mga kababayan. May sampung taon na ito at una niya itong ginawa nang makalabas siya ng PBB House. Ayon kay Ejay, masaya siya na kahit na sabihin pang may pandemya, nakapag-share pa rin daw siya kahit paano ng blessing.

 

Dalawang baranggay ang nabigyan niya at wish niya na yearly, madagdagan pa ito. Mga matatanda at bata ang naging recipients ngayon. Nanghihinayang lang ito na hindi niya nagawa ngayon ang paliga niya ng basketball para sa mga kabataan.

 

“Yearly kasi, hinihintay nila yun, inaabangan nilang talaga. Kaso, talagang hindi pa raw allowed. Pero sana this year, kahit hindi Christmas o New Year, maituloy pa rin namin.”

 

Natatawa na lang si Ejay at nagugulat pa rin kung may nag-iisip man na kaya niya ginagawa ang pamimigay at pagpapaligaya sa mga kababayan ay sa dahilang may plano siyang tumakbo sa pulitika in the future.

 

Sabi nga niya, “Bakit nila iisipin yun, paglabas ko pa lang ng PBB, ginagawa ko na ‘to. Yung bata ko no’n, maiisip ko ba pulitika. Masarap lang makita ang mga nangangailangan na masaya, nakakatawa para salubungin ang bagong taon.”

 

Sa isang banda, tuloy-tuloy rin naman ang mga proyekto ni Ejay bilang Kapamilya. May book 2 ang Paano ang Pasko? at mapapanood din siya sa MMK with Arci Munoz ngayong January A2Z channel at ginagawa na rin niya ang historical film na Balangiga1901.

Pope Francis sa kanyang New Year message: ‘We want peace’

Posted on: January 7th, 2021 by @peoplesbalita No Comments

Muling nagpakita sa publiko si Pope Francis matapos na mapilitan itong lumiban sa New Year services ng Simbahang Katolika dahil sa naranasan nitong chronic sciatic pain.

 

 

Kung maaalala, hindi nakadalo ang Santo Papa sa prayer service dahil sa sciatica, na pananakit mula sa ibabang bahagi ng likod hanggang sa ibabang parte ng katawan.

 

 

Sinasabing ito ang unang pagkakataon na hindi nakadalo si Pope Francis sa isang major papal event buhat nang mailuklok ito bilang Catholic pontiff noong 2013.

 

 

Gayunman, hindi nagpakita ng anumang senyales ng sakit ang Santo Papa sa pangunguna nito sa okasyon.

 

 

“Life today is governed by war, by enmity, by many things that are destructive. We want peace. It is a gift,” wika ni Francis.

 

 

“The painful events that marked humanity’s journey last year, especially the pandemic, taught us how much it is necessary to take an interest in the problems of others and to share their concerns,” dagdag nito.

 

 

Karaniwang ibinibigay ang noon blessing mula sa isang bintana kung saan matatanaw ang St. Peter’s Square, ngunit inilipat ito sa loob para maiwasan ang pagtitipon-tipon ng mga tao at mapigilan ang hawaan ng COVID-19.

 

 

Sumentro rin ang okasyon sa mga pahayag ng Santo Papa sa Yemen.

 

 

“I express my sorrow and concern for the further escalation of violence in Yemen, which is causing numerous innocent victims,” ani Francis. “Let us think of the children of Yemen, without education, without medicine, famished.”

Efficacy rate ng Sinovac at SinoPharm, pasok sa benchmark ng WHO- Malakanyang

Posted on: January 7th, 2021 by @peoplesbalita No Comments

PASOK sa benchmark ng World Health Organization (WHO) ang Sinovac at SinoPharm kasunod nang agam agam na mababa ang efficacy rate ng mga bakuna na galing China sa kabila ng mahal nitong presyo.

Ayon kay Presidential Spokesperson Harry Roque na hindi naman totoong mababa ang efficacy rate ng Sinovac at SinoPharm dahil ang 50%efficacy rate ay benchmark lamang ng WHO at base sa ilang pag aaral ng Chinese experts ay nasa 90% ang efficacy rate ng mga nabanggit na bakuna.

Aniya, normal lang sa ngayon na maglaban laban o siraan ang mga vaccine manufacturers dahil kita nila ang nakasalalay dito.

Nilinaw ni Sec. Roque na kukuha ang bansa ng bakuna kung saan mang bansa ito available.

Sa kasalukuyan, tanging ang China lamang ang makapag garantiya na mabibigyan tayo ng bakuna sa unang quarter ng 2021 dahil ang mga bakuna mula sa western countries ay darating pagsapit ng 2nd o 3rd quarter pa ng 2021.

Binigyang diin pa nito na ang mga bakuna na itinurok sa ilang sundalo na galing China ay libre o idinote lamang kung kaya’t hindi totoong mahal ang presyo ng mga bakuna na galing Tsina. (Daris Jose)

Three ‘Filipino BL Series’ Now Streaming on WeTV and iFlix

Posted on: January 7th, 2021 by @peoplesbalita No Comments

HERE are three new Pinoy BL series that remind us that love can be found when and where you can least expect it – and you can watch them for free on WeTV and iflix.

 

QUARANTHINGS: THE SERIES (2020) CAST: Royce Cabrera, Kyo Quijano

DIRECTOR: Pancho Maniquis

 

Quaranthings: The Series follows the friendship of two boys, and how they find themselves falling in love in the midst of a lockdown. When the community quarantine started, those who could, went back home. That’s what all four housemates of Judah and Rocky did. The two people who hardly exchanged two words in the past were the ones left behind. With school out for the overachieving and competitive Judah and no odd jobs for the hardworking and street-smart breadwinner Rocky, they need to find something to keep them going everyday. Unable to do the things that give them meaning, can they survive being alone together? Or will they find meaning with each other.             Watch the series on WeTV.

 

BENXJIM (2020)         

     

CAST: Jerome Ponce, Teejay Marquez
DIRECTOR: Easy Ferrer

 

Benjamin is given an ultimatum – become financially independent in the Philippines or move to America to live with his family. While trying to navigate his way to adulting, he learns that his old neighbor and childhood friend, Jimson, is moving back home to spend Enhanced Quarantine with his family. The guys rekindle their friendship and find something deeper. BenXJim follows the story of two people who go from strangers, to friends, to lovers and back to strangers, but with more memories between them.

Watch Ben X Jim on WeTV and iflix.

 

MY EXTRAORDINARY (2020)   

   

CAST: Enzo Santiago, Darwin Yu
Director: Jolo Atienza

 

MY EXTRAORDINARY follows the colorful story Shake and Ken, two college students who are trying to find a way to express themselves despite society’s many expectations. Ken is a sophomore – popular and good-natured. Shake is a shy freshman and university scholar. After a nasty encounter during a basketball game, the two young men find themselves drawn to each other. While Shake and Ken’s close friends support their growing relationship, Sandee, Ken’s childhood friend, becomes envious and outs him to his conservative widowed mother. This puts a strain on their budding romance, while tension continues to mount at home. Shake and Ken find themselves parting ways, but could this really be the end for these two?

People's Balita.
All rights reserved. © Copyright 2024.